Hawa

kuchh to hawa bhi sard thi kuchh tha tera khayal bhi dil ko khushi ke sath sath hota raha malal bhi

hamara dil sawere ka sunahra jam ho jae

hamara dil savere ka sunahra jaam ho jaae charaghhon ki tarah ankhen jalen jab shaam ho jaae kabhi to asman se chand utre jaam ho jaae tumhare naam ki ik khub-surat shaam ho jaae ajab halat the yuun dil ka sauda ho gaya akhir mohabbat ki haveli jis tarah nilam ho jaae samundar ke safar men is tarah avaz de ham ko havaen tez hon aur kashtiyon men shaam ho jaae mujhe malum hai us ka thikana phir kahan hoga parinda asman chhune men jab nakam ho jaae ujale apni yadon ke hamare saath rahne do na jaane kis gali men zindagi ki shaam ho jaae hamara dil sawere ka sunahra jam ho jae charaghon ki tarah aankhen jalen jab sham ho jae kabhi to aasman se chand utre jam ho jae tumhaare nam ki ek khub-surat sham ho jae ajab haalat the yun dil ka sauda ho gaya aakhir mohabbat ki haweli jis tarah nilam ho jae samundar ke safar mein is tarah aawaz de hum ko hawaen tez hon aur kashtiyon mein sham ho jae mujhe malum hai us ka thikana phir kahan hoga parinda aasman chhune mein jab nakaam ho jae ujale apni yaadon ke hamare sath rahne do na jaane kis gali mein zindagi ki sham ho jae

in charaghon mein tel hi kam tha kyun gila phir hamein hawa se rahe

main tere sang kaise chalun ham-safar tu samundar hai main sahilon ki hawa

main tire sang kaise chalun ham-safar tu samundar hai main sahilon ki hava tu kahan main kahan al-aman al-hazar tu samundar hai main sahilon ki hava tujh se hai sab ye husn-e-jahan mo'tabar tujh ko sajde kare kahkashan sar ba-sar tu harim-e-qamar main hazin-e-sahar tu samundar hai main sahilon ki hava gaah shorida-sar gaah khamosh-tar tujh men poshida hain raaz sab basta-sar tere lal-o-gohar aur main khak-sar tu samundar hai main sahilon ki hava tu baharon ki ja tu libas-e-shajar main khizan ki sada main ghhubar-e-safar tu numud-e-matar main hadis-e-digar tu samundar hai main sahilon ki hava vusat-e-be-karan makhzan-e-sim-o-zar be-had-o-be-nishan teri har rah-guzar tu ba-hadd-e-nazar main kanar-e-safar tu samundar hai main sahilon ki hava main tere sang kaise chalun ham-safar tu samundar hai main sahilon ki hawa tu kahan main kahan al-aman al-hazar tu samundar hai main sahilon ki hawa tujh se hai sab ye husn-e-jahan mo'tabar tujh ko sajde kare kahkashan sar ba-sar tu harim-e-qamar main hazin-e-sahar tu samundar hai main sahilon ki hawa gah shorida-sar gah khamosh-tar tujh mein poshida hain raaz sab basta-sar tere lal-o-gohar aur main khak-sar tu samundar hai main sahilon ki hawa tu bahaaron ki ja tu libas-e-shajar main khizan ki sada main ghubar-e-safar tu numud-e-matar main hadis-e-digar tu samundar hai main sahilon ki hawa wusat-e-be-karan makhzan-e-sim-o-zar be-had-o-be-nishan teri har rah-guzar tu ba-hadd-e-nazar main kanar-e-safar tu samundar hai main sahilon ki hawa

hawa khafa thi magar itni sang-dil bhi na thi hamin ko shama jalane ka hausla na hua

jab khizan aae to patte na samar bachta hai

jab khizan aae to patte na samar bachta hai khali jholi liye viran shajar bachta hai nukta-chin shauq se din raat mire 'aib nikal kyunki jab 'aib nikal jaaen hunar bachta hai saare dar bas isi dar se hain ki kho jaae na yaar yaar kho jaae to phir kaun sa dar bachta hai roz pathrav bahut karte hain duniya vaale roz mar mar ke mira khvab-nagar bachta hai ghham vo rasta hai ki shab bhar use tai karne ke baad subh-dam dekhen to utna hi safar bachta hai bas yahi soch ke aaya huun tiri chaukhat par dar-ba-dar hone ke baa'd ik yahi dar bachta hai ab mare 'aib zada shahr ke shar se sahib shaz-o-nadir hi koi ahl-e-hunar bachta hai 'ishq vo 'ilm-e-riyazi hai ki jis men faris do se jab ek nikalen to sifar bachta hai jab khizan aae to patte na samar bachta hai khali jholi liye viran shajar bachta hai nukta-chin shauq se din raat mere 'aib nikal kyunki jab 'aib nikal jaen hunar bachta hai sare dar bas isi dar se hain ki kho jae na yar yar kho jae to phir kaun sa dar bachta hai roz pathraw bahut karte hain duniya wale roz mar mar ke mera khwab-nagar bachta hai gham wo rasta hai ki shab bhar use tai karne ke baad subh-dam dekhen to utna hi safar bachta hai bas yahi soch ke aaya hun teri chaukhat par dar-ba-dar hone ke ba'd ek yahi dar bachta hai ab mare 'aib zada shahr ke shar se sahib shaz-o-nadir hi koi ahl-e-hunar bachta hai 'ishq wo 'ilm-e-riyazi hai ki jis mein faris do se jab ek nikalen to sifar bachta hai

