social distancing shayari

koi hath bhi na milaega jo gale miloge tapak se ye nae mizaj ka shahr hai zara fasle se mila karo

ab nahin koi baat khatre ki ab sabhi ko sabhi se khatra hai

qurbaten lakh khub-surat hon duriyon mein bhi dilkashi hai abhi

thakna bhi lazmi tha kuchh kaam karte karte kuchh aur thak gaya hun aaram karte karte

ek hi shahr mein rahna hai magar milna nahin dekhte hain ye aziyyat bhi gawara kar ke

sham hote hi khuli sadkon ki yaad aati hai sochta roz hun main ghar se nahin niklunga

raste hain khule hue sare phir bhi ye zindagi ruki hui hai

ghar mein khud ko qaid to main ne aaj kiya hai tab bhi tanha tha jab mahfil mahfil tha main

kuchh roz nasir aao chalo ghar mein raha jae logon ko ye shikwa hai ki ghar par nahin milta

ye jo milate phirte ho tum har kisi se hath aisa na ho ki dhona pade zindagi se hath

main wo mahrum-e-inayat hun ki jis ne tujh se milna chaha to bichhadne ki waba phut padi

ab to mushkil hai kisi aur ka hona mere dost tu mujhe aise hua jaise corona mere dost

ye kah ke us ne mujhe makhmase mein dal diya milao hath agar waqai mohabbat hai

tenshan se marega na corone se marega ek shakhs tere pas na hone se marega

dil to pahle hi juda the yahan basti walo kya qayamat hai ki ab hath milane se gae

haal puchha na kare hath milaya na kare main isi dhup mein khush hun koi saya na kare

bhuk se ya waba se marna hai faisla aadmi ko karna hai

afsos ye waba ke dinon ki mohabbaten ek dusre se hath milane se bhi gae

jaan hai to jahan hai dil hai to aarzu bhi hai ishq bhi ho rahega phir jaan abhi bachaiye

ghum-phir kar na qatl-e-am kare jo jahan hai wahin qayam kare

apni majburi ko hum diwar-o-dar kahne lage qaid ka saman kiya aur us ko ghar kahne lage

ghar rahiye ki bahar hai ek raqs balaon ka is mausam-e-wahshat mein nadan nikalte hain

kaisa chaman ki hum se asiron ko mana hai chaak-e-qafas se bagh ki diwar dekhna meer paints a cruel “garden” where the captive is denied even a glimpse of the outside. the garden suggests beauty, life, and freedom, while the cage stands for confinement and helplessness. even the tiny cracks that could offer hope are policed, intensifying the sense of injustice. the emotional core is yearning: being so near to beauty yet kept from it.

in duriyon ne aur badha di hain qurbaten sab fasle waba ki tawalat se mit gae

bazar hain khamosh to galiyon pe hai sakta ab shahr mein tanhai ka dar bol raha hai

mumkin hai yahi dil ke milane ka sabab ho ye rut jo hamein hath milane nahin deti

aisi taraqqi par to rona banta hai jis mein dahshat-gard corona banta hai

aap hi aap diye bujhte chale jate hain aur aaseb dikhai bhi nahin deta hai

koi dawa bhi nahin hai yahi to rona hai sad ehtiyat ki phaila hua corona hai

shahr gum-sum raste sunsan ghar khamosh hain kya bala utri hai kyun diwar-o-dar khamosh hain