Kashmakash

irade bandhta hun sochta hun tod deta hun kahin aisa na ho jae kahin aisa na ho jae

naya ek rishta paida kyun karen hum

naya ik rishta paida kyuun karen ham bichhadna hai to jhagda kyuun karen ham khamoshi se ada ho rasm-e-duri koi hangama barpa kyuun karen ham ye kaafi hai ki ham dushman nahin hain vafa-dari ka daava kyuun karen ham vafa ikhlas qurbani mohabbat ab in lafzon ka pichha kyuun karen ham suna den ismat-e-mariyam ka qissa par ab is baab ko va kyon karen ham zulekha-e-azizan baat ye hai bhala ghate ka sauda kyon karen ham hamari hi tamanna kyuun karo tum tumhari hi tamanna kyuun karen ham kiya tha ahd jab lamhon men ham ne to saari umr iifa kyuun karen ham utha kar kyon na phenken saari chizen faqat kamron men tahla kyon karen ham jo ik nasl-e-faromaya ko pahunche vo sarmaya ikattha kyon karen ham nahin duniya ko jab parva hamari to phir duniya ki parva kyuun karen ham barahna hain sar-e-bazar to kya bhala andhon se parda kyon karen ham hain bashinde usi basti ke ham bhi so khud par bhi bharosa kyon karen ham chaba len kyon na khud hi apna dhancha tumhen ratib muhayya kyon karen ham padi rahne do insanon ki lashen zamin ka bojh halka kyon karen ham ye basti hai musalmanon ki basti yahan kar-e-masiha kyuun karen ham naya ek rishta paida kyun karen hum bichhadna hai to jhagda kyun karen hum khamoshi se ada ho rasm-e-duri koi hangama barpa kyun karen hum ye kafi hai ki hum dushman nahin hain wafa-dari ka dawa kyun karen hum wafa ikhlas qurbani mohabbat ab in lafzon ka pichha kyun karen hum suna den ismat-e-mariyam ka qissa par ab is bab ko wa kyon karen hum zulekha-e-azizan baat ye hai bhala ghate ka sauda kyon karen hum hamari hi tamanna kyun karo tum tumhaari hi tamanna kyun karen hum kiya tha ahd jab lamhon mein hum ne to sari umr ifa kyun karen hum utha kar kyon na phenken sari chizen faqat kamron mein tahla kyon karen hum jo ek nasl-e-faromaya ko pahunche wo sarmaya ikattha kyon karen hum nahin duniya ko jab parwa hamari to phir duniya ki parwa kyun karen hum barahna hain sar-e-bazar to kya bhala andhon se parda kyon karen hum hain bashinde usi basti ke hum bhi so khud par bhi bharosa kyon karen hum chaba len kyon na khud hi apna dhancha tumhein raatib muhayya kyon karen hum padi rahne do insanon ki lashen zamin ka bojh halka kyon karen hum ye basti hai musalmanon ki basti yahan kar-e-masiha kyun karen hum

iman mujhe roke hai jo khinche hai mujhe kufr kaba mere pichhe hai kalisa mere aage faith restrains me while i am tugged at by heresy behind me stands the mosque, the church in front of me ghalib describes a profound spiritual crisis where he is torn between religious duty and the seduction of the forbidden. standing between the kaaba (symbolizing established tradition) and the church (symbolizing the exotic or iconoclastic object of desire), he feels the tension of leaving his faith behind while being irresistibly drawn toward a new, perhaps sacrilegious, path.

jhuki jhuki si nazar be-qarar hai ki nahin

jhuki jhuki si nazar be-qarar hai ki nahin daba daba sa sahi dil men pyaar hai ki nahin tu apne dil ki javan dhadkanon ko gin ke bata miri tarah tira dil be-qarar hai ki nahin vo pal ki jis men mohabbat javan hoti hai us ek pal ka tujhe intizar hai ki nahin tiri umiid pe thukra raha huun duniya ko tujhe bhi apne pe ye e'tibar hai ki nahin jhuki jhuki si nazar be-qarar hai ki nahin daba daba sa sahi dil mein pyar hai ki nahin tu apne dil ki jawan dhadkanon ko gin ke bata meri tarah tera dil be-qarar hai ki nahin wo pal ki jis mein mohabbat jawan hoti hai us ek pal ka tujhe intizar hai ki nahin teri umid pe thukra raha hun duniya ko tujhe bhi apne pe ye e'tibar hai ki nahin

ishq bhi ho hijab mein husn bhi ho hijab mein ya to khud aashkar ho ya mujhe aashkar kar allama iqbal portrays a world where both the seeker’s love and the sought-after beauty remain veiled, so true encounter cannot happen. the speaker pleads for clarity: either the beloved/truth should manifest openly, or the speaker’s inner self should be unveiled. the ‘hijab’ symbolizes barriers of perception, ego, and confusion. the emotional core is restless yearning for direct vision and self-recognition.

