kahan aa ke rukne the raste kahan mod tha use bhul ja
kahan aa ke rukne the raste kahan mod tha use bhuul ja
vo jo mil gaya use yaad rakh jo nahin mila use bhuul ja
vo tire nasib ki barishen kisi aur chhat pe baras gaiin
dil-e-be-khabar miri baat sun use bhuul ja use bhuul ja
main to gum tha tere hi dhyan men tiri aas tere guman men
saba kah gai mire kaan men mire saath aa use bhuul ja
kisi aankh men nahin ashk-e-ghham tire baa'd kuchh bhi nahin hai kam
tujhe zindagi ne bhula diya tu bhi muskura use bhuul ja
kahin chak-e-jan ka rafu nahin kisi astin pe lahu nahin
ki shahid-e-rah-e-malal ka nahin khun-baha use bhuul ja
kyuun ata hua hai ghhubar men ghham-e-zindagi ke fishar men
vo jo dard tha tire bakht men so vo ho gaya use bhuul ja
tujhe chand ban ke mila tha jo tire sahilon pe khila tha jo
vo tha ek dariya visal ka so utar gaya use bhuul ja
kahan aa ke rukne the raste kahan mod tha use bhul ja
wo jo mil gaya use yaad rakh jo nahin mila use bhul ja
wo tere nasib ki barishen kisi aur chhat pe baras gain
dil-e-be-khabar meri baat sun use bhul ja use bhul ja
main to gum tha tere hi dhyan mein teri aas tere guman mein
saba kah gai mere kan mein mere sath aa use bhul ja
kisi aankh mein nahin ashk-e-gham tere ba'd kuchh bhi nahin hai kam
tujhe zindagi ne bhula diya tu bhi muskura use bhul ja
kahin chaak-e-jaan ka rafu nahin kisi aastin pe lahu nahin
ki shahid-e-rah-e-malal ka nahin khun-baha use bhul ja
kyun ata hua hai ghubar mein gham-e-zindagi ke fishaar mein
wo jo dard tha tere bakht mein so wo ho gaya use bhul ja
tujhe chand ban ke mila tha jo tere sahilon pe khila tha jo
wo tha ek dariya visal ka so utar gaya use bhul ja
khaali hai abhi jam main kuchh soch raha hun
khali hai abhi jaam main kuchh soch raha huun
ai gardish-e-ayyam main kuchh soch raha huun
saaqi tujhe ik thodi si taklif to hogi
saghhar ko zara thaam main kuchh soch raha huun
pahle badi raghhbat thi tire naam se mujh ko
ab sun ke tira naam main kuchh soch raha huun
idrak abhi puura taavun nahin karta
dai bada-e-gulfam main kuchh soch raha huun
hal kuchh to nikal aaega halat ki zid ka
ai kasrat-e-alam main kuchh soch raha huun
phir aaj 'adam' shaam se ghhamgin hai tabiat
phir aaj sar-e-sham main kuchh soch raha huun
khali hai abhi jam main kuchh soch raha hun
ai gardish-e-ayyam main kuchh soch raha hun
saqi tujhe ek thodi si taklif to hogi
saghar ko zara tham main kuchh soch raha hun
pahle badi raghbat thi tere nam se mujh ko
ab sun ke tera nam main kuchh soch raha hun
idrak abhi pura taawun nahin karta
dai baada-e-gulfam main kuchh soch raha hun
hal kuchh to nikal aaega haalat ki zid ka
ai kasrat-e-alam main kuchh soch raha hun
phir aaj 'adam' sham se ghamgin hai tabiat
phir aaj sar-e-sham main kuchh soch raha hun
guzre jo apne yaron ki sohbat mein chaar din
guzre jo apne yaron ki sohbat men chaar din
aisa laga basar hue jannat men chaar din
umr-e-khizar ki us ko tamanna kabhi na ho
insan ji sake jo mohabbat men chaar din
jab tak jiye nibhaenge ham un se dosti
apne rahe jo dost musibat men chaar din
ai jan-e-arzu vo qayamat se kam na the
kaate tire baghhair jo ghhurbat men chaar din
phir umr bhar kabhi na sukun pa saka ye dil
katne the jo bhi kat gae rahat men chaar din
jo faqr men surur hai shahi men vo kahan
ham bhi rahe hain nashsha-e-daulat men chaar din
us aag ne jala ke ye dil raakh kar diya
uthte the 'josh' shoale jo vahshat men chaar din
guzre jo apne yaron ki sohbat mein chaar din
aisa laga basar hue jannat mein chaar din
umr-e-khizar ki us ko tamanna kabhi na ho
insan ji sake jo mohabbat mein chaar din
jab tak jiye nibhaenge hum un se dosti
apne rahe jo dost musibat mein chaar din
ai jaan-e-arzu wo qayamat se kam na the
kate tere baghair jo ghurbat mein chaar din
phir umr bhar kabhi na sukun pa saka ye dil
katne the jo bhi kat gae rahat mein chaar din
jo faqr mein surur hai shahi mein wo kahan
hum bhi rahe hain nashsha-e-daulat mein chaar din
us aag ne jala ke ye dil rakh kar diya
uthte the 'josh' shoale jo wahshat mein chaar din
rudad-e-mohabbat kya kahiye kuchh yaad rahi kuchh bhul gae
rudad-e-mohabbat kya kahiye kuchh yaad rahi kuchh bhuul gae
do din ki masarrat kya kahiye kuchh yaad rahi kuchh bhuul gae
jab jaam diya tha saaqi ne jab daur chala tha mahfil men
ik hosh ki saaat kya kahiye kuchh yaad rahi kuchh bhuul gae
ab vaqt ke nazuk honton par majruh tarannum raqsan hai
bedad-e-mashiyyat kya kahiye kuchh yaad rahi kuchh bhuul gae
ehsas ke mai-khane men kahan ab fikr-o-nazar ki qindilen
alam ki shiddat kya kahiye kuchh yaad rahi kuchh bhuul gae
kuchh haal ke andhe sathi the kuchh maazi ke ayyar sajan
ahbab ki chahat kya kahiye kuchh yaad rahi kuchh bhuul gae
kanton se bhara hai daman-e-dil shabnam se sulagti hain palken
phulon ki sakhavat kya kahiye kuchh yaad rahi kuchh bhuul gae
ab apni haqiqat bhi 'saghhar' be-rabt kahani lagti hai
duniya ki haqiqat kya kahiye kuchh yaad rahi kuchh bhuul gae
rudad-e-mohabbat kya kahiye kuchh yaad rahi kuchh bhul gae
do din ki masarrat kya kahiye kuchh yaad rahi kuchh bhul gae
jab jam diya tha saqi ne jab daur chala tha mahfil mein
ek hosh ki saat kya kahiye kuchh yaad rahi kuchh bhul gae
ab waqt ke nazuk honton par majruh tarannum raqsan hai
bedad-e-mashiyyat kya kahiye kuchh yaad rahi kuchh bhul gae
ehsas ke mai-khane mein kahan ab fikr-o-nazar ki qindilen
aalam ki shiddat kya kahiye kuchh yaad rahi kuchh bhul gae
