Hijrat

mitti ki mohabbat mein hum aashufta-saron ne wo qarz utare hain ki wajib bhi nahin the

hum to jaise wahan ke the hi nahin

ham to jaise vahan ke the hi nahin be-aman the amaan ke the hi nahin ham ki hain teri dastan yaksar ham tiri dastan ke the hi nahin un ko andhi men hi bikharna tha baal o par ashiyan ke the hi nahin ab hamara makan kis ka hai ham to apne makan ke the hi nahin ho tiri khak-e-astan pe salam ham tire astan ke the hi nahin ham ne ranjish men ye nahin socha kuchh sukhan to zaban ke the hi nahin dil ne daala tha darmiyan jin ko log vo darmiyan ke the hi nahin us gali ne ye sun ke sabr kiya jaane vaale yahan ke the hi nahin hum to jaise wahan ke the hi nahin be-aman the aman ke the hi nahin hum ki hain teri dastan yaksar hum teri dastan ke the hi nahin un ko aandhi mein hi bikharna tha baal o par aashiyan ke the hi nahin ab hamara makan kis ka hai hum to apne makan ke the hi nahin ho teri khak-e-astan pe salam hum tere aastan ke the hi nahin hum ne ranjish mein ye nahin socha kuchh sukhan to zaban ke the hi nahin dil ne dala tha darmiyan jin ko log wo darmiyan ke the hi nahin us gali ne ye sun ke sabr kiya jaane wale yahan ke the hi nahin

talash-e-rizq ka ye marhala ajab hai ki hum gharon se dur bhi ghar ke liye base hue hain

hum aandhiyon ke ban mein kisi karwan ke the

ham andhiyon ke ban men kisi karvan ke the jaane kahan se aae hain jaane kahan ke the ai jan-e-dastan tujhe aaya kabhi khayal vo log kya hue jo tiri dastan ke the ham tere astan pe ye kahne ko aae hain vo khaak ho gae jo tire astan ke the mil kar tapak se na hamen kijiye udaas khatir na kijiye kabhi ham bhi yahan ke the kya puchhte ho nam-o-nishan-e-musafiran hindostan men aae hain hindostan ke the ab khaak ud rahi hai yahan intizar ki ai dil ye bam-o-dar kisi jan-e-jahan ke the ham kis ko den bhala dar-o-divar ka hisab ye ham jo hain zamin ke na the asman ke the ham se chhina hai naf-piyala tira miyan goya azal se ham saf-e-lab-tishnagan ke the ham ko haqiqaton ne kiya hai kharab-o-khvar ham khvab-e-khvab aur guman-e-guman ke the sad-yad-e-yad 'jaun' vo hangam-e-dil ki jab ham ek gaam ke na the par haft-khvan ke the vo rishta-ha-e-zat jo barbad ho gae mere guman ke the ki tumhare guman ke the hum aandhiyon ke ban mein kisi karwan ke the jaane kahan se aae hain jaane kahan ke the ai jaan-e-dastan tujhe aaya kabhi khayal wo log kya hue jo teri dastan ke the hum tere aastan pe ye kahne ko aae hain wo khak ho gae jo tere aastan ke the mil kar tapak se na hamein kijiye udas khatir na kijiye kabhi hum bhi yahan ke the kya puchhte ho nam-o-nishan-e-musafiran hindostan mein aae hain hindostan ke the ab khak ud rahi hai yahan intizar ki ai dil ye baam-o-dar kisi jaan-e-jahan ke the hum kis ko den bhala dar-o-diwar ka hisab ye hum jo hain zamin ke na the aasman ke the hum se chhina hai naf-piyala tera miyan goya azal se hum saf-e-lab-tishnagan ke the hum ko haqiqaton ne kiya hai kharab-o-khwar hum khwab-e-khwab aur guman-e-guman ke the sad-yaad-e-yaad 'jaun' wo hangam-e-dil ki jab hum ek gam ke na the par haft-khwan ke the wo rishta-ha-e-zat jo barbaad ho gae mere guman ke the ki tumhaare guman ke the