sina dahak raha ho to kya chup rahe koi

siina dahak raha ho to kya chup rahe koi kyuun chikh chikh kar na gala chhil le koi sabit hua sukun-e-dil-o-jan kahin nahin rishton men dhundhta hai to dhunda kare koi tark-e-taalluqat koi masala nahin ye to vo rasta hai ki bas chal pade koi divar janta tha jise main vo dhuul thi ab mujh ko e'timad ki davat na de koi main khud ye chahta huun ki halat hon kharab mere khilaf zahr ugalta phire koi ai shakhs ab to mujh ko sabhi kuchh qubul hai ye bhi qubul hai ki tujhe chhin le koi haan thiik hai main apni ana ka mariz huun akhir mire mizaj men kyuun dakhl de koi ik shakhs kar raha hai abhi tak vafa ka zikr kaash us zaban-daraz ka munh noch le koi sina dahak raha ho to kya chup rahe koi kyun chikh chikh kar na gala chhil le koi sabit hua sukun-e-dil-o-jaan kahin nahin rishton mein dhundhta hai to dhunda kare koi tark-e-talluqat koi masala nahin ye to wo rasta hai ki bas chal pade koi diwar jaanta tha jise main wo dhul thi ab mujh ko e'timad ki dawat na de koi main khud ye chahta hun ki haalat hon kharab mere khilaf zahr ugalta phire koi ai shakhs ab to mujh ko sabhi kuchh qubul hai ye bhi qubul hai ki tujhe chhin le koi han thik hai main apni ana ka mariz hun aakhir mere mizaj mein kyun dakhl de koi ek shakhs kar raha hai abhi tak wafa ka zikr kash us zaban-daraaz ka munh noch le koi

mujhe bhi lamha-e-hijrat ne kar diya taqsim nigah ghar ki taraf hai qadam safar ki taraf

hain rawan us rah par jis ki koi manzil na ho

hain ravan us raah par jis ki koi manzil na ho justuju karte hain us ki jo hamen hasil na ho dasht-e-najd-e-yas men divangi ho har taraf har taraf mahmil ka shak ho par kahin mahmil na ho vahm ye tujh ko ajab hai ai jamal-e-kam-numa jaise sab kuchh ho magar tu diid ke qabil na ho vo khada hai ek bab-e-ilm ki dahliz par main ye kahta huun use is khauf men dakhil na ho chahta huun main 'munir' is umr ke anjam par ek aisi zindagi jo is tarah mushkil na ho hain rawan us rah par jis ki koi manzil na ho justuju karte hain us ki jo hamein hasil na ho dasht-e-najd-e-yas mein diwangi ho har taraf har taraf mahmil ka shak ho par kahin mahmil na ho wahm ye tujh ko ajab hai ai jamal-e-kam-numa jaise sab kuchh ho magar tu did ke qabil na ho wo khada hai ek bab-e-ilm ki dahliz par main ye kahta hun use is khauf mein dakhil na ho chahta hun main 'munir' is umr ke anjam par ek aisi zindagi jo is tarah mushkil na ho

zabt karta hun to ghutta hai qafas mein mera dam aah karta hun to sayyaad khafa hota hai

itni hasin itni jawan raat kya karen

itni hasin itni javan raat kya karen jaage hain kuchh ajiib se jazbat kya karen pedon ke bazuon men mahakti hai chandni bechain ho rahe hain khayalat kya karen sanson men ghul rahi hai kisi saans ki mahak daman ko chhu raha hai koi haat kya karen shayad tumhare aane se ye bhed khul sake hairan hain ki aaj nai baat kya karen itni hasin itni jawan raat kya karen jage hain kuchh ajib se jazbaat kya karen pedon ke bazuon mein mahakti hai chandni bechain ho rahe hain khayalat kya karen sanson mein ghul rahi hai kisi sans ki mahak daman ko chhu raha hai koi hat kya karen shayad tumhaare aane se ye bhed khul sake hairan hain ki aaj nai baat kya karen