kuchh haal ke andhe sathi the kuchh mazi ke ayyar sajan
ahbab ki chahat kya kahiye kuchh yaad rahi kuchh bhul gae
kanton se bhara hai daman-e-dil shabnam se sulagti hain palken
phulon ki sakhawat kya kahiye kuchh yaad rahi kuchh bhul gae
ab apni haqiqat bhi 'saghar' be-rabt kahani lagti hai
duniya ki haqiqat kya kahiye kuchh yaad rahi kuchh bhul gae
phirte hain kab se dar-ba-dar ab is nagar ab us nagar ek dusre ke ham-safar main aur meri aawargi
phirte hain kab se dar-ba-dar ab is nagar ab us nagar ik dusre ke ham-safar main aur miri avargi
na-ashna har rah-guzar na-mehrban har ik nazar jaaen to ab jaaen kidhar main aur miri avargi
ham bhi kabhi abad the aise kahan barbad the be-fikr the azad the masrur the dil-shad the
vo chaal aisi chal gaya ham bujh gae dil jal gaya nikle jala ke apna ghar main aur miri avargi
jiina bahut asan tha ik shakhs ka ehsan tha ham ko bhi ik arman tha jo khvab ka saman tha
ab khvab hai nai aarzu arman hai nai justuju yuun bhi chalo khush hain magar main aur miri avargi
vo mah-vash vo mah-ru vo mah-kam-e-hu-ba-hu thiin jis ki baten ku-ba-ku us se ajab thi guftugu
phir yuun hua vo kho gai to mujh ko zid si ho gai laenge us ko dhund kar main aur miri avargi
ye dil hi tha jo sah gaya vo baat aisi kah gaya kahne ko phir kya rah gaya ashkon ka dariya bah gaya
jab kah ke vo dilbar gaya tere liye main mar gaya rote hain us ko raat bhar main aur miri avargi
ab ghham uthaen kis liye aansu bahaen kis liye ye dil jalaen kis liye yuun jaan ganvaen kis liye
pesha na ho jis ka sitam dhundenge ab aisa sanam honge kahin to kargar main aur miri avargi
asar hain sab khot ke imkan hain sab chot ke ghar band hain sab got ke ab khatm hain sab totke
qismat ka sab ye pher hai andher hai andher hai aise hue hain be-asar main aur miri avargi
jab hamdam-o-hamraz tha tab aur hi andaz tha ab soz hai tab saaz tha ab sharm hai tab naaz tha
ab mujh se ho to ho bhi kya hai saath vo to vo bhi kya ik be-hunar ik be-samar main aur miri avargi
phirte hain kab se dar-ba-dar ab is nagar ab us nagar ek dusre ke ham-safar main aur meri aawargi
na-ashna har rah-guzar na-mehrban har ek nazar jaen to ab jaen kidhar main aur meri aawargi
hum bhi kabhi aabaad the aise kahan barbaad the be-fikr the aazad the masrur the dil-shad the
wo chaal aisi chal gaya hum bujh gae dil jal gaya nikle jala ke apna ghar main aur meri aawargi
jina bahut aasan tha ek shakhs ka ehsan tha hum ko bhi ek arman tha jo khwab ka saman tha
ab khwab hai nai aarzu arman hai nai justuju yun bhi chalo khush hain magar main aur meri aawargi
wo mah-wash wo mah-ru wo mah-kaam-e-hu-ba-hu thin jis ki baaten ku-ba-ku us se ajab thi guftugu
phir yun hua wo kho gai to mujh ko zid si ho gai laenge us ko dhund kar main aur meri aawargi
ye dil hi tha jo sah gaya wo baat aisi kah gaya kahne ko phir kya rah gaya ashkon ka dariya bah gaya
jab kah ke wo dilbar gaya tere liye main mar gaya rote hain us ko raat bhar main aur meri aawargi
ab gham uthaen kis liye aansu bahaen kis liye ye dil jalaen kis liye yun jaan ganwaen kis liye
pesha na ho jis ka sitam dhundenge ab aisa sanam honge kahin to kargar main aur meri aawargi
aasar hain sab khot ke imkan hain sab chot ke ghar band hain sab got ke ab khatm hain sab totke
qismat ka sab ye pher hai andher hai andher hai aise hue hain be-asar main aur meri aawargi
jab hamdam-o-hamraaz tha tab aur hi andaz tha ab soz hai tab saz tha ab sharm hai tab naz tha
ab mujh se ho to ho bhi kya hai sath wo to wo bhi kya ek be-hunar ek be-samar main aur meri aawargi
bhule se mohabbat kar baitha, nadan tha bechaara, dil hi to hai
bhule se mohabbat kar baitha, nadan tha bechara, dil hi to hai
har dil se khata ho jaati hai, bigdo na khudara, dil hi to hai
is tarah nigahen mat phero, aisa na ho dhadkan ruk jaae
siine men koi patthar to nahin ehsas ka mara, dil hi to hai
jazbat bhi hindu hote hain chahat bhi musalman hoti hai
duniya ka ishara tha lekin samjha na ishara, dil hi to hai
bedad-garon ki thokar se sab khvab suhane chuur hue
ab dil ka sahara ghham hi to hai ab ghham ka sahara dil hi to hai
bhule se mohabbat kar baitha, nadan tha bechaara, dil hi to hai
har dil se khata ho jati hai, bigdo na khudara, dil hi to hai
is tarah nigahen mat phero, aisa na ho dhadkan ruk jae
sine mein koi patthar to nahin ehsas ka mara, dil hi to hai
jazbaat bhi hindu hote hain chahat bhi musalman hoti hai
duniya ka ishaara tha lekin samjha na ishaara, dil hi to hai
bedad-garon ki thokar se sab khwab suhane chur hue
ab dil ka sahaara gham hi to hai ab gham ka sahaara dil hi to hai
apni khabar, na us ka pata hai, ye ishq hai
apni khabar, na us ka pata hai, ye ishq hai
jo thaa, nahin hai, aur na thaa, hai,, ye ishq hai
pahle jo thaa, vo sirf tumhari talash thi
lekin jo tum se mil ke hua hai, ye ishq hai
tashkik hai, na jang hai mabain-e-aql-o-dil
bas ye yaqin hai ki khuda hai, ye ishq hai
behad khushi hai, aur hai be-intiha sukun
ab dard hai, na ghham, na gila hai, ye ishq hai
kya ramz janni hai tujhe asl-e-ishq kii?
jo tujh men us badan ke siva hai, ye ishq hai
shohrat se teri khush jo bahut hai, ye hai khirad
aur ye jo tujh men tujh se khafa hai, ye ishq hai
zer-e-qaba jo husn hai, vo husn hai khuda
band-e-qaba jo khol raha hai, ye ishq hai
idrak ki kami hai samajhna ise maraz
is ki duaa, na is ki dava hai, ye ishq hai
shaffaf o saaf, aur latafat men be-misal
saara vajud aina sa hai, ye ishq hai
yaani ki kuchh bhi is ke siva sujhta nahin?
