Haalaat

nahin nigah mein manzil to justuju hi sahi

nahin nigah men manzil to justuju hi sahi nahin visal mayassar to aarzu hi sahi na tan men khuun faraham na ashk ankhon men namaz-e-shauq to vajib hai be-vuzu hi sahi kisi tarah to jame bazm mai-kade vaalo nahin jo bada-o-saghhar to hav-hu hi sahi gar intizar kathin hai to jab talak ai dil kisi ke vada-e-farda ki guftugu hi sahi dayar-e-ghhair men mahram agar nahin koi to 'faiz' zikr-e-vatan apne ru-ba-ru hi sahi nahin nigah mein manzil to justuju hi sahi nahin visal mayassar to aarzu hi sahi na tan mein khun faraham na ashk aankhon mein namaz-e-shauq to wajib hai be-wuzu hi sahi kisi tarah to jame bazm mai-kade walo nahin jo baada-o-saghar to haw-hu hi sahi gar intizar kathin hai to jab talak ai dil kisi ke wada-e-farda ki guftugu hi sahi dayar-e-ghair mein mahram agar nahin koi to 'faiz' zikr-e-watan apne ru-ba-ru hi sahi

subh hote hi nikal aate hain bazar mein log gathriyan sar pe uthae hue imanon ki

wahi taj hai wahi takht hai wahi zahr hai wahi jam hai

vahi taaj hai vahi takht hai vahi zahr hai vahi jaam hai ye vahi khuda ki zamin hai ye vahi buton ka nizam hai bade shauq se mira ghar jala koi aanch tujh pe na aaegi ye zaban kisi ne kharid li ye qalam kisi ka ghhulam hai yahan ek bachche ke khuun se jo likha hua hai use padhen tira kirtan abhi paap hai abhi mera sajda haram hai main ye manta huun mire diye tiri andhiyon ne bujha diye magar ek jugnu havaon men abhi raushni ka imaam hai mire fikr-o-fan tiri anjuman na uruuj tha na zaval hai mire lab pe tera hi naam tha mire lab pe tera hi naam hai wahi taj hai wahi takht hai wahi zahr hai wahi jam hai ye wahi khuda ki zamin hai ye wahi buton ka nizam hai bade shauq se mera ghar jala koi aanch tujh pe na aaegi ye zaban kisi ne kharid li ye qalam kisi ka ghulam hai yahan ek bachche ke khun se jo likha hua hai use padhen tera kirtan abhi pap hai abhi mera sajda haram hai main ye manta hun mere diye teri aandhiyon ne bujha diye magar ek jugnu hawaon mein abhi raushni ka imam hai mere fikr-o-fan teri anjuman na uruj tha na zawal hai mere lab pe tera hi nam tha mere lab pe tera hi nam hai

bachchon ke sath aaj use dekha to dukh hua un mein se koi ek bhi man par nahin gaya

hai ajib shahr ki zindagi na safar raha na qayam hai

hai ajiib shahr ki zindagi na safar raha na qayam hai kahin karobar si dopahar kahin bad-mizaj si shaam hai yunhi roz milne ki aarzu badi rakh-rakhav ki guftugu ye sharafaten nahin be-ghharaz ise aap se koi kaam hai kahan ab duaon ki barkaten vo nasihaten vo hidayaten ye mutalbon ka khulus hai ye zaruraton ka salam hai vo dilon men aag lagaega main dilon ki aag bujhaunga use apne kaam se kaam hai mujhe apne kaam se kaam hai na udaas ho na malal kar kisi baat ka na khayal kar kai saal baad mile hain ham tire naam aaj ki shaam hai koi naghhma dhuup ke gaanv sa koi naghhma shaam ki chhanv sa zara in parindon se puchhna ye kalam kis ka kalam hai hai ajib shahr ki zindagi na safar raha na qayam hai kahin karobar si dopahar kahin bad-mizaj si sham hai yunhi roz milne ki aarzu badi rakh-rakhaw ki guftugu ye sharafaten nahin be-gharaz ise aap se koi kaam hai kahan ab duaon ki barkaten wo nasihaten wo hidayaten ye mutalbon ka khulus hai ye zaruraton ka salam hai wo dilon mein aag lagaega main dilon ki aag bujhaunga use apne kaam se kaam hai mujhe apne kaam se kaam hai na udas ho na malal kar kisi baat ka na khayal kar kai sal baad mile hain hum tere nam aaj ki sham hai koi naghma dhup ke ganw sa koi naghma sham ki chhanw sa zara in parindon se puchhna ye kalam kis ka kalam hai

