Tasawwur

ji dhundta hai phir wahi fursat ki raat din baithe rahen tasawwur-e-jaanan kiye hue again this heart seeks those days of leisure as of yore sitting just enmeshed in thoughts of my paramour the speaker longs for an unbroken leisure where time stops being practical and becomes purely emotional. “day and night” suggests a continuous hunger, not a momentary wish. the “image of the beloved” is a refuge: sitting still becomes a form of devotion and survival. the couplet captures love as a persistent inner occupation that needs silence and time to fully unfold.

kitne aish se rahte honge kitne itraate honge

kitne aish se rahte honge kitne itrate honge jaane kaise log vo honge jo us ko bhate honge shaam hue khush-bash yahan ke mere paas aa jaate hain mere bujhne ka nazzara karne aa jaate honge vo jo na aane vaala hai na us se mujh ko matlab tha aane valon se kya matlab aate hain aate honge us ki yaad ki bad-e-saba men aur to kya hota hoga yunhi mere baal hain bikhre aur bikhar jaate honge yaaro kuchh to zikr karo tum us ki qayamat banhon ka vo jo simatte honge un men vo to mar jaate honge mera saans ukhadte hi sab bain karenge roenge yaani mere baad bhi yaani saans liye jaate honge kitne aish se rahte honge kitne itraate honge jaane kaise log wo honge jo us ko bhate honge sham hue khush-bash yahan ke mere pas aa jate hain mere bujhne ka nazzara karne aa jate honge wo jo na aane wala hai na us se mujh ko matlab tha aane walon se kya matlab aate hain aate honge us ki yaad ki baad-e-saba mein aur to kya hota hoga yunhi mere baal hain bikhre aur bikhar jate honge yaro kuchh to zikr karo tum us ki qayamat banhon ka wo jo simatte honge un mein wo to mar jate honge mera sans ukhadte hi sab bain karenge roenge yani mere baad bhi yani sans liye jate honge

duniya-e-tasawwur hum aabaad nahin karte yaad aate ho tum khud hi hum yaad nahin karte

gahe gahe bas ab yahi ho kya

gaahe gaahe bas ab yahi ho kya tum se mil kar bahut khushi ho kya mil rahi ho bade tapak ke saath mujh ko yaksar bhula chuki ho kya yaad hain ab bhi apne khvab tumhen mujh se mil kar udaas bhi ho kya bas mujhe yunhi ik khayal aaya sochti ho to sochti ho kya ab miri koi zindagi hi nahin ab bhi tum meri zindagi ho kya kya kaha ishq javedani hai! akhiri baar mil rahi ho kya haan faza yaan ki soi soi si hai to bahut tez raushni ho kya mere sab tanz be-asar hi rahe tum bahut duur ja chuki ho kya dil men ab soz-e-intizar nahin sham-e-ummid bujh gai ho kya is samundar pe tishna-kam huun main baan tum ab bhi bah rahi ho kya gahe gahe bas ab yahi ho kya tum se mil kar bahut khushi ho kya mil rahi ho bade tapak ke sath mujh ko yaksar bhula chuki ho kya yaad hain ab bhi apne khwab tumhein mujh se mil kar udas bhi ho kya bas mujhe yunhi ek khayal aaya sochti ho to sochti ho kya ab meri koi zindagi hi nahin ab bhi tum meri zindagi ho kya kya kaha ishq jawedani hai! aakhiri bar mil rahi ho kya han faza yan ki soi soi si hai to bahut tez raushni ho kya mere sab tanz be-asar hi rahe tum bahut dur ja chuki ho kya dil mein ab soz-e-intizar nahin sham-e-ummid bujh gai ho kya is samundar pe tishna-kaam hun main ban tum ab bhi bah rahi ho kya

yun barasti hain tasawwur mein purani yaaden jaise barsat ki rim-jhim mein saman hota hai