haan to janab, masala kya hai? ye ishq hai
jo aql se badan ko mili thii, vo thi havas
jo ruuh ko junun se mila hai, ye ishq hai
is men nahin hai dakhl koi khauf o hirs ka
is ki jaza, na is ki saza hai, ye ishq hai
sajde men hai jo mahv-e-dua vo hai be-dili
ye jo dhamal daal raha hai, ye ishq hai
hota agar kuchh aur to hota ana-parast
us ki raza shikast-e-ana hai, ye ishq hai
'irfan' manne men taammul tujhe hi tha
main ne to ye hamesha kaha hai, ye ishq hai
apni khabar, na us ka pata hai, ye ishq hai
jo tha, nahin hai, aur na tha, hai,, ye ishq hai
pahle jo tha, wo sirf tumhaari talash thi
lekin jo tum se mil ke hua hai, ye ishq hai
tashkik hai, na jang hai mabain-e-aql-o-dil
bas ye yaqin hai ki khuda hai, ye ishq hai
behad khushi hai, aur hai be-intiha sukun
ab dard hai, na gham, na gila hai, ye ishq hai
kya ramz jaanni hai tujhe asl-e-ishq ki?
jo tujh mein us badan ke siwa hai, ye ishq hai
shohrat se teri khush jo bahut hai, ye hai khirad
aur ye jo tujh mein tujh se khafa hai, ye ishq hai
zer-e-qaba jo husn hai, wo husn hai khuda
band-e-qaba jo khol raha hai, ye ishq hai
idrak ki kami hai samajhna ise maraz
is ki dua, na is ki dawa hai, ye ishq hai
shaffaf o saf, aur latafat mein be-misal
sara wajud aaina sa hai, ye ishq hai
yani ki kuchh bhi is ke siwa sujhta nahin?
han to janab, masala kya hai? ye ishq hai
jo aql se badan ko mili thi, wo thi hawas
jo ruh ko junun se mila hai, ye ishq hai
is mein nahin hai dakhl koi khauf o hirs ka
is ki jaza, na is ki saza hai, ye ishq hai
sajde mein hai jo mahw-e-dua wo hai be-dili
ye jo dhamal dal raha hai, ye ishq hai
hota agar kuchh aur to hota ana-parast
us ki raza shikast-e-ana hai, ye ishq hai
'irfan' manne mein tammul tujhe hi tha
main ne to ye hamesha kaha hai, ye ishq hai
wo kab aaen khuda jaane sitaro tum to so jao
vo kab aaen khuda jaane sitaro tum to so jaao
hue hain ham to divane sitaro tum to so jaao
kahan tak mujh se hamdardi kahan tak meri ghham-khvari
hazaron ghham hain anjane sitaro tum to so jaao
guzar jaegi ghham ki raat ummido to jaag uttho
sambhal jaenge divane sitaro tum to so jaao
hamen rudad-e-hasti raat bhar men khatm karni hai
na chhedo aur afsane sitaro tum to so jaao
hamare dida-e-be-khvab ko taskin kya doge
hamen luuta hai duniya ne sitaro tum to so jaao
use 'qabil' ki chashm-e-nam se derina taalluq hai
shab-e-ghham tum ko kya jaane sitaro tum to so jaao
wo kab aaen khuda jaane sitaro tum to so jao
hue hain hum to diwane sitaro tum to so jao
kahan tak mujh se hamdardi kahan tak meri gham-khwari
hazaron gham hain anjaane sitaro tum to so jao
guzar jaegi gham ki raat ummido to jag uttho
sambhal jaenge diwane sitaro tum to so jao
hamein rudad-e-hasti raat bhar mein khatm karni hai
na chhedo aur afsane sitaro tum to so jao
hamare dida-e-be-khwab ko taskin kya doge
hamein luta hai duniya ne sitaro tum to so jao
use 'qabil' ki chashm-e-nam se derina talluq hai
shab-e-gham tum ko kya jaane sitaro tum to so jao
gale lagaen karen tumko pyar eid ke din
gale lagaen karen tum ko pyaar eid ke din
idhar to aao mire gul-ezar eid ke din
ghhazab ka husn hai araishen qayamat ki
ayaan hai qudrat-e-parvardigar eid ke din
sanbhal saki na tabiat kisi tarah meri
raha na dil pe mujhe ikhtiyar eid ke din
vo saal bhar se kudurat bhari jo thi dil men
vo duur ho gai bas ek baar eid ke din
laga liya unhen siine se josh-e-ulfat men
ghharaz ki aa hi gaya mujh ko pyaar eid ke din
kahin hai naghhma-e-bulbul kahin hai khanda-e-gul
ayaan hai josh-e-shabab-e-bahar eid ke din
sivayyan duudh shakar meva sab muhayya hai
magar ye sab hai mujhe nagavar eid ke din
mile agar lab-e-shirin ka tere ik bosa
to lutf ho mujhe albatta yaar eid ke din
gale lagaen karen tum ko pyar eid ke din
idhar to aao mere gul-ezar eid ke din
ghazab ka husn hai aaraishen qayamat ki
ayan hai qudrat-e-parwardigar eid ke din
sanbhal saki na tabiat kisi tarah meri
raha na dil pe mujhe ikhtiyar eid ke din
wo sal bhar se kudurat bhari jo thi dil mein
wo dur ho gai bas ek bar eid ke din
laga liya unhen sine se josh-e-ulfat mein
gharaz ki aa hi gaya mujh ko pyar eid ke din
kahin hai naghma-e-bulbul kahin hai khanda-e-gul
ayan hai josh-e-shabab-e-bahaar eid ke din
siwayyan dudh shakar mewa sab muhayya hai
magar ye sab hai mujhe nagawar eid ke din
mile agar lab-e-shirin ka tere ek bosa
to lutf ho mujhe albatta yar eid ke din
zindagi tujhko jiya hai koi afsos nahin
zindagi tujh ko jiya hai koi afsos nahin
zahr khud main ne piya hai koi afsos nahin
main ne mujrim ko bhi mujrim na kaha duniya men
bas yahi jurm kiya hai koi afsos nahin
meri qismat men likhe the ye unhin ke aansu
dil ke zakhmon ko siya hai koi afsos nahin
ab gire sang ki shishon ki ho barish 'fakir'
ab kafan odh liya hai koi afsos nahin
zindagi tujh ko jiya hai koi afsos nahin
zahr khud main ne piya hai koi afsos nahin
main ne mujrim ko bhi mujrim na kaha duniya mein
bas yahi jurm kiya hai koi afsos nahin
meri qismat mein likhe the ye unhin ke aansu
dil ke zakhmon ko siya hai koi afsos nahin
ab gire sang ki shishon ki ho barish 'fakir'
ab kafan odh liya hai koi afsos nahin
shamshir-e-barhana mang ghazab baalon ki mahak phir waisi hi
shamshir-e-barhana maang ghhazab balon ki mahak phir vaisi hi
juude ki gundhavat qahr-e-khuda balon ki mahak phir vaisi hi
is razor-sharp, hair's parting line, the fragrance of her curls divine
enrapturing, her coiffure's braid, scent of her tresses does pervade
ankhen hain katora si vo sitam gardan hai surahi-dar ghhazab
aur usi men sharab-e-surkhi-e-pan rakhti hai jhalak phir vaisi hi
eyes saucer-like her face bedeck, just like a flask her slender neck
and glimpses of deep scarlet wine, in her throat one can divine
har baat men us ki garmi hai har naaz men us ke shokhi hai
qamat hai qayamat chaal pari chalne men phadak phir vaisi hi
there's warmth in everything she says, in all her airs there mischief plays
slender and tall with nymph like grace, a flutter in her every pace
gar rang bhabuka atish hai aur biini shola-e-sarkash hai
to bijli si kaunde hai pari aariz ki chamak phir vaisi hi
her hue is of a fire blazed / and nose, a flame's rebellion crazed
like lightning does that angel strike, the luster of her cheeks alike
