kal chaudhwin ki raat thi shab bhar raha charcha tera
kal chaudhvin ki raat thi shab bhar raha charcha tira
kuchh ne kaha ye chand hai kuchh ne kaha chehra tira
t'was a full moon out last night, all evening there was talk of you
some people said it was the moon,and some said that it was you
ham bhi vahin maujud the ham se bhi sab puchha kiye
ham hans diye ham chup rahe manzur tha parda tira
i too was there, and was asked, by each one to explain
i laughed it off, didn’t say a word, let mystery remain
is shahr men kis se milen ham se to chhutin mahfilen
har shakhs tera naam le har shakhs divana tira
who should i meet in this town, all company i eschew
every one now just talks of you, each one crazy for you
kuche ko tere chhod kar jogi hi ban jaaen magar
jangal tire parbat tire basti tiri sahra tira
i should leave your street and go, become a dervish, though
forests mountains deserts towns are yours where do i go
ham aur rasm-e-bandagi ashuftagi uftadgi
ehsan hai kya kya tira ai husn-e-be-parva tira
me and my trait of loyalty, sadness pain and troubles be
what favours you bestow on me, when act so heartlessly
do ashk jaane kis liye palkon pe aa kar tik gae
altaf ki barish tiri ikram ka dariya tira
two teardrops, why, i do not know, wait on my lonely brow
outpourings of your kindness, rivers from your favours flow
ai be-dareghh o be-aman ham ne kabhi ki hai fughhan
ham ko tiri vahshat sahi ham ko sahi sauda tira
o heartless cruel one tell me, did i cry out despairingly?
crazy for you tho i may be, my madness is precious to me
ham par ye sakhti ki nazar ham hain faqir-e-rehguzar
rasta kabhi roka tira daman kabhi thama tira
why thus, on me severity, a mendicant i merely be
did i ever block your street, did i ever trouble thee
haan haan tiri surat hasin lekin tu aisa bhi nahin
ik shakhs ke ashar se shohra hua kya kya tira
you're beautiful i do agree, but then not to that degree
it is this poet's poetry, that is cause of fame for thee
bedard sunni ho to chal kahta hai kya achchhi ghhazal
ashiq tira rusva tira shair tira 'insha' tira
o cruel one if you agree come listen to his poetry
lover, poet, infamous, inshaa is yours and yours truly
kal chaudhwin ki raat thi shab bhar raha charcha tera
kuchh ne kaha ye chand hai kuchh ne kaha chehra tera
t'was a full moon out last night, all evening there was talk of you
some people said it was the moon,and some said that it was you
hum bhi wahin maujud the hum se bhi sab puchha kiye
hum hans diye hum chup rahe manzur tha parda tera
i too was there, and was asked, by each one to explain
i laughed it off, didn’t say a word, let mystery remain
is shahr mein kis se milen hum se to chhutin mahfilen
har shakhs tera nam le har shakhs diwana tera
who should i meet in this town, all company i eschew
every one now just talks of you, each one crazy for you
kuche ko tere chhod kar jogi hi ban jaen magar
jangal tere parbat tere basti teri sahra tera
i should leave your street and go, become a dervish, though
forests mountains deserts towns are yours where do i go
hum aur rasm-e-bandagi aashuftagi uftadgi
ehsan hai kya kya tera ai husn-e-be-parwa tera
me and my trait of loyalty, sadness pain and troubles be
what favours you bestow on me, when act so heartlessly
do ashk jaane kis liye palkon pe aa kar tik gae
altaf ki barish teri ikram ka dariya tera
two teardrops, why, i do not know, wait on my lonely brow
outpourings of your kindness, rivers from your favours flow
ai be-daregh o be-aman hum ne kabhi ki hai fughan
hum ko teri wahshat sahi hum ko sahi sauda tera
o heartless cruel one tell me, did i cry out despairingly?
crazy for you tho i may be, my madness is precious to me
hum par ye sakhti ki nazar hum hain faqir-e-rehguzar
rasta kabhi roka tera daman kabhi thama tera
why thus, on me severity, a mendicant i merely be
did i ever block your street, did i ever trouble thee
han han teri surat hasin lekin tu aisa bhi nahin
ek shakhs ke ashaar se shohra hua kya kya tera
you're beautiful i do agree, but then not to that degree
it is this poet's poetry, that is cause of fame for thee
bedard sunni ho to chal kahta hai kya achchhi ghazal
aashiq tera ruswa tera shair tera 'insha' tera
o cruel one if you agree come listen to his poetry
lover, poet, infamous, inshaa is yours and yours truly
dil dhadakne ka sabab yaad aaya
dil dhadakne ka sabab yaad aaya
vo tiri yaad thi ab yaad aaya
aaj mushkil tha sambhalna ai dost
tu musibat men ajab yaad aaya
din guzara tha badi mushkil se
phir tira vaada-e-shab yaad aaya
tera bhula hua paiman-e-vafa
mar rahenge agar ab yaad aaya
phir kai log nazar se guzre
phir koi shahr-e-tarab yaad aaya
hal-e-dil ham bhi sunate lekin
jab vo rukhsat hua tab yaad aaya
baith kar saya-e-gul men 'nasir'
ham bahut roe vo jab yaad aaya
dil dhadakne ka sabab yaad aaya
wo teri yaad thi ab yaad aaya
aaj mushkil tha sambhalna ai dost
tu musibat mein ajab yaad aaya
din guzara tha badi mushkil se
phir tera wada-e-shab yaad aaya
tera bhula hua paiman-e-wafa
mar rahenge agar ab yaad aaya
phir kai log nazar se guzre
phir koi shahr-e-tarab yaad aaya
haal-e-dil hum bhi sunate lekin
jab wo rukhsat hua tab yaad aaya
baith kar saya-e-gul mein 'nasir'
hum bahut roe wo jab yaad aaya
main khayal hun kisi aur ka mujhe sochta koi aur hai
main khayal huun kisi aur ka mujhe sochta koi aur hai
sar-e-aina mira aks hai pas-e-aina koi aur hai
i am someone else's thought, someone else brings me to mind
my image in the mirror wrought, someone else is there behind
main kisi ke dast-e-talab men huun to kisi ke harf-e-dua men huun
main nasib huun kisi aur ka mujhe mangta koi aur hai
i am in someone's outstretched hand, and in someone's prayer prayer i be
i am someone's destiny but someone else does ask for me
ajab e'tibar o be-e'tibari ke darmiyan hai zindagi
main qarib huun kisi aur ke mujhe janta koi aur hai
strange that hanging tween belief and disbelief my life should be
i am close to someone else, and someone else here fathoms me
miri raushni tire khadd-o-khal se mukhtalif to nahin magar
tu qarib aa tujhe dekh luun tu vahi hai ya koi aur hai
tho my sight unconversant with your features may not be
if or not you are the same come close and let me see,
tujhe dushmanon ki khabar na thi mujhe doston ka pata nahin
tiri dastan koi aur thi mira vaqia koi aur hai
----
----
vahi munsifon ki rivayaten vahi faislon ki ibaraten
mira jurm to koi aur tha pa miri saza koi aur hai
the same traditions of the law, the same judicial pronouncement
my crime was something else but then something else my punishment
kabhi laut aaen to puchhna nahin dekhna unhen ghhaur se
jinhen raste men khabar hui ki ye rasta koi aur hai
on their return merely observe them carefully question them not
who halfway in the journey found these roads were not the ones they sought
jo miri riyazat-e-nim-shab ko 'salim' subh na mil saki
to phir is ke maani to ye hue ki yahan khuda koi aur hai
if for my midnight prayers, saliim, a dawn there shall never be
