Poetry Collection

Hijrat

The act of moving or shifting from one place to another, or from one country to another is what we know as migration. Human beings migrate for religious, political, economic, and several other reasons. The shers selected on this subject expose you to a wide variety of experiences concerning migration. These relate with the lingering memories of home, sense of loss, pains of separation, crisis of identity, and desire for retreat.

Total

37

Sher

31

Ghazal

6

Nazm

0

All Sher 31 Ghazal 6 Nazm 0

Featured Picks

Is collection se writer-diverse top picks for quick reading.

mitti ki mohabbat mein hum aashufta-saron ne wo qarz utare hain ki wajib bhi nahin the

~ Iftikhar Arif

talash-e-rizq ka ye marhala ajab hai ki hum gharon se dur bhi ghar ke liye base hue hain

mujhe bhi lamha-e-hijrat ne kar diya taqsim nigah ghar ki taraf hai qadam safar ki taraf

~ Shehpar Rasool

mitti ki mohabbat mein hum aashufta-saron ne wo qarz utare hain ki wajib bhi nahin the

~ Iftikhar Arif

talash-e-rizq ka ye marhala ajab hai ki hum gharon se dur bhi ghar ke liye base hue hain

mujhe bhi lamha-e-hijrat ne kar diya taqsim nigah ghar ki taraf hai qadam safar ki taraf

~ Shehpar Rasool

pani mein aks aur kisi aasman ka hai ye naw kaun si hai ye dariya kahan ka hai

~ Ahmad Mushtaq

ghurbat ki thandi chhanw mein yaad aai us ki dhup qadr-e-watan hui hamein tark-e-watan ke baad

tamam khana-ba-doshon mein mushtarak hai ye baat sab apne apne gharon ko palat ke dekhte hain

~ Iftikhar Arif

shikam ki aag liye phir rahi hai shahr-ba-shahr sag-e-zamana hain hum kya hamari hijrat kya

~ Iftikhar Arif

dard-e-hijrat ke satae hue logon ko kahin saya-e-dar bhi nazar aae to ghar lagta hai

~ Bakhsh Layalpuri

kuchh be-thikana karti rahin hijraten mudam kuchh meri wahshaton ne mujhe dar-ba-dar kiya

ghar to kya ghar ka nishan bhi nahin baqi 'safdar' ab watan mein kabhi jaenge to mehman honge

~ Safdar Mirzapuri

ye kis maqam pe sujhi tujhe bichhadne ki ki ab to ja ke kahin din sanwarne wale the

ye hijraten hain zamin o zaman se aage ki jo ja chuka hai use laut kar nahin aana

~ Aftab Iqbal Shamim

main kya jaanun gharon ka haal kya hai main sari zindagi bahar raha hun

~ Ameer Qazalbash

mujhe to khair watan chhod kar aman na mili watan bhi mujh se gharib-ul-watan ko tarsega

main bahut kamzor tha is mulk mein hijrat ke baad par mujhe is mulk mein kamzor-tar us ne kiya

~ Muneer Niyazi

phir nai hijrat koi darpesh hai khwab mein ghar dekhna achchha nahin

~ Abdullah Javed

har nai nasl ko ek taza madine ki talash sahibo ab koi hijrat nahin hogi hum se

~ Iftikhar Arif

abhi to ek watan chhod kar hi nikle hain hanuz dekhni baqi hain hijraten kya kya

~ Saba Akbarabadi

aazadiyon ke shauq o hawas ne hamein 'adil' ek ajnabi zamin ka qaidi bana diya

rasm-o-riwaj chhod ke sab aa gae yahan rakkhi hui hain taq mein ab ghairaten tamam

na ranj-e-hijrat tha aur na shauq-e-safar tha dil mein sab apne apne gunah ka bojh dho rahe the

ye kaisi hijraten hain mausamon mein parinde bhi nahin hain ghonslon mein

~ Khalid Siddiqui

jab apni sar-zamin ne mujh ko na di panah anjaan wadiyon mein utarna pada mujhe

parinde sab nahin zindan mein mare gae hain qafas mein kuchh to kuchh naql-e-makani mein mare hain

~ Abdul Mannan Samadi

dhang ke ek thikane ke liye ghar-ka-ghar naql-e-makani mein raha

dhup musafir chhanw musafir aae koi koi jae ghar mein baitha soch raha hun aangan hai ya rasta hai

ye gham juda hai bahut jald-baz the hum tum ye dukh alag hai abhi kaenat baqi hai

apne rasm-o-riwaj kho baithe baqi ab khandan mein kya hai

ghol ke ghol mere sahn mein aa baithte hain ye parinde mujhe hijrat nahin karne dete

ek hijrat to mujh ko thi darpesh hijr bhi us ke darmiyan pada

Explore Similar Collections

Aab Deedah Aab Aabla Aadmi Aagahi Aah Aahat Aajizi

Hijrat FAQs

Hijrat collection me kya milega?

Hijrat se related curated sher, selected ghazal excerpts aur context-friendly reading flow milega.

Kya is page ki links internal hain?

Haan, collection links, writer links aur detail links sab Kuch Alfaaz ke internal routes par map kiye gaye hain.

Collection ko kaise explore karein?

Type filter (Sher/Ghazal/Nazm), featured picks aur similar collections rail use karke fast discovery kar sakte hain.