ye dhup to har rukh se pareshan karegi kyun dhund rahe ho kisi diwar ka saya

rang pairahan ka khushbu zulf lahrane ka nam

rang pairahan ka khushbu zulf lahrane ka naam mausam-e-gul hai tumhare baam par aane ka naam dosto us chashm o lab ki kuchh kaho jis ke baghhair gulsitan ki baat rangin hai na mai-khane ka naam phir nazar men phuul mahke dil men phir shamen jalin phir tasavvur ne liya us bazm men jaane ka naam dilbari thahra zaban-e-khalq khulvane ka naam ab nahin lete pari-ru zulf bikhrane ka naam ab kisi laila ko bhi iqrar-e-mahbubi nahin in dinon badnam hai har ek divane ka naam mohtasib ki khair uncha hai usi ke faiz se rind ka saaqi ka mai ka khum ka paimane ka naam ham se kahte hain chaman vaale ghhariban-e-chaman tum koi achchha sa rakh lo apne virane ka naam 'faiz' un ko hai taqaza-e-vafa ham se jinhen ashna ke naam se pyara hai begane ka naam rang pairahan ka khushbu zulf lahrane ka nam mausam-e-gul hai tumhaare baam par aane ka nam dosto us chashm o lab ki kuchh kaho jis ke baghair gulsitan ki baat rangin hai na mai-khane ka nam phir nazar mein phul mahke dil mein phir shamen jalin phir tasawwur ne liya us bazm mein jaane ka nam dilbari thahra zaban-e-khalq khulwane ka nam ab nahin lete pari-ru zulf bikhrane ka nam ab kisi laila ko bhi iqrar-e-mahbubi nahin in dinon badnam hai har ek diwane ka nam mohtasib ki khair uncha hai usi ke faiz se rind ka saqi ka mai ka khum ka paimane ka nam hum se kahte hain chaman wale ghariban-e-chaman tum koi achchha sa rakh lo apne virane ka nam 'faiz' un ko hai taqaza-e-wafa hum se jinhen aashna ke nam se pyara hai begane ka nam

haalat se khauf kha raha hun shishe ke mahal bana raha hun

main ye kis ke nam likkhun jo alam guzar rahe hain

main ye kis ke naam likkhun jo alam guzar rahe hain mire shahr jal rahe hain mire log mar rahe hain koi ghhuncha ho ki gul ho koi shakh ho shajar ho vo hava-e-gulsitan hai ki sabhi bikhar rahe hain kabhi rahmaten thiin nazil isi khitta-e-zamin par vahi khitta-e-zamin hai ki 'azab utar rahe hain vahi taeron ke jhurmut jo hava men jhulte the vo faza ko dekhte hain to ab aah bhar rahe hain badi aarzu thi ham ko nae khvab dekhne ki so ab apni zindagi men nae khvab bhar rahe hain koi aur to nahin hai pas-e-khanjar-azmai hamin qatl ho rahe hain hamin qatl kar rahe hain main ye kis ke nam likkhun jo alam guzar rahe hain mere shahr jal rahe hain mere log mar rahe hain koi ghuncha ho ki gul ho koi shakh ho shajar ho wo hawa-e-gulsitan hai ki sabhi bikhar rahe hain kabhi rahmaten thin nazil isi khitta-e-zamin par wahi khitta-e-zamin hai ki 'azab utar rahe hain wahi taeron ke jhurmut jo hawa mein jhulte the wo faza ko dekhte hain to ab aah bhar rahe hain badi aarzu thi hum ko nae khwab dekhne ki so ab apni zindagi mein nae khwab bhar rahe hain koi aur to nahin hai pas-e-khanjar-azmai hamin qatl ho rahe hain hamin qatl kar rahe hain