ji hi ji mein wo jal rahi hogi

ji hi ji men vo jal rahi hogi chandni men tahal rahi hogi chand ne taan li hai chadar-e-abr ab vo kapde badal rahi hogi so gai hogi vo shafaq-andam sabz qindil jal rahi hogi surkh aur sabz vadiyon ki taraf vo mire saath chal rahi hogi chadhte chadhte kisi pahadi par ab vo karvat badal rahi hogi ped ki chhal se ragad kha kar vo tane se phisal rahi hogi nil-gun jhiil naaf tak pahne sandalin jism mal rahi hogi ho ke vo khvab-e-aish se bedar kitni hi der shal rahi hogi ji hi ji mein wo jal rahi hogi chandni mein tahal rahi hogi chand ne tan li hai chadar-e-abr ab wo kapde badal rahi hogi so gai hogi wo shafaq-andam sabz qindil jal rahi hogi surkh aur sabz wadiyon ki taraf wo mere sath chal rahi hogi chadhte chadhte kisi pahadi par ab wo karwat badal rahi hogi ped ki chhaal se ragad kha kar wo tane se phisal rahi hogi nil-gun jhil naf tak pahne sandalin jism mal rahi hogi ho ke wo khwab-e-aish se bedar kitni hi der shal rahi hogi

un ka gham un ka tasawwur un ki yaad kat rahi hai zindagi aaram se

hamare zakhm-e-tamanna purane ho gae hain

hamare zakhm-e-tamanna purane ho gae hain ki us gali men gae ab zamane ho gae hain tum apne chahne valon ki baat mat suniyo tumhare chahne vaale divane ho gae hain vo zulf dhuup men furqat ki aai hai jab yaad to badal aae hain aur shamiyane ho gae hain jo apne taur se ham ne kabhi guzare the vo subh o shaam to jaise fasane ho gae hain ajab mahak thi mire gul tire shabistan ki so bulbulon ke vahan ashiyane ho gae hain hamare baa'd jo aaen unhen mubarak ho jahan the kunj vahan kar-khane ho gae hain hamare zakhm-e-tamanna purane ho gae hain ki us gali mein gae ab zamane ho gae hain tum apne chahne walon ki baat mat suniyo tumhaare chahne wale diwane ho gae hain wo zulf dhup mein furqat ki aai hai jab yaad to baadal aae hain aur shamiyane ho gae hain jo apne taur se hum ne kabhi guzare the wo subh o sham to jaise fasane ho gae hain ajab mahak thi mere gul tere shabistan ki so bulbulon ke wahan aashiyane ho gae hain hamare ba'd jo aaen unhen mubarak ho jahan the kunj wahan kar-khane ho gae hain

han dikha de ai tasawwur phir wo subh o sham tu daud pichhe ki taraf ai gardish-e-ayyam tu the speaker pleads with imagination to revive a lost time as vividly as real life, and addresses time itself as if it could reverse course. “morning and evening” stands for the whole rhythm of a bygone life, now missed. the emotional core is longing: a desire to undo loss by making time return, even if only in the mind.

ghar se hum ghar talak gae honge

ghar se ham ghar talak gae honge apne hi aap tak gae honge ham jo ab aadmi hain pahle kabhi jaam honge chhalak gae honge vo bhi ab ham se thak gaya hoga ham bhi ab us se thak gae honge shab jo ham se hua muaaf karo nahin pi thi bahak gae honge kitne hi log hirs-e-shohrat men daar par khud latak gae honge shukr hai is nigah-e-kam ka miyan pahle hi ham khatak gae honge ham to apni talash men aksar az sama-ta-samak gae honge us ka lashkar jahan-tahan yaani ham bhi bas be-kumak gae honge 'jaun' allah aur ye aalam biich men ham atak gae honge ghar se hum ghar talak gae honge apne hi aap tak gae honge hum jo ab aadmi hain pahle kabhi jam honge chhalak gae honge wo bhi ab hum se thak gaya hoga hum bhi ab us se thak gae honge shab jo hum se hua muaf karo nahin pi thi bahak gae honge kitne hi log hirs-e-shohrat mein dar par khud latak gae honge shukr hai is nigah-e-kam ka miyan pahle hi hum khatak gae honge hum to apni talash mein aksar az sama-ta-samak gae honge us ka lashkar jahan-tahan yani hum bhi bas be-kumak gae honge 'jaun' allah aur ye aalam bich mein hum atak gae honge

ghar ki tamir tasawwur hi mein ho sakti hai apne naqshe ke mutabiq ye zamin kuchh kam hai

