umr guzregi imtihan mein kya
umr guzregi imtihan men kya
daaghh hi denge mujh ko daan men kya
meri har baat be-asar hi rahi
nuqs hai kuchh mire bayan men kya
mujh ko to koi tokta bhi nahin
yahi hota hai khandan men kya
apni mahrumiyan chhupate hain
ham ghharibon ki an-ban men kya
khud ko jaana juda zamane se
aa gaya tha mire guman men kya
shaam hi se dukan-e-did hai band
nahin nuqsan tak dukan men kya
ai mire subh-o-sham-e-dil ki shafaq
tu nahati hai ab bhi baan men kya
bolte kyuun nahin mire haq men
aable pad gae zaban men kya
khamushi kah rahi hai kaan men kya
aa raha hai mire guman men kya
dil ki aate hain jis ko dhyan bahut
khud bhi aata hai apne dhyan men kya
vo mile to ye puchhna hai mujhe
ab bhi huun main tiri amaan men kya
yuun jo takta hai asman ko tu
koi rahta hai asman men kya
hai nasim-e-bahar gard-alud
khaak udti hai us makan men kya
ye mujhe chain kyuun nahin padta
ek hi shakhs tha jahan men kya
umr guzregi imtihan mein kya
dagh hi denge mujh ko dan mein kya
meri har baat be-asar hi rahi
nuqs hai kuchh mere bayan mein kya
mujh ko to koi tokta bhi nahin
yahi hota hai khandan mein kya
apni mahrumiyan chhupate hain
hum gharibon ki aan-ban mein kya
khud ko jaana juda zamane se
aa gaya tha mere guman mein kya
sham hi se dukan-e-did hai band
nahin nuqsan tak dukan mein kya
ai mere subh-o-sham-e-dil ki shafaq
tu nahati hai ab bhi ban mein kya
bolte kyun nahin mere haq mein
aable pad gae zaban mein kya
khamushi kah rahi hai kan mein kya
aa raha hai mere guman mein kya
dil ki aate hain jis ko dhyan bahut
khud bhi aata hai apne dhyan mein kya
wo mile to ye puchhna hai mujhe
ab bhi hun main teri aman mein kya
yun jo takta hai aasman ko tu
koi rahta hai aasman mein kya
hai nasim-e-bahaar gard-alud
khak udti hai us makan mein kya
ye mujhe chain kyun nahin padta
ek hi shakhs tha jahan mein kya
suna hai log use aankh bhar ke dekhte hain
suna hai log use aankh bhar ke dekhte hain
so us ke shahr men kuchh din thahar ke dekhte hain
suna hai rabt hai us ko kharab-halon se
so apne aap ko barbad kar ke dekhte hain
suna hai dard ki gahak hai chashm-e-naz us ki
so ham bhi us ki gali se guzar ke dekhte hain
suna hai us ko bhi hai sher o shairi se shaghhaf
so ham bhi moajize apne hunar ke dekhte hain
suna hai bole to baton se phuul jhadte hain
ye baat hai to chalo baat kar ke dekhte hain
suna hai raat use chand takta rahta hai
sitare bam-e-falak se utar ke dekhte hain
suna hai din ko use titliyan satati hain
suna hai raat ko jugnu thahar ke dekhte hain
suna hai hashr hain us ki ghhazal si ankhen
suna hai us ko hiran dasht bhar ke dekhte hain
suna hai raat se badh kar hain kakulen us ki
suna hai shaam ko saae guzar ke dekhte hain
suna hai us ki siyah-chashmagi qayamat hai
so us ko surma-farosh aah bhar ke dekhte hain
suna hai us ke labon se gulab jalte hain
so ham bahar pe ilzam dhar ke dekhte hain
suna hai aaina timsal hai jabin us ki
jo saada dil hain use ban-sanvar ke dekhte hain
suna hai jab se hamail hain us ki gardan men
mizaj aur hi laal o guhar ke dekhte hain
suna hai chashm-e-tasavvur se dasht-e-imkan men
palang zaviye us ki kamar ke dekhte hain
suna hai us ke badan ki tarash aisi hai
ki phuul apni qabaen katar ke dekhte hain
vo sarv-qad hai magar be-gul-e-murad nahin
ki us shajar pe shagufe samar ke dekhte hain
bas ik nigah se lutta hai qafila dil ka
so rah-ravan-e-tamanna bhi dar ke dekhte hain
suna hai us ke shabistan se muttasil hai bahisht
makin udhar ke bhi jalve idhar ke dekhte hain
ruke to gardishen us ka tavaf karti hain
chale to us ko zamane thahar ke dekhte hain
kise nasib ki be-pairahan use dekhe
kabhi kabhi dar o divar ghar ke dekhte hain
kahaniyan hi sahi sab mubalghhe hi sahi
agar vo khvab hai tabir kar ke dekhte hain
ab us ke shahr men thahren ki kuuch kar jaaen
'faraz' aao sitare safar ke dekhte hain
suna hai log use aankh bhar ke dekhte hain
so us ke shahr mein kuchh din thahar ke dekhte hain
suna hai rabt hai us ko kharab-haalon se
so apne aap ko barbaad kar ke dekhte hain
suna hai dard ki gahak hai chashm-e-naz us ki
so hum bhi us ki gali se guzar ke dekhte hain
suna hai us ko bhi hai sher o shairi se shaghaf
so hum bhi moajize apne hunar ke dekhte hain
suna hai bole to baaton se phul jhadte hain
ye baat hai to chalo baat kar ke dekhte hain
suna hai raat use chand takta rahta hai
sitare baam-e-falak se utar ke dekhte hain
suna hai din ko use titliyan satati hain
suna hai raat ko jugnu thahar ke dekhte hain
suna hai hashr hain us ki ghazal si aankhen
suna hai us ko hiran dasht bhar ke dekhte hain
suna hai raat se badh kar hain kakulen us ki
suna hai sham ko sae guzar ke dekhte hain
suna hai us ki siyah-chashmagi qayamat hai
so us ko surma-farosh aah bhar ke dekhte hain
suna hai us ke labon se gulab jalte hain
so hum bahaar pe ilzam dhar ke dekhte hain
suna hai aaina timsal hai jabin us ki
jo sada dil hain use ban-sanwar ke dekhte hain
suna hai jab se hamail hain us ki gardan mein
mizaj aur hi lal o guhar ke dekhte hain
suna hai chashm-e-tasawwur se dasht-e-imkan mein
palang zawiye us ki kamar ke dekhte hain
suna hai us ke badan ki tarash aisi hai
ki phul apni qabaen katar ke dekhte hain
wo sarw-qad hai magar be-gul-e-murad nahin
ki us shajar pe shagufe samar ke dekhte hain
bas ek nigah se lutta hai qafila dil ka
so rah-rawan-e-tamanna bhi dar ke dekhte hain
suna hai us ke shabistan se muttasil hai bahisht
makin udhar ke bhi jalwe idhar ke dekhte hain
ruke to gardishen us ka tawaf karti hain
chale to us ko zamane thahar ke dekhte hain
kise nasib ki be-pairahan use dekhe
kabhi kabhi dar o diwar ghar ke dekhte hain
kahaniyan hi sahi sab mubaalghe hi sahi
agar wo khwab hai tabir kar ke dekhte hain
ab us ke shahr mein thahren ki kuch kar jaen
'faraaz' aao sitare safar ke dekhte hain