charagh ghar ka ho mahfil ka ho ki mandir ka hawa ke pas koi maslahat nahin hoti

tu meri ibtida tu meri intiha main samundar hun tu sahilon ki hawa

tu miri ibtida tu miri intiha main samundar huun tu sahilon ki hava teri manzil bane mera har rasta main samundar huun tu sahilon ki hava roz-o-shab mauj-dar-mauj huun dar-ba-dar roz-o-shab sahilon par patakta huun sar haath aata nahin phir bhi daman tira main samundar huun tu sahilon ki hava meri shoridgi ke ye tufan sab meri khamoshiyon ke ye arman sab kuchh nahin ik tiri aarzu ke siva main samundar huun tu sahilon ki hava tu hi manzil miri tu hi had hai miri tujh se vabastagi nam-zad hai miri tu na ho gar to main khud men kho jaunga main samundar huun tu sahilon ki hava khushbuon se tiri ye mahakta safar yuun hi jaari rahega mire auj par tu masafat miri main tira rasta main samundar huun tu sahilon ki hava tu meri ibtida tu meri intiha main samundar hun tu sahilon ki hawa teri manzil bane mera har rasta main samundar hun tu sahilon ki hawa roz-o-shab mauj-dar-mauj hun dar-ba-dar roz-o-shab sahilon par patakta hun sar hath aata nahin phir bhi daman tera main samundar hun tu sahilon ki hawa meri shoridgi ke ye tufan sab meri khamoshiyon ke ye arman sab kuchh nahin ek teri aarzu ke siwa main samundar hun tu sahilon ki hawa tu hi manzil meri tu hi had hai meri tujh se wabastagi nam-zad hai meri tu na ho gar to main khud mein kho jaunga main samundar hun tu sahilon ki hawa khushbuon se teri ye mahakta safar yun hi jari rahega mere auj par tu masafat meri main tera rasta main samundar hun tu sahilon ki hawa

khushbu ko phailne ka bahut shauq hai magar mumkin nahin hawaon se rishta kiye baghair tho fragrance is very fond, to spread around, increase this is nigh impossible, till it befriends the breeze

koi charag jalata nahin saliqe se magar sabhi ko shikayat hawa se hoti hai

kaun taqon pe raha kaun sar-e-rahguzar shahr ke sare charaghon ko hawa jaanti hai

mere suraj aa! mere jism pe apna saya kar badi tez hawa hai sardi aaj ghazab ki hai

hawa ho aisi ki hindostan se ai 'iqbaal' uda ke mujh ko ghubar-e-rah-e-hijaz kare the poet prays for a powerful, grace-like “wind” that can sweep him away from his present life in hindustan and take him to the sacred path of hijaz (the region of makkah–madinah). calling himself mere “dust” suggests humility and self-effacement, while the wind symbolizes spiritual force and destiny. the emotional core is yearning for closeness to holy places and inner renewal through the journey.

agarche zor hawaon ne dal rakkha hai magar charagh ne lau ko sambhaal rakkha hai

nahin hai mere muqaddar mein raushni na sahi ye khidki kholo zara subh ki hawa hi lage

chhed kar jaise guzar jati hai doshiza hawa der se khamosh hai gahra samundar aur main

falak par udte jate baadalon ko dekhta hun main hawa kahti hai mujh se ye tamasha kaisa lagta hai

ulat rahi thin hawaen waraq waraq us ka likhi gai thi jo mitti pe wo kitab tha wo

ek jhonka hawa ka aaya 'zeb' aur phir main ghubar bhi na raha

jurm-e-ulfat pe hamein log saza dete hain kaise nadan hain shoalon ko hawa dete hain

hawa to hai hi mukhalif mujhe daraata hai kya hawa se puchh ke koi diye jalata hai kya

tez hawa ne mujh se puchha ret pe kya likhte rahte ho

hawa darakhton se kahti hai dukh ke lahje mein abhi mujhe kai sahraon se guzarna hai

tere badan ki khalaon mein aankh khulti hai hawa ke jism se jab jab lipat ke sota hun

ye hawa yun hi khak chhanti hai ya koi chiz kho gai hai yahan

aaj lab-e-guhar-fishan aap ne wa nahin kiya tazkira-e-khajista-e-ab-o-hawa nahin kiya

mera kamal ki main is faza mein zinda hun du'a na milte hue aur hawa na hote hue

kyun na apni khubi-e-qismat pe itraati hawa phul jaise ek badan ko chhu kar aai thi hawa

hawa chali to koi naqsh-e-motabar na bacha koi diya koi baadal koi shajar na bacha

shajar se bichhda hua barg-e-khushk hun 'faisal' hawa ne apne gharane mein rakh liya hai mujhe