Dhoka

wo zahr deta to sab ki nigah mein aa jata so ye kiya ki mujhe waqt pe dawaen na din

parai aag pe roti nahin banaunga

parai aag pe roti nahin banaunga main bhiig jaunga chhatri nahin banaunga agar khuda ne banane ka ikhtiyar diya alam banaunga barchhi nahin banaunga fareb de ke tira jism jiit luun lekin main ped kaat ke kashti nahin banaunga gali se koi bhi guzre to chaunk uthta huun nae makan men khidki nahin banaunga main dushmanon se agar jang jiit bhi jaun to un ki aurten qaidi nahin banaunga tumhen pata to chale be-zaban chiiz ka dukh main ab charaghh ki lau hi nahin banaunga main ek film banaunga apne 'sarvat' par aur is men rail ki patri nahin banaunga parai aag pe roti nahin banaunga main bhig jaunga chhatri nahin banaunga agar khuda ne banane ka ikhtiyar diya alam banaunga barchhi nahin banaunga fareb de ke tera jism jit lun lekin main ped kat ke kashti nahin banaunga gali se koi bhi guzre to chaunk uthta hun nae makan mein khidki nahin banaunga main dushmanon se agar jang jit bhi jaun to un ki aurten qaidi nahin banaunga tumhein pata to chale be-zaban chiz ka dukh main ab charagh ki lau hi nahin banaunga main ek film banaunga apne 'sarwat' par aur is mein rail ki patri nahin banaunga

nazar mila ke mere pas aa ke lut liya

nazar mila ke mire paas aa ke luut liya nazar hati thi ki phir muskura ke luut liya shikast-e-husn ka jalva dikha ke luut liya nigah nichi kiye sar jhuka ke luut liya duhai hai mire allah ki duhai hai kisi ne mujh se bhi mujh ko chhupa ke luut liya salam us pe ki jis ne utha ke parda-e-dil mujhi men rah ke mujhi men sama ke luut liya unhin ke dil se koi us ki azmaten puchhe vo ek dil jise sab kuchh luta ke luut liya yahan to khud tiri hasti hai ishq ko darkar vo aur honge jinhen muskura ke luut liya khusha vo jaan jise di gai amanat-e-ishq rahe vo dil jise apna bana ke luut liya nigah daal di jis par hasin ankhon ne use bhi husn-e-mujassam bana ke luut liya bade vo aae dil o jaan ke lutne vaale nazar se chhed diya gudguda ke luut liya raha kharab-e-mohabbat hi vo jise tu ne khud apna dard-e-mohabbat dikha ke luut liya koi ye luut to dekhe ki us ne jab chaha tamam hasti-e-dil ko jaga ke luut liya karishma-sazi-e-husn-e-azal are tauba mira hi aina mujh ko dikha ke luut liya na lutte ham magar un mast ankhdiyon ne 'jigar' nazar bachate hue dabdaba ke luut liya nazar mila ke mere pas aa ke lut liya nazar hati thi ki phir muskura ke lut liya shikast-e-husn ka jalwa dikha ke lut liya nigah nichi kiye sar jhuka ke lut liya duhai hai mere allah ki duhai hai kisi ne mujh se bhi mujh ko chhupa ke lut liya salam us pe ki jis ne utha ke parda-e-dil mujhi mein rah ke mujhi mein sama ke lut liya unhin ke dil se koi us ki azmaten puchhe wo ek dil jise sab kuchh luta ke lut liya yahan to khud teri hasti hai ishq ko darkar wo aur honge jinhen muskura ke lut liya khusha wo jaan jise di gai amanat-e-ishq rahe wo dil jise apna bana ke lut liya nigah dal di jis par hasin aankhon ne use bhi husn-e-mujassam bana ke lut liya bade wo aae dil o jaan ke lutne wale nazar se chhed diya gudguda ke lut liya raha kharab-e-mohabbat hi wo jise tu ne khud apna dard-e-mohabbat dikha ke lut liya koi ye lut to dekhe ki us ne jab chaha tamam hasti-e-dil ko jaga ke lut liya karishma-sazi-e-husn-e-azal are tauba mera hi aaina mujh ko dikha ke lut liya na lutte hum magar un mast ankhdiyon ne 'jigar' nazar bachate hue dabdaba ke lut liya

tere wadon pe kahan tak mera dil fareb khae koi aisa kar bahana meri aas tut jae

tu bhi sada hai kabhi chaal badalta hi nahin hum bhi sada hain isi chaal mein aa jate hain

