Bachpan

bachchon ke chhote hathon ko chand sitare chhune do chaar kitaben padh kar ye bhi hum jaise ho jaenge let the hands of innocents reach out for stars and moon with education they'd become like us so very soon

udne do parindon ko abhi shokh hawa mein phir laut ke bachpan ke zamane nahin aate

mere rone ka jis mein qissa hai umr ka behtarin hissa hai

kitabon se nikal kar titliyan ghazlen sunati hain tiffin rakhti hai meri man to basta muskuraata hai

mera bachpan bhi sath le aaya ganw se jab bhi aa gaya koi

farishte aa kar un ke jism par khushbu lagate hain wo bachche rail ke dibbon mein jo jhadu lagate hain

duaen yaad kara di gai thin bachpan mein so zakhm khate rahe aur dua diye gae hum

'jamal' har shahr se hai pyara wo shahr mujh ko jahan se dekha tha pahli bar aasman main ne

hum to bachpan mein bhi akele the sirf dil ki gali mein khele the

asir-e-panja-e-ahd-e-shabab kar ke mujhe kahan gaya mera bachpan kharab kar ke mujhe

bhuk chehron pe liye chand se pyare bachche bechte phirte hain galiyon mein ghubare bachche

badi hasrat se insan bachpane ko yaad karta hai ye phal pak kar dobara chahta hai kham ho jae

chup-chap baithe rahte hain kuchh bolte nahin bachche bigad gae hain bahut dekh-bhaal se

main bachpan mein khilaune todta tha mere anjam ki wo ibtida thi

bachpan mein hum hi the ya tha aur koi wahshat si hone lagti hai yaadon se

ab tak hamari umr ka bachpan nahin gaya ghar se chale the jeb ke paise gira diye

faqat mal-o-zar-e-diwar-o-dar achchha nahin lagta jahan bachche nahin hote wo ghar achchha nahin lagta

ek khilauna jogi se kho gaya tha bachpan mein dhundhta phira us ko wo nagar nagar tanha

kaun kahe masum hamara bachpan tha khel mein bhi to aadha aadha aangan tha

ye zindagi kuchh bhi ho magar apne liye to kuchh bhi nahin bachchon ki shararat ke alawa

jis ke liye bachcha roya tha aur ponchhe the aansu baba ne wo bachcha ab bhi zinda hai wo mahnga khilauna tut gaya

ek hathi ek raja ek rani ke baghair nind bachchon ko nahin aati kahani ke baghair

khilaunon ki dukano rasta do mere bachche guzarna chahte hain

apne bachchon ko main baaton mein laga leta hun jab bhi aawaz lagata hai khilaune wala

saton aalam sar karne ke ba'd ek din ki chhutti le kar ghar mein chidiyon ke gane par bachchon ki hairani dekho

mohalle wale mere kar-e-be-masraf pe hanste hain main bachchon ke liye galiyon mein ghubbare banata hun

hamare munh pe us ne aaine se dhup tak phenki abhi tak hum samajh kar us ko bachcha chhod dete hain