nau-khez kuchen do ghhuncha hain hai narm shikam ik khirman-e-gul
barik kamar jo shakh-e-gul rakhti hai lachak phir vaisi hi
two budding flowers her breasts array, her midriff soft as silken hay
her slender waist a flower's stem, it undulates and sows mayhem
hai naaf koi girdab-e-bala aur gol surin ranen hain safa
hai saaq bilorin sham-e-ziya paanv ki kafak phir vaisi hi
her navel's whorl-calamity / and round her rump, thighs velvety
her calves are crystal's brilliant flame, soles of her feet too are the same
mahram hai habab-e-ab-e-ravan suraj ki kiran hai us pe lipat
jaali ki kurti hai vo bala gote ki dhanak phir vaisi hi
her breasts in silken bustier, rays of the sun to her adhere
her lacy blouse does so ignite, shimmering with golden light
vo gaae to aafat laae hai har taal men leve jaan nikal
naach us ka uthae sau fitne ghungru ki jhanak phir vaisi hi
her dulcet tones cause storms to rise, her every tune is my demise
her dancing raises mutiny, bells on her feet a symphony
har baat pe ham se vo jo 'zafar' karta hai lagavat muddat se
aur us ki chahat rakhte hain ham aaj talak phir vaisi hi
at every step she does restrain, 'zafar', long i've tried in vain
and to this very day i claim / my love for her is just the same
shamshir-e-barhana mang ghazab baalon ki mahak phir waisi hi
jude ki gundhawat qahr-e-khuda baalon ki mahak phir waisi hi
is razor-sharp, hair's parting line, the fragrance of her curls divine
enrapturing, her coiffure's braid, scent of her tresses does pervade
aankhen hain katora si wo sitam gardan hai surahi-dar ghazab
aur usi mein sharab-e-surkhi-e-pan rakhti hai jhalak phir waisi hi
eyes saucer-like her face bedeck, just like a flask her slender neck
and glimpses of deep scarlet wine, in her throat one can divine
har baat mein us ki garmi hai har naz mein us ke shokhi hai
qamat hai qayamat chaal pari chalne mein phadak phir waisi hi
there's warmth in everything she says, in all her airs there mischief plays
slender and tall with nymph like grace, a flutter in her every pace
gar rang bhabuka aatish hai aur bini shola-e-sarkash hai
to bijli si kaunde hai pari aariz ki chamak phir waisi hi
her hue is of a fire blazed / and nose, a flame's rebellion crazed
like lightning does that angel strike, the luster of her cheeks alike
nau-khez kuchen do ghuncha hain hai narm shikam ek khirman-e-gul
barik kamar jo shakh-e-gul rakhti hai lachak phir waisi hi
two budding flowers her breasts array, her midriff soft as silken hay
her slender waist a flower's stem, it undulates and sows mayhem
hai naf koi girdab-e-bala aur gol surin ranen hain safa
hai saq bilorin sham-e-ziya panw ki kafak phir waisi hi
her navel's whorl-calamity / and round her rump, thighs velvety
her calves are crystal's brilliant flame, soles of her feet too are the same
mahram hai habab-e-ab-e-rawan suraj ki kiran hai us pe lipat
jali ki kurti hai wo bala gote ki dhanak phir waisi hi
her breasts in silken bustier, rays of the sun to her adhere
her lacy blouse does so ignite, shimmering with golden light
wo gae to aafat lae hai har tal mein lewe jaan nikal
nach us ka uthae sau fitne ghungru ki jhanak phir waisi hi
her dulcet tones cause storms to rise, her every tune is my demise
her dancing raises mutiny, bells on her feet a symphony
har baat pe hum se wo jo 'zafar' karta hai lagawat muddat se
aur us ki chahat rakhte hain hum aaj talak phir waisi hi
at every step she does restrain, 'zafar', long i've tried in vain
and to this very day i claim / my love for her is just the same
din guzar jaenge sarkar koi baat nahin
din guzar jaenge sarkar koi baat nahin
zakhm bhar jaenge sarkar koi baat nahin
aap ka shahr agar baar samajhta hai hamen
kuuch kar jaenge sarkar koi baat nahin
aap ke jaur ka jab zikr chhida mahshar men
ham mukar jaenge sarkar koi baat nahin
ro ke jiine men bhala kaun si shirini hai
hans ke mar jaenge sarkar koi baat nahin
nikal aae hain 'adam' se to jhijhakna kaisa
dar-ba-dar jaenge sarkar koi baat nahin
din guzar jaenge sarkar koi baat nahin
zakhm bhar jaenge sarkar koi baat nahin
aap ka shahr agar bar samajhta hai hamein
kuch kar jaenge sarkar koi baat nahin
aap ke jaur ka jab zikr chhida mahshar mein
hum mukar jaenge sarkar koi baat nahin
ro ke jine mein bhala kaun si shirini hai
hans ke mar jaenge sarkar koi baat nahin
nikal aae hain 'adam' se to jhijhakna kaisa
dar-ba-dar jaenge sarkar koi baat nahin
nahin tha dhyan koi todte hue cigarette
nahin tha dhyan koi todte hue cigarette
main tujh ko bhuul gaya chhodte hue cigarette
so yuun hua ki pareshaniyon men piine lage
ghham-e-hayat se munh modte hue cigarette
mushabah kitne hain ham sokhta-jabinon se
kisi sutun se sar phodte hue cigarette
kal ik malang ko kuude ke dher par la kar
nashe ne tod diya jodte hue cigarette
hamare saans bhi le kar na bach sake 'afzal'
ye khak-dan men dam todte hue cigarette
nahin tha dhyan koi todte hue cigarette
main tujh ko bhul gaya chhodte hue cigarette
so yun hua ki pareshaniyon mein pine lage
gham-e-hayat se munh modte hue cigarette
mushabah kitne hain hum sokhta-jabinon se
kisi sutun se sar phodte hue cigarette
kal ek malang ko kude ke dher par la kar
nashe ne tod diya jodte hue cigarette
hamare sans bhi le kar na bach sake 'afzal'
ye khak-dan mein dam todte hue cigarette
isi silsile mein ghazal kahun ki main ishq hun ki main ishq hun
isi silsile men ghhazal kahun ki main 'ishq huun ki main 'ishq huun
yahi bazgasht suna karun ki main 'ishq huun ki main 'ishq huun
tu kahin fareb tha ya nahin mujhe kya pata tu mujhe bata
main kahan kahan pe subut duun ki main 'ishq huun ki main 'ishq huun
mujhe dekh dekh jala kare vo diye ki lau mira kya kare
vo to aag hai use kya kahun ki main 'ishq huun ki main 'ishq huun
vahi be-zarar vahi be-nava usi ek dar pe pada hua
na main tal sakun na main pal sakun ki main 'ishq huun ki main 'ishq huun
mujhe kya naved visal ki mujhe kya khabar tire haal ki
mujhe kab nasib hua sakun ki main 'ishq huun ki main 'ishq huun
nahin koi mujh men kasar nahin nahin koi mujh men kami nahin
nahin ban saki miri baat yuun ki main 'ishq huun ki main 'ishq huun
isi silsile mein ghazal kahun ki main 'ishq hun ki main 'ishq hun
yahi bazgasht suna karun ki main 'ishq hun ki main 'ishq hun
