donon jahan teri mohabbat mein haar ke
donon jahan teri mohabbat men haar ke
vo ja raha hai koi shab-e-ghham guzar ke
having lost out both the worlds in his love for you
having spent a night of sorrow someone bids adieu
viran hai mai-kada khum-o-saghhar udaas hain
tum kya gae ki ruuth gae din bahar ke
the tavern is forlorn the goblet flask too are blue
now that you have left the days of spring have too
ik fursat-e-gunah mili vo bhi chaar din
dekhe hain ham ne hausle parvardigar ke
leave to sin i did obtain but for days two and two
courage of the lord divine is there for all to view
duniya ne teri yaad se begana kar diya
tujh se bhi dil-fareb hain ghham rozgar ke
this world has caused me to forget all thoughts of you
the sorrows of subsistence are more deceitful than you
bhule se muskura to diye the vo aaj 'faiz'
mat puchh valvale dil-e-na-karda-kar ke
she did smile, by mistake, today at me anew
the joy of my dejected heart i cannot tell you
donon jahan teri mohabbat mein haar ke
wo ja raha hai koi shab-e-gham guzar ke
having lost out both the worlds in his love for you
having spent a night of sorrow someone bids adieu
viran hai mai-kada khum-o-saghar udas hain
tum kya gae ki ruth gae din bahaar ke
the tavern is forlorn the goblet flask too are blue
now that you have left the days of spring have too
ek fursat-e-gunah mili wo bhi chaar din
dekhe hain hum ne hausle parwardigar ke
leave to sin i did obtain but for days two and two
courage of the lord divine is there for all to view
duniya ne teri yaad se begana kar diya
tujh se bhi dil-fareb hain gham rozgar ke
this world has caused me to forget all thoughts of you
the sorrows of subsistence are more deceitful than you
bhule se muskura to diye the wo aaj 'faiz'
mat puchh walwale dil-e-na-karda-kar ke
she did smile, by mistake, today at me anew
the joy of my dejected heart i cannot tell you
be-qarari si be-qarari hai
be-qarari si be-qarari hai
vasl hai aur firaq taari hai
jo guzari na ja saki ham se
ham ne vo zindagi guzari hai
nighare kya hue ki logon par
apna saaya bhi ab to bhari hai
bin tumhare kabhi nahin aai
kya miri niind bhi tumhari hai
aap men kaise aauun main tujh bin
saans jo chal rahi hai aari hai
us se kahiyo ki dil ki galiyon men
raat din teri intizari hai
hijr ho ya visal ho kuchh ho
ham hain aur us ki yadgari hai
ik mahak samt-e-dil se aai thi
main ye samjha tiri savari hai
hadson ka hisab hai apna
varna har aan sab ki baari hai
khush rahe tu ki zindagi apni
umr bhar ki umid-vari hai
be-qarari si be-qarari hai
wasl hai aur firaq tari hai
jo guzari na ja saki hum se
hum ne wo zindagi guzari hai
nighare kya hue ki logon par
apna saya bhi ab to bhaari hai
bin tumhaare kabhi nahin aai
kya meri nind bhi tumhaari hai
aap mein kaise aaun main tujh bin
sans jo chal rahi hai aari hai
us se kahiyo ki dil ki galiyon mein
raat din teri intizari hai
hijr ho ya visal ho kuchh ho
hum hain aur us ki yaadgari hai
ek mahak samt-e-dil se aai thi
main ye samjha teri sawari hai
hadson ka hisab hai apna
warna har aan sab ki bari hai
khush rahe tu ki zindagi apni
umr bhar ki umid-wari hai
agar talash karun koi mil hi jaega
agar talash karun koi mil hi jaega
magar tumhari tarah kaun mujh ko chahega
tumhen zarur koi chahaton se dekhega
magar vo ankhen hamari kahan se laega
na jaane kab tire dil par nai si dastak ho
makan khali hua hai to koi aaega
main apni raah men divar ban ke baitha huun
agar vo aaya to kis raste se aaega
tumhare saath ye mausam farishton jaisa hai
tumhare baa'd ye mausam bahut sataega
agar talash karun koi mil hi jaega
magar tumhaari tarah kaun mujh ko chahega
tumhein zarur koi chahaton se dekhega
magar wo aankhen hamari kahan se laega
na jaane kab tere dil par nai si dastak ho
makan khali hua hai to koi aaega
main apni rah mein diwar ban ke baitha hun
agar wo aaya to kis raste se aaega
tumhaare sath ye mausam farishton jaisa hai
tumhaare ba'd ye mausam bahut sataega
is se pahle ki be-wafa ho jaen
is se pahle ki be-vafa ho jaaen
kyuun na ai dost ham juda ho jaaen
tu bhi hiire se ban gaya patthar
ham bhi kal jaane kya se kya ho jaaen
tu ki yakta tha be-shumar hua
ham bhi tuten to ja-ba-ja ho jaaen
ham bhi majburiyon ka uzr karen
phir kahin aur mubtala ho jaaen
ham agar manzilen na ban paae
manzilon tak ka rasta ho jaaen
der se soch men hain parvane
raakh ho jaaen ya hava ho jaaen
ishq bhi khel hai nasibon ka
khaak ho jaaen kimiya ho jaaen
ab ke gar tu mile to ham tujh se
aise lipten tiri qaba ho jaaen
bandagi ham ne chhod di hai 'faraz'
kya karen log jab khuda ho jaaen
is se pahle ki be-wafa ho jaen
kyun na ai dost hum juda ho jaen
tu bhi hire se ban gaya patthar
hum bhi kal jaane kya se kya ho jaen
tu ki yakta tha be-shumar hua
hum bhi tuten to ja-ba-ja ho jaen
hum bhi majburiyon ka uzr karen
phir kahin aur mubtala ho jaen
hum agar manzilen na ban pae
manzilon tak ka rasta ho jaen
der se soch mein hain parwane
rakh ho jaen ya hawa ho jaen
ishq bhi khel hai nasibon ka
khak ho jaen kimiya ho jaen
ab ke gar tu mile to hum tujh se
aise lipten teri qaba ho jaen
bandagi hum ne chhod di hai 'faraaz'
kya karen log jab khuda ho jaen
tum itna jo muskura rahe ho
tum itna jo muskura rahe ho
kya ghham hai jis ko chhupa rahe ho
ankhon men nami hansi labon par
kya haal hai kya dikha rahe ho
ban jaenge zahr piite piite
ye ashk jo piite ja rahe ho
jin zakhmon ko vaqt bhar chala hai
tum kyuun unhen chhede ja rahe ho
rekhaon ka khel hai muqaddar
rekhaon se maat kha rahe ho
tum itna jo muskura rahe ho
kya gham hai jis ko chhupa rahe ho
aankhon mein nami hansi labon par
kya haal hai kya dikha rahe ho
ban jaenge zahr pite pite
ye ashk jo pite ja rahe ho
jin zakhmon ko waqt bhar chala hai
tum kyun unhen chhede ja rahe ho
rekhaon ka khel hai muqaddar
rekhaon se mat kha rahe ho
ai mohabbat tere anjam pe rona aaya
ai mohabbat tire anjam pe rona aaya
jaane kyuun aaj tire naam pe rona aaya
love your sad conclusion makes me weep
wonder why your mention makes me weep
yuun to har shaam umidon men guzar jaati hai