mujhe bhi lamha-e-hijrat ne kar diya taqsim nigah ghar ki taraf hai qadam safar ki taraf

soe kahan the aankhon ne takiye bhigoe the

soe kahan the ankhon ne takiye bhigoe the ham bhi kabhi kisi ke liye khuub roe the angnai men khade hue beri ke ped se vo log chalte vaqt gale mil ke roe the har saal zard phulon ka ik qafila ruka us ne jahan pe dhuul ate paanv dhoe the is hadse se mera taalluq nahin koi mele men ek saath kai bachche khoe the ankhon ki kashtiyon men safar kar rahe hain vo jin doston ne dil ke safine duboe the kal raat main tha mere alava koi na tha shaitan mar gaya tha farishte bhi soe the soe kahan the aankhon ne takiye bhigoe the hum bhi kabhi kisi ke liye khub roe the angnai mein khade hue beri ke ped se wo log chalte waqt gale mil ke roe the har sal zard phulon ka ek qafila ruka us ne jahan pe dhul ate panw dhoe the is hadse se mera talluq nahin koi mele mein ek sath kai bachche khoe the aankhon ki kashtiyon mein safar kar rahe hain wo jin doston ne dil ke safine duboe the kal raat main tha mere alawa koi na tha shaitan mar gaya tha farishte bhi soe the

pani mein aks aur kisi aasman ka hai ye naw kaun si hai ye dariya kahan ka hai

hawa ke waste ek kaam chhod aaya hun

hava ke vaste ik kaam chhod aaya huun diya jala ke sar-e-sham chhod aaya huun kabhi nasib ho fursat to us ko padh lena vo ek khat jo tire naam chhod aaya huun hava-e-dasht-o-bayaban bhi mujh se barham hai main apne ghar ke dar-o-bam chhod aaya huun koi charaghh sar-e-rahguzar nahin na sahi main naqsh-e-pa ko bahar-gam chhod aaya huun abhi to aur bahut us pe tabsire honge main guftugu men jo ibham chhod aaya huun ye kam nahin hai vazahat miri asiri ki paron ke rang tah-e-dam chhod aaya huun vahan se ek qadam bhi na ja saki aage jahan pe gardish-e-ayyam chhod aaya huun mujhe jo dhundhna chahe vo dhundh le 'ejaz' ki ab main kucha-e-gum-nam chhod aaya huun hawa ke waste ek kaam chhod aaya hun diya jala ke sar-e-sham chhod aaya hun kabhi nasib ho fursat to us ko padh lena wo ek khat jo tere nam chhod aaya hun hawa-e-dasht-o-bayaban bhi mujh se barham hai main apne ghar ke dar-o-baam chhod aaya hun koi charagh sar-e-rahguzar nahin na sahi main naqsh-e-pa ko bahar-gam chhod aaya hun abhi to aur bahut us pe tabsire honge main guftugu mein jo ibham chhod aaya hun ye kam nahin hai wazahat meri asiri ki paron ke rang tah-e-dam chhod aaya hun wahan se ek qadam bhi na ja saki aage jahan pe gardish-e-ayyam chhod aaya hun mujhe jo dhundhna chahe wo dhundh le 'ejaz' ki ab main kucha-e-gum-nam chhod aaya hun

ghurbat ki thandi chhanw mein yaad aai us ki dhup qadr-e-watan hui hamein tark-e-watan ke baad