tu kahin fareb tha ya nahin mujhe kya pata tu mujhe bata
main kahan kahan pe subut dun ki main 'ishq hun ki main 'ishq hun
mujhe dekh dekh jala kare wo diye ki lau mera kya kare
wo to aag hai use kya kahun ki main 'ishq hun ki main 'ishq hun
wahi be-zarar wahi be-nawa usi ek dar pe pada hua
na main tal sakun na main pal sakun ki main 'ishq hun ki main 'ishq hun
mujhe kya nawed visal ki mujhe kya khabar tere haal ki
mujhe kab nasib hua sakun ki main 'ishq hun ki main 'ishq hun
nahin koi mujh mein kasar nahin nahin koi mujh mein kami nahin
nahin ban saki meri baat yun ki main 'ishq hun ki main 'ishq hun
main tere sang kaise chalun ham-safar tu samundar hai main sahilon ki hawa
main tire sang kaise chalun ham-safar tu samundar hai main sahilon ki hava
tu kahan main kahan al-aman al-hazar tu samundar hai main sahilon ki hava
tujh se hai sab ye husn-e-jahan mo'tabar tujh ko sajde kare kahkashan sar ba-sar
tu harim-e-qamar main hazin-e-sahar tu samundar hai main sahilon ki hava
gaah shorida-sar gaah khamosh-tar tujh men poshida hain raaz sab basta-sar
tere lal-o-gohar aur main khak-sar tu samundar hai main sahilon ki hava
tu baharon ki ja tu libas-e-shajar main khizan ki sada main ghhubar-e-safar
tu numud-e-matar main hadis-e-digar tu samundar hai main sahilon ki hava
vusat-e-be-karan makhzan-e-sim-o-zar be-had-o-be-nishan teri har rah-guzar
tu ba-hadd-e-nazar main kanar-e-safar tu samundar hai main sahilon ki hava
main tere sang kaise chalun ham-safar tu samundar hai main sahilon ki hawa
tu kahan main kahan al-aman al-hazar tu samundar hai main sahilon ki hawa
tujh se hai sab ye husn-e-jahan mo'tabar tujh ko sajde kare kahkashan sar ba-sar
tu harim-e-qamar main hazin-e-sahar tu samundar hai main sahilon ki hawa
gah shorida-sar gah khamosh-tar tujh mein poshida hain raaz sab basta-sar
tere lal-o-gohar aur main khak-sar tu samundar hai main sahilon ki hawa
tu bahaaron ki ja tu libas-e-shajar main khizan ki sada main ghubar-e-safar
tu numud-e-matar main hadis-e-digar tu samundar hai main sahilon ki hawa
wusat-e-be-karan makhzan-e-sim-o-zar be-had-o-be-nishan teri har rah-guzar
tu ba-hadd-e-nazar main kanar-e-safar tu samundar hai main sahilon ki hawa
hazaron dukh paden sahna mohabbat mar nahin sakti
hazaron dukh paden sahna mohabbat mar nahin sakti
hai tum se bas yahi kahna mohabbat mar nahin sakti
tira har baar mere khat ko padhna aur ro dena
mira har baar likh dena mohabbat mar nahin sakti
kiya tha ham ne campus ki nadi par ik hasin vaada
bhale ham ko pade marna mohabbat mar nahin sakti
purane ahd ko jab zinda karne ka khayal aae
mujhe bas itna likh dena mohabbat mar nahin sakti
vo tera hijr ki shab phone rakhne se zara pahle
bahut rote hue kahna mohabbat mar nahin sakti
gae lamhat fursat ke kahan se dhund kar laun
vo pahron haath par likhna mohabbat mar nahin sakti
hazaron dukh paden sahna mohabbat mar nahin sakti
hai tum se bas yahi kahna mohabbat mar nahin sakti
tera har bar mere khat ko padhna aur ro dena
mera har bar likh dena mohabbat mar nahin sakti
kiya tha hum ne campus ki nadi par ek hasin wada
bhale hum ko pade marna mohabbat mar nahin sakti
purane ahd ko jab zinda karne ka khayal aae
mujhe bas itna likh dena mohabbat mar nahin sakti
wo tera hijr ki shab phone rakhne se zara pahle
bahut rote hue kahna mohabbat mar nahin sakti
gae lamhat fursat ke kahan se dhund kar laun
wo pahron hath par likhna mohabbat mar nahin sakti
muqable to ghalat-fahmiyan badhate hain
muqable to ghhalat-fahmiyan badhate hain
ye valvale to ghhalat-fahmiyan badhate hain
qarib aao to shayad samajh men aa jaae
ki fasle to ghhalat-fahmiyan badhate hain
hai mere saath mire dushmanon se rabt unhen
ye silsile to ghhalat-fahmiyan badhate hain
agar hai koi shikayat to mil ke baat karo
murasile to ghhalat-fahmiyan badhate hain
kisi ne qatl kiya aur saza kisi ko mili
ye faisle to ghhalat-fahmiyan badhate hain
jo rahzanon ka taavun qubul karte hain
vo qafile to ghhalat-fahmiyan badhate hain
tanazeat men behtar hai sulh kar lena
nae gile to ghhalat-fahmiyan badhate hain
ye laghhzishon ka tasalsul ye mazarat paiham
ye marhale to ghhalat-fahmiyan badhate hain
charaghh-e-haq hain to khamosh kyuun hain vo 'razmi'
bina jale to ghhalat-fahmiyan badhate hain
muqable to ghalat-fahmiyan badhate hain
ye walwale to ghalat-fahmiyan badhate hain
qarib aao to shayad samajh mein aa jae
ki fasle to ghalat-fahmiyan badhate hain
hai mere sath mere dushmanon se rabt unhen
ye silsile to ghalat-fahmiyan badhate hain
agar hai koi shikayat to mil ke baat karo
murasile to ghalat-fahmiyan badhate hain
kisi ne qatl kiya aur saza kisi ko mili
ye faisle to ghalat-fahmiyan badhate hain
jo rahzanon ka taawun qubul karte hain
wo qafile to ghalat-fahmiyan badhate hain
tanazeat mein behtar hai sulh kar lena
nae gile to ghalat-fahmiyan badhate hain
ye laghzishon ka tasalsul ye mazarat paiham
ye marhale to ghalat-fahmiyan badhate hain
charagh-e-haq hain to khamosh kyun hain wo 'razmi'
bina jale to ghalat-fahmiyan badhate hain
mariz-e-gham ke sahaaro koi to baat karo
mariz-e-ghham ke saharo koi to baat karo
udaas chand sitaro koi to baat karo
kahan hai duub chuka ab to dubne vaala
shikasta-dil se kinaro koi to baat karo
mire nasib ko barbadiyon se nisbat hai
luti hui si baharo koi to baat karo
kahan gaya vo tumhara bulandiyon ka junun
bujhe bujhe se shararo koi to baat karo
isi tarah se ajab kya jo kuchh sukun mile
ghham-e-firaq ke maaro koi to baat karo
tumhara ghham bhi mitati hain mastiyan ki nahin
sharab-e-nab ke maaro koi to baat karo
tumhari khaak udata nahin 'shakeb' to kya
udaas rah-guzaro koi to baat karo
mariz-e-gham ke sahaaro koi to baat karo
udas chand sitaro koi to baat karo
kahan hai dub chuka ab to dubne wala
shikasta-dil se kinaro koi to baat karo
mere nasib ko barbaadiyon se nisbat hai
luti hui si bahaaro koi to baat karo
kahan gaya wo tumhaara bulandiyon ka junun
bujhe bujhe se shararo koi to baat karo
isi tarah se ajab kya jo kuchh sukun mile
gham-e-firaq ke maro koi to baat karo
tumhaara gham bhi mitati hain mastiyan ki nahin
sharab-e-nab ke maro koi to baat karo
tumhaari khak udata nahin 'shakeb' to kya
udas rah-guzaro koi to baat karo
~ Shakeb Jalali
raat ke pichhle pahar rone ke aadi roe