har dhadkan haijaani thi har khamoshi tufani thi

har dhadkan haijani thi har khamoshi tufani thi phir bhi mohabbat sirf musalsal milne ki asani thi jis din us se baat hui thi us din bhi be-kaif tha main jis din us ka khat aaya hai us din bhi virani thi jab us ne mujh se ye kaha tha ishq rifaqat hi to nahin tab main ne har shakhs ki surat mushkil se pahchani thi jis din vo milne aai hai us din ki rudad ye hai us ka blouse naranji tha us ki saari dhani thi uljhan si hone lagti thi mujh ko aksar aur vo yuun mera mizaj-e-ishq tha shahri us ki vafa dahqani thi ab to us ke baare men tum jo chaho vo kah daalo vo angdai mere kamre tak to badi ruhani thi naam pe ham qurban the us ke lekin phir ye taur hua us ko dekh ke ruk jaana bhi sab se badi qurbani thi mujh se bichhad kar bhi vo ladki kitni khush khush rahti hai us ladki ne mujh se bichhad kar mar jaane ki thani thi ishq ki halat kuchh bhi nahin thi baat badhane ka fan tha lamhe la-fani thahre the qatron ki tughhyani thi jis ko khud main ne bhi apni ruuh ka irfan samjha tha vo to shayad mere pyase honton ki shaitani thi tha darbar-e-kalan bhi us ka naubat-khana us ka tha thi mere dil ki jo raani amrohe ki raani thi har dhadkan haijaani thi har khamoshi tufani thi phir bhi mohabbat sirf musalsal milne ki aasani thi jis din us se baat hui thi us din bhi be-kaif tha main jis din us ka khat aaya hai us din bhi virani thi jab us ne mujh se ye kaha tha ishq rifaqat hi to nahin tab main ne har shakhs ki surat mushkil se pahchani thi jis din wo milne aai hai us din ki rudad ye hai us ka blouse naranji tha us ki sari dhani thi uljhan si hone lagti thi mujh ko aksar aur wo yun mera mizaj-e-ishq tha shahri us ki wafa dahqani thi ab to us ke bare mein tum jo chaho wo kah dalo wo angdai mere kamre tak to badi ruhani thi nam pe hum qurban the us ke lekin phir ye taur hua us ko dekh ke ruk jaana bhi sab se badi qurbani thi mujh se bichhad kar bhi wo ladki kitni khush khush rahti hai us ladki ne mujh se bichhad kar mar jaane ki thani thi ishq ki haalat kuchh bhi nahin thi baat badhane ka fan tha lamhe la-fani thahre the qatron ki tughyani thi jis ko khud main ne bhi apni ruh ka irfan samjha tha wo to shayad mere pyase honton ki shaitani thi tha darbar-e-kalan bhi us ka naubat-khana us ka tha thi mere dil ki jo rani amrohe ki rani thi

jaane kyun ek khayal sa aaya main na hunga to kya kami hogi

dukh ki lahar ne chheda hoga

dukh ki lahar ne chheda hoga yaad ne kankar phenka hoga aaj to mera dil kahta hai tu is vaqt akela hoga mere chume hue hathon se auron ko khat likhta hoga bhiig chalin ab raat ki palken tu ab thak kar soya hoga rail ki gahri siiti sun kar raat ka jangal gunja hoga shahr ke khali station par koi musafir utra hoga angan men phir chidiyan bolin tu ab so kar uttha hoga yadon ki jalti shabnam se phuul sa mukhda dhoya hoga moti jaisi shakl bana kar aine ko takta hoga shaam hui ab tu bhi shayad apne ghar ko lauta hoga niili dhundli khamoshi men taron ki dhun sunta hoga mera sathi shaam ka taara tujh se aankh milata hoga shaam ke chalte haath ne tujh ko mera salam to bheja hoga pyasi kurlati kunjon ne mera dukh to sunaya hoga main to aaj bahut roya huun tu bhi shayad roya hoga 'nasir' tera miit purana tujh ko yaad to aata hoga dukh ki lahar ne chheda hoga yaad ne kankar phenka hoga aaj to mera dil kahta hai tu is waqt akela hoga mere chume hue hathon se auron ko khat likhta hoga bhig chalin ab raat ki palken tu ab thak kar soya hoga rail ki gahri siti sun kar raat ka jangal gunja hoga shahr ke khali station par koi musafir utra hoga aangan mein phir chidiyan bolin tu ab so kar uttha hoga yaadon ki jalti shabnam se phul sa mukhda dhoya hoga moti jaisi shakl bana kar aaine ko takta hoga sham hui ab tu bhi shayad apne ghar ko lauta hoga nili dhundli khamoshi mein taron ki dhun sunta hoga mera sathi sham ka tara tujh se aankh milata hoga sham ke chalte hath ne tujh ko mera salam to bheja hoga pyasi kurlati kunjon ne mera dukh to sunaya hoga main to aaj bahut roya hun tu bhi shayad roya hoga 'nasir' tera mit purana tujh ko yaad to aata hoga