aaj kuchh baat hai jo shaam pe rona aaya
every evening was, by hope, sustained
this evening's desperation makes me weep
kabhi taqdir ka matam kabhi duniya ka gila
manzil-e-ishq men har gaam pe rona aaya
lamenting fate, complaining of this life
in course of love each station makes me weep
mujh pe hi khatm hua silsila-e-nauhagari
is qadar gardish-e-ayyam pe rona aaya
the cycle of all mourning stops at me
life's inconstant rotation makes me weep
jab hua zikr zamane men mohabbat ka 'shakil'
mujh ko apne dil-e-nakam pe rona aaya
whenever talk of happiness i hear
my failure and frustration makes me weep
ai mohabbat tere anjam pe rona aaya
jaane kyun aaj tere nam pe rona aaya
love your sad conclusion makes me weep
wonder why your mention makes me weep
yun to har sham umidon mein guzar jati hai
aaj kuchh baat hai jo sham pe rona aaya
every evening was, by hope, sustained
this evening's desperation makes me weep
kabhi taqdir ka matam kabhi duniya ka gila
manzil-e-ishq mein har gam pe rona aaya
lamenting fate, complaining of this life
in course of love each station makes me weep
mujh pe hi khatm hua silsila-e-nauhagari
is qadar gardish-e-ayyam pe rona aaya
the cycle of all mourning stops at me
life's inconstant rotation makes me weep
jab hua zikr zamane mein mohabbat ka 'shakil'
mujh ko apne dil-e-nakaam pe rona aaya
whenever talk of happiness i hear
my failure and frustration makes me weep
ku-ba-ku phail gai baat shanasai ki
ku-ba-ku phail gai baat shanasai ki
us ne khushbu ki tarah meri pazirai ki
the news of our affinity has spread to every door
he welcomed me like fragrance which he did adore
kaise kah duun ki mujhe chhod diya hai us ne
baat to sach hai magar baat hai rusvai ki
how can i say that i have been deserted by my beau
its true but this will cause me to be shamed for evermore
vo kahin bhi gaya lauta to mire paas aaya
bas yahi baat hai achchhi mire harjai ki
each time he deserted me, came back to me once more
i like this very aspect of my faithless paramour
tera pahlu tire dil ki tarah abad rahe
tujh pe guzre na qayamat shab-e-tanhai ki
just as your heart is full of love, be dear ones by your side
may pain of long and lonely nights be never in your store
us ne jalti hui peshani pe jab haath rakha
ruuh tak aa gai tasir masihai ki
when he gently placed his hand upon my burning brow
it was as though the saviour's touch had infused my core
ab bhi barsat ki raton men badan tutta hai
jaag uthti hain ajab khvahishen angdai ki
till even now in rainy climes, my limbs are aching, sore
the yen to stretch out languidly then comes to the fore
ku-ba-ku phail gai baat shanasai ki
us ne khushbu ki tarah meri pazirai ki
the news of our affinity has spread to every door
he welcomed me like fragrance which he did adore
kaise kah dun ki mujhe chhod diya hai us ne
baat to sach hai magar baat hai ruswai ki
how can i say that i have been deserted by my beau
its true but this will cause me to be shamed for evermore
wo kahin bhi gaya lauta to mere pas aaya
bas yahi baat hai achchhi mere harjai ki
each time he deserted me, came back to me once more
i like this very aspect of my faithless paramour
tera pahlu tere dil ki tarah aabaad rahe
tujh pe guzre na qayamat shab-e-tanhai ki
just as your heart is full of love, be dear ones by your side
may pain of long and lonely nights be never in your store
us ne jalti hui peshani pe jab hath rakha
ruh tak aa gai tasir masihai ki
when he gently placed his hand upon my burning brow
it was as though the saviour's touch had infused my core
ab bhi barsat ki raaton mein badan tutta hai
jag uthti hain ajab khwahishen angdai ki
till even now in rainy climes, my limbs are aching, sore
the yen to stretch out languidly then comes to the fore
itni muddat baad mile ho
itni muddat baad mile ho
kin sochon men gum phirte ho
itne khaif kyuun rahte ho
har aahat se dar jaate ho
tez hava ne mujh se puchha
ret pe kya likhte rahte ho
kaash koi ham se bhi puchhe
raat gae tak kyuun jaage ho
men dariya se bhi darta huun
tum dariya se bhi gahre ho
kaun si baat hai tum men aisi
itne achchhe kyuun lagte ho
pichhe mud kar kyuun dekha tha
patthar ban kar kya takte ho
jaao jiit ka jashn manao
men jhuta huun tum sachche ho
apne shahar ke sab logon se
meri khatir kyuun uljhe ho
kahne ko rahte ho dil men
phir bhi kitne duur khade ho
raat hamen kuchh yaad nahin tha
raat bahut hi yaad aae ho
ham se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
itni muddat baad mile ho
kin sochon mein gum phirte ho
itne khaif kyun rahte ho
har aahat se dar jate ho
tez hawa ne mujh se puchha
ret pe kya likhte rahte ho
kash koi hum se bhi puchhe
raat gae tak kyun jage ho
mein dariya se bhi darta hun
tum dariya se bhi gahre ho
kaun si baat hai tum mein aisi
itne achchhe kyun lagte ho
pichhe mud kar kyun dekha tha
patthar ban kar kya takte ho
jao jit ka jashn manao
mein jhuta hun tum sachche ho
apne shahar ke sab logon se
meri khatir kyun uljhe ho
kahne ko rahte ho dil mein
phir bhi kitne dur khade ho
raat hamein kuchh yaad nahin tha
raat bahut hi yaad aae ho
hum se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
jab se tu ne mujhe diwana bana rakkha hai
jab se tu ne mujhe divana bana rakkha hai
sang har shakhs ne hathon men utha rakkha hai
us ke dil par bhi kadi ishq men guzri hogi
naam jis ne bhi mohabbat ka saza rakkha hai
pattharo aaj mire sar pe baraste kyuun ho
main ne tum ko bhi kabhi apna khuda rakkha hai
ab miri diid ki duniya bhi tamashai hai
tu ne kya mujh ko mohabbat men bana rakkha hai
pi ja ayyam ki talkhi ko bhi hans kar 'nasir'
ghham ko sahne men bhi qudrat ne maza rakkha hai
jab se tu ne mujhe diwana bana rakkha hai
sang har shakhs ne hathon mein utha rakkha hai
us ke dil par bhi kadi ishq mein guzri hogi
nam jis ne bhi mohabbat ka saza rakkha hai
pattharo aaj mere sar pe baraste kyun ho
main ne tum ko bhi kabhi apna khuda rakkha hai
ab meri did ki duniya bhi tamashai hai
tu ne kya mujh ko mohabbat mein bana rakkha hai