then it means that in this world there is a god other than thee
main khayal hun kisi aur ka mujhe sochta koi aur hai
sar-e-aina mera aks hai pas-e-aina koi aur hai
i am someone else's thought, someone else brings me to mind
my image in the mirror wrought, someone else is there behind
main kisi ke dast-e-talab mein hun to kisi ke harf-e-dua mein hun
main nasib hun kisi aur ka mujhe mangta koi aur hai
i am in someone's outstretched hand, and in someone's prayer prayer i be
i am someone's destiny but someone else does ask for me
ajab e'tibar o be-e'tibari ke darmiyan hai zindagi
main qarib hun kisi aur ke mujhe jaanta koi aur hai
strange that hanging tween belief and disbelief my life should be
i am close to someone else, and someone else here fathoms me
meri raushni tere khadd-o-khal se mukhtalif to nahin magar
tu qarib aa tujhe dekh lun tu wahi hai ya koi aur hai
tho my sight unconversant with your features may not be
if or not you are the same come close and let me see,
tujhe dushmanon ki khabar na thi mujhe doston ka pata nahin
teri dastan koi aur thi mera waqia koi aur hai
----
----
wahi munsifon ki riwayaten wahi faislon ki ibaraten
mera jurm to koi aur tha pa meri saza koi aur hai
the same traditions of the law, the same judicial pronouncement
my crime was something else but then something else my punishment
kabhi laut aaen to puchhna nahin dekhna unhen ghaur se
jinhen raste mein khabar hui ki ye rasta koi aur hai
on their return merely observe them carefully question them not
who halfway in the journey found these roads were not the ones they sought
jo meri riyazat-e-nim-shab ko 'salim' subh na mil saki
to phir is ke mani to ye hue ki yahan khuda koi aur hai
if for my midnight prayers, saliim, a dawn there shall never be
then it means that in this world there is a god other than thee
ab ke tajdid-e-wafa ka nahin imkan jaanan
ab ke tajdid-e-vafa ka nahin imkan janan
yaad kya tujh ko dilaen tira paiman janan
yunhi mausam ki ada dekh ke yaad aaya hai
kis qadar jald badal jaate hain insan janan
zindagi teri ata thi so tire naam ki hai
ham ne jaise bhi basar ki tira ehsan janan
dil ye kahta hai ki shayad hai fasurda tu bhi
dil ki kya baat karen dil to hai nadan janan
avval avval ki mohabbat ke nashe yaad to kar
be-piye bhi tira chehra tha gulistan janan
akhir akhir to ye aalam hai ki ab hosh nahin
rag-e-mina sulag utthi ki rag-e-jan janan
muddaton se yahi aalam na tavaqqo na umiid
dil pukare hi chala jaata hai janan janan
ham bhi kya saada the ham ne bhi samajh rakkha tha
ghham-e-dauran se juda hai ghham-e-janan janan
ab ke kuchh aisi saji mahfil-e-yaran janan
sar-ba-zanu hai koi sar-ba-gareban janan
har koi apni hi avaz se kaanp uthta hai
har koi apne hi saae se hirasan janan
jis ko dekho vahi zanjir-ba-pa lagta hai
shahr ka shahr hua dakhil-e-zindan janan
ab tira zikr bhi shayad hi ghhazal men aae
aur se aur hue dard ke unvan janan
ham ki ruthi hui rut ko bhi mana lete the
ham ne dekha hi na tha mausam-e-hijran janan
hosh aaya to sabhi khvab the reza reza
jaise udte hue auraq-e-pareshan janan
ab ke tajdid-e-wafa ka nahin imkan jaanan
yaad kya tujh ko dilaen tera paiman jaanan
yunhi mausam ki ada dekh ke yaad aaya hai
kis qadar jald badal jate hain insan jaanan
zindagi teri ata thi so tere nam ki hai
hum ne jaise bhi basar ki tera ehsan jaanan
dil ye kahta hai ki shayad hai fasurda tu bhi
dil ki kya baat karen dil to hai nadan jaanan
awwal awwal ki mohabbat ke nashe yaad to kar
be-piye bhi tera chehra tha gulistan jaanan
aakhir aakhir to ye aalam hai ki ab hosh nahin
rag-e-mina sulag utthi ki rag-e-jaan jaanan
muddaton se yahi aalam na tawaqqo na umid
dil pukare hi chala jata hai jaanan jaanan
hum bhi kya sada the hum ne bhi samajh rakkha tha
gham-e-dauran se juda hai gham-e-jaanan jaanan
ab ke kuchh aisi saji mahfil-e-yaran jaanan
sar-ba-zanu hai koi sar-ba-gareban jaanan
har koi apni hi aawaz se kanp uthta hai
har koi apne hi sae se hirasan jaanan
jis ko dekho wahi zanjir-ba-pa lagta hai
shahr ka shahr hua dakhil-e-zindan jaanan
ab tera zikr bhi shayad hi ghazal mein aae
aur se aur hue dard ke unwan jaanan
hum ki ruthi hui rut ko bhi mana lete the
hum ne dekha hi na tha mausam-e-hijran jaanan
hosh aaya to sabhi khwab the reza reza
jaise udte hue auraq-e-pareshan jaanan
aahat si koi aae to lagta hai ki tum ho
aahat si koi aae to lagta hai ki tum ho
saaya koi lahrae to lagta hai ki tum ho
jab shakh koi haath lagate hi chaman men
sharmae lachak jaae to lagta hai ki tum ho
sandal se mahakti hui pur-kaif hava ka
jhonka koi takrae to lagta hai ki tum ho
odhe hue taron ki chamakti hui chadar
naddi koi bal khaae to lagta hai ki tum ho
jab raat gae koi kiran mere barabar
chup-chap si so jaae to lagta hai ki tum ho
aahat si koi aae to lagta hai ki tum ho
saya koi lahrae to lagta hai ki tum ho
jab shakh koi hath lagate hi chaman mein
sharmae lachak jae to lagta hai ki tum ho
sandal se mahakti hui pur-kaif hawa ka
jhonka koi takrae to lagta hai ki tum ho
odhe hue taron ki chamakti hui chadar
naddi koi bal khae to lagta hai ki tum ho
jab raat gae koi kiran mere barabar
chup-chap si so jae to lagta hai ki tum ho
tumhaare khat mein naya ek salam kis ka tha
tumhare khat men naya ik salam kis ka tha
na tha raqib to akhir vo naam kis ka tha
that new greeting in your note, from whom was it do say
if not my rival's signature, whose name was it then, pray?
vo qatl kar ke mujhe har kisi se puchhte hain
ye kaam kis ne kiya hai ye kaam kis ka tha
after having slain me, she, from each one, seeks to know
who's to blame for this dark deed, this blood is on whose brow?
vafa karenge nibahenge baat manenge
tumhen bhi yaad hai kuchh ye kalam kis ka tha
"i will bear faith, i will abide, to every wish submit "
do you too perchance recall who did, to this, commit?
raha na dil men vo bedard aur dard raha
muqim kaun hua hai maqam kis ka tha
the tyrant's in my heart no more, all that remains is pain
who was the inhabitant, and whose was this domain?
na puchh-gachh thi kisi ki vahan na av-bhagat
tumhari bazm men kal ehtimam kis ka tha
no concern for anyone, no hospitality
who managed the event last night in your company?
tamam bazm jise sun ke rah gai mushtaq
kaho vo tazkira-e-na-tamam kis ka tha
the story which had kept the whole gathering enthralled
whose saga was it, incomplete, that was being recalled?
hamare khat ke to purze kiye padha bhi nahin
suna jo tu ne ba-dil vo payam kis ka tha
to pieces was my letter shred, it wasn't even read
whose message was it, do tell me, that was heard instead?
uthai kyuun na qayamat adu ke kuche men
lihaz aap ko vaqt-e-khiram kis ka tha
why was a furor, storm not raised then in my rival's lane
when your gait ventured there, what thought did constrain?
guzar gaya vo zamana kahun to kis se kahun
khayal dil ko mire subh o shaam kis ka tha
gone are the days, were i to speak, to whom could i convey
who was it that occupied my thoughts all night and day?