un ka gham un ka tasawwur un ke shikwe ab kahan ab to ye baaten bhi ai dil ho gain aai gai

sham hui hai yar aae hain yaron ke hamrah chalen

shaam hui hai yaar aae hain yaron ke hamrah chalen aaj vahan qavvali hogi 'jaun' chalo dargah chalen apni galiyan apne ramne apne jangal apni hava chalte chalte vajd men aaen rahon men be-rah chalen jaane basti men jangal ho ya jangal men basti ho hai kaisi kuchh na-agahi aao chalo nagah chalen kuuch apna us shahr taraf hai naami ham jis shahr ke hain kapde phaden khak-ba-sar hon aur ba-izz-o-jah chalen raah men us ki chalna hai to aish kara den qadmon ko chalte jaaen chalte jaaen yaani khatir-khvah chalen sham hui hai yar aae hain yaron ke hamrah chalen aaj wahan qawwali hogi 'jaun' chalo dargah chalen apni galiyan apne ramne apne jangal apni hawa chalte chalte wajd mein aaen rahon mein be-rah chalen jaane basti mein jangal ho ya jangal mein basti ho hai kaisi kuchh na-agahi aao chalo nagah chalen kuch apna us shahr taraf hai nami hum jis shahr ke hain kapde phaden khak-ba-sar hon aur ba-izz-o-jah chalen rah mein us ki chalna hai to aish kara den qadmon ko chalte jaen chalte jaen yani khatir-khwah chalen

yun teri yaad mein din raat magan rahta hun dil dhdakna tere qadmon ki sada lagta hai

thodi der ko ji bahla tha

thodi der ko ji bahla tha phir tiri yaad ne gher liya tha yaad aai vo pahli barish jab tujhe ek nazar dekha tha hare gilas men chand ke tukde laal surahi men sona tha chand ke dil men jalta suraj phuul ke siine men kanta tha kaghhaz ke dil men chingari khas ki zaban par angara tha dil ki surat ka ik patta teri hatheli par rakkha tha shaam to jaise khvab men guzri aadhi raat nasha tuuta tha shahr se duur hare jangal men barish ne hamen gher liya tha subh hui to sab se pahle main ne tera munh dekha tha der ke baa'd mire angan men surkh anaar ka phuul khila tha der ke murjhae pedon ko khushbu ne abad kiya tha shaam ki gahri unchai se ham ne dariya ko dekha tha yaad aaiin kuchh aisi baten main jinhen kab ka bhuul chuka tha thodi der ko ji bahla tha phir teri yaad ne gher liya tha yaad aai wo pahli barish jab tujhe ek nazar dekha tha hare gilas mein chand ke tukde lal surahi mein sona tha chand ke dil mein jalta suraj phul ke sine mein kanta tha kaghaz ke dil mein chingari khas ki zaban par angara tha dil ki surat ka ek patta teri hatheli par rakkha tha sham to jaise khwab mein guzri aadhi raat nasha tuta tha shahr se dur hare jangal mein barish ne hamein gher liya tha subh hui to sab se pahle main ne tera munh dekha tha der ke ba'd mere aangan mein surkh anar ka phul khila tha der ke murjhae pedon ko khushbu ne aabaad kiya tha sham ki gahri unchai se hum ne dariya ko dekha tha yaad aain kuchh aisi baaten main jinhen kab ka bhul chuka tha

phir nazar mein phul mahke dil mein phir shamen jalin phir tasawwur ne liya us bazm mein jaane ka nam