pi ja ayyam ki talkhi ko bhi hans kar 'nasir'
gham ko sahne mein bhi qudrat ne maza rakkha hai
dil mein ek lahr si uthi hai abhi
dil men ik lahr si uthi hai abhi
koi taaza hava chali hai abhi
kuchh to nazuk mizaj hain ham bhi
aur ye chot bhi nai hai abhi
shor barpa hai khana-e-dil men
koi divar si giri hai abhi
bhari duniya men ji nahin lagta
jaane kis chiiz ki kami hai abhi
tu sharik-e-sukhan nahin hai to kya
ham-sukhan teri khamushi hai abhi
yaad ke be-nishan jaziron se
teri avaz aa rahi hai abhi
shahr ki be-charaghh galiyon men
zindagi tujh ko dhundti hai abhi
so gae log us haveli ke
ek khidki magar khuli hai abhi
tum to yaaro abhi se uth baithe
shahr men raat jagti hai abhi
vaqt achchha bhi aaega 'nasir'
ghham na kar zindagi padi hai abhi
dil mein ek lahr si uthi hai abhi
koi taza hawa chali hai abhi
kuchh to nazuk mizaj hain hum bhi
aur ye chot bhi nai hai abhi
shor barpa hai khana-e-dil mein
koi diwar si giri hai abhi
bhari duniya mein ji nahin lagta
jaane kis chiz ki kami hai abhi
tu sharik-e-sukhan nahin hai to kya
ham-sukhan teri khamushi hai abhi
yaad ke be-nishan jaziron se
teri aawaz aa rahi hai abhi
shahr ki be-charagh galiyon mein
zindagi tujh ko dhundti hai abhi
so gae log us haweli ke
ek khidki magar khuli hai abhi
tum to yaro abhi se uth baithe
shahr mein raat jagti hai abhi
waqt achchha bhi aaega 'nasir'
gham na kar zindagi padi hai abhi
lagta nahin hai dil mera ujde dayar mein
lagta nahin hai dil mira ujde dayar men
kis ki bani hai alam-e-na-paedar men
my heart wanders ill at ease / in this ravaged reign
who has found fruition / in transient terrain
in hasraton se kah do kahin aur ja basen
itni jagah kahan hai dil-e-daghh-dar men
tell these woeful wishes to / go elsewhere and remain
this heart has little room as it / is scarred and full of pain
kanton ko mat nikal chaman se o baghhban
ye bhi gulon ke saath pale hain bahar men
from throwing throns out of the vale, o gardener, abstain
they too grew, along with flowers, during spring's domain
bulbul ko baghhban se na sayyad se gila
qismat men qaid likkhi thi fasl-e-bahar men
neither to the groundsman nor / to hunter does complain
for songbird to be caged, in spring, did destiny ordain
kitna hai bad-nasib 'zafar' dafn ke liye
do gaz zamin bhi na mili ku-e-yar men
say how ill-starred is 'zafar', that he could not obtain
e'en two yards, to be interred, in his beloved's lane
lagta nahin hai dil mera ujde dayar mein
kis ki bani hai aalam-e-na-paedar mein
my heart wanders ill at ease / in this ravaged reign
who has found fruition / in transient terrain
in hasraton se kah do kahin aur ja basen
itni jagah kahan hai dil-e-dagh-dar mein
tell these woeful wishes to / go elsewhere and remain
this heart has little room as it / is scarred and full of pain
kanton ko mat nikal chaman se o baghban
ye bhi gulon ke sath pale hain bahaar mein
from throwing throns out of the vale, o gardener, abstain
they too grew, along with flowers, during spring's domain
bulbul ko baghban se na sayyaad se gila
qismat mein qaid likkhi thi fasl-e-bahaar mein
neither to the groundsman nor / to hunter does complain
for songbird to be caged, in spring, did destiny ordain
kitna hai bad-nasib 'zafar' dafn ke liye
do gaz zamin bhi na mili ku-e-yar mein
say how ill-starred is 'zafar', that he could not obtain
e'en two yards, to be interred, in his beloved's lane
chalne ka hausla nahin rukna muhaal kar diya
chalne ka hausla nahin rukna muhal kar diya
ishq ke is safar ne to mujh ko nidhal kar diya
ai miri gul-zamin tujhe chaah thi ik kitab ki
ahl-e-kitab ne magar kya tira haal kar diya
milte hue dilon ke biich aur tha faisla koi
us ne magar bichhadte vaqt aur saval kar diya
ab ke hava ke saath hai daman-e-yar muntazir
banu-e-shab ke haath men rakhna sambhal kar diya
mumkina faislon men ek hijr ka faisla bhi tha
ham ne to ek baat ki us ne kamal kar diya
mere labon pe mohr thi par mere shisha-ru ne to
shahr ke shahr ko mira vaqif-e-hal kar diya
chehra o naam ek saath aaj na yaad aa sake
vaqt ne kis shabih ko khvab o khayal kar diya
muddaton baad us ne aaj mujh se koi gila kiya
mansab-e-dilbari pe kya mujh ko bahal kar diya
chalne ka hausla nahin rukna muhaal kar diya
ishq ke is safar ne to mujh ko nidhaal kar diya
ai meri gul-zamin tujhe chah thi ek kitab ki
ahl-e-kitab ne magar kya tera haal kar diya
milte hue dilon ke bich aur tha faisla koi
us ne magar bichhadte waqt aur sawal kar diya
ab ke hawa ke sath hai daman-e-yar muntazir
banu-e-shab ke hath mein rakhna sambhaal kar diya
mumkina faislon mein ek hijr ka faisla bhi tha
hum ne to ek baat ki us ne kamal kar diya
mere labon pe mohr thi par mere shisha-ru ne to
shahr ke shahr ko mera waqif-e-haal kar diya
chehra o nam ek sath aaj na yaad aa sake
waqt ne kis shabih ko khwab o khayal kar diya
muddaton baad us ne aaj mujh se koi gila kiya
mansab-e-dilbari pe kya mujh ko bahaal kar diya
hum ko kis ke gham ne mara ye kahani phir sahi
ham ko kis ke ghham ne maara ye kahani phir sahi
kis ne toda dil hamara ye kahani phir sahi
dil ke lutne ka sabab puchho na sab ke samne
naam aaega tumhara ye kahani phir sahi
nafraton ke tiir kha kar doston ke shahr men
ham ne kis kis ko pukara ye kahani phir sahi
kya bataen pyaar ki baazi vafa ki raah men
kaun jiita kaun haara ye kahani phir sahi
hum ko kis ke gham ne mara ye kahani phir sahi
kis ne toda dil hamara ye kahani phir sahi
dil ke lutne ka sabab puchho na sab ke samne
nam aaega tumhaara ye kahani phir sahi
nafraton ke tir kha kar doston ke shahr mein
hum ne kis kis ko pukara ye kahani phir sahi
kya bataen pyar ki bazi wafa ki rah mein
kaun jita kaun haara ye kahani phir sahi
gahe gahe bas ab yahi ho kya
gaahe gaahe bas ab yahi ho kya
tum se mil kar bahut khushi ho kya
mil rahi ho bade tapak ke saath
mujh ko yaksar bhula chuki ho kya
yaad hain ab bhi apne khvab tumhen
mujh se mil kar udaas bhi ho kya
bas mujhe yunhi ik khayal aaya
sochti ho to sochti ho kya
ab miri koi zindagi hi nahin
ab bhi tum meri zindagi ho kya
kya kaha ishq javedani hai!