sawal karti kai aankhen muntazir hain yahan jawab aaj bhi hum soch kar nahin aae

tujhse badh kar koi pyara bhi nahin ho sakta

tujh se badh kar koi pyara bhi nahin ho sakta par tira saath gavara bhi nahin ho sakta rasta bhi ghhalat ho sakta hai manzil bhi ghhalat har sitara to sitara bhi nahin ho sakta paanv rakhte hi phisal sakta hai mitti ho ki ret har kinara to kinara bhi nahin ho sakta us tak avaz pahunchni bhi badi mushkil hai aur na dekhe to ishara bhi nahin ho sakta tere bandon ki maishat ka ajab haal hua aish kaisa ki guzara bhi nahin ho sakta apna dushman hi dikhai nahin deta ho jise aisa lashkar to saf-ara bhi nahin ho sakta pahle hi lazzat-e-inkar se vaqif nahin jo us se inkar dobara bhi nahin ho sakta husn aisa ki chaka-chaund hui hain ankhen hairat aisi ki nazzara bhi nahin ho sakta chaliye vo shakhs hamara to kabhi tha hi nahin dukh to ye hai ki tumhara bhi nahin ho sakta duniya achchhi bhi nahin lagti ham aison ko 'salim' aur duniya se kinara bhi nahin ho sakta tujh se badh kar koi pyara bhi nahin ho sakta par tera sath gawara bhi nahin ho sakta rasta bhi ghalat ho sakta hai manzil bhi ghalat har sitara to sitara bhi nahin ho sakta panw rakhte hi phisal sakta hai mitti ho ki ret har kinara to kinara bhi nahin ho sakta us tak aawaz pahunchni bhi badi mushkil hai aur na dekhe to ishaara bhi nahin ho sakta tere bandon ki maishat ka ajab haal hua aish kaisa ki guzara bhi nahin ho sakta apna dushman hi dikhai nahin deta ho jise aisa lashkar to saf-ara bhi nahin ho sakta pahle hi lazzat-e-inkar se waqif nahin jo us se inkar dobara bhi nahin ho sakta husn aisa ki chaka-chaund hui hain aankhen hairat aisi ki nazzara bhi nahin ho sakta chaliye wo shakhs hamara to kabhi tha hi nahin dukh to ye hai ki tumhaara bhi nahin ho sakta duniya achchhi bhi nahin lagti hum aison ko 'salim' aur duniya se kinara bhi nahin ho sakta

sar mein sauda bhi nahin dil mein tamanna bhi nahin lekin is tark-e-mohabbat ka bharosa bhi nahin the speaker insists he feels neither obsession nor desire, as if love has ended. but he doubts his own “renunciation,” sensing that feelings can return or are merely hidden. the couplet captures the tension between outward calm and inner uncertainty. it exposes how hard it is to be sure that love has truly been left behind.

ye kya hai mohabbat mein to aisa nahin hota

ye kya hai mohabbat men to aisa nahin hota main tujh se juda ho ke bhi tanha nahin hota is mod se aage bhi koi mod hai varna yuun mere liye tu kabhi thahra nahin hota kyuun mera muqaddar hai ujalon ki siyahi kyuun raat ke dhalne pe savera nahin hota ya itni na tabdil hui hoti ye duniya ya main ne ise khvab men dekha nahin hota sunte hain sabhi ghhaur se avaz-e-jaras ko manzil ki taraf koi ravana nahin hota dil tark-e-taalluq pe bhi amada nahin hai aur haq bhi ada is se vafa ka nahin hota ye kya hai mohabbat mein to aisa nahin hota main tujh se juda ho ke bhi tanha nahin hota is mod se aage bhi koi mod hai warna yun mere liye tu kabhi thahra nahin hota kyun mera muqaddar hai ujalon ki siyahi kyun raat ke dhalne pe sawera nahin hota ya itni na tabdil hui hoti ye duniya ya main ne ise khwab mein dekha nahin hota sunte hain sabhi ghaur se aawaz-e-jaras ko manzil ki taraf koi rawana nahin hota dil tark-e-talluq pe bhi aamada nahin hai aur haq bhi ada is se wafa ka nahin hota

ye kis azab mein chhoda hai tu ne is dil ko sukun yaad mein teri na bhulne mein qarar