wo chup-chap aansu bahane ki raaten

vo chup-chap aansu bahane ki raten vo ik shakhs ke yaad aane ki raten shab-e-mah ki vo thandi anchen vo shabnam tire husn ke rasmasane ki raten javani ki doshizgi ka tabassum gul-e-zar ke vo khilane ki raten phuvaren si naghhmon ki padti hon jaise kuchh us lab ke sunne-sunane ki raten mujhe yaad hai teri har subh-e-rukhsat mujhe yaad hain tere aane ki raten pur-asrar si meri arz-e-tamanna vo kuchh zer-e-lab muskurane ki raten sar-e-sham se ratjaga ke vo saman vo pichhle pahar niind aane ki raten sar-e-sham se ta-sahar qurb-e-janan na jaane vo thiin kis zamane ki raten sar-e-mai-kada tishnagi ki vo qasmen vo saaqi se baten banane ki raten ham-aghhoshiyan shahid-e-mehrban ki zamane ke ghham bhuul jaane ki raten 'firaq' apni qismat men shayad nahin the thikane ke din ya thikane ki raten wo chup-chap aansu bahane ki raaten wo ek shakhs ke yaad aane ki raaten shab-e-mah ki wo thandi aanchen wo shabnam tere husn ke rasmasane ki raaten jawani ki doshizgi ka tabassum gul-e-zar ke wo khilane ki raaten phuwaren si naghmon ki padti hon jaise kuchh us lab ke sunne-sunane ki raaten mujhe yaad hai teri har subh-e-rukhsat mujhe yaad hain tere aane ki raaten pur-asrar si meri arz-e-tamanna wo kuchh zer-e-lab muskurane ki raaten sar-e-sham se ratjaga ke wo saman wo pichhle pahar nind aane ki raaten sar-e-sham se ta-sahar qurb-e-jaanan na jaane wo thin kis zamane ki raaten sar-e-mai-kada tishnagi ki wo qasmen wo saqi se baaten banane ki raaten ham-aghoshiyan shahid-e-mehrban ki zamane ke gham bhul jaane ki raaten 'firaq' apni qismat mein shayad nahin the thikane ke din ya thikane ki raaten

tere khayal ke diwar-o-dar banate hain hum apne ghar mein bhi tera hi ghar banate hain

nazar se guftugu khamosh lab tumhaari tarah

nazar se guftugu khamosh lab tumhari tarah ghhazal ne sikhe hain andaz sab tumhari tarah jo pyaas tez ho to ret bhi hai chadar-e-ab dikhai duur se dete hain sab tumhari tarah bula raha hai zamana magar tarasta huun koi pukare mujhe be-sabab tumhari tarah hava ki tarah main be-tab huun ki shakh-e-gulab lahakti hai miri aahat pe ab tumhari tarah misal-e-vaqt men tasvir-e-subh-o-sham huun ab mire vajud pe chhai hai shab tumhari tarah sunate hain mujhe khvabon ki dastan aksar kahaniyon ke pur-asrar lab tumhari tarah nazar se guftugu khamosh lab tumhaari tarah ghazal ne sikhe hain andaz sab tumhaari tarah jo pyas tez ho to ret bhi hai chadar-e-ab dikhai dur se dete hain sab tumhaari tarah bula raha hai zamana magar tarasta hun koi pukare mujhe be-sabab tumhaari tarah hawa ki tarah main be-tab hun ki shakh-e-gulab lahakti hai meri aahat pe ab tumhaari tarah misal-e-waqt mein taswir-e-subh-o-sham hun ab mere wajud pe chhai hai shab tumhaari tarah sunate hain mujhe khwabon ki dastan aksar kahaniyon ke pur-asrar lab tumhaari tarah

main jab bhi us ke khayalon mein kho sa jata hun wo khud bhi baat kare to bura lage hai mujhe

phir koi naya zakhm naya dard ata ho

phir koi naya zakhm naya dard ata ho us dil ki khabar le jo tujhe bhuul chala ho ab dil men sar-e-sham charaghhan nahin hota shoala tire ghham ka kahin bujhne na laga ho kab ishq kiya kis se kiya jhuut hai yaaro bas bhuul bhi jaao jo kabhi ham se suna ho darvaza khula hai ki koi laut na jaae aur us ke liye jo kabhi aaya na gaya ho shayad ki tire qurb se aa jaae mayassar vo dard ki jo dard-e-judai se siva ho ab meri ghhazal ka bhi taqaza hai ye tujh se andaz-o-ada ka koi uslub naya ho phir koi naya zakhm naya dard ata ho us dil ki khabar le jo tujhe bhul chala ho ab dil mein sar-e-sham charaghan nahin hota shoala tere gham ka kahin bujhne na laga ho kab ishq kiya kis se kiya jhut hai yaro bas bhul bhi jao jo kabhi hum se suna ho darwaza khula hai ki koi laut na jae aur us ke liye jo kabhi aaya na gaya ho shayad ki tere qurb se aa jae mayassar wo dard ki jo dard-e-judai se siwa ho ab meri ghazal ka bhi taqaza hai ye tujh se andaz-o-ada ka koi uslub naya ho