akhiri baar mil rahi ho kya
haan faza yaan ki soi soi si hai
to bahut tez raushni ho kya
mere sab tanz be-asar hi rahe
tum bahut duur ja chuki ho kya
dil men ab soz-e-intizar nahin
sham-e-ummid bujh gai ho kya
is samundar pe tishna-kam huun main
baan tum ab bhi bah rahi ho kya
gahe gahe bas ab yahi ho kya
tum se mil kar bahut khushi ho kya
mil rahi ho bade tapak ke sath
mujh ko yaksar bhula chuki ho kya
yaad hain ab bhi apne khwab tumhein
mujh se mil kar udas bhi ho kya
bas mujhe yunhi ek khayal aaya
sochti ho to sochti ho kya
ab meri koi zindagi hi nahin
ab bhi tum meri zindagi ho kya
kya kaha ishq jawedani hai!
aakhiri bar mil rahi ho kya
han faza yan ki soi soi si hai
to bahut tez raushni ho kya
mere sab tanz be-asar hi rahe
tum bahut dur ja chuki ho kya
dil mein ab soz-e-intizar nahin
sham-e-ummid bujh gai ho kya
is samundar pe tishna-kaam hun main
ban tum ab bhi bah rahi ho kya
sine mein jalan aankhon mein tufan sa kyun hai
siine men jalan ankhon men tufan sa kyuun hai
is shahr men har shakhs pareshan sa kyuun hai
dil hai to dhadakne ka bahana koi dhunde
patthar ki tarah be-his o be-jan sa kyuun hai
tanhai ki ye kaun si manzil hai rafiqo
ta-hadd-e-nazar ek bayaban sa kyuun hai
ham ne to koi baat nikali nahin ghham ki
vo zud-pasheman pasheman sa kyuun hai
kya koi nai baat nazar aati hai ham men
aina hamen dekh ke hairan sa kyuun hai
sine mein jalan aankhon mein tufan sa kyun hai
is shahr mein har shakhs pareshan sa kyun hai
dil hai to dhadakne ka bahana koi dhunde
patthar ki tarah be-his o be-jaan sa kyun hai
tanhai ki ye kaun si manzil hai rafiqo
ta-hadd-e-nazar ek bayaban sa kyun hai
hum ne to koi baat nikali nahin gham ki
wo zud-pasheman pasheman sa kyun hai
kya koi nai baat nazar aati hai hum mein
aaina hamein dekh ke hairan sa kyun hai
insha-ji utho ab kuch karo is shahr mein ji ko lagana kya
'insha'-ji utho ab kuuch karo is shahr men ji ko lagana kya
vahshi ko sukun se kya matlab jogi ka nagar men thikana kya
is dil ke darida daman ko dekho to sahi socho to sahi
jis jholi men sau chhed hue us jholi ka phailana kya
shab biiti chand bhi duub chala zanjir padi darvaze men
kyuun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil men hai lab par aane do sharmana kya ghabrana kya
us roz jo un ko dekha hai ab khvab ka aalam lagta hai
us roz jo un se baat hui vo baat bhi thi afsana kya
us husn ke sachche moti ko ham dekh saken par chhu na saken
jise dekh saken par chhu na saken vo daulat kya vo khazana kya
us ko bhi jala dukhte hue man ik shoala laal bhabuka ban
yuun aansu ban bah jaana kya yuun maati men mil jaana kya
jab shahr ke log na rasta den kyuun ban men na ja bisram kare
divanon ki si na baat kare to aur kare divana kya
'insha'-ji utho ab kuch karo is shahr mein ji ko lagana kya
wahshi ko sukun se kya matlab jogi ka nagar mein thikana kya
is dil ke darida daman ko dekho to sahi socho to sahi
jis jholi mein sau chhed hue us jholi ka phailana kya
shab biti chand bhi dub chala zanjir padi darwaze mein
kyun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil mein hai lab par aane do sharmana kya ghabrana kya
us roz jo un ko dekha hai ab khwab ka aalam lagta hai
us roz jo un se baat hui wo baat bhi thi afsana kya
us husn ke sachche moti ko hum dekh saken par chhu na saken
jise dekh saken par chhu na saken wo daulat kya wo khazana kya
us ko bhi jala dukhte hue man ek shoala lal bhabuka ban
yun aansu ban bah jaana kya yun mati mein mil jaana kya
jab shahr ke log na rasta den kyun ban mein na ja bisram kare
diwanon ki si na baat kare to aur kare diwana kya
nae kapde badal kar jaun kahan aur baal banaun kis ke liye
nae kapde badal kar jaun kahan aur baal banaun kis ke liye
vo shakhs to shahr hi chhod gaya main bahar jaun kis ke liye
jis dhuup ki dil men thandak thi vo dhuup usi ke saath gai
in jalti balti galiyon men ab khaak udaun kis ke liye
vo shahr men tha to us ke liye auron se bhi milna padta tha
ab aise-vaise logon ke main naaz uthaun kis ke liye
ab shahr men us ka badal hi nahin koi vaisa jan-e-ghhazal hi nahin
aivan-e-ghhazal men lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron men 'nasir' ab shama jalaun kis ke liye
nae kapde badal kar jaun kahan aur baal banaun kis ke liye
wo shakhs to shahr hi chhod gaya main bahar jaun kis ke liye
jis dhup ki dil mein thandak thi wo dhup usi ke sath gai
in jalti balti galiyon mein ab khak udaun kis ke liye
wo shahr mein tha to us ke liye auron se bhi milna padta tha
ab aise-waise logon ke main naz uthaun kis ke liye
ab shahr mein us ka badal hi nahin koi waisa jaan-e-ghazal hi nahin
aiwan-e-ghazal mein lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron mein 'nasir' ab shama jalaun kis ke liye
sar se pa tak wo gulabon ka shajar lagta hai
sar se pa tak vo gulabon ka shajar lagta hai
ba-vazu ho ke bhi chhute hue dar lagta hai
main tire saath sitaron se guzar sakta huun
kitna asan mohabbat ka safar lagta hai
mujh men rahta hai koi dushman-e-jani mera
khud se tanhai men milte hue dar lagta hai
but bhi rakkhe hain namazen bhi ada hoti hain
dil mira dil nahin allah ka ghar lagta hai
zindagi tu ne mujhe qabr se kam di hai zamin
paanv phailaun to divar men sar lagta hai
sar se pa tak wo gulabon ka shajar lagta hai