na tera qurb na baada hai kya kiya jae

na tera qurb na baada hai kya kiya jaae phir aaj dukh bhi ziyada hai kya kiya jaae hamen bhi arz-e-tamanna ka dhab nahin aata mizaj-e-yar bhi saada hai kya kiya jaae kuchh apne dost bhi tarkash-ba-dosh phirte hain kuchh apna dil bhi kushada hai kya kiya jaae vo mehrban hai magar dil ki hirs bhi kam ho talab karam se ziyada hai kya kiya jaae na us se tark-e-taalluq ki baat kar paaen na hamdami ka irada hai kya kiya jaae suluk-e-yar se dil dubne laga hai 'faraz' magar ye mahfil-e-ada hai kya kiya jaae na tera qurb na baada hai kya kiya jae phir aaj dukh bhi ziyaada hai kya kiya jae hamein bhi arz-e-tamanna ka dhab nahin aata mizaj-e-yar bhi sada hai kya kiya jae kuchh apne dost bhi tarkash-ba-dosh phirte hain kuchh apna dil bhi kushada hai kya kiya jae wo mehrban hai magar dil ki hirs bhi kam ho talab karam se ziyaada hai kya kiya jae na us se tark-e-talluq ki baat kar paen na hamdami ka irada hai kya kiya jae suluk-e-yar se dil dubne laga hai 'faraaz' magar ye mahfil-e-ada hai kya kiya jae

shauq kahta hai pahunch jaun main ab kabe mein jald rah mein but-khana padta hai ilahi kya karun

sab se behtar hai ki mujh par mehrban koi na ho

sab se behtar hai ki mujh par mehrban koi na ho ham-nashin koi na ho aur raz-dan koi na ho mariye is hasrat men gar qatil na haath aave kahin roiye apne pe khud gar nauha-khvan koi na ho biich men hai mere us ke tu hi ai ah-e-hazin sulh kyunkar hove jab tak darmiyan koi na ho shikva kis se kijiye khaliq ki marzi hai yahi nukta-chin paida hon lakhon nukta-dan koi na ho mujh talak qatil to qatil maut bhi aati nahin kis ko diije jaan jab khvahan-e-jan koi na ho maane gar koi nasihat 'arif'-e-dil-khasta ki bhuul kar bhi vala-e-atish-bajan koi na ho sab se behtar hai ki mujh par mehrban koi na ho ham-nashin koi na ho aur raaz-dan koi na ho mariye is hasrat mein gar qatil na hath aawe kahin roiye apne pe khud gar nauha-khwan koi na ho bich mein hai mere us ke tu hi ai aah-e-hazin sulh kyunkar howe jab tak darmiyan koi na ho shikwa kis se kijiye khaliq ki marzi hai yahi nukta-chin paida hon lakhon nukta-dan koi na ho mujh talak qatil to qatil maut bhi aati nahin kis ko dije jaan jab khwahan-e-jaan koi na ho mane gar koi nasihat 'arif'-e-dil-khasta ki bhul kar bhi wala-e-atish-bajaan koi na ho

hai ajab si kashmakash dil mein 'asar' kis ko bhulen kis ko rakkhen yaad hum

har shai tujhi ko samne lae to kya karun

har shai tujhi ko samne laae to kya karun har shai men tu hi tu nazar aae to kya karun tham tham ke aankh ashk bahae to kya karun rah rah ke teri yaad satae to kya karun ye to batate jaao agar ja rahe ho tum! mujh ko tumhari yaad satae to kya karun maana sukun-navaz hai har shai bahar men tere baghhair chain na aae to kya karun har she'r men suna to gaya huun main hal-e-dil lekin tiri samajh men na aae to kya karun ab 'ishq se ziyada ghham-e-tark-e-ishq hai ye aag bujh ke aur jalae to kya karun dil ho gaya hai khugar-e-bedad 'ishq men un ki vafa bhi raas na aae to kya karun us sharm-gin nazar ka tasavvur agar 'shamim' bijli dil-o-nazar pe girae to kya karun har shai tujhi ko samne lae to kya karun har shai mein tu hi tu nazar aae to kya karun tham tham ke aankh ashk bahae to kya karun rah rah ke teri yaad satae to kya karun ye to batate jao agar ja rahe ho tum! mujh ko tumhaari yaad satae to kya karun mana sukun-nawaz hai har shai bahaar mein tere baghair chain na aae to kya karun har she'r mein suna to gaya hun main haal-e-dil lekin teri samajh mein na aae to kya karun ab 'ishq se ziyaada gham-e-tark-e-ishq hai ye aag bujh ke aur jalae to kya karun dil ho gaya hai khugar-e-bedad 'ishq mein un ki wafa bhi ras na aae to kya karun us sharm-gin nazar ka tasawwur agar 'shamim' bijli dil-o-nazar pe girae to kya karun