kal apne shahr ki bas mein sawar hote hue

kal apne shahr ki bas men savar hote hue vo dekhta tha mujhe ashk-bar hote hue parinde aae to gumbad pe baith jaenge nahin shajar ki zarurat mazar hote hue hai ek aur bhi surat raza-o-kufr ke biich ki shak bhi dil men rahe e'tibar hote hue mire vajud se dhaga nikal gaya hai dost main be-shumar hua huun shumar hote hue dubo raha hai mujhe dubne ka khauf ab tak bhanvar ke biich huun dariya ke paar hote hue vo qaid-khana ghhanimat tha mujh se be-ghar ko ye zehn hi men na aaya farar hote hue kal apne shahr ki bas mein sawar hote hue wo dekhta tha mujhe ashk-bar hote hue parinde aae to gumbad pe baith jaenge nahin shajar ki zarurat mazar hote hue hai ek aur bhi surat raza-o-kufr ke bich ki shak bhi dil mein rahe e'tibar hote hue mere wajud se dhaga nikal gaya hai dost main be-shumar hua hun shumar hote hue dubo raha hai mujhe dubne ka khauf ab tak bhanwar ke bich hun dariya ke par hote hue wo qaid-khana ghanimat tha mujh se be-ghar ko ye zehn hi mein na aaya farar hote hue

tamam khana-ba-doshon mein mushtarak hai ye baat sab apne apne gharon ko palat ke dekhte hain

wahshat-e-dasht se ghabrana nahin ham-safaran

vahshat-e-dasht se ghabrana nahin ham-safaran ab hamen laut ke bhi jaana nahin ham-safaran ajnabi shahr se kya talkh-navai ka gila ham ko jab apnon ne pahchana nahin ham-safaran ret par der talak rang dikhaega badan is ko 'ujlat men hi dafnana nahin ham-safaran is andhere men hi chamkegi koi sham'-e-hayat tum kisi daam men bas aana nahin ham-safaran wahshat-e-dasht se ghabrana nahin ham-safaran ab hamein laut ke bhi jaana nahin ham-safaran ajnabi shahr se kya talkh-nawai ka gila hum ko jab apnon ne pahchana nahin ham-safaran ret par der talak rang dikhaega badan is ko 'ujlat mein hi dafnana nahin ham-safaran is andhere mein hi chamkegi koi sham'-e-hayat tum kisi dam mein bas aana nahin ham-safaran

shikam ki aag liye phir rahi hai shahr-ba-shahr sag-e-zamana hain hum kya hamari hijrat kya

dard-e-hijrat ke satae hue logon ko kahin saya-e-dar bhi nazar aae to ghar lagta hai

kuchh be-thikana karti rahin hijraten mudam kuchh meri wahshaton ne mujhe dar-ba-dar kiya

ghar to kya ghar ka nishan bhi nahin baqi 'safdar' ab watan mein kabhi jaenge to mehman honge

ye kis maqam pe sujhi tujhe bichhadne ki ki ab to ja ke kahin din sanwarne wale the

ye hijraten hain zamin o zaman se aage ki jo ja chuka hai use laut kar nahin aana

main kya jaanun gharon ka haal kya hai main sari zindagi bahar raha hun

mujhe to khair watan chhod kar aman na mili watan bhi mujh se gharib-ul-watan ko tarsega

main bahut kamzor tha is mulk mein hijrat ke baad par mujhe is mulk mein kamzor-tar us ne kiya

phir nai hijrat koi darpesh hai khwab mein ghar dekhna achchha nahin

har nai nasl ko ek taza madine ki talash sahibo ab koi hijrat nahin hogi hum se

abhi to ek watan chhod kar hi nikle hain hanuz dekhni baqi hain hijraten kya kya

aazadiyon ke shauq o hawas ne hamein 'adil' ek ajnabi zamin ka qaidi bana diya

rasm-o-riwaj chhod ke sab aa gae yahan rakkhi hui hain taq mein ab ghairaten tamam

na ranj-e-hijrat tha aur na shauq-e-safar tha dil mein sab apne apne gunah ka bojh dho rahe the

ye kaisi hijraten hain mausamon mein parinde bhi nahin hain ghonslon mein

jab apni sar-zamin ne mujh ko na di panah anjaan wadiyon mein utarna pada mujhe

parinde sab nahin zindan mein mare gae hain qafas mein kuchh to kuchh naql-e-makani mein mare hain