raat ke pichhle pahar rone ke aadi roe
aap aae bhi magar rone ke aadi roe
un ke aa jaane se kuchh tham se gae the aansu
un ke jaate hi magar rone ke aadi roe
haae pabandi-e-adab tiri mahfil ki
ki sar-e-rahguzar rone ke aadi roe
ek taqrib-e-tabassum thi baharan lekin
phir bhi ankhen huiin tar rone ke aadi roe
dard-mandon ko kahin bhi to qarar aa na saka
koi sahra ho ki ghar rone ke aadi roe
ai 'faraz' aise men barsat kategi kyunkar
gar yunhi sham-o-sahar rone ke aadi roe
raat ke pichhle pahar rone ke aadi roe
aap aae bhi magar rone ke aadi roe
un ke aa jaane se kuchh tham se gae the aansu
un ke jate hi magar rone ke aadi roe
hae pabandi-e-adab teri mahfil ki
ki sar-e-rahguzar rone ke aadi roe
ek taqrib-e-tabassum thi bahaaran lekin
phir bhi aankhen huin tar rone ke aadi roe
dard-mandon ko kahin bhi to qarar aa na saka
koi sahra ho ki ghar rone ke aadi roe
ai 'faraaz' aise mein barsat kategi kyunkar
gar yunhi sham-o-sahar rone ke aadi roe
nae kapde badal aur baal bana tere chahne wale aur bhi hain
nae kapde badal aur baal bana tire chahne vaale aur bhi hain
koi chhod gaya ye shahr to kya tire chahne vaale aur bhi hain
kai palken hain aur ped kai mahfuz hai thandak jin ki abhi
kahin duur na ja mat khaak uda tire chahne vaale aur bhi hain
kahti hai ye shaam ki narm hava phir mahkegi is ghar ki faza
naya kamra saja nai shama jala tire chahne vaale aur bhi hain
kai phulon jaise log bhi hain inhi aise-vaise logon men
tu ghhairon ke mat naaz utha tire chahne vaale aur bhi hain
bechain hai kyuun ai 'nasir' tu behal hai kis ki khatir tu
palken to utha chehra to dikha tire chahne vaale aur bhi hain
nae kapde badal aur baal bana tere chahne wale aur bhi hain
koi chhod gaya ye shahr to kya tere chahne wale aur bhi hain
kai palken hain aur ped kai mahfuz hai thandak jin ki abhi
kahin dur na ja mat khak uda tere chahne wale aur bhi hain
kahti hai ye sham ki narm hawa phir mahkegi is ghar ki faza
naya kamra saja nai shama jala tere chahne wale aur bhi hain
kai phulon jaise log bhi hain inhi aise-waise logon mein
tu ghairon ke mat naz utha tere chahne wale aur bhi hain
bechain hai kyun ai 'nasir' tu behaal hai kis ki khatir tu
palken to utha chehra to dikha tere chahne wale aur bhi hain
ek hi dharti hum sab ka ghar jitna tera utna mera
ek hi dharti ham sab ka ghar jitna tera utna mera
dukh sukh ka ye jantar-mantar jitna tera utna mera
gehun chaval bantne vaale jhuta taulen to kya bolen
yuun to sab kuchh andar bahar jitna tera utna mera
har jivan ki vahi virasat aansu sapna chahat mehnat
sanson ka har bojh barabar jitna tera utna mera
sansen jitni maujen utni sab ki apni apni ginti
sadiyon ka itihas samundar jitna tera utna mera
khushiyon ke batvare tak hi unche niche aage pichhe
duniya ke mit jaane ka dar jitna tera utna mera
ek hi dharti hum sab ka ghar jitna tera utna mera
dukh sukh ka ye jantar-mantar jitna tera utna mera
gehun chawal bantne wale jhuta taulen to kya bolen
yun to sab kuchh andar bahar jitna tera utna mera
har jiwan ki wahi wirasat aansu sapna chahat mehnat
sanson ka har bojh barabar jitna tera utna mera
sansen jitni maujen utni sab ki apni apni ginti
sadiyon ka itihas samundar jitna tera utna mera
khushiyon ke batware tak hi unche niche aage pichhe
duniya ke mit jaane ka dar jitna tera utna mera
ek sitam aur lakh adaen uf ri jawani hae zamane
ek sitam aur laakh adaen uf ri javani haae zamane
tirchhi nigahen tang qabaen uf ri javani haae zamane
hijr men apna aur hai aalam abr-e-baharan dida-e-pur-nam
zid ki hamen vo aap bulaen uf ri javani haae zamane
apni ada se aap jhijakna apni hava se aap khatakna
chaal men laghhzish munh pe hayaen uf ri javani haae zamane
haath men aadi teghh pakadna taaki lage bhi zakhm to ochha
qasd ki phir ji bhar ke sataen uf ri javani haae zamane
kaali ghataen baaghh men jhule dhani dupatte lat jhatkae
mujh pe ye qadghhan aap na aaen uf ri javani haae zamane
pichhle pahar uth uth ke namazen naak ragadni sajdon pe sajde
jo nahin jaaez us ki duaen uf ri javani haae zamane
'shad' na vo didar-parasti aur na vo be-nashsha ki masti
tujh ko kahan se dhundh ke laaen uf ri javani haae zamane
ek sitam aur lakh adaen uf ri jawani hae zamane
tirchhi nigahen tang qabaen uf ri jawani hae zamane
hijr mein apna aur hai aalam abr-e-bahaaran dida-e-pur-nam
zid ki hamein wo aap bulaen uf ri jawani hae zamane
apni ada se aap jhijakna apni hawa se aap khatakna
chaal mein laghzish munh pe hayaen uf ri jawani hae zamane
hath mein aadi tegh pakadna taki lage bhi zakhm to ochha
qasd ki phir ji bhar ke sataen uf ri jawani hae zamane
kali ghataen bagh mein jhule dhani dupatte lat jhatkae
mujh pe ye qadghan aap na aaen uf ri jawani hae zamane
pichhle pahar uth uth ke namazen nak ragadni sajdon pe sajde
jo nahin jaez us ki duaen uf ri jawani hae zamane
'shad' na wo didar-parasti aur na wo be-nashsha ki masti
tujh ko kahan se dhundh ke laen uf ri jawani hae zamane
ek jam khanakta jam ki saqi raat guzarne wali hai
ik jaam khanakta jaam ki saaqi raat guzarne vaali hai
ik hosh-ruba inaam ki saaqi raat guzarne vaali hai
vo dekh sitaron ke moti har aan bikharte jaate hain
aflak pe hai kohram ki saaqi raat guzarne vaali hai
go dekh chuka huun pahle bhi nazzara dariya-noshi ka
ek aur sala-e-am ki saaqi raat guzarne vaali hai
ye vaqt nahin hai baton ka palkon ke saae kaam men la
ilham koi ilham ki saaqi raat guzarne vaali hai
mad-hoshi men ehsas ke unche ziine se gir jaane de
is vaqt na mujh ko thaam ki saaqi raat guzarne vaali hai
ek jam khanakta jam ki saqi raat guzarne wali hai
ek hosh-ruba inam ki saqi raat guzarne wali hai
wo dekh sitaron ke moti har aan bikharte jate hain
aflak pe hai kohram ki saqi raat guzarne wali hai
go dekh chuka hun pahle bhi nazzara dariya-noshi ka
ek aur sala-e-am ki saqi raat guzarne wali hai
ye waqt nahin hai baaton ka palkon ke sae kaam mein la
ilham koi ilham ki saqi raat guzarne wali hai
mad-hoshi mein ehsas ke unche zine se gir jaane de
is waqt na mujh ko tham ki saqi raat guzarne wali hai
nahin ki pand-o-nasihat ka qaht pad gaya hai
nahin ki pand-o-nasihat ka qaht pad gaya hai
hamari baat men barakat ka qaht pad gaya hai
to phir ye radd-e-munajat ki nahusat kyuun
kabhi suna ki ibadat ka qaht pad gaya hai?
