Ummeed

dil na-umid to nahin nakaam hi to hai lambi hai gham ki sham magar sham hi to hai

hum ko un se wafa ki hai ummid jo nahin jaante wafa kya hai from her i hope for constancy who knows it not, to my dismay the poet mocks his own naivety in expecting loyalty from a beloved who is completely oblivious to the concept. it highlights a tragic irony where the lover's intense expectations are directed at someone incapable of fulfilling them, either due to innocence or cruel indifference.

na koi wada na koi yaqin na koi umid magar hamein to tera intizar karna tha no promise,surety, nor any hope was due yet i had little choice but to wait for you the couplet captures love as an inner compulsion: even when the beloved offers no commitment, assurance, or hope, the speaker cannot stop waiting. the repetition of "no" intensifies the emptiness on one side, while "had to" shows helpless devotion on the other. waiting becomes a fate the lover accepts, despite knowing it may be futile.

ab tak dil-e-khush-fahm ko tujh se hain umiden ye aakhiri shamen bhi bujhane ke liye aa my heart is optimistic yet, its hopes are still alive come to snuff it out, let not this final flame survive

mere junun ka natija zarur niklega isi siyah samundar se nur niklega

yun to har sham umidon mein guzar jati hai aaj kuchh baat hai jo sham pe rona aaya every evening was, by hope, sustained this evening's desperation makes me weep

tere wadon pe kahan tak mera dil fareb khae koi aisa kar bahana meri aas tut jae

shakhen rahin to phul bhi patte bhi aaenge ye din agar bure hain to achchhe bhi aaenge

yahi hai zindagi kuchh khwab chand ummiden inhin khilaunon se tum bhi bahal sako to chalo

itna bhi na-umid dil-e-kam-nazar na ho mumkin nahin ki sham-e-alam ki sahar na ho disheartened or shortsighted o heart you need not be this night of sorrow surely will a dawn tomorrow see

na-umidi maut se kahti hai apna kaam kar aas kahti hai thahar khat ka jawab aane ko hai

saya hai kam khajur ke unche darakht ka ummid bandhiye na bade aadmi ke sath

aarzu hasrat aur ummid shikayat aansu ek tera zikr tha aur bich mein kya kya nikla

main ab kisi ki bhi ummid tod sakta hun mujhe kisi pe bhi ab koi e'tibar nahin

ek charagh aur ek kitab aur ek ummid asasa us ke ba'd to jo kuchh hai wo sab afsana hai

khwab, ummid, tamannaen, talluq, rishte jaan le lete hain aakhir ye sahaare sare

kahte hain ki ummid pe jita hai zamana wo kya kare jis ko koi ummid nahin ho

itne mayus to haalat nahin log kis waste ghabrae hain

maujon ki siyasat se mayus na ho 'fani' girdab ki har tah mein sahil nazar aata hai

ummid to bandh jati taskin to ho jati wada na wafa karte wada to kiya hota

ab raat ki diwar ko dhana hai zaruri ye kaam magar mujh se akele nahin hoga

wo ummid kya jis ki ho intiha wo wada nahin jo wafa ho gaya

kis se ummid karen koi ilaj-e-dil ki chaaragar bhi to bahut dard ka mara nikla

kuchh kati himmat-e-sawal mein umr kuchh umid-e-jawab mein guzri

tum kahan wasl kahan wasl ki ummid kahan dil ke bahkane ko ek baat bana rakhi hai

bichhad ke tujh se mujhe hai umid milne ki suna hai ruh ko aana hai phir badan ki taraf

bas ab to daman-e-dil chhod do bekar ummido bahut dukh sah liye main ne bahut din ji liya main ne

rakh na aansu se wasl ki ummid khaare pani se dal galti nahin

inqalab-e-subh ki kuchh kam nahin ye bhi dalil pattharon ko de rahe hain aaine khul kar jawab

mujh ko auron se kuchh nahin hai kaam tujh se har dam umid-wari hai