Sahra

bahaar aae to mera salam kah dena mujhe to aaj talab kar liya hai sahra ne

sahra ko bahut naz hai virani pe apni waqif nahin shayad mere ujde hue ghar se

dekhna hai tujhe sahra to pareshan kyun hai kuchh dinon ke liye mujh se meri aankhen le ja

rakkhi hui hai donon ki buniyaad ret par sahra-e-be-karan ko samundar likhenge hum

wusat-e-sahra bhi munh apna chhupa kar nikli sari duniya mere kamre ke barabar nikli

ishq ne mansab likhe jis din meri taqdir mein dagh ki naqadi mili sahra mila jagir mein

ho sake kya apni wahshat ka ilaj mere kuche mein bhi sahra chahiye dagh dehlvi presents “wahshat” as an inner frenzy that no ordinary remedy can heal. the desert symbolizes vast solitude and distance, a space where the self can breathe. the lover’s heart is so unsettled that even the beloved’s lane feels too tight and crowded. the couplet’s ache lies in needing isolation even at the very place one longs to reach.

kis ne sahra mein mere waste rakkhi hai ye chhanw dhup roke hai mera chahne wala kaisa

main to rahta hun dasht mein masruf qais karta hai kaam-kaj mera

ab us pe chand sitare bhi rashk karte hain wo ek diya jo kabhi dasht mein bujhaya gaya

majnun se ye kahna ki mere shahar mein aa jae wahshat ke liye ek bayaban abhi hai

na hum wahshat mein apne ghar se nikle na sahra apni virani se nikla

kya khabar kab qaid-e-baam-o-dar se ukta jae dil bastiyon ke darmiyan sahra bhi hona chahiye

pahle tamam shahr ko sahra banaenge phir wahshaton ki ret pe soya karenge hum

wahshi raqs chamakte khanjar surkh alaw jangal jangal kante-dar qabile phul

aabla-pai hamari rang lai dasht mein khar-e-sahra tishna-e-khun ho ke nashtar ho gae

banjar dil sairab to hoga ashkon se sahra aankhon kaho na kaise ro lun main

mere 'anasir khak na hon bas rang banen aur jangal sahra dariya par barse rang

paigham to un ka aaya hai tum shahr mein 'tishna' aa jao sahra hai pasandida hum ko hum shahr mein ja kar kya karte

kohsar pe chal ke roiye ab sahra to bahut dubo chuke hum

mujhe dariya, kabhi sahra ke hawale kar ke wo kahani ko naya mod diya karta tha

main bahta dariya hun lekin bich mein sahra pad jata hai

hamein pukar na ab ai arus-e-shabnam-o-gul hamein na dhundh ki hum be-kanar sahra hain