malal ye hai ki is par koi malul nahin
hamare shahr men hairat ka qaht pad gaya hai
sukhan ka khokhla hona samajh se bahar tha
khula ki harf ki hurmat ka qaht pad gaya hai
kahin kahin nazar aae to aae misra-e-tar
nahin to sher men lazzat ka qaht pad gaya hai
nasib dil ko bhala kab rahi faravani
aur ab to vaise bhi muddat ka qaht pad gaya hai
magar ab aisi bhi koi andher-nagri nahin
ye thiik hai ki mohabbat ka qaht pad gaya hai
nahin main sirf ba-zahir nahin hua viran
darun-e-zat bhi shiddat ka qaht pad gaya hai
kahan gaiin mire gaanv ki raunaqen 'javvad'
to kya yahan bhi rivayat ka qaht pad gaya hai
nahin ki pand-o-nasihat ka qaht pad gaya hai
hamari baat mein barakat ka qaht pad gaya hai
to phir ye radd-e-munajat ki nahusat kyun
kabhi suna ki ibaadat ka qaht pad gaya hai?
malal ye hai ki is par koi malul nahin
hamare shahr mein hairat ka qaht pad gaya hai
sukhan ka khokhla hona samajh se bahar tha
khula ki harf ki hurmat ka qaht pad gaya hai
kahin kahin nazar aae to aae misra-e-tar
nahin to sher mein lazzat ka qaht pad gaya hai
nasib dil ko bhala kab rahi farawani
aur ab to waise bhi muddat ka qaht pad gaya hai
magar ab aisi bhi koi andher-nagri nahin
ye thik hai ki mohabbat ka qaht pad gaya hai
nahin main sirf ba-zahir nahin hua viran
darun-e-zat bhi shiddat ka qaht pad gaya hai
kahan gain mere ganw ki raunaqen 'jawwad'
to kya yahan bhi riwayat ka qaht pad gaya hai
tukde nahin hain aansuon mein dil ke chaar panch
tukde nahin hain ansuon men dil ke chaar panch
surkhab baithe paani men hain mil ke chaar panch
munh khole hain ye zakhm jo bismil ke chaar panch
phir lenge bose khanjar-e-qatil ke chaar panch
kahne hain matlab un se hamen dil ke chaar panch
kya kahiye ek munh hain vahan mil ke chaar panch
dariya men gir pada jo mira ashk ek garm
but-khane lab pe ho gae sahil ke chaar panch
do-char lashe ab bhi pade tere dar pe hain
aur aage dab chuke hain tale gil ke chaar panch
rahen hain do majaz o haqiqat hai jin ka naam
raste nahin hain ishq ki manzil ke chaar panch
ranj o ta'ab musibat o ghham yaas o dard o daaghh
aah o fughhan rafiq hain ye dil ke chaar panch
do tiin jhatke duun juun hi vahshat ke zor men
zindan men tukde hoven salasil ke chaar panch
farhad o qais o vamiq o azra the chaar dost
ab ham bhi aa mile to hue mil ke chaar panch
naaz o ada o ghhamza nigah panja-e-mizha
maren hain ek dil ko ye pil pil ke chaar panch
iima hai ye ki devenge nau din ke baa'd dil
likh bheje khat men sher jo be-dil ke chaar panch
hiire ke nau-ratan nahin tere hue hain jam'
ye chandni ke phuul magar khil ke chaar panch
mina-e-nuh-falak hai kahan bada-e-nashat
shishe hain ye to zahr-e-halahal ke chaar panch
nakhun karen hain zakhmon ko do do mila ke ek
the aath das so ho gae ab chhil ke chaar panch
gar anjum-e-falak se bhi tadad kijiye
niklen ziyada daaghh mire dil ke chaar panch
maren jo sar pe sil ko utha kar qalaq se ham
das panch tukde sar ke hon aur sil ke chaar panch
maan ai 'zafar' tu panj-tan o char-yar ko
hain sadr-e-din ki yahi mahfil ke chaar panch
tukde nahin hain aansuon mein dil ke chaar panch
surkhab baithe pani mein hain mil ke chaar panch
munh khole hain ye zakhm jo bismil ke chaar panch
phir lenge bose khanjar-e-qatil ke chaar panch
kahne hain matlab un se hamein dil ke chaar panch
kya kahiye ek munh hain wahan mil ke chaar panch
dariya mein gir pada jo mera ashk ek garm
but-khane lab pe ho gae sahil ke chaar panch
do-chaar lashe ab bhi pade tere dar pe hain
aur aage dab chuke hain tale gil ke chaar panch
rahen hain do majaz o haqiqat hai jin ka nam
raste nahin hain ishq ki manzil ke chaar panch
ranj o ta'ab musibat o gham yas o dard o dagh
aah o fughan rafiq hain ye dil ke chaar panch
do tin jhatke dun jun hi wahshat ke zor mein
zindan mein tukde howen salasil ke chaar panch
farhad o qais o wamiq o azra the chaar dost
ab hum bhi aa mile to hue mil ke chaar panch
naz o ada o ghamza nigah panja-e-mizha
maren hain ek dil ko ye pil pil ke chaar panch
ima hai ye ki dewenge nau din ke ba'd dil
likh bheje khat mein sher jo be-dil ke chaar panch
hire ke nau-ratan nahin tere hue hain jam'
ye chandni ke phul magar khil ke chaar panch
mina-e-nuh-falak hai kahan baada-e-nashat
shishe hain ye to zahr-e-halahal ke chaar panch
nakhun karen hain zakhmon ko do do mila ke ek
the aath das so ho gae ab chhil ke chaar panch
gar anjum-e-falak se bhi tadad kijiye
niklen ziyaada dagh mere dil ke chaar panch
maren jo sar pe sil ko utha kar qalaq se hum
das panch tukde sar ke hon aur sil ke chaar panch
man ai 'zafar' tu panj-tan o chaar-yar ko
hain sadr-e-din ki yahi mahfil ke chaar panch
hawa sanke khaaron ki badi taklif hoti hai
hava sanke to kharon ko badi taklif hoti hai
mire ghham ki baharon ko badi taklif hoti hai
na chhed ai ham-nashin ab ziist ke mayus naghhmon ko
ki ab barbat ke taron ko badi taklif hoti hai
mujhe ai kasrat-e-alam bas itni shikayat hai
ki mere ghham-gusaron ko badi taklif hoti hai
kaho maujon se lahra kar na yuun palten samundar se
ki ba-ghhairat kinaron ko badi taklif hoti hai
