Raasta

'faiz' thi rah sar-ba-sar manzil hum jahan pahunche kaamyab aae

jidhar jate hain sab jaana udhar achchha nahin lagta

jidhar jaate hain sab jaana udhar achchha nahin lagta mujhe pamal raston ka safar achchha nahin lagta ghhalat baton ko khamoshi se sunna haami bhar lena bahut hain faede is men magar achchha nahin lagta mujhe dushman se bhi khuddari ki ummid rahti hai kisi ka bhi ho sar qadmon men sar achchha nahin lagta bulandi par unhen mitti ki khushbu tak nahin aati ye vo shakhen hain jin ko ab shajar achchha nahin lagta ye kyuun baaqi rahe atish-zano ye bhi jala daalo ki sab be-ghar hon aur mera ho ghar achchha nahin lagta jidhar jate hain sab jaana udhar achchha nahin lagta mujhe pamal raston ka safar achchha nahin lagta ghalat baaton ko khamoshi se sunna hami bhar lena bahut hain faede is mein magar achchha nahin lagta mujhe dushman se bhi khuddari ki ummid rahti hai kisi ka bhi ho sar qadmon mein sar achchha nahin lagta bulandi par unhen mitti ki khushbu tak nahin aati ye wo shakhen hain jin ko ab shajar achchha nahin lagta ye kyun baqi rahe aatish-zano ye bhi jala dalo ki sab be-ghar hon aur mera ho ghar achchha nahin lagta

kash wo raste mein mil jae mujh ko munh pher kar guzarna hai

do qadam sath kya chala rasta

do qadam saath kya chala rasta ban gaya mera ham-nava rasta bichhda apne musafiron se jab kitna mayus ho gaya rasta sab hain manzil ki justuju men yahan kaun dekhe bura bhala rasta aisi hone lagi thakan us ko din ke dhalte hi so gaya rasta phir nai kaenat dekhunga mere andar agar mila rasta tu bada khush-nasib hai 'azar' tujh pe asan ho gaya rasta do qadam sath kya chala rasta ban gaya mera ham-nawa rasta bichhda apne musafiron se jab kitna mayus ho gaya rasta sab hain manzil ki justuju mein yahan kaun dekhe bura bhala rasta aisi hone lagi thakan us ko din ke dhalte hi so gaya rasta phir nai kaenat dekhunga mere andar agar mila rasta tu bada khush-nasib hai 'azar' tujh pe aasan ho gaya rasta

yahan kisi ko koi rasta nahin deta mujhe gira ke agar tum sambhal sako to chalo

kyun chalte chalte ruk gae viran rasto tanha hun aaj main zara ghar tak to sath do

wo kya manzil jahan se raste aage nikal jaen so ab phir ek safar ka silsila karna padega

yun teri rahguzar se diwana-war guzre kandhe pe apne rakh ke apna mazar guzre

safar ka ek naya silsila banana hai ab aasman talak rasta banana hai

hum aap ko dekhte the pahle ab aap ki rah dekhte hain

kati hui hai zamin koh se samundar tak mila hai ghao ye dariya ko rasta de kar

tu kabhi is shahr se ho kar guzar raston ke jal mein uljha hun main

phir usi qabr ke barabar se zinda rahne ka rasta nikla

ajab nahin ki ye dariya nazar ka dhoka ho ajab nahin ki koi rasta nikal aae

yaqinan rahbar-e-manzil kahin par rasta bhula wagarna qafile ke qafile gum ho nahin sakte

musafir tera zikr karte rahe mahakta raha rasta der tak

koi rasta kahin jae to jaanen badalne ke liye raste bahut hain

main khud hi apne taaqub mein phir raha hun abhi utha ke tu meri rahon se rasta le ja

jo rukawat thi hamari rah ki rasta nikla usi diwar se

dilchasp ho gai tere chalne se rahguzar uth uth ke gard-e-rah lipatti hai rah se

rasta bhi hami log the rahi bhi hamin the aur apni masafat ki gawahi bhi hamin the

jahan tak panw mere ja sake hain wahin tak rasta thahra hua hai

wo jis munder pe chhod aaya apni aankhen main charagh hota to lau bhul kar chala jata

chup chup makan raste gum-sum nidhaal waqt is shahr ke liye koi diwana chahiye

masala ye hai us ke ganw ko dusra rasta nahin jata

main us ki dhun mein nae raste pe ja nikli dayar-e-jaan se meri roz jo guzarta raha

apne lahu se pyas bujhani hai ta-hayat ab raste mein koi samundar na aaega

raston ke pech-o-kham ne kahin aur la diya jaana hamein jahan tha ye manzil nahin hai wo

ho wapsi agar to inhen raston se ho jin raston se pyar tera le gaya mujhe

qadam badha ki abhi dur hai teri manzil shikast-e-abla-pai hai khar ki had tak