tasawwur mein bhi ab wo be-naqab aate nahin mujh tak qayamat aa chuki hai log kahte hain shabab aaya

lazim hai apne aap ki imdad kuchh karun

lazim hai apne aap ki imdad kuchh karun siine men vo khala hai ki ijad kuchh karun har lamha apne aap men paata huun kuchh kami har lamha apne aap men izad kuchh karun rukar se to apni main lagta huun paedar buniyad rah gai pa-e-buniyad kuchh karun taari hua hai lamha-e-maujud is tarah kuchh bhi na yaad aae agar yaad kuchh karun mausam ka mujh se koi taqaza hai dam-ba-dam be-silsila nahin nafas-e-bad kuchh karun lazim hai apne aap ki imdad kuchh karun sine mein wo khala hai ki ijad kuchh karun har lamha apne aap mein pata hun kuchh kami har lamha apne aap mein izad kuchh karun rukar se to apni main lagta hun paedar buniyaad rah gai pa-e-buniyaad kuchh karun tari hua hai lamha-e-maujud is tarah kuchh bhi na yaad aae agar yaad kuchh karun mausam ka mujh se koi taqaza hai dam-ba-dam be-silsila nahin nafas-e-baad kuchh karun

tasawwur zulf ka hai aur main hun bala ka samna hai aur main hun

tu qarib aae to qurbat ka yun izhaar karun

tu qarib aae to qurbat ka yuun izhar karun aaina samne rakh kar tira didar karun samne tere karun haar ka apni elaan aur akele men tiri jiit se inkar karun pahle sochun use phir us ki banaun tasvir aur phir us men hi paida dar-o-divar karun mire qabze men na mitti hai na badal na hava phir bhi chahat hai ki har shakh samar-bar karun subh hote hi ubhar aati hai salim ho kar vahi divar jise roz main mismar karun tu qarib aae to qurbat ka yun izhaar karun aaina samne rakh kar tera didar karun samne tere karun haar ka apni elan aur akele mein teri jit se inkar karun pahle sochun use phir us ki banaun taswir aur phir us mein hi paida dar-o-diwar karun mere qabze mein na mitti hai na baadal na hawa phir bhi chahat hai ki har shakh samar-bar karun subh hote hi ubhar aati hai salim ho kar wahi diwar jise roz main mismar karun

khafa hain phir bhi aa kar chhed jate hain tasawwur mein hamare haal par kuchh mehrbani ab bhi hoti hai

ajib thi wo ajab tarah chahta tha main

ajiib thi vo ajab tarah chahta tha main vo baat karti thi aur khvab dekhta tha main visal ka ho ki us ke firaq ka mausam vo lazzaten thiin ki andar se tutta tha main chadha hua tha vo nashsha ki kam na hota tha hazar baar ubharta tha dubta tha main badan ka khel thiin us ki mohabbaten lekin jo bhed jism ke the jaan se kholta tha main phir is tarah kabhi soya na is tarah jaaga ki ruuh niind men thi aur jagta tha main kahan shikast hui aur kahan sila paaya kisi ka ishq kisi se nibahta tha main main ahl-e-zar ke muqabil men tha faqat shaer magar main jiit gaya lafz harta tha main ajib thi wo ajab tarah chahta tha main wo baat karti thi aur khwab dekhta tha main visal ka ho ki us ke firaq ka mausam wo lazzaten thin ki andar se tutta tha main chadha hua tha wo nashsha ki kam na hota tha hazar bar ubharta tha dubta tha main badan ka khel thin us ki mohabbaten lekin jo bhed jism ke the jaan se kholta tha main phir is tarah kabhi soya na is tarah jaga ki ruh nind mein thi aur jagta tha main kahan shikast hui aur kahan sila paya kisi ka ishq kisi se nibahta tha main main ahl-e-zar ke muqabil mein tha faqat shaer magar main jit gaya lafz haarta tha main