ye sochte hi rahe aur bahaar khatm hui kahan chaman mein nasheman bane kahan na bane i kept contemplating, spring came and went away where in the garden should i make my nest today

fikr-e-dildari-e-gulzar karun ya na karun

fikr-e-dildari-e-gulzar karun ya na karun zikr-e-murghhan-e-giraftar karun ya na karun qissa-e-sazish-e-aghhyar kahun ya na kahun shikva-e-yar-e-tarah-dar karun ya na karun jaane kya vaza hai ab rasm-e-vafa ki ai dil vaz-e-derina pe israr karun ya na karun jaane kis rang men tafsir karen ahl-e-havas madh-e-zulf-o-lab-o-rukhsar karun ya na karun yuun bahar aai hai imsal ki gulshan men saba puchhti hai guzar is baar karun ya na karun goya is soch men hai dil men lahu bhar ke gulab daman o jeb ko gulnar karun ya na karun hai faqat murghh-e-ghhazal-khvan ki jise fikr nahin moatadil garmi-e-guftar karun ya na karun fikr-e-dildari-e-gulzar karun ya na karun zikr-e-murghan-e-giraftar karun ya na karun qissa-e-sazish-e-aghyar kahun ya na kahun shikwa-e-yar-e-tarah-dar karun ya na karun jaane kya waza hai ab rasm-e-wafa ki ai dil waz-e-derina pe israr karun ya na karun jaane kis rang mein tafsir karen ahl-e-hawas madh-e-zulf-o-lab-o-rukhsar karun ya na karun yun bahaar aai hai imsal ki gulshan mein saba puchhti hai guzar is bar karun ya na karun goya is soch mein hai dil mein lahu bhar ke gulab daman o jeb ko gulnar karun ya na karun hai faqat murgh-e-ghazal-khwan ki jise fikr nahin moatadil garmi-e-guftar karun ya na karun

idhar se taqaza udhar se taghaful ajab khincha-tani mein paigham-bar hai

be-tab hain aur ishq ka dawa nahin hum ko

be-tab hain aur ishq ka daava nahin ham ko avara hain aur dasht ka sauda nahin ham ko ghhairon ki mohabbat pe yaqin aane laga hai yaron se agarche koi shikva nahin ham ko nairangi-e-dil hai ki taghhaful ka karishma kya baat hai jo teri tamanna nahin ham ko ya tere alava bhi kisi shai ki talab hai ya apni mohabbat pe bharosa nahin ham ko ya tum bhi mudava-e-alam kar nahin sakte ya charagaro fikr-e-mudava nahin ham ko yuun barhami-e-kakul-e-imroz se khush hain jaise ki khayal-e-rukh-e-farda nahin ham ko be-tab hain aur ishq ka dawa nahin hum ko aawara hain aur dasht ka sauda nahin hum ko ghairon ki mohabbat pe yaqin aane laga hai yaron se agarche koi shikwa nahin hum ko nairangi-e-dil hai ki taghaful ka karishma kya baat hai jo teri tamanna nahin hum ko ya tere alawa bhi kisi shai ki talab hai ya apni mohabbat pe bharosa nahin hum ko ya tum bhi mudawa-e-alam kar nahin sakte ya chaaragaro fikr-e-mudawa nahin hum ko yun barhami-e-kakul-e-imroz se khush hain jaise ki khayal-e-rukh-e-farda nahin hum ko

phadkun to sar phate hai na phadkun to ji ghate tang is qadar diya mujhe sayyaad ne qafas