ba-wazu ho ke bhi chhute hue dar lagta hai
main tere sath sitaron se guzar sakta hun
kitna aasan mohabbat ka safar lagta hai
mujh mein rahta hai koi dushman-e-jaani mera
khud se tanhai mein milte hue dar lagta hai
but bhi rakkhe hain namazen bhi ada hoti hain
dil mera dil nahin allah ka ghar lagta hai
zindagi tu ne mujhe qabr se kam di hai zamin
panw phailaun to diwar mein sar lagta hai
ek hi muzhda subh lati hai
ek hi muzhda subh laati hai
dhuup angan men phail jaati hai
rang-e-mausam hai aur bad-e-saba
shahr kuchon men khaak udati hai
farsh par kaghhaz udte phirte hain
mez par gard jamti jaati hai
sochta huun ki us ki yaad akhir
ab kise raat bhar jagati hai
main bhi izn-e-nava-gari chahun
be-dili bhi to lab hilati hai
so gae ped jaag uthi khushbu
zindagi khvab kyuun dikhati hai
us sarapa vafa ki furqat men
khvahish-e-ghhair kyuun satati hai
aap apne se ham-sukhan rahna
ham-nashin saans phuul jaati hai
kya sitam hai ki ab tiri surat
ghhaur karne pe yaad aati hai
kaun is ghar ki dekh-bhal kare
roz ik chiiz tuut jaati hai
ek hi muzhda subh lati hai
dhup aangan mein phail jati hai
rang-e-mausam hai aur baad-e-saba
shahr kuchon mein khak udati hai
farsh par kaghaz udte phirte hain
mez par gard jamti jati hai
sochta hun ki us ki yaad aakhir
ab kise raat bhar jagati hai
main bhi izn-e-nawa-gari chahun
be-dili bhi to lab hilati hai
so gae ped jag uthi khushbu
zindagi khwab kyun dikhati hai
us sarapa wafa ki furqat mein
khwahish-e-ghair kyun satati hai
aap apne se ham-sukhan rahna
ham-nashin sans phul jati hai
kya sitam hai ki ab teri surat
ghaur karne pe yaad aati hai
kaun is ghar ki dekh-bhaal kare
roz ek chiz tut jati hai
be-nam sa ye dard thahar kyun nahin jata
be-nam sa ye dard thahar kyuun nahin jaata
jo biit gaya hai vo guzar kyuun nahin jaata
sab kuchh to hai kya dhundhti rahti hain nigahen
kya baat hai main vaqt pe ghar kyuun nahin jaata
vo ek hi chehra to nahin saare jahan men
jo duur hai vo dil se utar kyuun nahin jaata
main apni hi uljhi hui rahon ka tamasha
jaate hain jidhar sab main udhar kyuun nahin jaata
vo khvab jo barson se na chehra na badan hai
vo khvab havaon men bikhar kyuun nahin jaata
be-nam sa ye dard thahar kyun nahin jata
jo bit gaya hai wo guzar kyun nahin jata
sab kuchh to hai kya dhundhti rahti hain nigahen
kya baat hai main waqt pe ghar kyun nahin jata
wo ek hi chehra to nahin sare jahan mein
jo dur hai wo dil se utar kyun nahin jata
main apni hi uljhi hui rahon ka tamasha
jate hain jidhar sab main udhar kyun nahin jata
wo khwab jo barson se na chehra na badan hai
wo khwab hawaon mein bikhar kyun nahin jata
apne hathon ki lakiron mein saja le mujhko
apne hathon ki lakiron men saja le mujh ko
main huun tera tu nasib apna bana le mujh ko
in the fate lines of your hand please do let me be
make me yours my love because i am your destiny
main jo kanta huun to chal mujh se bacha kar daman
main huun gar phuul to juude men saja le mujh ko
save your cloak from me if i am thought to be a thorn
and if a flower deemed to be then in your hair adorn
tark-e-ulfat ki qasam bhi koi hoti hai qasam
tu kabhi yaad to kar bhulne vaale mujh ko
the vow to sever someone's love is no vow at all
you who have forgotten me someday should recall
mujh se tu puchhne aaya hai vafa ke maani
ye tiri sada-dili maar na daale mujh ko
you come to me asking the meaning of fidelity
your innocence may truly well, be the end of me
main samundar bhi huun moti bhi huun ghhota-zan bhi
koi bhi naam mira le ke bula le mujh ko
i am the diver, i'm the pearl, i also am the sea
by any of these names, you may call out to me
tu ne dekha nahin aine se aage kuchh bhi
khud-parasti men kahin tu na ganva le mujh ko
beside a mirror nothing else have you ever espied
in self admiration you may lose me by your side
bandh kar sang-e-vafa kar diya tu ne ghharqab
kaun aisa hai jo ab dhundh nikale mujh ko
----
----
khud ko main baant na dalun kahin daman daman
kar diya tu ne agar mere havale mujh ko
tomorrow is another day, same i might not remain
however much you wish today you may cause me pain
main khule dar ke kisi ghar ka huun saman pyare
tu dabe-panv kabhi aa ke chura le mujh ko
what of wine i will, drink poison happily
if someones there to take in their arms and tend to me
kal ki baat aur hai main ab sa rahun ya na rahun
jitna ji chahe tira aaj sata le mujh ko
in a house with open doors, like valuables i stay
come someday with padded feet and steal me away
baada phir baada hai main zahr bhi pi jaun 'qatil'
shart ye hai koi banhon men sambhale mujh ko
tomorrow is another day, same i might not remain
however much you wish today you may cause me pain
what of wine i will, drink poison happily
if someones there to take in their arms and tend to me
apne hathon ki lakiron mein saja le mujh ko
main hun tera tu nasib apna bana le mujh ko
in the fate lines of your hand please do let me be
make me yours my love because i am your destiny
main jo kanta hun to chal mujh se bacha kar daman
main hun gar phul to jude mein saja le mujh ko
save your cloak from me if i am thought to be a thorn
and if a flower deemed to be then in your hair adorn
tark-e-ulfat ki qasam bhi koi hoti hai qasam
