social distancing shayari

koi hath bhi na milaega jo gale miloge tapak se ye nae mizaj ka shahr hai zara fasle se mila karo

sab ko bachao khud bhi bacho fasla rakho

sab ko bachao khud bhi bacho fasla rakho ab aur kuchh karo na karo fasla rakho khatra to muft men bhi nahin lena chahiye ghar se nikal ke mol na lo fasla rakho filhal is se bachne ka hai ek rasta vo ye ki is se bach ke raho fasla rakho dushman hai aur tarah ka jang aur tarah ki aage badho na pichhe hato fasla rakho hal bhi talash kar liya jaega an-qarib tum is vaba ko badhne na do fasla rakho rakhne ki bas ye tiin hi chizen hain in dinon himmat rakho yaqin rakho fasla rakho karte ho jis tarah bure logon se ijtinab achchhon se bhi gurez karo fasla rakho sab ko bachao khud bhi bacho fasla rakho ab aur kuchh karo na karo fasla rakho khatra to muft mein bhi nahin lena chahiye ghar se nikal ke mol na lo fasla rakho filhaal is se bachne ka hai ek rasta wo ye ki is se bach ke raho fasla rakho dushman hai aur tarah ka jang aur tarah ki aage badho na pichhe hato fasla rakho hal bhi talash kar liya jaega an-qarib tum is waba ko badhne na do fasla rakho rakhne ki bas ye tin hi chizen hain in dinon himmat rakho yaqin rakho fasla rakho karte ho jis tarah bure logon se ijtinab achchhon se bhi gurez karo fasla rakho

ab nahin koi baat khatre ki ab sabhi ko sabhi se khatra hai

sab zarurat ka to saman hai ghar mein rahiye

sab zarurat ka to saman hai ghar men rahiye kya hua gar koi halkan hai ghar men rahiye bhiid men bhi na the siine se lagane vaale aaj to shahr hi viran hai ghar men rahiye saans ghut jaegi divaron ke ke andar ik din aur sunte hain ki darman hai ghar men rahiye band hain mandir o masjid ki dukanen saari aaj bazar ye sunsan hai ghar men rahiye kal talak mulk se bahar jo kiye dete the ab to un ka bhi ye farman hai ghar men rahiye har maraz men nahin hoti hai suhulat itni bhuuk se marna to asan hai ghar men rahiye qaid phir qaid hi hoti hai magar hasb-e-hal sab se behtar yahi zindan hai ghar men rahiye aap dil se mujhe be-dakhl kiye dete hain ab to sarkar ka elaan hai ghar men rahiye us ki tasvir in ankhon ke liye kaafi hai aur phir miir ka divan hai ghar men rahiye sab zarurat ka to saman hai ghar mein rahiye kya hua gar koi halkan hai ghar mein rahiye bhid mein bhi na the sine se lagane wale aaj to shahr hi viran hai ghar mein rahiye sans ghut jaegi diwaron ke ke andar ek din aur sunte hain ki darman hai ghar mein rahiye band hain mandir o masjid ki dukanen sari aaj bazar ye sunsan hai ghar mein rahiye kal talak mulk se bahar jo kiye dete the ab to un ka bhi ye farman hai ghar mein rahiye har maraz mein nahin hoti hai suhulat itni bhuk se marna to aasan hai ghar mein rahiye qaid phir qaid hi hoti hai magar hasb-e-haal sab se behtar yahi zindan hai ghar mein rahiye aap dil se mujhe be-dakhl kiye dete hain ab to sarkar ka elan hai ghar mein rahiye us ki taswir in aankhon ke liye kafi hai aur phir mir ka diwan hai ghar mein rahiye

qurbaten lakh khub-surat hon duriyon mein bhi dilkashi hai abhi

dil ko darun-e-khana hi bahlao ghar raho

dil ko darun-e-khana hi bahlao ghar raho tum ko qasam hai bhiid men mat jaao ghar raho zinda rahe to yaar bahut mahfilen bahut filhal mere anjuman-arao! ghar raho maana ki iid milna bhi dastur hai magar sinon se lag ke maut na phailao ghar raho chaukhat na paar karna ki bahar hai qatl-e-am galiyon men chal rahi hai ajal daav ghar raho mahbub ko bhi le ke maroge tum apne saath gar ishq hai to ishq na jatlao ghar raho dariya-e-khun hai qariya-o-bazar men ravan tah kar ke rakh do yaaro abhi naav ghar raho ik mufti-e-sakhi ka hai fatva ki thiik hai ghar rah ke chahe mai hi piye jaao ghar raho faris! hamen bhi shauq-e-mulaqat hai magar puure karenge baad men sab chaav ghar raho dil ko darun-e-khana hi bahlao ghar raho tum ko qasam hai bhid mein mat jao ghar raho zinda rahe to yar bahut mahfilen bahut filhaal mere anjuman-arao! ghar raho mana ki id milna bhi dastur hai magar sinon se lag ke maut na phailao ghar raho chaukhat na par karna ki bahar hai qatl-e-am galiyon mein chal rahi hai ajal daw ghar raho mahbub ko bhi le ke maroge tum apne sath gar ishq hai to ishq na jatlao ghar raho dariya-e-khun hai qariya-o-bazar mein rawan tah kar ke rakh do yaro abhi naw ghar raho ek mufti-e-sakhi ka hai fatwa ki thik hai ghar rah ke chahe mai hi piye jao ghar raho faris! hamein bhi shauq-e-mulaqat hai magar pure karenge baad mein sab chaw ghar raho

