Shajar

bichhad ke tujh se na dekha gaya kisi ka milap uda diye hain parinde shajar pe baithe hue

jab khizan aae to patte na samar bachta hai

jab khizan aae to patte na samar bachta hai khali jholi liye viran shajar bachta hai nukta-chin shauq se din raat mire 'aib nikal kyunki jab 'aib nikal jaaen hunar bachta hai saare dar bas isi dar se hain ki kho jaae na yaar yaar kho jaae to phir kaun sa dar bachta hai roz pathrav bahut karte hain duniya vaale roz mar mar ke mira khvab-nagar bachta hai ghham vo rasta hai ki shab bhar use tai karne ke baad subh-dam dekhen to utna hi safar bachta hai bas yahi soch ke aaya huun tiri chaukhat par dar-ba-dar hone ke baa'd ik yahi dar bachta hai ab mare 'aib zada shahr ke shar se sahib shaz-o-nadir hi koi ahl-e-hunar bachta hai 'ishq vo 'ilm-e-riyazi hai ki jis men faris do se jab ek nikalen to sifar bachta hai jab khizan aae to patte na samar bachta hai khali jholi liye viran shajar bachta hai nukta-chin shauq se din raat mere 'aib nikal kyunki jab 'aib nikal jaen hunar bachta hai sare dar bas isi dar se hain ki kho jae na yar yar kho jae to phir kaun sa dar bachta hai roz pathraw bahut karte hain duniya wale roz mar mar ke mera khwab-nagar bachta hai gham wo rasta hai ki shab bhar use tai karne ke baad subh-dam dekhen to utna hi safar bachta hai bas yahi soch ke aaya hun teri chaukhat par dar-ba-dar hone ke ba'd ek yahi dar bachta hai ab mare 'aib zada shahr ke shar se sahib shaz-o-nadir hi koi ahl-e-hunar bachta hai 'ishq wo 'ilm-e-riyazi hai ki jis mein faris do se jab ek nikalen to sifar bachta hai

kal raat jo indhan ke liye kat ke gira hai chidiyon ko bahut pyar tha us budhe shajar se

bar-sar-e-dashna-o-shamshir-o-tabar katta hai

bar-sar-e-dashna-o-shamshir-o-tabar katta hai zakhm siine se ulajhte hain to dar katta hai rone lagta huun to aa jaati hai chehre pe kharash zabt karta huun to andar se jigar katta hai sar jhukata huun to marta hai 'aqida mera aur 'aqide ko bachata huun to sar katta hai she'r vo lafz-tarashi ka 'amal hai jis men harf-rezon se mira dast-e-hunar katta hai koi divar utha rakhti hai chhat kandhon par kisi divar ke uthne se bhi ghar katta hai ab vo chaupal ke qisse na vo fursat na vo log ab to har gaanv se bargad ka shajar katta hai bar-sar-e-dashna-o-shamshir-o-tabar katta hai zakhm sine se ulajhte hain to dar katta hai rone lagta hun to aa jati hai chehre pe kharash zabt karta hun to andar se jigar katta hai sar jhukata hun to marta hai 'aqida mera aur 'aqide ko bachata hun to sar katta hai she'r wo lafz-tarashi ka 'amal hai jis mein harf-rezon se mera dast-e-hunar katta hai koi diwar utha rakhti hai chhat kandhon par kisi diwar ke uthne se bhi ghar katta hai ab wo chaupal ke qisse na wo fursat na wo log ab to har ganw se bargad ka shajar katta hai

ye ek shajar ki jis pe na kanta na phul hai sae mein us ke baith ke rona fuzul hai

wahi charagh bujha jis ki lau qayamat thi usi pe zarb padi jo shajar purana tha

shajar ne puchha ki tujh mein ye kis ki khushbu hai hawa-e-sham-e-alam ne kaha udasi ki

ghamon se bair tha so hum ne khud-kushi kar li shajar gira ke parindon se intiqam liya

har shakhs par kiya na karo itna e'timad har saya-dar shai ko shajar mat kaha karo

ek shajar aisa mohabbat ka lagaya jae jis ka ham-sae ke aangan mein bhi saya jae

aa mujhe chhu ke hara rang bichha de mujh par main bhi ek shakh si rakhta hun shajar karne ko

ud gae sare parinde mausamon ki chah mein intizar un ka magar budhe shajar karte rahe

thakan bahut thi magar saya-e-shajar mein 'jamal' main baithta to mera ham-safar chala jata

ajib dard ka rishta tha sab ke sab roe shajar gira to parinde tamam shab roe

main ek shajar ki tarah rah-guzar mein thahra hun thakan utar ke tu kis taraf rawana hua

chale jo dhup mein manzil thi un ki hamein to kha gaya saya shajar ka

tum lagate chalo ashjar jidhar se guzro us ke sae mein jo baithega dua hi dega

bhale hi chhanw na de aasra to deta hai ye aarzu ka shajar hai khizan-rasida sahi

safar ho shah ka ya qafila faqiron ka shajar mizaj samajhte hain rahgiron ka

us shajar ke sae mein baitha hun main jis ki shakhon par koi patta nahin

parinde lad hi pade jaedad par aakhir shajar pe likkha hua hai shajar barae-farokht

makan banate hue chhat bahut zaruri hai bacha ke sehn mein lekin shajar bhi rakhna hai

'arsh' bahaaron mein bhi aaya ek nazara patjhad ka sabz shajar ke sabz tane par ek sukhi si dali thi

lagaya mohabbat ka jab yan shajar shajar lag gaya aur samar jal gaya

jal kar gira hun sukhe shajar se uda nahin main ne wahi kiya jo taqaza wafa ka tha

barson se is mein phal nahin aae to kya hua saya to ab bhi sahn ke kohna shajar mein hai

jo saya-dar shajar the wo sarf-e-dar hue dikhai dete nahin dur dur tak sae

us ko khizan ke daur mein baghi samajh ke chum jo bhi shajar pe aakhiri patta dikhai de

purane ahd ke qisse sunata rahta hai bacha hua hai jo budha shajar hamari taraf

palat gae jo parinde to phir gila kya hai har ek shakh-e-shajar par bichhe hain jal bahut