mere haalat ko bas yun samajh lo parinde par shajar rakkha hua hai

sansar ki har shai ka itna hi fasana hai

sansar ki har shai ka itna hi fasana hai ik dhund se aana hai ik dhund men jaana hai ye raah kahan se hai ye raah kahan tak hai ye raaz koi raahi samjha hai na jaana hai ik pal ki palak par hai thahri hui ye duniya ik pal ke jhapakne tak har khel suhana hai kya jaane koi kis par kis mod pe kya biite is raah men ai raahi har mod bahana hai ham log khilauna hain ik aise khiladi ka jis ko abhi sadiyon tak ye khel rachana hai sansar ki har shai ka itna hi fasana hai ek dhund se aana hai ek dhund mein jaana hai ye rah kahan se hai ye rah kahan tak hai ye raaz koi rahi samjha hai na jaana hai ek pal ki palak par hai thahri hui ye duniya ek pal ke jhapakne tak har khel suhana hai kya jaane koi kis par kis mod pe kya bite is rah mein ai rahi har mod bahana hai hum log khilauna hain ek aise khiladi ka jis ko abhi sadiyon tak ye khel rachana hai

agar badal na diya aadmi ne duniya ko to jaan lo ki yahan aadmi ki khair nahin the couplet is a stern warning: human welfare depends on human action. “changing the world” stands for reforming injustice, cruelty, and stagnant ways. if people remain passive, the same world will turn hostile to them, leaving no “khair” (peace, protection, good outcome). the emotional core is urgent responsibility tied to survival.

kaam ab koi na aaega bas ek dil ke siwa

kaam ab koi na aaega bas ik dil ke siva raste band hain sab kucha-e-qatil ke siva bais-e-rashk hai tanha-ravi-e-rah-rav-e-shauq ham-safar koi nahin duri-e-manzil ke siva ham ne duniya ki har ik shai se uthaya dil ko lekin ek shokh ke hangama-e-mahfil ke siva teghh munsif ho jahan dar-o-rasan hon shahid be-gunah kaun hai us shahr men qatil ke siva jaane kis rang se aai hai gulistan men bahar koi naghhma hi nahin shor-e-salasil ke siva kaam ab koi na aaega bas ek dil ke siwa raste band hain sab kucha-e-qatil ke siwa bais-e-rashk hai tanha-rawi-e-rah-raw-e-shauq ham-safar koi nahin duri-e-manzil ke siwa hum ne duniya ki har ek shai se uthaya dil ko lekin ek shokh ke hangama-e-mahfil ke siwa tegh munsif ho jahan dar-o-rasan hon shahid be-gunah kaun hai us shahr mein qatil ke siwa jaane kis rang se aai hai gulistan mein bahaar koi naghma hi nahin shor-e-salasil ke siwa

jama karti hai mujhe raat bahut mushkil se subh ko ghar se nikalte hi bikharne ke liye

meri sari zindagi ko be-samar usne kiya

meri saari zindagi ko be-samar us ne kiya umr meri thi magar us ko basar us ne kiya main bahut kamzor tha is mulk men hijrat ke baad par mujhe is mulk men kamzor-tar us ne kiya rahbar mera bana gumrah karne ke liye mujh ko sidhe raste se dar-ba-dar us ne kiya shahr men vo mo'atabar meri gavahi se hua phir mujhe is shahr men na-mo'tabar us ne kiya shahr ko barbad kar ke rakh diya us ne 'munir' shahr par ye zulm mere naam par us ne kiya meri sari zindagi ko be-samar us ne kiya umr meri thi magar us ko basar us ne kiya main bahut kamzor tha is mulk mein hijrat ke baad par mujhe is mulk mein kamzor-tar us ne kiya rahbar mera bana gumrah karne ke liye mujh ko sidhe raste se dar-ba-dar us ne kiya shahr mein wo mo'atabar meri gawahi se hua phir mujhe is shahr mein na-mo'tabar us ne kiya shahr ko barbaad kar ke rakh diya us ne 'munir' shahr par ye zulm mere nam par us ne kiya

an-ginat khuni masail ki hawa aisi chali ranj-o-gham ki gard mein lipta har ek chehra mila