thakna bhi lazmi tha kuchh kaam karte karte kuchh aur thak gaya hun aaram karte karte

zamin pe insan khuda bana tha waba se pahle

zamin pe insan khuda bana tha vaba se pahle vo khud ko sab kuchh samajh raha tha vaba se pahle palak jhapakte hi saara manzar badal gaya hai yahan to mela laga hua tha vaba se pahle tum aaj hathon se duriyan napte ho socho dilon men kis darja fasla tha vaba se pahle ajiib si daud men sab aise lage hue the makan makinon ko dhundhta tha vaba se pahle ham aaj khalvat men is zamane ko ro rahe hain vo jis se sab ko bahut gila tha vaba se pahle na jaane kyon aa gaya dua men miri vo bachcha sadak pe jo phuul bechta tha vaba se pahle dua ko utthe hain haath 'amabar' to dhyan aaya ye asman surkh ho chuka tha vaba se pahle zamin pe insan khuda bana tha waba se pahle wo khud ko sab kuchh samajh raha tha waba se pahle palak jhapakte hi sara manzar badal gaya hai yahan to mela laga hua tha waba se pahle tum aaj hathon se duriyan napte ho socho dilon mein kis darja fasla tha waba se pahle ajib si daud mein sab aise lage hue the makan makinon ko dhundhta tha waba se pahle hum aaj khalwat mein is zamane ko ro rahe hain wo jis se sab ko bahut gila tha waba se pahle na jaane kyon aa gaya dua mein meri wo bachcha sadak pe jo phul bechta tha waba se pahle dua ko utthe hain hath 'amabar' to dhyan aaya ye aasman surkh ho chuka tha waba se pahle

ek hi shahr mein rahna hai magar milna nahin dekhte hain ye aziyyat bhi gawara kar ke

hansne rone se gae rabt badhane se gae

hansne rone se gae rabt badhane se gae aisi uftad padi saare zamane se gae vo taaffun hai ki is baar zamin ke baasi apne sajdon se gae rizq kamane se gae dil to pahle hi juda the yahan basti vaalo kya qayamat hai ki ab haath milane se gae is qadar qaht-e-vafa hai mire atraf ki ab yaar yaron ko bhi ahval sunane se gae apna ye haal ki hain jaan bachane men magan aur ajdad jo hain jaan ladane men gae tujh ko kya ilm ki ham teri mohabbat ke tufail saari duniya se kate saare zamane se gae hansne rone se gae rabt badhane se gae aisi uftad padi sare zamane se gae wo taffun hai ki is bar zamin ke basi apne sajdon se gae rizq kamane se gae dil to pahle hi juda the yahan basti walo kya qayamat hai ki ab hath milane se gae is qadar qaht-e-wafa hai mere atraf ki ab yar yaron ko bhi ahwal sunane se gae apna ye haal ki hain jaan bachane mein magan aur ajdad jo hain jaan ladane mein gae tujh ko kya ilm ki hum teri mohabbat ke tufail sari duniya se kate sare zamane se gae

sham hote hi khuli sadkon ki yaad aati hai sochta roz hun main ghar se nahin niklunga

bosa na de gale na laga hath mat mila

bosa na de gale na laga haath mat mila ai yar-e-khush-jamal magar samne to aa do chaar gaz ke fasle se muskura ke dekh do chaar gaz ke fasle tak aa ke laut ja ya ghar men baith aur mujhe tasvir bhej de fasl-e-vaba men vasl ka andaz hai juda khidki se jhank jhank ke khush ho ai ru-e-khush pat khol dekh dekh ke kuchh der muskura guzren vaba ke din to baghhal-gir hovenge arman zabt kar ai mire yaar tham zara bosa na de gale na laga hath mat mila ai yar-e-khush-jamal magar samne to aa do chaar gaz ke fasle se muskura ke dekh do chaar gaz ke fasle tak aa ke laut ja ya ghar mein baith aur mujhe taswir bhej de fasl-e-waba mein wasl ka andaz hai juda khidki se jhank jhank ke khush ho ai ru-e-khush pat khol dekh dekh ke kuchh der muskura guzren waba ke din to baghal-gir howenge arman zabt kar ai mere yar tham zara