kucha-e-yar mein ab jaane guzar ho ki na ho

kucha-e-yar men ab jaane guzar ho ki na ho vahi vahshat vahi sauda vahi sar ho ki na ho jaane ik rang sa ab rukh pe tire aae na aae nafas-e-shauq se gul shola-e-tar ho ki na ho ab musalsal bhi jo dhadke dil-e-nashad mira kis ko malum tire dil ko khabar ho ki na ho qahr men lutf men mad-hoshi o hushyari men vo mire vaste takhsis-e-nazar ho ki na ho hijr ki raat thi imkan-e-sahar se raushan jaane ab us men vo imkan-e-sahar ho ki na ho kucha-e-yar mein ab jaane guzar ho ki na ho wahi wahshat wahi sauda wahi sar ho ki na ho jaane ek rang sa ab rukh pe tere aae na aae nafas-e-shauq se gul shola-e-tar ho ki na ho ab musalsal bhi jo dhadke dil-e-nashad mera kis ko malum tere dil ko khabar ho ki na ho qahr mein lutf mein mad-hoshi o hushyari mein wo mere waste takhsis-e-nazar ho ki na ho hijr ki raat thi imkan-e-sahar se raushan jaane ab us mein wo imkan-e-sahar ho ki na ho

tum se milna bhi hai milna bhi nahin hai tum se aao tum se sar-e-bazar kahin milte hain

ek aansu mein tere gham ka ahata karte

ek aansu men tire ghham ka ahata karte umr lag jaegi is buund ko dariya karte ishq men jaan se guzarna bhi kahan hai mushkil jaan deni ho to ashiq nahin socha karte ek tu hi nazar aata hai jidhar dekhta huun aur ankhen nahin thakti hain tamasha karte zindagi ne hamen fursat hi nahin di varna samne tujh ko bitha baith ke dekha karte ham saza-var-e-tamasha the hamen dekhna tha apne hi qatl ka manzar tha magar kya karte ab yahi sochte rahte hain bichhad kar tujh se shayad aise nahin hota agar aisa karte jo bhi ham dekhte hain saaf nazar aa jaata chashm-e-hairat ko agar dida-e-bina karte shahr ke log ab ilzam tumhen dete hain khud bure ban gae 'asim' use achchha karte ek aansu mein tere gham ka ahata karte umr lag jaegi is bund ko dariya karte ishq mein jaan se guzarna bhi kahan hai mushkil jaan deni ho to aashiq nahin socha karte ek tu hi nazar aata hai jidhar dekhta hun aur aankhen nahin thakti hain tamasha karte zindagi ne hamein fursat hi nahin di warna samne tujh ko bitha baith ke dekha karte hum saza-war-e-tamasha the hamein dekhna tha apne hi qatl ka manzar tha magar kya karte ab yahi sochte rahte hain bichhad kar tujh se shayad aise nahin hota agar aisa karte jo bhi hum dekhte hain saf nazar aa jata chashm-e-hairat ko agar dida-e-bina karte shahr ke log ab ilzam tumhein dete hain khud bure ban gae 'asim' use achchha karte

bol kis mod pe hun kashmakash-e-marg-o-hayat aise aalam mein kahan chhod diya hai mujh ko

ye jaan-gudaz safar dam-e-khwab ho na kahin

ye jan-gudaz safar dam-e-khvab ho na kahin ravan hai jis men safina sarab ho na kahin yuun hi utarta na ja sard gahre paani men chamakta hai jo bahut sehr-e-ab ho na kahin khada jo jhankta hai kab se garm kamron men gali men thithura hua mahtab ho na kahin hava ye kaun si chalti hai ar-par mire khula hua kisi khvahish ka baab ho na kahin dilon pe kyuun nahin kartin asar tiri baten zamin to thiik hai paani kharab ho na kahin ghhubar se bhari bojhal faza hai dil pe muhit garaj raha hai jo sar men sahab ho na kahin sajae phirta hai vo jis ko coat par 'shahin' mire hi khuun ka mahakta gulab ho na kahin ye jaan-gudaz safar dam-e-khwab ho na kahin rawan hai jis mein safina sarab ho na kahin yun hi utarta na ja sard gahre pani mein chamakta hai jo bahut sehr-e-ab ho na kahin khada jo jhankta hai kab se garm kamron mein gali mein thithura hua mahtab ho na kahin hawa ye kaun si chalti hai aar-par mere khula hua kisi khwahish ka bab ho na kahin dilon pe kyun nahin kartin asar teri baaten zamin to thik hai pani kharab ho na kahin ghubar se bhari bojhal faza hai dil pe muhit garaj raha hai jo sar mein sahab ho na kahin sajae phirta hai wo jis ko coat par 'shahin' mere hi khun ka mahakta gulab ho na kahin