kitne aish se rahte honge kitne itraate honge
kitne aish se rahte honge kitne itrate honge
jaane kaise log vo honge jo us ko bhate honge
shaam hue khush-bash yahan ke mere paas aa jaate hain
mere bujhne ka nazzara karne aa jaate honge
vo jo na aane vaala hai na us se mujh ko matlab tha
aane valon se kya matlab aate hain aate honge
us ki yaad ki bad-e-saba men aur to kya hota hoga
yunhi mere baal hain bikhre aur bikhar jaate honge
yaaro kuchh to zikr karo tum us ki qayamat banhon ka
vo jo simatte honge un men vo to mar jaate honge
mera saans ukhadte hi sab bain karenge roenge
yaani mere baad bhi yaani saans liye jaate honge
kitne aish se rahte honge kitne itraate honge
jaane kaise log wo honge jo us ko bhate honge
sham hue khush-bash yahan ke mere pas aa jate hain
mere bujhne ka nazzara karne aa jate honge
wo jo na aane wala hai na us se mujh ko matlab tha
aane walon se kya matlab aate hain aate honge
us ki yaad ki baad-e-saba mein aur to kya hota hoga
yunhi mere baal hain bikhre aur bikhar jate honge
yaro kuchh to zikr karo tum us ki qayamat banhon ka
wo jo simatte honge un mein wo to mar jate honge
mera sans ukhadte hi sab bain karenge roenge
yani mere baad bhi yani sans liye jate honge
chupke chupke raat din aansu bahana yaad hai
chupke chupke raat din aansu bahana yaad hai
ham ko ab tak ashiqi ka vo zamana yaad hai
ba-hazaran iztirab o sad-hazaran ishtiyaq
tujh se vo pahle-pahal dil ka lagana yaad hai
baar baar uthna usi janib nigah-e-shauq ka
aur tira ghhurfe se vo ankhen ladana yaad hai
tujh se kuchh milte hi vo bebak ho jaana mira
aur tira danton men vo ungli dabana yaad hai
khinch lena vo mira parde ka kona dafatan
aur dupatte se tira vo munh chhupana yaad hai
jaan kar sota tujhe vo qasd-e-pa-bosi mira
aur tira thukra ke sar vo muskurana yaad hai
tujh ko jab tanha kabhi paana to az-rah-e-lihaz
hal-e-dil baton hi baton men jatana yaad hai
jab siva mere tumhara koi divana na tha
sach kaho kuchh tum ko bhi vo kar-khana yaad hai
ghhair ki nazron se bach kar sab ki marzi ke khilaf
vo tira chori-chhupe raton ko aana yaad hai
aa gaya gar vasl ki shab bhi kahin zikr-e-firaq
vo tira ro ro ke mujh ko bhi rulana yaad hai
dopahar ki dhuup men mere bulane ke liye
vo tira kothe pe nange paanv aana yaad hai
aaj tak nazron men hai vo sohbat-e-raz-o-niyaz
apna jaana yaad hai tera bulana yaad hai
mithi mithi chhed kar baten nirali pyaar ki
zikr dushman ka vo baton men udana yaad hai
dekhna mujh ko jo bargashta to sau sau naaz se
jab mana lena to phir khud ruuth jaana yaad hai
chori chori ham se tum aa kar mile the jis jagah
muddaten guzrin par ab tak vo thikana yaad hai
shauq men mehndi ke vo be-dast-o-pa hona tira
aur mira vo chhedna vo gudgudana yaad hai
bavajud-e-iddia-e-ittiqa 'hasrat' mujhe
aaj tak ahd-e-havas ka vo fasana yaad hai
chupke chupke raat din aansu bahana yaad hai
hum ko ab tak aashiqi ka wo zamana yaad hai
ba-hazaran iztirab o sad-hazaran ishtiyaq
tujh se wo pahle-pahal dil ka lagana yaad hai
bar bar uthna usi jaanib nigah-e-shauq ka
aur tera ghurfe se wo aankhen ladana yaad hai
tujh se kuchh milte hi wo bebak ho jaana mera
aur tera danton mein wo ungli dabana yaad hai
khinch lena wo mera parde ka kona dafatan
aur dupatte se tera wo munh chhupana yaad hai
jaan kar sota tujhe wo qasd-e-pa-bosi mera
aur tera thukra ke sar wo muskurana yaad hai
tujh ko jab tanha kabhi pana to az-rah-e-lihaz
haal-e-dil baaton hi baaton mein jatana yaad hai
jab siwa mere tumhaara koi diwana na tha
sach kaho kuchh tum ko bhi wo kar-khana yaad hai
ghair ki nazron se bach kar sab ki marzi ke khilaf
wo tera chori-chhupe raaton ko aana yaad hai
aa gaya gar wasl ki shab bhi kahin zikr-e-firaq
wo tera ro ro ke mujh ko bhi rulana yaad hai
dopahar ki dhup mein mere bulane ke liye
wo tera kothe pe nange panw aana yaad hai
aaj tak nazron mein hai wo sohbat-e-raaz-o-niyaz
apna jaana yaad hai tera bulana yaad hai
mithi mithi chhed kar baaten nirali pyar ki
zikr dushman ka wo baaton mein udana yaad hai
dekhna mujh ko jo bargashta to sau sau naz se
jab mana lena to phir khud ruth jaana yaad hai
chori chori hum se tum aa kar mile the jis jagah
muddaten guzrin par ab tak wo thikana yaad hai
shauq mein mehndi ke wo be-dast-o-pa hona tera
aur mera wo chhedna wo gudgudana yaad hai
bawajud-e-iddia-e-ittiqa 'hasrat' mujhe
aaj tak ahd-e-hawas ka wo fasana yaad hai
ku-ba-ku phail gai baat shanasai ki
ku-ba-ku phail gai baat shanasai ki
us ne khushbu ki tarah meri pazirai ki
the news of our affinity has spread to every door
he welcomed me like fragrance which he did adore
kaise kah duun ki mujhe chhod diya hai us ne
baat to sach hai magar baat hai rusvai ki
how can i say that i have been deserted by my beau
its true but this will cause me to be shamed for evermore
vo kahin bhi gaya lauta to mire paas aaya
bas yahi baat hai achchhi mire harjai ki
each time he deserted me, came back to me once more
i like this very aspect of my faithless paramour
tera pahlu tire dil ki tarah abad rahe
tujh pe guzre na qayamat shab-e-tanhai ki
just as your heart is full of love, be dear ones by your side
may pain of long and lonely nights be never in your store
us ne jalti hui peshani pe jab haath rakha
ruuh tak aa gai tasir masihai ki
when he gently placed his hand upon my burning brow
it was as though the saviour's touch had infused my core
ab bhi barsat ki raton men badan tutta hai
jaag uthti hain ajab khvahishen angdai ki
till even now in rainy climes, my limbs are aching, sore
the yen to stretch out languidly then comes to the fore
ku-ba-ku phail gai baat shanasai ki
us ne khushbu ki tarah meri pazirai ki
the news of our affinity has spread to every door
he welcomed me like fragrance which he did adore