hamen to hazrat-e-vaiz ki zid ne pilvai
yahan irada-e-sharb-e-mudam kis ka tha
it was the priest's insistence that, caused me so to drink
else to imbibe non-stop this way, never did i think
agarche dekhne vaale tire hazaron the
tabah-hal bahut zer-e-bam kis ka tha
though thousands had been present a sight of you to get
who was it that sat distraught below the parapet
vo kaun tha ki tumhen jis ne bevafa jaana
khayal-e-kham ye sauda-e-kham kis ka tha
who was it that thought of you as faithless and untrue
whose naivety and mindlessness did this belief pursue
inhin sifat se hota hai aadmi mashhur
jo lutf aam vo karte ye naam kis ka tha
with these very qualities a person gets much fame
if favors were bestowed on all, where would be the acclaim?
har ik se kahte hain kya 'daghh' bevafa nikla
ye puchhe un se koi vo ghhulam kis ka tha
how faithless "daag" has proved to be, she says to one and all
"whose slave was he then?" someone should ask her to recall
tumhaare khat mein naya ek salam kis ka tha
na tha raqib to aakhir wo nam kis ka tha
that new greeting in your note, from whom was it do say
if not my rival's signature, whose name was it then, pray?
wo qatl kar ke mujhe har kisi se puchhte hain
ye kaam kis ne kiya hai ye kaam kis ka tha
after having slain me, she, from each one, seeks to know
who's to blame for this dark deed, this blood is on whose brow?
wafa karenge nibahenge baat manenge
tumhein bhi yaad hai kuchh ye kalam kis ka tha
"i will bear faith, i will abide, to every wish submit "
do you too perchance recall who did, to this, commit?
raha na dil mein wo bedard aur dard raha
muqim kaun hua hai maqam kis ka tha
the tyrant's in my heart no more, all that remains is pain
who was the inhabitant, and whose was this domain?
na puchh-gachh thi kisi ki wahan na aaw-bhagat
tumhaari bazm mein kal ehtimam kis ka tha
no concern for anyone, no hospitality
who managed the event last night in your company?
tamam bazm jise sun ke rah gai mushtaq
kaho wo tazkira-e-na-tamam kis ka tha
the story which had kept the whole gathering enthralled
whose saga was it, incomplete, that was being recalled?
hamare khat ke to purze kiye padha bhi nahin
suna jo tu ne ba-dil wo payam kis ka tha
to pieces was my letter shred, it wasn't even read
whose message was it, do tell me, that was heard instead?
uthai kyun na qayamat adu ke kuche mein
lihaz aap ko waqt-e-khiram kis ka tha
why was a furor, storm not raised then in my rival's lane
when your gait ventured there, what thought did constrain?
guzar gaya wo zamana kahun to kis se kahun
khayal dil ko mere subh o sham kis ka tha
gone are the days, were i to speak, to whom could i convey
who was it that occupied my thoughts all night and day?
hamein to hazrat-e-waiz ki zid ne pilwai
yahan irada-e-sharb-e-mudam kis ka tha
it was the priest's insistence that, caused me so to drink
else to imbibe non-stop this way, never did i think
agarche dekhne wale tere hazaron the
tabah-haal bahut zer-e-baam kis ka tha
though thousands had been present a sight of you to get
who was it that sat distraught below the parapet
wo kaun tha ki tumhein jis ne bewafa jaana
khayal-e-kham ye sauda-e-kham kis ka tha
who was it that thought of you as faithless and untrue
whose naivety and mindlessness did this belief pursue
inhin sifat se hota hai aadmi mashhur
jo lutf aam wo karte ye nam kis ka tha
with these very qualities a person gets much fame
if favors were bestowed on all, where would be the acclaim?
har ek se kahte hain kya 'dagh' bewafa nikla
ye puchhe un se koi wo ghulam kis ka tha
how faithless "daag" has proved to be, she says to one and all
"whose slave was he then?" someone should ask her to recall
nae kapde badal kar jaun kahan aur baal banaun kis ke liye
nae kapde badal kar jaun kahan aur baal banaun kis ke liye
vo shakhs to shahr hi chhod gaya main bahar jaun kis ke liye
jis dhuup ki dil men thandak thi vo dhuup usi ke saath gai
in jalti balti galiyon men ab khaak udaun kis ke liye
vo shahr men tha to us ke liye auron se bhi milna padta tha
ab aise-vaise logon ke main naaz uthaun kis ke liye
ab shahr men us ka badal hi nahin koi vaisa jan-e-ghhazal hi nahin
aivan-e-ghhazal men lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron men 'nasir' ab shama jalaun kis ke liye
nae kapde badal kar jaun kahan aur baal banaun kis ke liye
wo shakhs to shahr hi chhod gaya main bahar jaun kis ke liye
jis dhup ki dil mein thandak thi wo dhup usi ke sath gai
in jalti balti galiyon mein ab khak udaun kis ke liye
wo shahr mein tha to us ke liye auron se bhi milna padta tha
ab aise-waise logon ke main naz uthaun kis ke liye
ab shahr mein us ka badal hi nahin koi waisa jaan-e-ghazal hi nahin
aiwan-e-ghazal mein lafzon ke gul-dan sajaun kis ke liye
muddat se koi aaya na gaya sunsan padi hai ghar ki faza
in khali kamron mein 'nasir' ab shama jalaun kis ke liye
sar se pa tak wo gulabon ka shajar lagta hai
sar se pa tak vo gulabon ka shajar lagta hai
ba-vazu ho ke bhi chhute hue dar lagta hai
main tire saath sitaron se guzar sakta huun
kitna asan mohabbat ka safar lagta hai
mujh men rahta hai koi dushman-e-jani mera
khud se tanhai men milte hue dar lagta hai
but bhi rakkhe hain namazen bhi ada hoti hain
dil mira dil nahin allah ka ghar lagta hai
zindagi tu ne mujhe qabr se kam di hai zamin
paanv phailaun to divar men sar lagta hai
sar se pa tak wo gulabon ka shajar lagta hai
ba-wazu ho ke bhi chhute hue dar lagta hai
main tere sath sitaron se guzar sakta hun
kitna aasan mohabbat ka safar lagta hai
mujh mein rahta hai koi dushman-e-jaani mera
khud se tanhai mein milte hue dar lagta hai
but bhi rakkhe hain namazen bhi ada hoti hain
dil mera dil nahin allah ka ghar lagta hai
zindagi tu ne mujhe qabr se kam di hai zamin
panw phailaun to diwar mein sar lagta hai
garmi-e-hasrat-e-nakaam se jal jate hain
garmi-e-hasrat-e-nakam se jal jaate hain
ham charaghhon ki tarah shaam se jal jaate hain
i burn up in the flames of unfulfilled desire
like lanterns are, at eventide i am set afire
shama jis aag men jalti hai numaish ke liye
ham usi aag men gumnam se jal jaate hain
the fire,that the flame burns in, for all to see
in that very fire i do burn but namelessly
bach nikalte hain agar atish-e-sayyal se ham
shola-e-ariz-e-gulfam se jal jaate hain
if from the hunter's fire i manage to escape