raste hain khule hue sare phir bhi ye zindagi ruki hui hai

rahiye ahbab se kat kar ki waba ke din hain

rahiye ahbab se kat kar ki vaba ke din hain saans bhi lijiye hat kar ki vaba ke din hain vo jinhen khud se bhi milne ki nahin thi fursat rah gae khud men simat kar ki vaba ke din hain raunaq-e-bazm-e-jahan khud ko samajhne vaale aa gae ghar ko palat kar ki vaba ke din hain kya kisi aur se ab harf-e-tasalli kahiye roiye khud se lipat kar ki vaba ke din hain ek jhatke men hue shah-o-gada zer-o-zabar rah gai duniya ulat kar ki vaba ke din hain sab ko malum hai taabir to yaksan hogi khvab hi dekh len hat kar ki vaba ke din hain ek kamre men simat aai hai saari duniya rah gae khanon men bat kar ki vaba ke din hain ye mira rang-e-taghhazzul to nahin hai lekin ik ghhazal likkhi hai hat kar ki vaba ke din hain rahiye ahbab se kat kar ki waba ke din hain sans bhi lijiye hat kar ki waba ke din hain wo jinhen khud se bhi milne ki nahin thi fursat rah gae khud mein simat kar ki waba ke din hain raunaq-e-bazm-e-jahan khud ko samajhne wale aa gae ghar ko palat kar ki waba ke din hain kya kisi aur se ab harf-e-tasalli kahiye roiye khud se lipat kar ki waba ke din hain ek jhatke mein hue shah-o-gada zer-o-zabar rah gai duniya ulat kar ki waba ke din hain sab ko malum hai tabir to yaksan hogi khwab hi dekh len hat kar ki waba ke din hain ek kamre mein simat aai hai sari duniya rah gae khanon mein bat kar ki waba ke din hain ye mera rang-e-taghazzul to nahin hai lekin ek ghazal likkhi hai hat kar ki waba ke din hain

ghar mein khud ko qaid to main ne aaj kiya hai tab bhi tanha tha jab mahfil mahfil tha main

sabhi yahan hain darida-daman sabhi ka ab haal ek sa hai

sabhi yahan hain darida-daman sabhi ka ab haal ek sa hai ab aisi surat men kis se puchhen ye kya bana hai ye kya hua hai kuchh is tarah se kabhi hua tha sukut-e-dar-o-rasan ka aalam na koi divana sar-ba-kaf hai na koi vahshi data hua hai maraz ye kya hai ki jis ke dar se tamam duniya laraz rahi hai ye kya vaba hai ki jis ke aage har ek ka sar jhuka hua hai vo asmanon pe jaane vaale vo chand se mitti laane vaale na jaane ab vo kahan gae hain har ek ghar men chhupa hua hai vo sab missile ye saare atom bas ik corona ki maar nikle ab aise aalam men dekh len sab ki chiin kaise data hua hai ye vaizon ke tamam khutbe hamari mushkil ka hal nahin hain ab is ko khud ham hi hal karenge ye masala jo bana hua hai na koi bhi ham pe pahra-zan hai ki ham kahin aaen aur na jaaen har ek insan apne ghar men khud apna qaidi bana hua hai koi bada ho ki ya ho chhota koi gada ho ki badshah ho is ibtila ka kamal ye hai ki sab ko yaksan kiya hua hai sivae khamosh chand taron ke in khalaon men kuchh nahin hai ye zindagi ki hi raunaqen hain ki jin se mela saja hua hai ye kya ghhazab hai ki muddaton se khizan hi gulshan men khema-zan hai jo mausam-e-gul ka karvan tha vo karvan kyon ruka hua hai hamara zauq-e-sukhan hai jaari ise kisi shai ka dar nahin hai na husn ham se alag hua hai na ishq ham se juda hua hai khuda to un se khafa hai 'aslam' jo us ke qanun todte hain vagarna ham aise be-bason se khuda bhala kab khafa hua hai sabhi yahan hain darida-daman sabhi ka ab haal ek sa hai ab aisi surat mein kis se puchhen ye kya bana hai ye kya hua hai kuchh is tarah se kabhi hua tha sukut-e-dar-o-rasan ka aalam na koi diwana sar-ba-kaf hai na koi wahshi data hua hai maraz ye kya hai ki jis ke dar se tamam duniya laraz rahi hai ye kya waba hai ki jis ke aage har ek ka sar jhuka hua hai wo aasmanon pe jaane wale wo chand se mitti lane wale na jaane ab wo kahan gae hain har ek ghar mein chhupa hua hai wo sab missile ye sare atom bas ek corona ki mar nikle ab aise aalam mein dekh len sab ki chin kaise data hua hai ye waizon ke tamam khutbe hamari mushkil ka hal nahin hain ab is ko khud hum hi hal karenge ye masala jo bana hua hai na koi bhi hum pe pahra-zan hai ki hum kahin aaen aur na jaen har ek insan apne ghar mein khud apna qaidi bana hua hai koi bada ho ki ya ho chhota koi gada ho ki baadshah ho is ibtila ka kamal ye hai ki sab ko yaksan kiya hua hai siwae khamosh chand taron ke in khalaon mein kuchh nahin hai ye zindagi ki hi raunaqen hain ki jin se mela saja hua hai ye kya ghazab hai ki muddaton se khizan hi gulshan mein khema-zan hai jo mausam-e-gul ka karwan tha wo karwan kyon ruka hua hai hamara zauq-e-sukhan hai jari ise kisi shai ka dar nahin hai na husn hum se alag hua hai na ishq hum se juda hua hai khuda to un se khafa hai 'aslam' jo us ke qanun todte hain wagarna hum aise be-bason se khuda bhala kab khafa hua hai