tu kabhi yaad to kar bhulne wale mujh ko
the vow to sever someone's love is no vow at all
you who have forgotten me someday should recall
mujh se tu puchhne aaya hai wafa ke mani
ye teri sada-dili mar na dale mujh ko
you come to me asking the meaning of fidelity
your innocence may truly well, be the end of me
main samundar bhi hun moti bhi hun ghota-zan bhi
koi bhi nam mera le ke bula le mujh ko
i am the diver, i'm the pearl, i also am the sea
by any of these names, you may call out to me
tu ne dekha nahin aaine se aage kuchh bhi
khud-parasti mein kahin tu na ganwa le mujh ko
beside a mirror nothing else have you ever espied
in self admiration you may lose me by your side
bandh kar sang-e-wafa kar diya tu ne gharqab
kaun aisa hai jo ab dhundh nikale mujh ko
----
----
khud ko main bant na dalun kahin daman daman
kar diya tu ne agar mere hawale mujh ko
tomorrow is another day, same i might not remain
however much you wish today you may cause me pain
main khule dar ke kisi ghar ka hun saman pyare
tu dabe-panw kabhi aa ke chura le mujh ko
what of wine i will, drink poison happily
if someones there to take in their arms and tend to me
kal ki baat aur hai main ab sa rahun ya na rahun
jitna ji chahe tera aaj sata le mujh ko
in a house with open doors, like valuables i stay
come someday with padded feet and steal me away
baada phir baada hai main zahr bhi pi jaun 'qatil'
shart ye hai koi banhon mein sambhaale mujh ko
tomorrow is another day, same i might not remain
however much you wish today you may cause me pain
what of wine i will, drink poison happily
if someones there to take in their arms and tend to me
bahut dil ko kushada kar liya kya
bahut dil ko kushada kar liya kya
zamane bhar se vaada kar liya kya
to kya sach-much judai mujh se kar li
to khud apne ko aadha kar liya kya
hunar-mandi se apni dil ka safha
miri jaan tum ne saada kar liya kya
jo yaksar jaan hai us ke badan se
kaho kuchh istifada kar liya kya
bahut katra rahe ho mughhbachon se
gunah-e-tark-e-bada kar liya kya
yahan ke log kab ke ja chuke hain
safar jada-ba-jada kar liya kya
uthaya ik qadam tu ne na us tak
bahut apne ko manda kar liya kya
tum apni kaj-kulahi haar baithin
badan ko be-libada kar liya kya
bahut nazdik aati ja rahi ho
bichhadne ka irada kar liya kya
bahut dil ko kushada kar liya kya
zamane bhar se wada kar liya kya
to kya sach-much judai mujh se kar li
to khud apne ko aadha kar liya kya
hunar-mandi se apni dil ka safha
meri jaan tum ne sada kar liya kya
jo yaksar jaan hai us ke badan se
kaho kuchh istifada kar liya kya
bahut katra rahe ho mughbachon se
gunah-e-tark-e-baada kar liya kya
yahan ke log kab ke ja chuke hain
safar jada-ba-jada kar liya kya
uthaya ek qadam tu ne na us tak
bahut apne ko manda kar liya kya
tum apni kaj-kulahi haar baithin
badan ko be-libaada kar liya kya
bahut nazdik aati ja rahi ho
bichhadne ka irada kar liya kya
rukhsat hua to aankh mila kar nahin gaya
rukhsat hua to aankh mila kar nahin gaya
vo kyuun gaya hai ye bhi bata kar nahin gaya
vo yuun gaya ki bad-e-saba yaad aa gai
ehsas tak bhi ham ko dila kar nahin gaya
yuun lag raha hai jaise abhi laut aaega
jaate hue charaghh bujha kar nahin gaya
bas ik lakir khinch gaya darmiyan men
divar raste men bana kar nahin gaya
shayad vo mil hi jaae magar justuju hai shart
vo apne naqsh-e-pa to mita kar nahin gaya
ghar men hai aaj tak vahi khushbu basi hui
lagta hai yuun ki jaise vo aa kar nahin gaya
tab tak to phuul jaisi hi taaza thi us ki yaad
jab tak vo pattiyon ko juda kar nahin gaya
rahne diya na us ne kisi kaam ka mujhe
aur khaak men bhi mujh ko mila kar nahin gaya
vaisi hi be-talab hai abhi meri zindagi
vo khar-o-khas men aag laga kar nahin gaya
'shahzad' ye gila hi raha us ki zaat se
jaate hue vo koi gila kar nahin gaya
rukhsat hua to aankh mila kar nahin gaya
wo kyun gaya hai ye bhi bata kar nahin gaya
wo yun gaya ki baad-e-saba yaad aa gai
ehsas tak bhi hum ko dila kar nahin gaya
yun lag raha hai jaise abhi laut aaega
jate hue charagh bujha kar nahin gaya
bas ek lakir khinch gaya darmiyan mein
diwar raste mein bana kar nahin gaya
shayad wo mil hi jae magar justuju hai shart
wo apne naqsh-e-pa to mita kar nahin gaya
ghar mein hai aaj tak wahi khushbu basi hui
lagta hai yun ki jaise wo aa kar nahin gaya
tab tak to phul jaisi hi taza thi us ki yaad
jab tak wo pattiyon ko juda kar nahin gaya
rahne diya na us ne kisi kaam ka mujhe
aur khak mein bhi mujh ko mila kar nahin gaya
waisi hi be-talab hai abhi meri zindagi
wo khar-o-khas mein aag laga kar nahin gaya
'shahzad' ye gila hi raha us ki zat se
jate hue wo koi gila kar nahin gaya
tumhaare shahr ka mausam bada suhana lage
tumhare shahr ka mausam bada suhana lage
main ek shaam chura luun agar bura na lage
tumhare bas men agar ho to bhuul jaao mujhe
tumhen bhulane men shayad mujhe zamana lage
jo dubna hai to itne sukun se duubo
ki as-pas ki lahron ko bhi pata na lage
vo phuul jo mire daman se ho gae mansub
khuda kare unhen bazar ki hava na lage
na jaane kya hai kisi ki udaas ankhon men
vo munh chhupa ke bhi jaae to bevafa na lage
tu is tarah se mire saath bevafai kar
ki tere baa'd mujhe koi bevafa na lage
tum aankh muund ke pi jaao zindagi 'qaisar'
ki ek ghunt men mumkin hai bad-maza na lage