i perish in the fire that's in the flower's cape
khud-numai to nahin sheva-e-arbab-e-vafa
jin ko jalna ho vo aram se jal jaate hain
exhibition's not the norm for those that faithful be
those who wish to perish then do so quietly
rabt-e-baham pe hamen kya na kahenge dushman
ashna jab tire paighham se jal jaate hain
at our mutual fondness why will enemies not fret
when even friends, at your messages, are all het
jab bhi aata hai mira naam tire naam ke saath
jaane kyuun log mire naam se jal jaate hain
whenever my name happens to be linked to thee
i wonder why these people burn with jealousy
garmi-e-hasrat-e-nakaam se jal jate hain
hum charaghon ki tarah sham se jal jate hain
i burn up in the flames of unfulfilled desire
like lanterns are, at eventide i am set afire
shama jis aag mein jalti hai numaish ke liye
hum usi aag mein gumnam se jal jate hain
the fire,that the flame burns in, for all to see
in that very fire i do burn but namelessly
bach nikalte hain agar aatish-e-sayyal se hum
shola-e-ariz-e-gulfam se jal jate hain
if from the hunter's fire i manage to escape
i perish in the fire that's in the flower's cape
khud-numai to nahin shewa-e-arbab-e-wafa
jin ko jalna ho wo aaram se jal jate hain
exhibition's not the norm for those that faithful be
those who wish to perish then do so quietly
rabt-e-baham pe hamein kya na kahenge dushman
aashna jab tere paigham se jal jate hain
at our mutual fondness why will enemies not fret
when even friends, at your messages, are all het
jab bhi aata hai mera nam tere nam ke sath
jaane kyun log mere nam se jal jate hain
whenever my name happens to be linked to thee
i wonder why these people burn with jealousy
jis samt bhi dekhun nazar aata hai ki tum ho
jis samt bhi dekhun nazar aata hai ki tum ho
ai jan-e-jahan ye koi tum sa hai ki tum ho
ye khvab hai khushbu hai ki jhonka hai ki pal hai
ye dhund hai badal hai ki saaya hai ki tum ho
is diid ki saaat men kai rang hain larzan
main huun ki koi aur hai duniya hai ki tum ho
dekho ye kisi aur ki ankhen hain ki meri
dekhun ye kisi aur ka chehra hai ki tum ho
ye umr-e-gurezan kahin thahre to ye janun
har saans men mujh ko yahi lagta hai ki tum ho
har bazm men mauzu-e-sukhan dil-zadagan ka
ab kaun hai shirin hai ki laila hai ki tum ho
ik dard ka phaila hua sahra hai ki main huun
ik mauj men aaya hua dariya hai ki tum ho
vo vaqt na aae ki dil-e-zar bhi soche
is shahr men tanha koi ham sa hai ki tum ho
abad ham ashufta-saron se nahin maqtal
ye rasm abhi shahr men zinda hai ki tum ho
ai jan-e-'faraz' itni bhi taufiq kise thi
ham ko ghham-e-hasti bhi gavara hai ki tum ho
jis samt bhi dekhun nazar aata hai ki tum ho
ai jaan-e-jahan ye koi tum sa hai ki tum ho
ye khwab hai khushbu hai ki jhonka hai ki pal hai
ye dhund hai baadal hai ki saya hai ki tum ho
is did ki saat mein kai rang hain larzan
main hun ki koi aur hai duniya hai ki tum ho
dekho ye kisi aur ki aankhen hain ki meri
dekhun ye kisi aur ka chehra hai ki tum ho
ye umr-e-gurezan kahin thahre to ye jaanun
har sans mein mujh ko yahi lagta hai ki tum ho
har bazm mein mauzu-e-sukhan dil-zadagan ka
ab kaun hai shirin hai ki laila hai ki tum ho
ek dard ka phaila hua sahra hai ki main hun
ek mauj mein aaya hua dariya hai ki tum ho
wo waqt na aae ki dil-e-zar bhi soche
is shahr mein tanha koi hum sa hai ki tum ho
aabaad hum aashufta-saron se nahin maqtal
ye rasm abhi shahr mein zinda hai ki tum ho
ai jaan-e-'faraaz' itni bhi taufiq kise thi
hum ko gham-e-hasti bhi gawara hai ki tum ho
tumhaare shahr ka mausam bada suhana lage
tumhare shahr ka mausam bada suhana lage
main ek shaam chura luun agar bura na lage
tumhare bas men agar ho to bhuul jaao mujhe
tumhen bhulane men shayad mujhe zamana lage
jo dubna hai to itne sukun se duubo
ki as-pas ki lahron ko bhi pata na lage
vo phuul jo mire daman se ho gae mansub
khuda kare unhen bazar ki hava na lage
na jaane kya hai kisi ki udaas ankhon men
vo munh chhupa ke bhi jaae to bevafa na lage
tu is tarah se mire saath bevafai kar
ki tere baa'd mujhe koi bevafa na lage
tum aankh muund ke pi jaao zindagi 'qaisar'
ki ek ghunt men mumkin hai bad-maza na lage
tumhaare shahr ka mausam bada suhana lage
main ek sham chura lun agar bura na lage
tumhaare bas mein agar ho to bhul jao mujhe
tumhein bhulane mein shayad mujhe zamana lage
jo dubna hai to itne sukun se dubo
ki aas-pas ki lahron ko bhi pata na lage
wo phul jo mere daman se ho gae mansub
khuda kare unhen bazar ki hawa na lage
na jaane kya hai kisi ki udas aankhon mein
wo munh chhupa ke bhi jae to bewafa na lage
tu is tarah se mere sath bewafai kar
ki tere ba'd mujhe koi bewafa na lage
tum aankh mund ke pi jao zindagi 'qaisar'
ki ek ghunt mein mumkin hai bad-maza na lage
apne ehsas se chhu kar mujhe sandal kar do
apne ehsas se chhu kar mujhe sandal kar do
main ki sadiyon se adhura huun mukammal kar do
na tumhen hosh rahe aur na mujhe hosh rahe
is qadar tuut ke chaho mujhe pagal kar do
tum hatheli ko mire pyaar ki mehndi se rango
apni ankhon men mire naam ka kajal kar do
is ke saae men mire khvab dahak utthenge
mere chehre pe chamakta hua anchal kar do
dhuup hi dhuup huun main tuut ke barso mujh par
is qadar barso miri ruuh men jal-thal kar do
jaise sahraon men har shaam hava chalti hai
is tarah mujh men chalo aur mujhe jal-thal kar do
tum chhupa lo mira dil ot men apne dil ki
aur mujhe meri nigahon se bhi ojhal kar do
masala huun to nigahen na churao mujh se
apni chahat se tavajjoh se mujhe hal kar do
apne ghham se kaho har vaqt mire saath rahe
ek ehsan karo is ko musalsal kar do
mujh pe chha jaao kisi aag ki surat janan
aur miri zaat ko sukha hua jangal kar do
apne ehsas se chhu kar mujhe sandal kar do
main ki sadiyon se adhura hun mukammal kar do
na tumhein hosh rahe aur na mujhe hosh rahe
is qadar tut ke chaho mujhe pagal kar do
tum hatheli ko mere pyar ki mehndi se rango
apni aankhon mein mere nam ka kajal kar do
is ke sae mein mere khwab dahak utthenge
mere chehre pe chamakta hua aanchal kar do
dhup hi dhup hun main tut ke barso mujh par
is qadar barso meri ruh mein jal-thal kar do
jaise sahraon mein har sham hawa chalti hai
is tarah mujh mein chalo aur mujhe jal-thal kar do
tum chhupa lo mera dil ot mein apne dil ki
aur mujhe meri nigahon se bhi ojhal kar do
masala hun to nigahen na churao mujh se
apni chahat se tawajjoh se mujhe hal kar do
apne gham se kaho har waqt mere sath rahe