gale milte hain jab aapas men do bichhde hue sathi
'adam' ham be-saharon ko badi taklif hoti hai
hawa sanke to kharon ko badi taklif hoti hai
mere gham ki bahaaron ko badi taklif hoti hai
na chhed ai ham-nashin ab zist ke mayus naghmon ko
ki ab barbat ke taron ko badi taklif hoti hai
mujhe ai kasrat-e-alam bas itni shikayat hai
ki mere gham-gusaron ko badi taklif hoti hai
kaho maujon se lahra kar na yun palten samundar se
ki ba-ghairat kinaron ko badi taklif hoti hai
gale milte hain jab aapas mein do bichhde hue sathi
'adam' hum be-sahaaron ko badi taklif hoti hai
ek bujhao ek jalao khwab ka kya hai
ek bujhao ek jalao khvab ka kya hai
ankhon men rakh kar so jaao khvab ka kya hai
panv-tale hai raund ke guzro kuchal ke dekho
pichhe jaao aage aao khvab ka kya hai
shelf pe ulta kar ke rakh do aur bisra do
gul-danon men phuul sajao khvab ka kya hai
khvab ka kya hai raat ke naqsh-o-nigar banao
raat ke naqsh-o-nigar banao khvab ka kya hai
niind mili hai gud se mithi shahd se shirin
gaao nacho nacho gaao khvab ka kya hai
la-yani hai sab la-yani yaani yaani
aur kahani likh kar laao khvab ka kya hai
ek kabadi galiyon galiyon vaaj lagae
raakh kharido aag ke bhaav khvab ka kya hai
ek bujhao ek jalao khwab ka kya hai
aankhon mein rakh kar so jao khwab ka kya hai
panw-tale hai raund ke guzro kuchal ke dekho
pichhe jao aage aao khwab ka kya hai
shelf pe ulta kar ke rakh do aur bisra do
gul-danon mein phul sajao khwab ka kya hai
khwab ka kya hai raat ke naqsh-o-nigar banao
raat ke naqsh-o-nigar banao khwab ka kya hai
nind mili hai gud se mithi shahd se shirin
gao nacho nacho gao khwab ka kya hai
la-yani hai sab la-yani yani yani
aur kahani likh kar lao khwab ka kya hai
ek kabadi galiyon galiyon waj lagae
rakh kharido aag ke bhaw khwab ka kya hai
aadmi khwar bhi hota hai nahin bhi hota
aadmi khvar bhi hota hai nahin bhi hota
ishq azar bhi hota hai nahin bhi hota
ye jo kuchh log khayalon men raha karte hain
un ka ghar-bar bhi hota hai nahin bhi hota
zindagi sahl-pasandi men basar kar lena
kar-e-dushvar bhi hota hai nahin bhi hota
kar-e-duniya hi kuchh aisa hai ki dil se tira dard
silsila-var bhi hota hai nahin bhi hota
shadi-o-marg ne ye nukta bataya hai ki vaqt
tez-raftar bhi hota hai nahin bhi hota
'afzal' aur qais ne qanun banaya hai ki ishq
dusri baar bhi hota hai nahin bhi hota
aadmi khwar bhi hota hai nahin bhi hota
ishq aazar bhi hota hai nahin bhi hota
ye jo kuchh log khayalon mein raha karte hain
un ka ghar-bar bhi hota hai nahin bhi hota
zindagi sahl-pasandi mein basar kar lena
kar-e-dushwar bhi hota hai nahin bhi hota
kar-e-duniya hi kuchh aisa hai ki dil se tera dard
silsila-war bhi hota hai nahin bhi hota
shadi-o-marg ne ye nukta bataya hai ki waqt
tez-raftar bhi hota hai nahin bhi hota
'afzal' aur qais ne qanun banaya hai ki ishq
dusri bar bhi hota hai nahin bhi hota
kar liya din mein kaam aath se panch
kar liya din men kaam aath se panch
ab chale daur-e-jam aath se panch
chand hai aur asman hai saaf
rahiye bala-e-bam aath se panch
ab to ham ban gae hain ek machine
ab hamara hai naam aath se panch
sher kya shairi ke baare men
sochna bhi haram aath se panch
kuchh khariden to bhaav panch ke aath
aur bechen to daam aath se panch
vo mile bhi to bas ye puchhenge
kuchh mila kam-vam aath se panch
sohbat-e-ahl-e-zauq hai 'basir'
ab sunao kalam aath se panch
kar liya din mein kaam aath se panch
ab chale daur-e-jam aath se panch
chand hai aur aasman hai saf
rahiye baala-e-baam aath se panch
ab to hum ban gae hain ek machine
ab hamara hai nam aath se panch
sher kya shairi ke bare mein
sochna bhi haram aath se panch
kuchh khariden to bhaw panch ke aath
aur bechen to dam aath se panch
wo mile bhi to bas ye puchhenge
kuchh mila kaam-wam aath se panch
sohbat-e-ahl-e-zauq hai 'basir'
ab sunao kalam aath se panch
mujhe malal bhi uski taraf se hota hai
mujhe malal bhi us ki taraf se hota hai
magar ye haal bhi us ki taraf se hota hai
main tutta bhi huun aur khud hi jud bhi jaata huun
ki ye kamal bhi us ki taraf se hota hai
pukarta bhi vahi hai mujhe safar ke liye
safar muhal bhi us ki taraf se hota hai
javab deta hai mere har ik saval ka vo
magar saval bhi us ki taraf se hota hai
vo mere haal se mujh ko hi be-khabar kar de
ye ehtimal bhi us ki taraf se hota hai
main us ke hijr men kyuun tuut kar nahin roya
ye ik saval bhi us ki taraf se hota hai
jab agahi mujhe gumrah karti hai 'mohsin'
junun bahal bhi us ki taraf se hota hai
mujhe malal bhi us ki taraf se hota hai
magar ye haal bhi us ki taraf se hota hai
main tutta bhi hun aur khud hi jud bhi jata hun
ki ye kamal bhi us ki taraf se hota hai
pukarta bhi wahi hai mujhe safar ke liye
safar muhaal bhi us ki taraf se hota hai
jawab deta hai mere har ek sawal ka wo
magar sawal bhi us ki taraf se hota hai
wo mere haal se mujh ko hi be-khabar kar de
ye ehtimal bhi us ki taraf se hota hai
main us ke hijr mein kyun tut kar nahin roya
ye ek sawal bhi us ki taraf se hota hai
jab aagahi mujhe gumrah karti hai 'mohsin'
junun bahaal bhi us ki taraf se hota hai