kaise kah dun ki mujhe chhod diya hai us ne
baat to sach hai magar baat hai ruswai ki
how can i say that i have been deserted by my beau
its true but this will cause me to be shamed for evermore
wo kahin bhi gaya lauta to mere pas aaya
bas yahi baat hai achchhi mere harjai ki
each time he deserted me, came back to me once more
i like this very aspect of my faithless paramour
tera pahlu tere dil ki tarah aabaad rahe
tujh pe guzre na qayamat shab-e-tanhai ki
just as your heart is full of love, be dear ones by your side
may pain of long and lonely nights be never in your store
us ne jalti hui peshani pe jab hath rakha
ruh tak aa gai tasir masihai ki
when he gently placed his hand upon my burning brow
it was as though the saviour's touch had infused my core
ab bhi barsat ki raaton mein badan tutta hai
jag uthti hain ajab khwahishen angdai ki
till even now in rainy climes, my limbs are aching, sore
the yen to stretch out languidly then comes to the fore
itni muddat baad mile ho
itni muddat baad mile ho
kin sochon men gum phirte ho
itne khaif kyuun rahte ho
har aahat se dar jaate ho
tez hava ne mujh se puchha
ret pe kya likhte rahte ho
kaash koi ham se bhi puchhe
raat gae tak kyuun jaage ho
men dariya se bhi darta huun
tum dariya se bhi gahre ho
kaun si baat hai tum men aisi
itne achchhe kyuun lagte ho
pichhe mud kar kyuun dekha tha
patthar ban kar kya takte ho
jaao jiit ka jashn manao
men jhuta huun tum sachche ho
apne shahar ke sab logon se
meri khatir kyuun uljhe ho
kahne ko rahte ho dil men
phir bhi kitne duur khade ho
raat hamen kuchh yaad nahin tha
raat bahut hi yaad aae ho
ham se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
itni muddat baad mile ho
kin sochon mein gum phirte ho
itne khaif kyun rahte ho
har aahat se dar jate ho
tez hawa ne mujh se puchha
ret pe kya likhte rahte ho
kash koi hum se bhi puchhe
raat gae tak kyun jage ho
mein dariya se bhi darta hun
tum dariya se bhi gahre ho
kaun si baat hai tum mein aisi
itne achchhe kyun lagte ho
pichhe mud kar kyun dekha tha
patthar ban kar kya takte ho
jao jit ka jashn manao
mein jhuta hun tum sachche ho
apne shahar ke sab logon se
meri khatir kyun uljhe ho
kahne ko rahte ho dil mein
phir bhi kitne dur khade ho
raat hamein kuchh yaad nahin tha
raat bahut hi yaad aae ho
hum se na puchho hijr ke qisse
apni kaho ab tum kaise ho
'mohsin' tum badnam bahut ho
jaise ho phir bhi achchhe ho
fasle aise bhi honge ye kabhi socha na tha
fasle aise bhi honge ye kabhi socha na tha
samne baitha tha mere aur vo mera na tha
vo ki khushbu ki tarah phaila tha mere char-su
main use mahsus kar sakta tha chhu sakta na tha
raat bhar pichhli si aahat kaan men aati rahi
jhank kar dekha gali men koi bhi aaya na tha
main tiri surat liye saare zamane men phira
saari duniya men magar koi tire jaisa na tha
aaj milne ki khushi men sirf main jaaga nahin
teri ankhon se bhi lagta hai ki tu soya na tha
ye sabhi viraniyan us ke juda hone se thiin
aankh dhundlai hui thi shahr dhundlaya na tha
sainkadon tufan lafzon men dabe the zer-e-lab
ek patthar tha khamoshi ka ki jo hatta na tha
yaad kar ke aur bhi taklif hoti thi 'adim'
bhuul jaane ke siva ab koi bhi chara na tha
maslahat ne ajnabi ham ko banaya tha 'adim'
varna kab ik dusre ko ham ne pahchana na tha
fasle aise bhi honge ye kabhi socha na tha
samne baitha tha mere aur wo mera na tha
wo ki khushbu ki tarah phaila tha mere chaar-su
main use mahsus kar sakta tha chhu sakta na tha
raat bhar pichhli si aahat kan mein aati rahi
jhank kar dekha gali mein koi bhi aaya na tha
main teri surat liye sare zamane mein phira
sari duniya mein magar koi tere jaisa na tha
aaj milne ki khushi mein sirf main jaga nahin
teri aankhon se bhi lagta hai ki tu soya na tha
ye sabhi viraniyan us ke juda hone se thin
aankh dhundlai hui thi shahr dhundlaya na tha
sainkadon tufan lafzon mein dabe the zer-e-lab
ek patthar tha khamoshi ka ki jo hatta na tha
yaad kar ke aur bhi taklif hoti thi 'adim'
bhul jaane ke siwa ab koi bhi chaara na tha
maslahat ne ajnabi hum ko banaya tha 'adim'
warna kab ek dusre ko hum ne pahchana na tha
yunhi be-sabab na phira karo koi sham ghar mein raha karo
yunhi be-sabab na phira karo koi shaam ghar men raha karo
vo ghhazal ki sachchi kitab hai use chupke chupke padha karo
koi haath bhi na milaega jo gale miloge tapak se
ye nae mizaj ka shahr hai zara fasle se mila karo
abhi raah men kai mod hain koi aaega koi jaega
tumhen jis ne dil se bhula diya use bhulne ki dua karo
mujhe ishtihar si lagti hain ye mohabbaton ki kahaniyan
jo kaha nahin vo suna karo jo suna nahin vo kaha karo
kabhi husn-e-parda-nashin bhi ho zara ashiqana libas men
jo main ban sanvar ke kahin chalun mire saath tum bhi chala karo
nahin be-hijab vo chand sa ki nazar ka koi asar na ho
use itni garmi-e-shauq se badi der tak na taka karo
ye khizan ki zard si shaal men jo udaas ped ke paas hai
ye tumhare ghar ki bahar hai use ansuon se hara karo
yunhi be-sabab na phira karo koi sham ghar mein raha karo
wo ghazal ki sachchi kitab hai use chupke chupke padha karo
koi hath bhi na milaega jo gale miloge tapak se
ye nae mizaj ka shahr hai zara fasle se mila karo
abhi rah mein kai mod hain koi aaega koi jaega
tumhein jis ne dil se bhula diya use bhulne ki dua karo
mujhe ishtihaar si lagti hain ye mohabbaton ki kahaniyan
jo kaha nahin wo suna karo jo suna nahin wo kaha karo
kabhi husn-e-parda-nashin bhi ho zara aashiqana libas mein
jo main ban sanwar ke kahin chalun mere sath tum bhi chala karo
nahin be-hijab wo chand sa ki nazar ka koi asar na ho
use itni garmi-e-shauq se badi der tak na taka karo
ye khizan ki zard si shaal mein jo udas ped ke pas hai
ye tumhaare ghar ki bahaar hai use aansuon se hara karo
koi fariyaad tere dil mein dabi ho jaise