ek ehsan karo is ko musalsal kar do
mujh pe chha jao kisi aag ki surat jaanan
aur meri zat ko sukha hua jangal kar do
kaun aaega yahan koi na aaya hoga
kaun aaega yahan koi na aaya hoga
mera darvaza havaon ne hilaya hoga
dil-e-nadan na dhadak ai dil-e-nadan na dhadak
koi khat le ke padosi ke ghar aaya hoga
is gulistan ki yahi riit hai ai shakh-e-gul
tu ne jis phuul ko paala vo paraya hoga
dil ki qismat hi men likkha tha andhera shayad
varna masjid ka diya kis ne bujhaya hoga
gul se lipti hui titli ko gira kar dekho
andhiyo tum ne darakhton ko giraya hoga
khelne ke liye bachche nikal aae honge
chand ab us ki gali men utar aaya hoga
'kaif' pardes men mat yaad karo apna makan
ab ke barish ne use tod giraya hoga
kaun aaega yahan koi na aaya hoga
mera darwaza hawaon ne hilaya hoga
dil-e-nadan na dhadak ai dil-e-nadan na dhadak
koi khat le ke padosi ke ghar aaya hoga
is gulistan ki yahi rit hai ai shakh-e-gul
tu ne jis phul ko pala wo paraya hoga
dil ki qismat hi mein likkha tha andhera shayad
warna masjid ka diya kis ne bujhaya hoga
gul se lipti hui titli ko gira kar dekho
aandhiyo tum ne darakhton ko giraya hoga
khelne ke liye bachche nikal aae honge
chand ab us ki gali mein utar aaya hoga
'kaif' pardes mein mat yaad karo apna makan
ab ke barish ne use tod giraya hoga
zikr-e-shab-e-firaq se wahshat use bhi thi
zikr-e-shab-e-firaq se vahshat use bhi thi
meri tarah kisi se mohabbat use bhi thi
mujh ko bhi shauq tha nae chehron ki diid ka
rasta badal ke chalne ki aadat use bhi thi
us raat der tak vo raha mahv-e-guftugu
masruf main bhi kam tha faraghhat use bhi thi
mujh se bichhad ke shahr men ghul-mil gaya vo shakhs
halanki shahr-bhar se adavat use bhi thi
vo mujh se badh ke zabt ka aadi tha ji gaya
varna har ek saans qayamat use bhi thi
sunta tha vo bhi sab se purani kahaniyan
shayad rafaqaton ki zarurat use bhi thi
tanha hua safar men to mujh pe khula ye bhed
saae se pyaar dhuup se nafrat use bhi thi
'mohsin' main us se kah na saka yuun bhi haal dil
darpesh ek taaza musibat use bhi thi
zikr-e-shab-e-firaq se wahshat use bhi thi
meri tarah kisi se mohabbat use bhi thi
mujh ko bhi shauq tha nae chehron ki did ka
rasta badal ke chalne ki aadat use bhi thi
us raat der tak wo raha mahw-e-guftugu
masruf main bhi kam tha faraghat use bhi thi
mujh se bichhad ke shahr mein ghul-mil gaya wo shakhs
haalanki shahr-bhar se adawat use bhi thi
wo mujh se badh ke zabt ka aadi tha ji gaya
warna har ek sans qayamat use bhi thi
sunta tha wo bhi sab se purani kahaniyan
shayad rafaqaton ki zarurat use bhi thi
tanha hua safar mein to mujh pe khula ye bhed
sae se pyar dhup se nafrat use bhi thi
'mohsin' main us se kah na saka yun bhi haal dil
darpesh ek taza musibat use bhi thi
bhadkaen meri pyas ko aksar teri aankhen
bhadkaen miri pyaas ko aksar tiri ankhen
sahra mira chehra hai samundar tiri ankhen
phir kaun bhala dad-e-tabassum unhen dega
roengi bahut mujh se bichhad kar tiri ankhen
khali jo hui sham-e-ghhariban ki hatheli
kya kya na lutati rahin gauhar teri ankhen
bojhal nazar aati hain ba-zahir mujhe lekin
khulti hain bahut dil men utar kar tiri ankhen
ab tak miri yadon se mitae nahin mitta
bhigi hui ik shaam ka manzar tiri ankhen
mumkin ho to ik taaza ghhazal aur bhi kah luun
phir odh na len khvab ki chadar tiri ankhen
main sang-sifat ek hi raste men khada huun
shayad mujhe dekhengi palat kar tiri ankhen
yuun dekhte rahna use achchha nahin 'mohsin'
vo kanch ka paikar hai to patthar tiri ankhen
bhadkaen meri pyas ko aksar teri aankhen
sahra mera chehra hai samundar teri aankhen
phir kaun bhala dad-e-tabassum unhen dega
roengi bahut mujh se bichhad kar teri aankhen
khali jo hui sham-e-ghariban ki hatheli
kya kya na lutati rahin gauhar teri aankhen
bojhal nazar aati hain ba-zahir mujhe lekin
khulti hain bahut dil mein utar kar teri aankhen
ab tak meri yaadon se mitae nahin mitta
bhigi hui ek sham ka manzar teri aankhen
mumkin ho to ek taza ghazal aur bhi kah lun
phir odh na len khwab ki chadar teri aankhen
main sang-sifat ek hi raste mein khada hun
shayad mujhe dekhengi palat kar teri aankhen
yun dekhte rahna use achchha nahin 'mohsin'
wo kanch ka paikar hai to patthar teri aankhen
gae dinon ka suragh le kar kidhar se aaya kidhar gaya wo
gae dinon ka suraghh le kar kidhar se aaya kidhar gaya vo
ajiib manus ajnabi tha mujhe to hairan kar gaya vo
bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khvab-e-sahar gaya vo
khushi ki rut ho ki ghham ka mausam nazar use dhundti hai har dam
vo bu-e-gul tha ki naghhma-e-jan mire to dil men utar gaya vo
na ab vo yadon ka chadhta dariya na fursaton ki udaas barkha
yunhi zara si kasak hai dil men jo zakhm gahra tha bhar gaya vo
kuchh ab sambhalne lagi hai jaan bhi badal chala daur-e-asman bhi
jo raat bhari thi tal gai hai jo din kada tha guzar gaya vo
bas ek manzil hai bul-havas ki hazar raste hain ahl-e-dil ke
yahi to hai farq mujh men us men guzar gaya main thahar gaya vo
shikasta-pa raah men khada huun gae dinon ko bula raha huun
jo qafila mera ham-safar tha misal-e-gard-e-safar gaya vo
mira tu khuun ho gaya hai paani sitamgaron ki palak na bhigi
jo naala uttha tha raat dil se na jaane kyuun be-asar gaya vo
vo mai-kade ko jagane vaala vo raat ki niind udane vaala
ye aaj kya us ke ji men aai ki shaam hote hi ghar gaya vo
vo hijr ki raat ka sitara vo ham-nafas ham-sukhan hamara
sada rahe us ka naam pyara suna hai kal raat mar gaya vo
vo jis ke shane pe haath rakh kar safar kiya tu ne manzilon ka
tiri gali se na jaane kyuun aaj sar jhukae guzar gaya vo
vo raat ka be-nava musafir vo tera shair vo tera 'nasir'
tiri gali tak to ham ne dekha tha phir na jaane kidhar gaya vo
gae dinon ka suragh le kar kidhar se aaya kidhar gaya wo
ajib manus ajnabi tha mujhe to hairan kar gaya wo
bas ek moti si chhab dikha kar bas ek mithi si dhun suna kar
sitara-e-sham ban ke aaya ba-rang-e-khwab-e-sahar gaya wo
khushi ki rut ho ki gham ka mausam nazar use dhundti hai har dam
wo bu-e-gul tha ki naghma-e-jaan mere to dil mein utar gaya wo
na ab wo yaadon ka chadhta dariya na fursaton ki udas barkha
yunhi zara si kasak hai dil mein jo zakhm gahra tha bhar gaya wo
kuchh ab sambhalne lagi hai jaan bhi badal chala daur-e-asman bhi
jo raat bhaari thi tal gai hai jo din kada tha guzar gaya wo
bas ek manzil hai bul-hawas ki hazar raste hain ahl-e-dil ke
yahi to hai farq mujh mein us mein guzar gaya main thahar gaya wo