tumhaare shahr ka mausam bada suhana lage
main ek sham chura lun agar bura na lage
tumhaare bas mein agar ho to bhul jao mujhe
tumhein bhulane mein shayad mujhe zamana lage
jo dubna hai to itne sukun se dubo
ki aas-pas ki lahron ko bhi pata na lage
wo phul jo mere daman se ho gae mansub
khuda kare unhen bazar ki hawa na lage
na jaane kya hai kisi ki udas aankhon mein
wo munh chhupa ke bhi jae to bewafa na lage
tu is tarah se mere sath bewafai kar
ki tere ba'd mujhe koi bewafa na lage
tum aankh mund ke pi jao zindagi 'qaisar'
ki ek ghunt mein mumkin hai bad-maza na lage
apne ehsas se chhu kar mujhe sandal kar do
apne ehsas se chhu kar mujhe sandal kar do
main ki sadiyon se adhura huun mukammal kar do
na tumhen hosh rahe aur na mujhe hosh rahe
is qadar tuut ke chaho mujhe pagal kar do
tum hatheli ko mire pyaar ki mehndi se rango
apni ankhon men mire naam ka kajal kar do
is ke saae men mire khvab dahak utthenge
mere chehre pe chamakta hua anchal kar do
dhuup hi dhuup huun main tuut ke barso mujh par
is qadar barso miri ruuh men jal-thal kar do
jaise sahraon men har shaam hava chalti hai
is tarah mujh men chalo aur mujhe jal-thal kar do
tum chhupa lo mira dil ot men apne dil ki
aur mujhe meri nigahon se bhi ojhal kar do
masala huun to nigahen na churao mujh se
apni chahat se tavajjoh se mujhe hal kar do
apne ghham se kaho har vaqt mire saath rahe
ek ehsan karo is ko musalsal kar do
mujh pe chha jaao kisi aag ki surat janan
aur miri zaat ko sukha hua jangal kar do
apne ehsas se chhu kar mujhe sandal kar do
main ki sadiyon se adhura hun mukammal kar do
na tumhein hosh rahe aur na mujhe hosh rahe
is qadar tut ke chaho mujhe pagal kar do
tum hatheli ko mere pyar ki mehndi se rango
apni aankhon mein mere nam ka kajal kar do
is ke sae mein mere khwab dahak utthenge
mere chehre pe chamakta hua aanchal kar do
dhup hi dhup hun main tut ke barso mujh par
is qadar barso meri ruh mein jal-thal kar do
jaise sahraon mein har sham hawa chalti hai
is tarah mujh mein chalo aur mujhe jal-thal kar do
tum chhupa lo mera dil ot mein apne dil ki
aur mujhe meri nigahon se bhi ojhal kar do
masala hun to nigahen na churao mujh se
apni chahat se tawajjoh se mujhe hal kar do
apne gham se kaho har waqt mere sath rahe
ek ehsan karo is ko musalsal kar do
mujh pe chha jao kisi aag ki surat jaanan
aur meri zat ko sukha hua jangal kar do
tum apna ranj-o-gham apni pareshani mujhe de do
tum apna ranj-o-ghham apni pareshani mujhe de do
tumhen ghham ki qasam is dil ki virani mujhe de do
ye maana main kisi qabil nahin huun in nigahon men
bura kya hai agar ye dukh ye hairani mujhe de do
main dekhun to sahi duniya tumhen kaise satati hai
koi din ke liye apni nigahbani mujhe de do
vo dil jo main ne manga tha magar ghhairon ne paaya hai
badi shai hai agar us ki pashemani mujhe de do
tum apna ranj-o-gham apni pareshani mujhe de do
tumhein gham ki qasam is dil ki virani mujhe de do
ye mana main kisi qabil nahin hun in nigahon mein
bura kya hai agar ye dukh ye hairani mujhe de do
main dekhun to sahi duniya tumhein kaise satati hai
koi din ke liye apni nigahbani mujhe de do
wo dil jo main ne manga tha magar ghairon ne paya hai
badi shai hai agar us ki pashemani mujhe de do
hai bikharne ko ye mahfil-e-rang-o-bu tum kahan jaoge hum kahan jaenge
hai bikharne ko ye mahfil-e-rang-o-bu tum kahan jaoge ham kahan jaenge
har taraf ho rahi hai yahi guftugu tum kahan jaoge ham kahan jaenge
har mata-e-nafas nazr-e-ahang ki ham ko yaran havas thi bahut rang ki
gul-zamin se ubalne ko hai ab lahu tum kahan jaoge ham kahan jaenge
avval-e-shab ka mahtab bhi ja chuka sehn-e-mai-khana se ab ufuq men kahin
akhir-e-shab hai khali hain jam-o-subu tum kahan jaoge ham kahan jaenge
koi hasil na tha aarzu ka magar saneha ye hai ab aarzu bhi nahin
vaqt ki is masafat men be-arzu tum kahan jaoge ham kahan jaenge
kis qadar duur se laut kar aae hain yuun kaho umr barbad kar aae hain
tha sarab apna sarmaya-e-justuju tum kahan jaoge ham kahan jaenge
ik junun tha ki abad ho shahr-e-jan aur abad jab shahr-e-jan ho gaya
hain ye sargoshiyan dar-ba-dar ku-ba-ku tum kahan jaoge ham kahan jaenge
dasht men raqs-e-shauq-e-bahar ab kahan bad-paimai-e-divana-var ab kahan
bas guzarne ko hai mausam-e-hav-hu tum kahan jaoge ham kahan jaenge
ham hain rusva-kun-e-dilli-o-lucknow apni kya zindagi apni kya aabru
'mir' dilli se nikle gae lucknow tum kahan jaoge ham kahan jaenge
hai bikharne ko ye mahfil-e-rang-o-bu tum kahan jaoge hum kahan jaenge
har taraf ho rahi hai yahi guftugu tum kahan jaoge hum kahan jaenge
har mata-e-nafas nazr-e-ahang ki hum ko yaran hawas thi bahut rang ki
gul-zamin se ubalne ko hai ab lahu tum kahan jaoge hum kahan jaenge
awwal-e-shab ka mahtab bhi ja chuka sehn-e-mai-khana se ab ufuq mein kahin
aakhir-e-shab hai khali hain jam-o-subu tum kahan jaoge hum kahan jaenge
koi hasil na tha aarzu ka magar saneha ye hai ab aarzu bhi nahin
waqt ki is masafat mein be-arzu tum kahan jaoge hum kahan jaenge
kis qadar dur se laut kar aae hain yun kaho umr barbaad kar aae hain
tha sarab apna sarmaya-e-justuju tum kahan jaoge hum kahan jaenge
ek junun tha ki aabaad ho shahr-e-jaan aur aabaad jab shahr-e-jaan ho gaya