koi fariyad tire dil men dabi ho jaise
tu ne ankhon se koi baat kahi ho jaise
jagte jagte ik umr kati ho jaise
jaan baaqi hai magar saans ruki ho jaise
har mulaqat pe mahsus yahi hota hai
mujh se kuchh teri nazar puchh rahi ho jaise
raah chalte hue aksar ye guman hota hai
vo nazar chhup ke mujhe dekh rahi ho jaise
ek lamhe men simat aaya hai sadiyon ka safar
zindagi tez bahut tez chali ho jaise
is tarah pahron tujhe sochta rahta huun main
meri har saans tire naam likhi ho jaise
koi fariyaad tere dil mein dabi ho jaise
tu ne aankhon se koi baat kahi ho jaise
jagte jagte ek umr kati ho jaise
jaan baqi hai magar sans ruki ho jaise
har mulaqat pe mahsus yahi hota hai
mujh se kuchh teri nazar puchh rahi ho jaise
rah chalte hue aksar ye guman hota hai
wo nazar chhup ke mujhe dekh rahi ho jaise
ek lamhe mein simat aaya hai sadiyon ka safar
zindagi tez bahut tez chali ho jaise
is tarah pahron tujhe sochta rahta hun main
meri har sans tere nam likhi ho jaise
jab se tu ne mujhe diwana bana rakkha hai
jab se tu ne mujhe divana bana rakkha hai
sang har shakhs ne hathon men utha rakkha hai
us ke dil par bhi kadi ishq men guzri hogi
naam jis ne bhi mohabbat ka saza rakkha hai
pattharo aaj mire sar pe baraste kyuun ho
main ne tum ko bhi kabhi apna khuda rakkha hai
ab miri diid ki duniya bhi tamashai hai
tu ne kya mujh ko mohabbat men bana rakkha hai
pi ja ayyam ki talkhi ko bhi hans kar 'nasir'
ghham ko sahne men bhi qudrat ne maza rakkha hai
jab se tu ne mujhe diwana bana rakkha hai
sang har shakhs ne hathon mein utha rakkha hai
us ke dil par bhi kadi ishq mein guzri hogi
nam jis ne bhi mohabbat ka saza rakkha hai
pattharo aaj mere sar pe baraste kyun ho
main ne tum ko bhi kabhi apna khuda rakkha hai
ab meri did ki duniya bhi tamashai hai
tu ne kya mujh ko mohabbat mein bana rakkha hai
pi ja ayyam ki talkhi ko bhi hans kar 'nasir'
gham ko sahne mein bhi qudrat ne maza rakkha hai
dil mein ek lahr si uthi hai abhi
dil men ik lahr si uthi hai abhi
koi taaza hava chali hai abhi
kuchh to nazuk mizaj hain ham bhi
aur ye chot bhi nai hai abhi
shor barpa hai khana-e-dil men
koi divar si giri hai abhi
bhari duniya men ji nahin lagta
jaane kis chiiz ki kami hai abhi
tu sharik-e-sukhan nahin hai to kya
ham-sukhan teri khamushi hai abhi
yaad ke be-nishan jaziron se
teri avaz aa rahi hai abhi
shahr ki be-charaghh galiyon men
zindagi tujh ko dhundti hai abhi
so gae log us haveli ke
ek khidki magar khuli hai abhi
tum to yaaro abhi se uth baithe
shahr men raat jagti hai abhi
vaqt achchha bhi aaega 'nasir'
ghham na kar zindagi padi hai abhi
dil mein ek lahr si uthi hai abhi
koi taza hawa chali hai abhi
kuchh to nazuk mizaj hain hum bhi
aur ye chot bhi nai hai abhi
shor barpa hai khana-e-dil mein
koi diwar si giri hai abhi
bhari duniya mein ji nahin lagta
jaane kis chiz ki kami hai abhi
tu sharik-e-sukhan nahin hai to kya
ham-sukhan teri khamushi hai abhi
yaad ke be-nishan jaziron se
teri aawaz aa rahi hai abhi
shahr ki be-charagh galiyon mein
zindagi tujh ko dhundti hai abhi
so gae log us haweli ke
ek khidki magar khuli hai abhi
tum to yaro abhi se uth baithe
shahr mein raat jagti hai abhi
waqt achchha bhi aaega 'nasir'
gham na kar zindagi padi hai abhi
jhuki jhuki si nazar be-qarar hai ki nahin
jhuki jhuki si nazar be-qarar hai ki nahin
daba daba sa sahi dil men pyaar hai ki nahin
tu apne dil ki javan dhadkanon ko gin ke bata
miri tarah tira dil be-qarar hai ki nahin
vo pal ki jis men mohabbat javan hoti hai
us ek pal ka tujhe intizar hai ki nahin
tiri umiid pe thukra raha huun duniya ko
tujhe bhi apne pe ye e'tibar hai ki nahin
jhuki jhuki si nazar be-qarar hai ki nahin
daba daba sa sahi dil mein pyar hai ki nahin
tu apne dil ki jawan dhadkanon ko gin ke bata
meri tarah tera dil be-qarar hai ki nahin
wo pal ki jis mein mohabbat jawan hoti hai
us ek pal ka tujhe intizar hai ki nahin
teri umid pe thukra raha hun duniya ko
tujhe bhi apne pe ye e'tibar hai ki nahin
hum ko kis ke gham ne mara ye kahani phir sahi
ham ko kis ke ghham ne maara ye kahani phir sahi
kis ne toda dil hamara ye kahani phir sahi
dil ke lutne ka sabab puchho na sab ke samne
naam aaega tumhara ye kahani phir sahi
nafraton ke tiir kha kar doston ke shahr men
ham ne kis kis ko pukara ye kahani phir sahi
kya bataen pyaar ki baazi vafa ki raah men
kaun jiita kaun haara ye kahani phir sahi
hum ko kis ke gham ne mara ye kahani phir sahi
kis ne toda dil hamara ye kahani phir sahi
dil ke lutne ka sabab puchho na sab ke samne
nam aaega tumhaara ye kahani phir sahi
nafraton ke tir kha kar doston ke shahr mein
hum ne kis kis ko pukara ye kahani phir sahi
kya bataen pyar ki bazi wafa ki rah mein
kaun jita kaun haara ye kahani phir sahi
na ji bhar ke dekha na kuchh baat ki
na ji bhar ke dekha na kuchh baat ki
badi aarzu thi mulaqat ki
ujalon ki pariyan nahane lagin
nadi gungunai khayalat ki
main chup tha to chalti hava ruk gai
zaban sab samajhte hain jazbat ki
muqaddar miri chashm-e-pur-ab ka
barasti hui raat barsat ki
kai saal se kuchh khabar hi nahin
kahan din guzara kahan raat ki
na ji bhar ke dekha na kuchh baat ki
badi aarzu thi mulaqat ki
ujalon ki pariyan nahane lagin
nadi gungunai khayalat ki
main chup tha to chalti hawa ruk gai
zaban sab samajhte hain jazbaat ki
muqaddar meri chashm-e-pur-ab ka
barasti hui raat barsat ki
kai sal se kuchh khabar hi nahin
kahan din guzara kahan raat ki
gahe gahe bas ab yahi ho kya
gaahe gaahe bas ab yahi ho kya
tum se mil kar bahut khushi ho kya
mil rahi ho bade tapak ke saath
mujh ko yaksar bhula chuki ho kya
yaad hain ab bhi apne khvab tumhen
mujh se mil kar udaas bhi ho kya
bas mujhe yunhi ik khayal aaya
sochti ho to sochti ho kya
ab miri koi zindagi hi nahin
ab bhi tum meri zindagi ho kya
kya kaha ishq javedani hai!