shikasta-pa rah mein khada hun gae dinon ko bula raha hun
jo qafila mera ham-safar tha misal-e-gard-e-safar gaya wo
mera tu khun ho gaya hai pani sitamgaron ki palak na bhigi
jo nala uttha tha raat dil se na jaane kyun be-asar gaya wo
wo mai-kade ko jagane wala wo raat ki nind udane wala
ye aaj kya us ke ji mein aai ki sham hote hi ghar gaya wo
wo hijr ki raat ka sitara wo ham-nafas ham-sukhan hamara
sada rahe us ka nam pyara suna hai kal raat mar gaya wo
wo jis ke shane pe hath rakh kar safar kiya tu ne manzilon ka
teri gali se na jaane kyun aaj sar jhukae guzar gaya wo
wo raat ka be-nawa musafir wo tera shair wo tera 'nasir'
teri gali tak to hum ne dekha tha phir na jaane kidhar gaya wo
shabnam hai ki dhoka hai ki jharna hai ki tum ho
shabnam hai ki dhoka hai ki jharna hai ki tum ho
dil-dasht men ik pyaas tamasha hai ki tum ho
ik lafz men bhatka hua shair hai ki main huun
ik ghhaib se aaya hua misraa hai ki tum ho
darvaza bhi jaise miri dhadkan se juda hai
dastak hi batati hai paraya hai ki tum ho
ik dhuup se uljha hua saaya hai ki main huun
ik shaam ke hone ka bharosa hai ki tum ho
main huun bhi to lagta hai ki jaise main nahin huun
tum ho bhi nahin aur ye lagta hai ki tum ho
shabnam hai ki dhoka hai ki jharna hai ki tum ho
dil-dasht mein ek pyas tamasha hai ki tum ho
ek lafz mein bhatka hua shair hai ki main hun
ek ghaib se aaya hua misra hai ki tum ho
darwaza bhi jaise meri dhadkan se juda hai
dastak hi batati hai paraya hai ki tum ho
ek dhup se uljha hua saya hai ki main hun
ek sham ke hone ka bharosa hai ki tum ho
main hun bhi to lagta hai ki jaise main nahin hun
tum ho bhi nahin aur ye lagta hai ki tum ho
wo ghazal walon ka uslub samajhte honge
vo ghhazal valon ka uslub samajhte honge
chand kahte hain kise khuub samajhte honge
itni milti hai miri ghhazlon se surat teri
log tujh ko mira mahbub samajhte honge
main samajhta tha mohabbat ki zaban khushbu hai
phuul se log use khuub samajhte honge
dekh kar phuul ke auraq pe shabnam kuchh log
tira ashkon bhara maktub samajhte honge
bhuul kar apna zamana ye zamane vaale
aaj ke pyaar ko maayub samajhte honge
wo ghazal walon ka uslub samajhte honge
chand kahte hain kise khub samajhte honge
itni milti hai meri ghazlon se surat teri
log tujh ko mera mahbub samajhte honge
main samajhta tha mohabbat ki zaban khushbu hai
phul se log use khub samajhte honge
dekh kar phul ke auraq pe shabnam kuchh log
tera ashkon bhara maktub samajhte honge
bhul kar apna zamana ye zamane wale
aaj ke pyar ko mayub samajhte honge
khafa hona zara si baat par talwar ho jaana
khafa hona zara si baat par talvar ho jaana
magar phir khud-ba-khud vo aap ka gulnar ho jaana
kisi din meri rusvai ka ye karan na ban jaae
tumhara shahr se jaana mira bimar ho jaana
vo apna jism saara saunp dena meri ankhon ko
miri padhne ki koshish aap ka akhbar ho jaana
kabhi jab andhiyan chalti hain ham ko yaad aata hai
hava ka tez chalna aap ka divar ho jaana
bahut dushvar hai mere liye us ka tasavvur bhi
bahut asan hai us ke liye dushvar ho jaana
kisi ki yaad aati hai to ye bhi yaad aata hai
kahin chalne ki zid karna mira tayyar ho jaana
kahani ka ye hissa ab bhi koi khvab lagta hai
tira sar par bitha lena mira dastar ho jaana
mohabbat ik na ik din ye hunar tum ko sikha degi
baghhavat par utarna aur khud-mukhtar ho jaana
nazar nichi kiye us ka guzarna paas se mere
zara si der rukna phir saba-raftar ho jaana
khafa hona zara si baat par talwar ho jaana
magar phir khud-ba-khud wo aap ka gulnar ho jaana
kisi din meri ruswai ka ye karan na ban jae
tumhaara shahr se jaana mera bimar ho jaana
wo apna jism sara saunp dena meri aankhon ko
meri padhne ki koshish aap ka akhbar ho jaana
kabhi jab aandhiyan chalti hain hum ko yaad aata hai
hawa ka tez chalna aap ka diwar ho jaana
bahut dushwar hai mere liye us ka tasawwur bhi
bahut aasan hai us ke liye dushwar ho jaana
kisi ki yaad aati hai to ye bhi yaad aata hai
kahin chalne ki zid karna mera tayyar ho jaana
kahani ka ye hissa ab bhi koi khwab lagta hai
tera sar par bitha lena mera dastar ho jaana
mohabbat ek na ek din ye hunar tum ko sikha degi
baghawat par utarna aur khud-mukhtar ho jaana
nazar nichi kiye us ka guzarna pas se mere
zara si der rukna phir saba-raftar ho jaana
aankhon se haya tapke hai andaz to dekho
ankhon se haya tapke hai andaz to dekho
hai bul-havason par bhi sitam naaz to dekho
us but ke liye main havas-e-hur se guzra
is ishq-e-khush-anjam ka aghhaz to dekho
chashmak miri vahshat pe hai kya hazrat-e-naseh
tarz-e-nigah-e-chashm-e-fusun-saz to dekho
arbab-e-havas haar ke bhi jaan pe khele
kam-talai-e-ashiq-e-jan-baz to dekho
majlis men mire zikr ke aate hi uthe vo
badnami-e-ushshaq ka eazaz to dekho
mahfil men tum aghhyar ko duz-dida nazar se
manzur hai pinhan na rahe raaz to dekho
us ghhairat-e-nahid ki har taan hai dipak
shoala sa lapak jaae hai avaz to dekho
den paki-e-daman ki gavahi mire aansu
us yusuf-e-bedard ka eajaz to dekho
jannat men bhi 'momin' na mila haae buton se
jaur-e-ajal-e-tafraqa-pardaz to dekho
aankhon se haya tapke hai andaz to dekho
hai bul-hawason par bhi sitam naz to dekho
us but ke liye main hawas-e-hur se guzra
is ishq-e-khush-anjam ka aaghaz to dekho
chashmak meri wahshat pe hai kya hazrat-e-naseh
tarz-e-nigah-e-chashm-e-fusun-saz to dekho
arbab-e-hawas haar ke bhi jaan pe khele
kam-talai-e-ashiq-e-jaan-baz to dekho
majlis mein mere zikr ke aate hi uthe wo
badnami-e-ushshaq ka eazaz to dekho
mahfil mein tum aghyar ko duz-dida nazar se
manzur hai pinhan na rahe raaz to dekho
us ghairat-e-nahid ki har tan hai dipak
shoala sa lapak jae hai aawaz to dekho
den paki-e-daman ki gawahi mere aansu
us yusuf-e-bedard ka eajaz to dekho
jannat mein bhi 'momin' na mila hae buton se
jaur-e-ajal-e-tafraqa-pardaz to dekho
rang pairahan ka khushbu zulf lahrane ka nam
rang pairahan ka khushbu zulf lahrane ka naam
mausam-e-gul hai tumhare baam par aane ka naam
dosto us chashm o lab ki kuchh kaho jis ke baghhair
gulsitan ki baat rangin hai na mai-khane ka naam
phir nazar men phuul mahke dil men phir shamen jalin
phir tasavvur ne liya us bazm men jaane ka naam
dilbari thahra zaban-e-khalq khulvane ka naam
ab nahin lete pari-ru zulf bikhrane ka naam
ab kisi laila ko bhi iqrar-e-mahbubi nahin
in dinon badnam hai har ek divane ka naam
mohtasib ki khair uncha hai usi ke faiz se
rind ka saaqi ka mai ka khum ka paimane ka naam