hath aankhon pe rakh lene se khatra nahin jata

haath ankhon pe rakh lene se khatra nahin jaata divar se bhaunchal ko roka nahin jaata daavon ki tarazu men to azmat nahin tulti fiite se to kirdar ko naapa nahin jaata farman se pedon pe kabhi phal nahin lagte talvar se mausam koi badla nahin jaata chor apne gharon men to nahin naqb lagate apni hi kamai ko to luuta nahin jaata auron ke khayalat ki lete hain talashi aur apne gareban men jhanka nahin jaata faulad se faulad to kat sakta hai lekin qanun se qanun ko badla nahin jaata zulmat ko ghata kahne se barish nahin hoti shoalon ko havaon se to dhanpa nahin jaata tufan men ho naav to kuchh sabr bhi aa jaae sahil pe khade ho ke to duuba nahin jaata dariya ke kinare to pahunch jaate hain pyase pyason ke gharon tak koi dariya nahin jaata allah jise chahe use milti hai 'muzaffar' izzat ko dukanon se kharida nahin jaata hath aankhon pe rakh lene se khatra nahin jata diwar se bhaunchaal ko roka nahin jata dawon ki taraazu mein to azmat nahin tulti fite se to kirdar ko napa nahin jata farman se pedon pe kabhi phal nahin lagte talwar se mausam koi badla nahin jata chor apne gharon mein to nahin naqb lagate apni hi kamai ko to luta nahin jata auron ke khayalat ki lete hain talashi aur apne gareban mein jhanka nahin jata faulad se faulad to kat sakta hai lekin qanun se qanun ko badla nahin jata zulmat ko ghata kahne se barish nahin hoti shoalon ko hawaon se to dhanpa nahin jata tufan mein ho naw to kuchh sabr bhi aa jae sahil pe khade ho ke to duba nahin jata dariya ke kinare to pahunch jate hain pyase pyason ke gharon tak koi dariya nahin jata allah jise chahe use milti hai 'muzaffar' izzat ko dukanon se kharida nahin jata

mujh se ziyaada kaun tamasha dekh sakega gandhi-ji ke tinon bandar mere andar

nazar jo koi bhi tujh sa hasin nahin aata

nazar jo koi bhi tujh sa hasin nahin aata kisi ko kya mujhe khud bhi yaqin nahin aata tira khayal bhi teri tarah sitamgar hai jahan pe chahiye aana vahin nahin aata jo hone vaala hai ab us ki fikr kya kiije jo ho chuka hai usi par yaqin nahin aata ye mera dil hai ki manzar ujaad basti ka khule hue hain sabhi dar makin nahin aata bichhadna hai to bichhad ja isi do-rahe par ki mod aage safar men kahin nahin aata nazar jo koi bhi tujh sa hasin nahin aata kisi ko kya mujhe khud bhi yaqin nahin aata tera khayal bhi teri tarah sitamgar hai jahan pe chahiye aana wahin nahin aata jo hone wala hai ab us ki fikr kya kije jo ho chuka hai usi par yaqin nahin aata ye mera dil hai ki manzar ujad basti ka khule hue hain sabhi dar makin nahin aata bichhadna hai to bichhad ja isi do-rahe par ki mod aage safar mein kahin nahin aata

main aaj zad pe agar hun to khush-guman na ho charagh sab ke bujhenge hawa kisi ki nahin

achchhe din kab aaenge

achchhe din kab aenge kya yuun hi mar jaenge apne-ap ko khvabon se kab tak ham bahlaenge bambai men thahrenge kahan dilli men kya khaenge khilte hain to khilne do phuul abhi murjhaenge kitni achchhi ladki hai barson bhuul na paenge maut na aai to 'alvi' chhutti men ghar jaenge achchhe din kab aaenge kya yun hi mar jaenge apne-ap ko khwabon se kab tak hum bahlaenge bambai mein thahrenge kahan dilli mein kya khaenge khilte hain to khilne do phul abhi murjhaenge kitni achchhi ladki hai barson bhul na paenge maut na aai to 'alwi' chhutti mein ghar jaenge

pareshani agar hai to pareshani ka hal bhi hai pareshan-haal rahne se pareshani nahin jati

koi hindu koi muslim koi isai hai

koi hindu koi muslim koi isai hai sab ne insan na banne ki qasam khaai hai itni khun-khar na thiin pahle ibadat-gahen ye aqide hain ki insan ki tanhai hai tiin chauthai se zaaid hain jo abadi men un ke hi vaste har bhuuk hai mahngai hai dekhe kab talak baaqi rahe saj-dhaj us ki aaj jis chehra se tasvir utarvai hai ab nazar aata nahin kuchh bhi dukanon ke siva ab na badal hain na chidiyan hain na purvai hai koi hindu koi muslim koi isai hai sab ne insan na banne ki qasam khai hai itni khun-khar na thin pahle ibaadat-gahen ye aqide hain ki insan ki tanhai hai tin chauthai se zaid hain jo aabaadi mein un ke hi waste har bhuk hai mahngai hai dekhe kab talak baqi rahe saj-dhaj us ki aaj jis chehra se taswir utarwai hai ab nazar aata nahin kuchh bhi dukanon ke siwa ab na baadal hain na chidiyan hain na purwai hai