akhiri baar mil rahi ho kya
haan faza yaan ki soi soi si hai
to bahut tez raushni ho kya
mere sab tanz be-asar hi rahe
tum bahut duur ja chuki ho kya
dil men ab soz-e-intizar nahin
sham-e-ummid bujh gai ho kya
is samundar pe tishna-kam huun main
baan tum ab bhi bah rahi ho kya
gahe gahe bas ab yahi ho kya
tum se mil kar bahut khushi ho kya
mil rahi ho bade tapak ke sath
mujh ko yaksar bhula chuki ho kya
yaad hain ab bhi apne khwab tumhein
mujh se mil kar udas bhi ho kya
bas mujhe yunhi ek khayal aaya
sochti ho to sochti ho kya
ab meri koi zindagi hi nahin
ab bhi tum meri zindagi ho kya
kya kaha ishq jawedani hai!
aakhiri bar mil rahi ho kya
han faza yan ki soi soi si hai
to bahut tez raushni ho kya
mere sab tanz be-asar hi rahe
tum bahut dur ja chuki ho kya
dil mein ab soz-e-intizar nahin
sham-e-ummid bujh gai ho kya
is samundar pe tishna-kaam hun main
ban tum ab bhi bah rahi ho kya
insha-ji utho ab kuch karo is shahr mein ji ko lagana kya
'insha'-ji utho ab kuuch karo is shahr men ji ko lagana kya
vahshi ko sukun se kya matlab jogi ka nagar men thikana kya
is dil ke darida daman ko dekho to sahi socho to sahi
jis jholi men sau chhed hue us jholi ka phailana kya
shab biiti chand bhi duub chala zanjir padi darvaze men
kyuun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil men hai lab par aane do sharmana kya ghabrana kya
us roz jo un ko dekha hai ab khvab ka aalam lagta hai
us roz jo un se baat hui vo baat bhi thi afsana kya
us husn ke sachche moti ko ham dekh saken par chhu na saken
jise dekh saken par chhu na saken vo daulat kya vo khazana kya
us ko bhi jala dukhte hue man ik shoala laal bhabuka ban
yuun aansu ban bah jaana kya yuun maati men mil jaana kya
jab shahr ke log na rasta den kyuun ban men na ja bisram kare
divanon ki si na baat kare to aur kare divana kya
'insha'-ji utho ab kuch karo is shahr mein ji ko lagana kya
wahshi ko sukun se kya matlab jogi ka nagar mein thikana kya
is dil ke darida daman ko dekho to sahi socho to sahi
jis jholi mein sau chhed hue us jholi ka phailana kya
shab biti chand bhi dub chala zanjir padi darwaze mein
kyun der gae ghar aae ho sajni se karoge bahana kya
phir hijr ki lambi raat miyan sanjog ki to yahi ek ghadi
jo dil mein hai lab par aane do sharmana kya ghabrana kya
us roz jo un ko dekha hai ab khwab ka aalam lagta hai
us roz jo un se baat hui wo baat bhi thi afsana kya
us husn ke sachche moti ko hum dekh saken par chhu na saken
jise dekh saken par chhu na saken wo daulat kya wo khazana kya
us ko bhi jala dukhte hue man ek shoala lal bhabuka ban
yun aansu ban bah jaana kya yun mati mein mil jaana kya
jab shahr ke log na rasta den kyun ban mein na ja bisram kare
diwanon ki si na baat kare to aur kare diwana kya
sar jhukaoge to patthar devta ho jaega
sar jhukaoge to patthar devta ho jaega
itna mat chaho use vo bevafa ho jaega
ham bhi dariya hain hamen apna hunar malum hai
jis taraf bhi chal padenge rasta ho jaega
kitni sachchai se mujh se zindagi ne kah diya
tu nahin mera to koi dusra ho jaega
main khuda ka naam le kar pi raha huun dosto
zahr bhi is men agar hoga dava ho jaega
sab usi ke hain hava khushbu zamin o asman
main jahan bhi jaunga us ko pata ho jaega
sar jhukaoge to patthar dewta ho jaega
itna mat chaho use wo bewafa ho jaega
hum bhi dariya hain hamein apna hunar malum hai
jis taraf bhi chal padenge rasta ho jaega
kitni sachchai se mujh se zindagi ne kah diya
tu nahin mera to koi dusra ho jaega
main khuda ka nam le kar pi raha hun dosto
zahr bhi is mein agar hoga dawa ho jaega
sab usi ke hain hawa khushbu zamin o aasman
main jahan bhi jaunga us ko pata ho jaega
sarakti jae hai rukh se naqab aahista aahista
sarakti jaae hai rukh se naqab ahista ahista
nikalta aa raha hai aftab ahista ahista
the veil slips from her visage at such a gentle pace
as though the sun emerges from a cloud's embrace
javan hone lage jab vo to ham se kar liya parda
haya yak-lakht aai aur shabab ahista ahista
as she came of age she started to be veiled from me
shyness came to her at once, beauty then slowly
shab-e-furqat ka jaaga huun farishto ab to sone do
kabhi fursat men kar lena hisab ahista ahista
i haven't slept since parting eve, o angels, i request
i'll settle your accounts at leisure for now let me rest
saval-e-vasl par un ko adu ka khauf hai itna
dabe honton se dete hain javab ahista ahista
on question of our meeting, so scared of rival's she
in soft tones thus replies, her answer whisperedly
vo bedardi se sar katen 'amir' aur main kahun un se
huzur ahista ahista janab ahista ahista
i tell her when she slashes at my neck so cruelly
my dear, take it easy, sweetheart do it properly
sarakti jae hai rukh se naqab aahista aahista
nikalta aa raha hai aaftab aahista aahista
the veil slips from her visage at such a gentle pace
as though the sun emerges from a cloud's embrace
jawan hone lage jab wo to hum se kar liya parda
haya yak-lakht aai aur shabab aahista aahista
as she came of age she started to be veiled from me
shyness came to her at once, beauty then slowly
shab-e-furqat ka jaga hun farishto ab to sone do
kabhi fursat mein kar lena hisab aahista aahista
i haven't slept since parting eve, o angels, i request
i'll settle your accounts at leisure for now let me rest
sawal-e-wasl par un ko adu ka khauf hai itna
dabe honton se dete hain jawab aahista aahista