ham se kahte hain chaman vaale ghhariban-e-chaman
tum koi achchha sa rakh lo apne virane ka naam
'faiz' un ko hai taqaza-e-vafa ham se jinhen
ashna ke naam se pyara hai begane ka naam
rang pairahan ka khushbu zulf lahrane ka nam
mausam-e-gul hai tumhaare baam par aane ka nam
dosto us chashm o lab ki kuchh kaho jis ke baghair
gulsitan ki baat rangin hai na mai-khane ka nam
phir nazar mein phul mahke dil mein phir shamen jalin
phir tasawwur ne liya us bazm mein jaane ka nam
dilbari thahra zaban-e-khalq khulwane ka nam
ab nahin lete pari-ru zulf bikhrane ka nam
ab kisi laila ko bhi iqrar-e-mahbubi nahin
in dinon badnam hai har ek diwane ka nam
mohtasib ki khair uncha hai usi ke faiz se
rind ka saqi ka mai ka khum ka paimane ka nam
hum se kahte hain chaman wale ghariban-e-chaman
tum koi achchha sa rakh lo apne virane ka nam
'faiz' un ko hai taqaza-e-wafa hum se jinhen
aashna ke nam se pyara hai begane ka nam
husn ko chand jawani ko kanwal kahte hain
husn ko chand javani ko kanval kahte hain
un ki surat nazar aae to ghhazal kahte hain
uf vo marmar se tarasha hua shaffaf badan
dekhne vaale use taj-mahal kahte hain
vo tire husn ki qimat se nahin hain vaqif
pankhudi ko jo tire lab ka badal kahte hain
pad gai paanv men taqdir ki zanjir to kya
ham to us ko bhi tiri zulf ka bal kahte hain
husn ko chand jawani ko kanwal kahte hain
un ki surat nazar aae to ghazal kahte hain
uf wo marmar se tarasha hua shaffaf badan
dekhne wale use taj-mahal kahte hain
wo tere husn ki qimat se nahin hain waqif
pankhudi ko jo tere lab ka badal kahte hain
pad gai panw mein taqdir ki zanjir to kya
hum to us ko bhi teri zulf ka bal kahte hain
har dhadkan haijaani thi har khamoshi tufani thi
har dhadkan haijani thi har khamoshi tufani thi
phir bhi mohabbat sirf musalsal milne ki asani thi
jis din us se baat hui thi us din bhi be-kaif tha main
jis din us ka khat aaya hai us din bhi virani thi
jab us ne mujh se ye kaha tha ishq rifaqat hi to nahin
tab main ne har shakhs ki surat mushkil se pahchani thi
jis din vo milne aai hai us din ki rudad ye hai
us ka blouse naranji tha us ki saari dhani thi
uljhan si hone lagti thi mujh ko aksar aur vo yuun
mera mizaj-e-ishq tha shahri us ki vafa dahqani thi
ab to us ke baare men tum jo chaho vo kah daalo
vo angdai mere kamre tak to badi ruhani thi
naam pe ham qurban the us ke lekin phir ye taur hua
us ko dekh ke ruk jaana bhi sab se badi qurbani thi
mujh se bichhad kar bhi vo ladki kitni khush khush rahti hai
us ladki ne mujh se bichhad kar mar jaane ki thani thi
ishq ki halat kuchh bhi nahin thi baat badhane ka fan tha
lamhe la-fani thahre the qatron ki tughhyani thi
jis ko khud main ne bhi apni ruuh ka irfan samjha tha
vo to shayad mere pyase honton ki shaitani thi
tha darbar-e-kalan bhi us ka naubat-khana us ka tha
thi mere dil ki jo raani amrohe ki raani thi
har dhadkan haijaani thi har khamoshi tufani thi
phir bhi mohabbat sirf musalsal milne ki aasani thi
jis din us se baat hui thi us din bhi be-kaif tha main
jis din us ka khat aaya hai us din bhi virani thi
jab us ne mujh se ye kaha tha ishq rifaqat hi to nahin
tab main ne har shakhs ki surat mushkil se pahchani thi
jis din wo milne aai hai us din ki rudad ye hai
us ka blouse naranji tha us ki sari dhani thi
uljhan si hone lagti thi mujh ko aksar aur wo yun
mera mizaj-e-ishq tha shahri us ki wafa dahqani thi
ab to us ke bare mein tum jo chaho wo kah dalo
wo angdai mere kamre tak to badi ruhani thi
nam pe hum qurban the us ke lekin phir ye taur hua
us ko dekh ke ruk jaana bhi sab se badi qurbani thi
mujh se bichhad kar bhi wo ladki kitni khush khush rahti hai
us ladki ne mujh se bichhad kar mar jaane ki thani thi
ishq ki haalat kuchh bhi nahin thi baat badhane ka fan tha
lamhe la-fani thahre the qatron ki tughyani thi
jis ko khud main ne bhi apni ruh ka irfan samjha tha
wo to shayad mere pyase honton ki shaitani thi
tha darbar-e-kalan bhi us ka naubat-khana us ka tha
thi mere dil ki jo rani amrohe ki rani thi
zakhm jhele dagh bhi khae bahut
zakhm jhele daaghh bhi khaae bahut
dil laga kar ham to pachhtae bahut
jab na tab jagah se tum jaaya kiye
ham to apni or se aae bahut
dair se su-e-haram aaya na tuk
ham mizaj apna idhar laae bahut
phuul gul shams o qamar saare hi the
par hamen in men tumhin bhaae bahut
gar buka is shor se shab ko hai to
rovenge sone ko ham-sae bahut
vo jo nikla subh jaise aftab
rashk se gul phuul murjhae bahut
'mir' se puchha jo main ashiq ho tum
ho ke kuchh chupke se sharmae bahut
zakhm jhele dagh bhi khae bahut
dil laga kar hum to pachhtae bahut
jab na tab jagah se tum jaya kiye
hum to apni or se aae bahut
dair se su-e-haram aaya na tuk
hum mizaj apna idhar lae bahut
phul gul shams o qamar sare hi the
par hamein in mein tumhin bhae bahut
gar buka is shor se shab ko hai to
rowenge sone ko ham-sae bahut
wo jo nikla subh jaise aaftab
rashk se gul phul murjhae bahut
'mir' se puchha jo main aashiq ho tum
ho ke kuchh chupke se sharmae bahut
mere dil ki rakh kured mat ise muskura ke hawa na de
mire dil ki raakh kured mat ise muskura ke hava na de
ye charaghh phir bhi charaghh hai kahin tera haath jala na de
nae daur ke nae khvab hain nae mausamon ke gulab hain
ye mohabbaton ke charaghh hain inhen nafraton ki hava na de
zara dekh chand ki pattiyon ne bikhar bikhar ke tamam shab
tira naam likkha hai ret par koi lahr aa ke mita na de
main udasiyan na saja sakun kabhi jism-o-jan ke mazar par
na diye jalen miri aankh men mujhe itni sakht saza na de
mire saath chalne ke shauq men badi dhuup sar pe uthaega
tira naak naqsha hai mom ka kahin ghham ki aag ghula na de
main ghhazal ki shabnami aankh se ye dukhon ke phuul chuna karun
miri saltanat mira fan rahe mujhe taj-o-takht khuda na de
mere dil ki rakh kured mat ise muskura ke hawa na de
ye charagh phir bhi charagh hai kahin tera hath jala na de
nae daur ke nae khwab hain nae mausamon ke gulab hain
ye mohabbaton ke charagh hain inhen nafraton ki hawa na de
zara dekh chand ki pattiyon ne bikhar bikhar ke tamam shab
tera nam likkha hai ret par koi lahr aa ke mita na de
main udasiyan na saja sakun kabhi jism-o-jaan ke mazar par
na diye jalen meri aankh mein mujhe itni sakht saza na de
mere sath chalne ke shauq mein badi dhup sar pe uthaega
tera nak naqsha hai mom ka kahin gham ki aag ghula na de
main ghazal ki shabnami aankh se ye dukhon ke phul chuna karun