hain ye sargoshiyan dar-ba-dar ku-ba-ku tum kahan jaoge hum kahan jaenge
dasht mein raqs-e-shauq-e-bahaar ab kahan baad-paimai-e-diwana-war ab kahan
bas guzarne ko hai mausam-e-haw-hu tum kahan jaoge hum kahan jaenge
hum hain ruswa-kun-e-dilli-o-lucknow apni kya zindagi apni kya aabru
'mir' dilli se nikle gae lucknow tum kahan jaoge hum kahan jaenge
pareshan raat sari hai sitaro tum to so jao
pareshan raat saari hai sitaro tum to so jaao
sukut-e-marg taari hai sitaro tum to so jaao
hanso aur hanste hanste dubte jaao khalaon men
hamin pe raat bhari hai sitaro tum to so jaao
hamen to aaj ki shab pau phate tak jagna hoga
yahi qismat hamari hai sitaro tum to so jaao
tumhen kya aaj bhi koi agar milne nahin aaya
ye baazi ham ne haari hai sitaro tum to so jaao
kahe jaate ho ro ro kar hamara haal duniya se
ye kaisi razdari hai sitaro tum to so jaao
hamen bhi niind aa jaegi ham bhi so hi jaenge
abhi kuchh be-qarari hai sitaro tum to so jaao
pareshan raat sari hai sitaro tum to so jao
sukut-e-marg tari hai sitaro tum to so jao
hanso aur hanste hanste dubte jao khalaon mein
hamin pe raat bhaari hai sitaro tum to so jao
hamein to aaj ki shab pau phate tak jagna hoga
yahi qismat hamari hai sitaro tum to so jao
tumhein kya aaj bhi koi agar milne nahin aaya
ye bazi hum ne haari hai sitaro tum to so jao
kahe jate ho ro ro kar hamara haal duniya se
ye kaisi raazdari hai sitaro tum to so jao
hamein bhi nind aa jaegi hum bhi so hi jaenge
abhi kuchh be-qarari hai sitaro tum to so jao
gae dinon ka suragh le kar kidhar se aaya kidhar gaya wo
gae dinon ka suraghh le kar kidhar se aaya kidhar gaya vo
ajiib manus ajnabi tha mujhe to hairan kar gaya vo
bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khvab-e-sahar gaya vo
khushi ki rut ho ki ghham ka mausam nazar use dhundti hai har dam
vo bu-e-gul tha ki naghhma-e-jan mire to dil men utar gaya vo
na ab vo yadon ka chadhta dariya na fursaton ki udaas barkha
yunhi zara si kasak hai dil men jo zakhm gahra tha bhar gaya vo
kuchh ab sambhalne lagi hai jaan bhi badal chala daur-e-asman bhi
jo raat bhari thi tal gai hai jo din kada tha guzar gaya vo
bas ek manzil hai bul-havas ki hazar raste hain ahl-e-dil ke
yahi to hai farq mujh men us men guzar gaya main thahar gaya vo
shikasta-pa raah men khada huun gae dinon ko bula raha huun
jo qafila mera ham-safar tha misal-e-gard-e-safar gaya vo
mira tu khuun ho gaya hai paani sitamgaron ki palak na bhigi
jo naala uttha tha raat dil se na jaane kyuun be-asar gaya vo
vo mai-kade ko jagane vaala vo raat ki niind udane vaala
ye aaj kya us ke ji men aai ki shaam hote hi ghar gaya vo
vo hijr ki raat ka sitara vo ham-nafas ham-sukhan hamara
sada rahe us ka naam pyara suna hai kal raat mar gaya vo
vo jis ke shane pe haath rakh kar safar kiya tu ne manzilon ka
tiri gali se na jaane kyuun aaj sar jhukae guzar gaya vo
vo raat ka be-nava musafir vo tera shair vo tera 'nasir'
tiri gali tak to ham ne dekha tha phir na jaane kidhar gaya vo
gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo
bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khwab-e-sahar gaya wo
khushi ki rut ho ki gham ka mausam nazar use dhundti hai har dam
wo bu-e-gul tha ki naghma-e-jaan mere to dil mein utar gaya wo
na ab wo yaadon ka chadhta dariya na fursaton ki udas barkha
yunhi zara si kasak hai dil mein jo zakhm gahra tha bhar gaya wo
kuchh ab sambhalne lagi hai jaan bhi badal chala daur-e-asman bhi
jo raat bhaari thi tal gai hai jo din kada tha guzar gaya wo
bas ek manzil hai bul-hawas ki hazar raste hain ahl-e-dil ke
yahi to hai farq mujh mein us mein guzar gaya main thahar gaya wo
shikasta-pa rah mein khada hun gae dinon ko bula raha hun
jo qafila mera ham-safar tha misal-e-gard-e-safar gaya wo
mera tu khun ho gaya hai pani sitamgaron ki palak na bhigi
jo nala uttha tha raat dil se na jaane kyun be-asar gaya wo
wo mai-kade ko jagane wala wo raat ki nind udane wala
ye aaj kya us ke ji mein aai ki sham hote hi ghar gaya wo
wo hijr ki raat ka sitara wo ham-nafas ham-sukhan hamara
sada rahe us ka nam pyara suna hai kal raat mar gaya wo
wo jis ke shane pe hath rakh kar safar kiya tu ne manzilon ka
teri gali se na jaane kyun aaj sar jhukae guzar gaya wo
wo raat ka be-nawa musafir wo tera shair wo tera 'nasir'
teri gali tak to hum ne dekha tha phir na jaane kidhar gaya wo
meri dastan-e-hasrat wo suna suna ke roe
miri dastan-e-hasrat vo suna suna ke roe
mire azmane vaale mujhe aazma ke roe
koi aisa ahl-e-dil ho ki fasana-e-mohabbat
main use suna ke rouun vo mujhe suna ke roe
miri aarzu ki duniya dil-e-na-tavan ki hasrat
jise kho ke shadman the use aaj pa ke roe
tiri bevafaiyon par tiri kaj-adaiyon par
kabhi sar jhuka ke roe kabhi munh chhupa ke roe
jo sunai anjuman men shab-e-ghham ki ap-biti
kai ro ke muskurae kai muskura ke roe
meri dastan-e-hasrat wo suna suna ke roe
mere aazmane wale mujhe aazma ke roe
koi aisa ahl-e-dil ho ki fasana-e-mohabbat
main use suna ke roun wo mujhe suna ke roe
meri aarzu ki duniya dil-e-na-tawan ki hasrat
jise kho ke shadman the use aaj pa ke roe
teri bewafaiyon par teri kaj-adaiyon par
kabhi sar jhuka ke roe kabhi munh chhupa ke roe
jo sunai anjuman mein shab-e-gham ki aap-biti
kai ro ke muskurae kai muskura ke roe