on question of our meeting, so scared of rival's she
in soft tones thus replies, her answer whisperedly
wo bedardi se sar katen 'amir' aur main kahun un se
huzur aahista aahista janab aahista aahista
i tell her when she slashes at my neck so cruelly
my dear, take it easy, sweetheart do it properly
be-nam sa ye dard thahar kyun nahin jata
be-nam sa ye dard thahar kyuun nahin jaata
jo biit gaya hai vo guzar kyuun nahin jaata
sab kuchh to hai kya dhundhti rahti hain nigahen
kya baat hai main vaqt pe ghar kyuun nahin jaata
vo ek hi chehra to nahin saare jahan men
jo duur hai vo dil se utar kyuun nahin jaata
main apni hi uljhi hui rahon ka tamasha
jaate hain jidhar sab main udhar kyuun nahin jaata
vo khvab jo barson se na chehra na badan hai
vo khvab havaon men bikhar kyuun nahin jaata
be-nam sa ye dard thahar kyun nahin jata
jo bit gaya hai wo guzar kyun nahin jata
sab kuchh to hai kya dhundhti rahti hain nigahen
kya baat hai main waqt pe ghar kyun nahin jata
wo ek hi chehra to nahin sare jahan mein
jo dur hai wo dil se utar kyun nahin jata
main apni hi uljhi hui rahon ka tamasha
jate hain jidhar sab main udhar kyun nahin jata
wo khwab jo barson se na chehra na badan hai
wo khwab hawaon mein bikhar kyun nahin jata
abhi kuchh aur karishme ghazal ke dekhte hain
abhi kuchh aur karishme ghhazal ke dekhte hain
'faraz' ab zara lahja badal ke dekhte hain
judaiyan to muqaddar hain phir bhi jan-e-safar
kuchh aur duur zara saath chal ke dekhte hain
rah-e-vafa men harif-e-khiram koi to ho
so apne aap se aage nikal ke dekhte hain
tu samne hai to phir kyuun yaqin nahin aata
ye baar baar jo ankhon ko mal ke dekhte hain
ye kaun log hain maujud teri mahfil men
jo lalachon se tujhe mujh ko jal ke dekhte hain
ye qurb kya hai ki yak-jan hue na duur rahe
hazar ek hi qalib men dhal ke dekhte hain
na tujh ko maat hui hai na mujh ko maat hui
so ab ke donon hi chalen badal ke dekhte hain
ye kaun hai sar-e-sahil ki dubne vaale
samundaron ki tahon se uchhal ke dekhte hain
abhi talak to na kundan hue na raakh hue
ham apni aag men har roz jal ke dekhte hain
bahut dinon se nahin hai kuchh us ki khair-khabar
chalo 'faraz' ko ai yaar chal ke dekhte hain
abhi kuchh aur karishme ghazal ke dekhte hain
'faraaz' ab zara lahja badal ke dekhte hain
judaiyan to muqaddar hain phir bhi jaan-e-safar
kuchh aur dur zara sath chal ke dekhte hain
rah-e-wafa mein harif-e-khiram koi to ho
so apne aap se aage nikal ke dekhte hain
tu samne hai to phir kyun yaqin nahin aata
ye bar bar jo aankhon ko mal ke dekhte hain
ye kaun log hain maujud teri mahfil mein
jo lalachon se tujhe mujh ko jal ke dekhte hain
ye qurb kya hai ki yak-jaan hue na dur rahe
hazar ek hi qalib mein dhal ke dekhte hain
na tujh ko mat hui hai na mujh ko mat hui
so ab ke donon hi chaalen badal ke dekhte hain
ye kaun hai sar-e-sahil ki dubne wale
samundaron ki tahon se uchhal ke dekhte hain
abhi talak to na kundan hue na rakh hue
hum apni aag mein har roz jal ke dekhte hain
bahut dinon se nahin hai kuchh us ki khair-khabar
chalo 'faraaz' ko ai yar chal ke dekhte hain
aate aate mera nam sa rah gaya
aate aate mira naam sa rah gaya
us ke honton pe kuchh kanpta rah gaya
raat mujrim thi daman bacha le gai
din gavahon ki saf men khada rah gaya
vo mire samne hi gaya aur main
raste ki tarah dekhta rah gaya
jhuut vaale kahin se kahin badh gae
aur main tha ki sach bolta rah gaya
andhiyon ke irade to achchhe na the
ye diya kaise jalta hua rah gaya
us ko kandhon pe le ja rahe hain 'vasim'
aur vo jiine ka haq mangta rah gaya
aate aate mera nam sa rah gaya
us ke honton pe kuchh kanpta rah gaya
raat mujrim thi daman bacha le gai
din gawahon ki saf mein khada rah gaya
wo mere samne hi gaya aur main
raste ki tarah dekhta rah gaya
jhut wale kahin se kahin badh gae
aur main tha ki sach bolta rah gaya
aandhiyon ke irade to achchhe na the
ye diya kaise jalta hua rah gaya
us ko kandhon pe le ja rahe hain 'wasim'
aur wo jine ka haq mangta rah gaya
abhi is taraf na nigah kar main ghazal ki palken sanwar lun
abhi is taraf na nigah kar main ghhazal ki palken sanvar luun
mira lafz lafz ho aina tujhe aaine men utaar luun
main tamam din ka thaka hua tu tamam shab ka jaga hua
zara thahr ja isi mod par tere saath shaam guzar luun
agar asman ki numaishon men mujhe bhi izn-e-qayam ho
to main motiyon ki dukan se tiri baliyan tire haar luun
kahin aur baant de shohraten kahin aur bakhsh de izzaten
mire paas hai mira aina main kabhi na gard-o-ghhubar luun
kai ajnabi tiri raah men mire paas se yuun guzar gae
jinhen dekh kar ye tadap hui tira naam le ke pukar luun
abhi is taraf na nigah kar main ghazal ki palken sanwar lun
mera lafz lafz ho aaina tujhe aaine mein utar lun
main tamam din ka thaka hua tu tamam shab ka jaga hua
zara thahr ja isi mod par tere sath sham guzar lun
agar aasman ki numaishon mein mujhe bhi izn-e-qayam ho
to main motiyon ki dukan se teri baaliyan tere haar lun
kahin aur bant de shohraten kahin aur bakhsh de izzaten
mere pas hai mera aaina main kabhi na gard-o-ghubar lun
kai ajnabi teri rah mein mere pas se yun guzar gae
jinhen dekh kar ye tadap hui tera nam le ke pukar lun
jis samt bhi dekhun nazar aata hai ki tum ho
jis samt bhi dekhun nazar aata hai ki tum ho
ai jan-e-jahan ye koi tum sa hai ki tum ho
ye khvab hai khushbu hai ki jhonka hai ki pal hai
ye dhund hai badal hai ki saaya hai ki tum ho