meri saltanat mera fan rahe mujhe taj-o-takht khuda na de
tamasha-e-dair-o-haram dekhte hain
tamasha-e-dair-o-haram dekhte hain
tujhe har bahane se ham dekhte hain
hamari taraf ab vo kam dekhte hain
vo nazren nahin jin ko ham dekhte hain
zamane ke kya kya sitam dekhte hain
hamin jante hain jo ham dekhte hain
phire but-kade se to ai ahl-e-kaaba
phir aa kar tumhare qadam dekhte hain
hamen chashm-e-bina dikhati hai sab kuchh
vo andhe hain jo jam-e-jam dekhte hain
na ima-e-khvahish na izhar-e-matlab
mire munh ko ahl-e-karam dekhte hain
kabhi todte hain vo khanjar ko apne
kabhi nabz-e-bismil men dam dekhte hain
ghhanimat hai chashm-e-taghhaful bhi un ki
bahut dekhte hain jo kam dekhte hain
ghharaz kya ki samjhen mire khat ka mazmun
vo unvan o tarz-e-raqam dekhte hain
salamat rahe dil bura hai ki achchha
hazaron men ye ek dam dekhte hain
raha kaun mahfil men ab aane vaala
vo charon taraf dam-ba-dam dekhte hain
udhar sharm haail idhar khauf maane
na vo dekhte hain na ham dekhte hain
unhen kyuun na ho dilrubai se nafrat
ki har dil men vo ghham alam dekhte hain
nigahban se bhi kya hui bad-gumani
ab us ko tire saath kam dekhte hain
hamen 'daghh' kya kam hai ye sarfarazi
ki shah-e-dakan ke qadam dekhte hain
tamasha-e-dair-o-haram dekhte hain
tujhe har bahane se hum dekhte hain
hamari taraf ab wo kam dekhte hain
wo nazren nahin jin ko hum dekhte hain
zamane ke kya kya sitam dekhte hain
hamin jaante hain jo hum dekhte hain
phire but-kade se to ai ahl-e-kaba
phir aa kar tumhaare qadam dekhte hain
hamein chashm-e-bina dikhati hai sab kuchh
wo andhe hain jo jam-e-jam dekhte hain
na ima-e-khwahish na izhaar-e-matlab
mere munh ko ahl-e-karam dekhte hain
kabhi todte hain wo khanjar ko apne
kabhi nabz-e-bismil mein dam dekhte hain
ghanimat hai chashm-e-taghaful bhi un ki
bahut dekhte hain jo kam dekhte hain
gharaz kya ki samjhen mere khat ka mazmun
wo unwan o tarz-e-raqam dekhte hain
salamat rahe dil bura hai ki achchha
hazaron mein ye ek dam dekhte hain
raha kaun mahfil mein ab aane wala
wo chaaron taraf dam-ba-dam dekhte hain
udhar sharm hail idhar khauf mane
na wo dekhte hain na hum dekhte hain
unhen kyun na ho dilrubai se nafrat
ki har dil mein wo gham alam dekhte hain
nigahban se bhi kya hui bad-gumani
ab us ko tere sath kam dekhte hain
hamein 'dagh' kya kam hai ye sarfaraazi
ki shah-e-dakan ke qadam dekhte hain
yun saja chand ki jhalka tere andaz ka rang
yuun saja chand ki jhalka tire andaz ka rang
yuun faza mahki ki badla mire hamraz ka rang
saya-e-chashm men hairan rukh-e-raushan ka jamal
surkhi-e-lab men pareshan tiri avaz ka rang
be-piye huun ki agar lutf karo akhir-e-shab
shisha-e-mai men dhale subh ke aghhaz ka rang
chang o nai rang pe the apne lahu ke dam se
dil ne lai badli to maddham hua har saaz ka rang
ik sukhan aur ki phir rang-e-takallum tera
harf-e-sada ko inayat kare eajaz ka rang
yun saja chand ki jhalka tere andaz ka rang
yun faza mahki ki badla mere hamraaz ka rang
saya-e-chashm mein hairan rukh-e-raushan ka jamal
surkhi-e-lab mein pareshan teri aawaz ka rang
be-piye hun ki agar lutf karo aakhir-e-shab
shisha-e-mai mein dhale subh ke aaghaz ka rang
chang o nai rang pe the apne lahu ke dam se
dil ne lai badli to maddham hua har saz ka rang
ek sukhan aur ki phir rang-e-takallum tera
harf-e-sada ko inayat kare eajaz ka rang
dhyan mein aa kar baith gae ho tum bhi nan
dhyan men aa kar baith gae ho tum bhi naan
mujhe musalsal dekh rahe ho tum bhi naan
de jaate ho mujh ko kitne rang nae
jaise pahli baar mile ho tum bhi naan
har manzar men ab ham donon hote hain
mujh men aise aan base ho tum bhi naan
ishq ne yuun donon ko aamez kiya
ab to tum bhi kah dete ho tum bhi naan
khud hi kaho ab kaise sanvar sakti huun main
aine men tum hote ho tum bhi naan
ban ke hansi honton par bhi rahte ho
ashkon men bhi tum bahte ho tum bhi naan
meri band ankhen tum padh lete ho
mujh ko itna jaan chuke ho tum bhi naan
maang rahe ho rukhsat aur khud hi
haath men haath liye baithe ho tum bhi naan
dhyan mein aa kar baith gae ho tum bhi nan
mujhe musalsal dekh rahe ho tum bhi nan
de jate ho mujh ko kitne rang nae
jaise pahli bar mile ho tum bhi nan
har manzar mein ab hum donon hote hain
mujh mein aise aan base ho tum bhi nan
ishq ne yun donon ko aamez kiya
ab to tum bhi kah dete ho tum bhi nan
khud hi kaho ab kaise sanwar sakti hun main
aaine mein tum hote ho tum bhi nan
ban ke hansi honton par bhi rahte ho
ashkon mein bhi tum bahte ho tum bhi nan
meri band aankhen tum padh lete ho
mujh ko itna jaan chuke ho tum bhi nan
mang rahe ho rukhsat aur khud hi
hath mein hath liye baithe ho tum bhi nan
meri aankhon mein tere pyar ka aansu aae
meri ankhon men tire pyaar ka aansu aae
koi khushbu main lagaun tiri khushbu aae
vaqt-e-rukhsat kahin taare kahin jugnu aae
haar pahnane mujhe phuul se baazu aae
main ne din raat khuda se ye dua mangi thi
koi aahat na ho dar par mire jab tu aae
in dinon aap ka aalam bhi ajab aalam hai
tiir khaya hua jaise koi aahu aae
us ki baten ki gul-o-lala pe shabnam barse
sab ko apnane ka us shokh ko jaadu aae
us ne chhu kar mujhe patthar se phir insan kiya
muddaton baa'd miri ankhon men aansu aae
meri aankhon mein tere pyar ka aansu aae
koi khushbu main lagaun teri khushbu aae
waqt-e-rukhsat kahin tare kahin jugnu aae
haar pahnane mujhe phul se bazu aae
main ne din raat khuda se ye dua mangi thi
koi aahat na ho dar par mere jab tu aae
in dinon aap ka aalam bhi ajab aalam hai
tir khaya hua jaise koi aahu aae
us ki baaten ki gul-o-lala pe shabnam barse
sab ko apnane ka us shokh ko jadu aae
us ne chhu kar mujhe patthar se phir insan kiya
muddaton ba'd meri aankhon mein aansu aae
dil ke diwar-o-dar pe kya dekha
dil ke divar-o-dar pe kya dekha
bas tira naam hi likha dekha
teri ankhon men ham ne kya dekha
kabhi qatil kabhi khuda dekha
apni surat lagi parai si
jab kabhi ham ne aina dekha
haae andaz tere rukne ka
vaqt ko bhi ruka ruka dekha
tere jaane men aur aane men
ham ne sadiyon ka fasla dekha
phir na aaya khayal jannat ka
jab tire ghar ka rasta dekha
dil ke diwar-o-dar pe kya dekha
bas tera nam hi likha dekha
teri aankhon mein hum ne kya dekha
kabhi qatil kabhi khuda dekha
apni surat lagi parai si
jab kabhi hum ne aaina dekha
hae andaz tere rukne ka
waqt ko bhi ruka ruka dekha
tere jaane mein aur aane mein
hum ne sadiyon ka fasla dekha
phir na aaya khayal jannat ka
jab tere ghar ka rasta dekha