wo jit raha hai na mujhe haar raha hai

vo jiit raha hai na mujhe haar raha hai is tarh vo qiston men mujhe maar raha hai hai chehre badalne men use khuub maharat shayad vo gae vaqt men fankar raha hai har baar palat jaati hai jiiti hui baazi lagta hai safon men koi ghhaddar raha hai sahil pe pahunchte hi jise phenk rahe ho ye shakhs bhanvar men tiri patvar raha hai ik khel hai kursi ka mire des men jaari ik putli tamasha yahan har baar raha hai talchhat bhi mayassar nahin ab jaam ki jis ko sunte hain bala ka kabhi mai-khvar raha hai sau baar dil-e-zar ko vo raund ke guzra dil hai ki usi ka hi lagatar raha hai ummid thi jis shakhs pe ta'mir karega 'arshad' vahi karta mujhe mismar raha hai wo jit raha hai na mujhe haar raha hai is tarh wo qiston mein mujhe mar raha hai hai chehre badalne mein use khub mahaarat shayad wo gae waqt mein fankar raha hai har bar palat jati hai jiti hui bazi lagta hai safon mein koi ghaddar raha hai sahil pe pahunchte hi jise phenk rahe ho ye shakhs bhanwar mein teri patwar raha hai ek khel hai kursi ka mere des mein jari ek putli tamasha yahan har bar raha hai talchhat bhi mayassar nahin ab jam ki jis ko sunte hain bala ka kabhi mai-khwar raha hai sau bar dil-e-zar ko wo raund ke guzra dil hai ki usi ka hi lagatar raha hai ummid thi jis shakhs pe ta'mir karega 'arshad' wahi karta mujhe mismar raha hai

muddat hui ek shakhs ne dil tod diya tha is waste apnon se mohabbat nahin karte

zakhm laga kar us ka bhi kuchh hath khula main bhi dhoka kha kar kuchh chaalak hua

jo un masum aankhon ne diye the wo dhoke aaj tak main kha raha hun the couplet plays on the contrast between outward innocence and inner trickery. the beloved’s “ma’soom” eyes become a metaphor for charming appearances that mislead. the speaker’s pain is not momentary; it has stretched into a lasting wound. emotionally, it is a confession of love mixed with regret and enduring hurt.

baghban ne aag di jab aashiyane ko mere jin pe takiya tha wahi patte hawa dene lage

kisi ka yun to hua kaun umr bhar phir bhi ye husn o ishq to dhoka hai sab magar phir bhi the couplet carries a resigned wisdom: lasting, complete belonging in love is rare, yet the heart keeps returning to it. calling beauty and love a “deception” points to their promise of fulfillment that often slips away. still, the repeated “yet even then” shows an unwillingness to stop hoping—despite knowing the truth. it captures the tug between clear-eyed disillusionment and stubborn desire.

fasla nazron ka dhoka bhi to ho sakta hai wo mile ya na mile hath badha kar dekho

aashiqi mein bahut zaruri hai bewafai kabhi kabhi karna

hum use yaad bahut aaenge jab use bhi koi thukraega

aql kahti hai dobara aazmana jahl hai dil ye kahta hai fareb-e-dost khate jaiye

wafaon ke badle jafa kar rahe hain main kya kar raha hun wo kya kar rahe hain

aadmi jaan ke khata hai mohabbat mein fareb khud-farebi hi mohabbat ka sila ho jaise

dhoka tha nigahon ka magar khub tha dhoka mujh ko teri nazron mein mohabbat nazar aai

ek safar mein koi do bar nahin lut sakta ab dobara teri chahat nahin ki ja sakti

ahbab ko de raha hun dhoka chehre pe khushi saja raha hun

mere ba'd wafa ka dhoka aur kisi se mat karna gali degi duniya tujh ko sar mera jhuk jaega

samjha liya fareb se mujh ko to aap ne dil se to puchh lijiye kyun be-qarar hai

yar main itna bhuka hun dhoka bhi kha leta hun

ek baras bhi abhi nahin guzra kitni jaldi badal gae chehre

'khalid' main baat baat pe kahta tha jis ko jaan wo shakhs aakhirash mujhe be-jaan kar gaya

har-chand e'tibar mein dhoke bhi hain magar ye to nahin kisi pe bharosa kiya na jae

ai mujh ko fareb dene wale main tujh pe yaqin kar chuka hun

jin ki khatir shahr bhi chhoda jin ke liye badnam hue aaj wahi hum se begane begane se rahte hain

kis ne wafa ke nam pe dhoka diya mujhe kis se kahun ki mera gunahgar kaun hai

hath chhuda kar jaane wale main tujh ko apna samjha tha