is diid ki saaat men kai rang hain larzan
main huun ki koi aur hai duniya hai ki tum ho
dekho ye kisi aur ki ankhen hain ki meri
dekhun ye kisi aur ka chehra hai ki tum ho
ye umr-e-gurezan kahin thahre to ye janun
har saans men mujh ko yahi lagta hai ki tum ho
har bazm men mauzu-e-sukhan dil-zadagan ka
ab kaun hai shirin hai ki laila hai ki tum ho
ik dard ka phaila hua sahra hai ki main huun
ik mauj men aaya hua dariya hai ki tum ho
vo vaqt na aae ki dil-e-zar bhi soche
is shahr men tanha koi ham sa hai ki tum ho
abad ham ashufta-saron se nahin maqtal
ye rasm abhi shahr men zinda hai ki tum ho
ai jan-e-'faraz' itni bhi taufiq kise thi
ham ko ghham-e-hasti bhi gavara hai ki tum ho
jis samt bhi dekhun nazar aata hai ki tum ho
ai jaan-e-jahan ye koi tum sa hai ki tum ho
ye khwab hai khushbu hai ki jhonka hai ki pal hai
ye dhund hai baadal hai ki saya hai ki tum ho
is did ki saat mein kai rang hain larzan
main hun ki koi aur hai duniya hai ki tum ho
dekho ye kisi aur ki aankhen hain ki meri
dekhun ye kisi aur ka chehra hai ki tum ho
ye umr-e-gurezan kahin thahre to ye jaanun
har sans mein mujh ko yahi lagta hai ki tum ho
har bazm mein mauzu-e-sukhan dil-zadagan ka
ab kaun hai shirin hai ki laila hai ki tum ho
ek dard ka phaila hua sahra hai ki main hun
ek mauj mein aaya hua dariya hai ki tum ho
wo waqt na aae ki dil-e-zar bhi soche
is shahr mein tanha koi hum sa hai ki tum ho
aabaad hum aashufta-saron se nahin maqtal
ye rasm abhi shahr mein zinda hai ki tum ho
ai jaan-e-'faraaz' itni bhi taufiq kise thi
hum ko gham-e-hasti bhi gawara hai ki tum ho
tumhaare shahr ka mausam bada suhana lage
tumhare shahr ka mausam bada suhana lage
main ek shaam chura luun agar bura na lage
tumhare bas men agar ho to bhuul jaao mujhe
tumhen bhulane men shayad mujhe zamana lage
jo dubna hai to itne sukun se duubo
ki as-pas ki lahron ko bhi pata na lage
vo phuul jo mire daman se ho gae mansub
khuda kare unhen bazar ki hava na lage
na jaane kya hai kisi ki udaas ankhon men
vo munh chhupa ke bhi jaae to bevafa na lage
tu is tarah se mire saath bevafai kar
ki tere baa'd mujhe koi bevafa na lage
tum aankh muund ke pi jaao zindagi 'qaisar'
ki ek ghunt men mumkin hai bad-maza na lage
tumhaare shahr ka mausam bada suhana lage
main ek sham chura lun agar bura na lage
tumhaare bas mein agar ho to bhul jao mujhe
tumhein bhulane mein shayad mujhe zamana lage
jo dubna hai to itne sukun se dubo
ki aas-pas ki lahron ko bhi pata na lage
wo phul jo mere daman se ho gae mansub
khuda kare unhen bazar ki hawa na lage
na jaane kya hai kisi ki udas aankhon mein
wo munh chhupa ke bhi jae to bewafa na lage
tu is tarah se mere sath bewafai kar
ki tere ba'd mujhe koi bewafa na lage
tum aankh mund ke pi jao zindagi 'qaisar'
ki ek ghunt mein mumkin hai bad-maza na lage
kamal-e-zabt ko khud bhi to aazmaungi
kamal-e-zabt ko khud bhi to azmaungi
main apne haath se us ki dulhan sajaungi
supurd kar ke use chandni ke hathon men
main apne ghar ke andheron ko laut aungi
badan ke karb ko vo bhi samajh na paega
main dil men roungi ankhon men muskuraungi
vo kya gaya ki rifaqat ke saare lutf gae
main kis se ruuth sakungi kise manaungi
ab us ka fan to kisi aur se hua mansub
main kis ki nazm akele men gungunaungi
vo ek rishta-e-benam bhi nahin lekin
main ab bhi us ke isharon pe sar jhukaungi
bichha diya tha gulabon ke saath apna vajud
vo so ke utthe to khvabon ki raakh uthaungi
samaaton men ghane jangalon ki sansen hain
main ab kabhi tiri avaz sun na paungi
javaz dhund raha tha nai mohabbat ka
vo kah raha tha ki main us ko bhuul jaungi
kamal-e-zabt ko khud bhi to aazmaungi
main apne hath se us ki dulhan sajaungi
supurd kar ke use chandni ke hathon mein
main apne ghar ke andheron ko laut aaungi
badan ke karb ko wo bhi samajh na paega
main dil mein roungi aankhon mein muskuraungi
wo kya gaya ki rifaqat ke sare lutf gae
main kis se ruth sakungi kise manaungi
ab us ka fan to kisi aur se hua mansub
main kis ki nazm akele mein gungunaungi
wo ek rishta-e-benam bhi nahin lekin
main ab bhi us ke ishaaron pe sar jhukaungi
bichha diya tha gulabon ke sath apna wajud
wo so ke utthe to khwabon ki rakh uthaungi
samaaton mein ghane jangalon ki sansen hain
main ab kabhi teri aawaz sun na paungi
jawaz dhund raha tha nai mohabbat ka
wo kah raha tha ki main us ko bhul jaungi
kya kahun tum se main ki kya hai ishq
kya kahun tum se main ki kya hai ishq
jaan ka rog hai bala hai ishq
what can i say of love to thee
soul's ailment and calamity
ishq hi ishq hai jahan dekho
saare aalam men bhar raha hai ishq
its only love where'er you see
love fills this world entirely
ishq hai tarz o taur ishq ke taiin
kahin banda kahin khuda hai ishq
love is the mode and style of love
it's man below and god above
ishq maashuq ishq ashiq hai
yaani apna hi mubtala hai ishq
both lover and beloved be
love's self-involved entirely
gar parastish khuda ki sabit ki
kisu surat men ho bhala hai ishq
if god's worship's true you say
then love is good in every way
dilkash aisa kahan hai dushman-e-jan
muddai hai pa muddaa hai ishq
so charming beautiful is she?
that love i seek, tho foe she be
hai hamare bhi taur ka ashiq
jis kisi ko kahin hua hai ishq
is there a paramour like me
'mongst lovers whosoever be
koi khvahan nahin mohabbat ka
tu kahe jins-e-na-rava hai ishq
love an improper thing you deem
for love does no one ever dream?