mansub charaghon se taraf-dar hawa ke tum log munafiq ho munafiq bhi bala ke

insan mein haiwan yahan bhi hai wahan bhi

insan men haivan yahan bhi hai vahan bhi allah nigahban yahan bhi hai vahan bhi khun-khvar darindon ke faqat naam alag hain har shahr bayaban yahan bhi hai vahan bhi hindu bhi sukun se hai musalman bhi sukun se insan pareshan yahan bhi hai vahan bhi rahman ki rahmat ho ki bhagvan ki murat har khel ka maidan yahan bhi hai vahan bhi uthta hai dil-o-jan se dhuan donon taraf hi ye 'mir' ka divan yahan bhi hai vahan bhi insan mein haiwan yahan bhi hai wahan bhi allah nigahban yahan bhi hai wahan bhi khun-khwar darindon ke faqat nam alag hain har shahr bayaban yahan bhi hai wahan bhi hindu bhi sukun se hai musalman bhi sukun se insan pareshan yahan bhi hai wahan bhi rahman ki rahmat ho ki bhagwan ki murat har khel ka maidan yahan bhi hai wahan bhi uthta hai dil-o-jaan se dhuan donon taraf hi ye 'mir' ka diwan yahan bhi hai wahan bhi

kaise manun ki zamane ki khabar rakhti hai gardish-e-waqt to bas mujh pe nazar rakhti hai

dekho to har baghal mein hai daftar daba hua akhbar mein jo chhapna chaho khabar nahin

hairan hai jabin aaj kidhar sajda rawa hai

hairan hai jabin aaj kidhar sajda rava hai sar par hain khudavand sar-e-arsh khuda hai kab tak ise sinchoge tamanna-e-samar men ye sabr ka pauda to na phula na phala hai milta hai khiraj us ko tiri nan-e-javin se har badshah-e-vaqt tire dar ka gada hai har ek uqubat se hai talkhi men sava-tar vo rang jo na-karda gunahon ki saza hai ehsan liye kitne masiha-nafason ke kya kijiye dil ka na jala hai na bujha hai hairan hai jabin aaj kidhar sajda rawa hai sar par hain khudawand sar-e-arsh khuda hai kab tak ise sinchoge tamanna-e-samar mein ye sabr ka pauda to na phula na phala hai milta hai khiraj us ko teri nan-e-jawin se har baadshah-e-waqt tere dar ka gada hai har ek uqubat se hai talkhi mein sawa-tar wo rang jo na-karda gunahon ki saza hai ehsan liye kitne masiha-nafason ke kya kijiye dil ka na jala hai na bujha hai

ek naghma ek tara ek ghuncha ek jam

ek naghhma ek taara ek ghhuncha ek jaam ai ghham-e-dauran ghham-e-dauran tujhe mera salam zulf avara gareban chaak ghabrai nazar in dinon ye hai jahan men zindagani ka nizam chand taare tuut kar daman men mere aa gire main ne puchha tha sitaron se tire ghham ka maqam kah rahe hain chand bichhde rahravon ke naqsh-e-pa ham karenge inqalab-e-justuju ka ehtimam pad gaiin pairahan-e-subh-e-chaman par silvaten yaad aa kar rah gai hai be-khudi ki ek shaam teri ismat ho ki ho mere hunar ki chandni vaqt ke bazar men har chiiz ke lagte hain daam ham banaenge yahan 'saghhar' nai tasvir-e-shauq ham takhayyul ke mujaddid ham tasavvur ke imaam ek naghma ek tara ek ghuncha ek jam ai gham-e-dauran gham-e-dauran tujhe mera salam zulf aawara gareban chaak ghabrai nazar in dinon ye hai jahan mein zindagani ka nizam chand tare tut kar daman mein mere aa gire main ne puchha tha sitaron se tere gham ka maqam kah rahe hain chand bichhde rahrawon ke naqsh-e-pa hum karenge inqalab-e-justuju ka ehtimam pad gain pairahan-e-subh-e-chaman par silwaten yaad aa kar rah gai hai be-khudi ki ek sham teri ismat ho ki ho mere hunar ki chandni waqt ke bazar mein har chiz ke lagte hain dam hum banaenge yahan 'saghar' nai taswir-e-shauq hum takhayyul ke mujaddid hum tasawwur ke imam

tumhein to thik se barbaad karna bhi nahin aata chalo pichhe hato apni ye haalat main banata hun