kuchh roz nasir aao chalo ghar mein raha jae logon ko ye shikwa hai ki ghar par nahin milta

jaan ka aazar hai bimari-e-duniya nahin

jaan ka azar hai bimari-e-duniya nahin zaat tak mahdud ho jaaen to kuchh khatra nahin ab hifazat jitni hai mahbus ho jaane men hai khud ke bahar ghumne phirne ka ab mauqa nahin us se milna absharon se guzarna tha magar khauf ka vo kaun sa tufan tha jo aaya nahin ab ke bichhde kab milenge ab ki baar ik ye saval ham ne bhi puchha nahin us ne bhi batlaya nahin mo'atabar kitna bhi ho har vasta mashkuk hai jo tasavvur men likha vo khat bhi pahunchaya nahin mujh men ik bachcha jo muzmar hai bahut masrur hai in dinon duniya se us ka mutlaqan rishta nahin masala koi bhi ho 'arshad' muhit-e-ishq hai jo ghhazal ka rah-rau ho raah se hatta nahin jaan ka aazar hai bimari-e-duniya nahin zat tak mahdud ho jaen to kuchh khatra nahin ab hifazat jitni hai mahbus ho jaane mein hai khud ke bahar ghumne phirne ka ab mauqa nahin us se milna aabshaaron se guzarna tha magar khauf ka wo kaun sa tufan tha jo aaya nahin ab ke bichhde kab milenge ab ki bar ek ye sawal hum ne bhi puchha nahin us ne bhi batlaya nahin mo'atabar kitna bhi ho har wasta mashkuk hai jo tasawwur mein likha wo khat bhi pahunchaya nahin mujh mein ek bachcha jo muzmar hai bahut masrur hai in dinon duniya se us ka mutlaqan rishta nahin masala koi bhi ho 'arshad' muhit-e-ishq hai jo ghazal ka rah-rau ho rah se hatta nahin

ye jo milate phirte ho tum har kisi se hath aisa na ho ki dhona pade zindagi se hath

na ho ki qurb hi phir rabt-e-marg ban jae

na ho ki qurb hi phir rabt-e-marg ban jaae vo ab mile to zara us se fasla rakhna na ho ki qurb hi phir rabt-e-marg ban jae wo ab mile to zara us se fasla rakhna

main wo mahrum-e-inayat hun ki jis ne tujh se milna chaha to bichhadne ki waba phut padi

ab to mushkil hai kisi aur ka hona mere dost tu mujhe aise hua jaise corona mere dost

ye kah ke us ne mujhe makhmase mein dal diya milao hath agar waqai mohabbat hai

tenshan se marega na corone se marega ek shakhs tere pas na hone se marega

dil to pahle hi juda the yahan basti walo kya qayamat hai ki ab hath milane se gae

haal puchha na kare hath milaya na kare main isi dhup mein khush hun koi saya na kare

bhuk se ya waba se marna hai faisla aadmi ko karna hai

afsos ye waba ke dinon ki mohabbaten ek dusre se hath milane se bhi gae

jaan hai to jahan hai dil hai to aarzu bhi hai ishq bhi ho rahega phir jaan abhi bachaiye

ghum-phir kar na qatl-e-am kare jo jahan hai wahin qayam kare