'mir'-ji zard hote jaate ho
kya kahin tum ne bhi kiya hai ishq
miirji, colour's drained from you
by love, have you been smitten too?
kya kahun tum se main ki kya hai ishq
jaan ka rog hai bala hai ishq
what can i say of love to thee
soul's ailment and calamity
ishq hi ishq hai jahan dekho
sare aalam mein bhar raha hai ishq
its only love where'er you see
love fills this world entirely
ishq hai tarz o taur ishq ke tain
kahin banda kahin khuda hai ishq
love is the mode and style of love
it's man below and god above
ishq mashuq ishq aashiq hai
yani apna hi mubtala hai ishq
both lover and beloved be
love's self-involved entirely
gar parastish khuda ki sabit ki
kisu surat mein ho bhala hai ishq
if god's worship's true you say
then love is good in every way
dilkash aisa kahan hai dushman-e-jaan
muddai hai pa muddaa hai ishq
so charming beautiful is she?
that love i seek, tho foe she be
hai hamare bhi taur ka aashiq
jis kisi ko kahin hua hai ishq
is there a paramour like me
'mongst lovers whosoever be
koi khwahan nahin mohabbat ka
tu kahe jins-e-na-rawa hai ishq
love an improper thing you deem
for love does no one ever dream?
'mir'-ji zard hote jate ho
kya kahin tum ne bhi kiya hai ishq
miirji, colour's drained from you
by love, have you been smitten too?
aziz itna hi rakkho ki ji sambhal jae
aziiz itna hi rakkho ki ji sambhal jaae
ab is qadar bhi na chaho ki dam nikal jaae
mile hain yuun to bahut aao ab milen yuun bhi
ki ruuh garmi-e-anfas se pighal jaae
mohabbaton men ajab hai dilon ko dhadka sa
ki jaane kaun kahan rasta badal jaae
zahe vo dil jo tamanna-e-taza-tar men rahe
khosha vo umr jo khvabon hi men bahal jaae
main vo charaghh sar-e-rahguzar-e-duniya huun
jo apni zaat ki tanhaiyon men jal jaae
har ek lahza yahi aarzu yahi hasrat
jo aag dil men hai vo sher men bhi dhal jaae
aziz itna hi rakkho ki ji sambhal jae
ab is qadar bhi na chaho ki dam nikal jae
mile hain yun to bahut aao ab milen yun bhi
ki ruh garmi-e-anfas se pighal jae
mohabbaton mein ajab hai dilon ko dhadka sa
ki jaane kaun kahan rasta badal jae
zahe wo dil jo tamanna-e-taza-tar mein rahe
khosha wo umr jo khwabon hi mein bahal jae
main wo charagh sar-e-rahguzar-e-duniya hun
jo apni zat ki tanhaiyon mein jal jae
har ek lahza yahi aarzu yahi hasrat
jo aag dil mein hai wo sher mein bhi dhal jae
ashaar mere yun to zamane ke liye hain
ashar mire yuun to zamane ke liye hain
kuchh sher faqat un ko sunane ke liye hain
ab ye bhi nahin thiik ki har dard mita den
kuchh dard kaleje se lagane ke liye hain
socho to badi chiiz hai tahzib badan ki
varna ye faqat aag bujhane ke liye hain
ankhon men jo bhar loge to kanton se chubhenge
ye khvab to palkon pe sajane ke liye hain
dekhun tire hathon ko to lagta hai tire haath
mandir men faqat diip jalane ke liye hain
ye ilm ka sauda ye risale ye kitaben
ik shakhs ki yadon ko bhulane ke liye hain
ashaar mere yun to zamane ke liye hain
kuchh sher faqat un ko sunane ke liye hain
ab ye bhi nahin thik ki har dard mita den
kuchh dard kaleje se lagane ke liye hain
socho to badi chiz hai tahzib badan ki
warna ye faqat aag bujhane ke liye hain
aankhon mein jo bhar loge to kanton se chubhenge
ye khwab to palkon pe sajaane ke liye hain
dekhun tere hathon ko to lagta hai tere hath
mandir mein faqat dip jalane ke liye hain
ye ilm ka sauda ye risale ye kitaben
ek shakhs ki yaadon ko bhulane ke liye hain
apne ehsas se chhu kar mujhe sandal kar do
apne ehsas se chhu kar mujhe sandal kar do
main ki sadiyon se adhura huun mukammal kar do
na tumhen hosh rahe aur na mujhe hosh rahe
is qadar tuut ke chaho mujhe pagal kar do
tum hatheli ko mire pyaar ki mehndi se rango
apni ankhon men mire naam ka kajal kar do
is ke saae men mire khvab dahak utthenge
mere chehre pe chamakta hua anchal kar do
dhuup hi dhuup huun main tuut ke barso mujh par
is qadar barso miri ruuh men jal-thal kar do
jaise sahraon men har shaam hava chalti hai
is tarah mujh men chalo aur mujhe jal-thal kar do
tum chhupa lo mira dil ot men apne dil ki
aur mujhe meri nigahon se bhi ojhal kar do
masala huun to nigahen na churao mujh se
apni chahat se tavajjoh se mujhe hal kar do
apne ghham se kaho har vaqt mire saath rahe
ek ehsan karo is ko musalsal kar do
mujh pe chha jaao kisi aag ki surat janan
aur miri zaat ko sukha hua jangal kar do
apne ehsas se chhu kar mujhe sandal kar do
main ki sadiyon se adhura hun mukammal kar do
na tumhein hosh rahe aur na mujhe hosh rahe
is qadar tut ke chaho mujhe pagal kar do
tum hatheli ko mere pyar ki mehndi se rango
apni aankhon mein mere nam ka kajal kar do
is ke sae mein mere khwab dahak utthenge
mere chehre pe chamakta hua aanchal kar do
dhup hi dhup hun main tut ke barso mujh par
is qadar barso meri ruh mein jal-thal kar do
jaise sahraon mein har sham hawa chalti hai
is tarah mujh mein chalo aur mujhe jal-thal kar do
tum chhupa lo mera dil ot mein apne dil ki
aur mujhe meri nigahon se bhi ojhal kar do
masala hun to nigahen na churao mujh se
apni chahat se tawajjoh se mujhe hal kar do
apne gham se kaho har waqt mere sath rahe
ek ehsan karo is ko musalsal kar do
mujh pe chha jao kisi aag ki surat jaanan
aur meri zat ko sukha hua jangal kar do
tum apna ranj-o-gham apni pareshani mujhe de do
tum apna ranj-o-ghham apni pareshani mujhe de do
tumhen ghham ki qasam is dil ki virani mujhe de do
ye maana main kisi qabil nahin huun in nigahon men
bura kya hai agar ye dukh ye hairani mujhe de do
main dekhun to sahi duniya tumhen kaise satati hai
koi din ke liye apni nigahbani mujhe de do
vo dil jo main ne manga tha magar ghhairon ne paaya hai
badi shai hai agar us ki pashemani mujhe de do
tum apna ranj-o-gham apni pareshani mujhe de do
tumhein gham ki qasam is dil ki virani mujhe de do
ye mana main kisi qabil nahin hun in nigahon mein
bura kya hai agar ye dukh ye hairani mujhe de do
main dekhun to sahi duniya tumhein kaise satati hai
koi din ke liye apni nigahbani mujhe de do
wo dil jo main ne manga tha magar ghairon ne paya hai
badi shai hai agar us ki pashemani mujhe de do