Poetry Collection

Raat

Night, to many of us, is much more interesting than the day. Night hides and day reveals. The hidden ones call our imagination to play. Poets have gone into the depths of the night and brought forth shining veses, some of which are here for you.

Total

Sher

Ghazal

Nazm

All Sher 50 Ghazal 37 Nazm 0

Featured Picks

Is collection se writer-diverse top picks for quick reading.

GhazalRead Full

ze-haal-e-miskin makun taghaful durae nainan banae batiyan

ze-hal-e-miskin makun taghhaful durae nainan banae batiyan ki tab-e-hijran nadaram ai jaan na lehu kaahe lagae chhatiyan shaban-e-hijran daraz chuun zulf o roz-e-vaslat chuun umr-e-kotah sakhi piya ko jo main na dekhun to kaise katun andheri ratiyan yakayak az dil do chashm jaadu ba-sad-farebam ba-burd taskin kise padi hai jo ja sunave piyare pi ko hamari batiyan chuun sham-e-sozan chuun zarra hairan z mehr-e-an-mah bagashtam akhir na niind nainan na ang chainan na aap aave na bheje patiyan ba-haqq-e-roz-e-visal-e-dilbar ki daad maara ghharib 'khusrav' sapit man ke varae rakhun jo ja ke paun piya ki khatiyan ze-haal-e-miskin makun taghaful durae nainan banae batiyan ki tab-e-hijran nadaram ai jaan na lehu kahe lagae chhatiyan shaban-e-hijran daraaz chun zulf o roz-e-waslat chun umr-e-kotah sakhi piya ko jo main na dekhun to kaise katun andheri ratiyan yakayak az dil do chashm jadu ba-sad-farebam ba-burd taskin kise padi hai jo ja sunawe piyare pi ko hamari batiyan chun sham-e-sozan chun zarra hairan z mehr-e-an-mah bagashtam aakhir na nind nainan na ang chainan na aap aawe na bheje patiyan ba-haqq-e-roz-e-visal-e-dilbar ki dad mara gharib 'khusraw' sapit man ke warae rakhun jo ja ke paun piya ki khatiyan

~ Ameer Khusrau

GhazalRead Full

aap ki yaad aati rahi raat bhar

''aap ki yaad aati rahi raat bhar'' chandni dil dukhati rahi raat bhar gaah jalti hui gaah bujhti hui sham-e-ghham jhilmilati rahi raat bhar koi khushbu badalti rahi pairahan koi tasvir gaati rahi raat bhar phir saba saya-e-shakh-e-gul ke tale koi qissa sunati rahi raat bhar jo na aaya use koi zanjir-e-dar har sada par bulati rahi raat bhar ek ummid se dil bahalta raha ik tamanna satati rahi raat bhar aap ki yaad aati rahi raat bhar chandni dil dukhati rahi raat bhar gah jalti hui gah bujhti hui sham-e-gham jhilmilati rahi raat bhar koi khushbu badalti rahi pairahan koi taswir gati rahi raat bhar phir saba saya-e-shakh-e-gul ke tale koi qissa sunati rahi raat bhar jo na aaya use koi zanjir-e-dar har sada par bulati rahi raat bhar ek ummid se dil bahalta raha ek tamanna satati rahi raat bhar

~ Faiz Ahmad Faiz

GhazalRead Full

aap ki yaad aati rahi raat bhar

aap ki yaad aati rahi raat bhar chashm-e-nam muskurati rahi raat bhar raat bhar dard ki shama jalti rahi ghham ki lau thartharati rahi raat bhar bansuri ki surili suhani sada yaad ban ban ke aati rahi raat bhar yaad ke chand dil men utarte rahe chandni jagmagati rahi raat bhar koi divana galiyon men phirta raha koi avaz aati rahi raat bhar aap ki yaad aati rahi raat bhar chashm-e-nam muskuraati rahi raat bhar raat bhar dard ki shama jalti rahi gham ki lau thartharaati rahi raat bhar bansuri ki surili suhani sada yaad ban ban ke aati rahi raat bhar yaad ke chand dil mein utarte rahe chandni jagmagati rahi raat bhar koi diwana galiyon mein phirta raha koi aawaz aati rahi raat bhar

~ Makhdoom Mohiuddin

GhazalRead Full

ze-haal-e-miskin makun taghaful durae nainan banae batiyan

~ Ameer Khusrau

GhazalRead Full

aap ki yaad aati rahi raat bhar

~ Faiz Ahmad Faiz

GhazalRead Full

aap ki yaad aati rahi raat bhar

~ Makhdoom Mohiuddin

GhazalRead Full

tu ne dekha hai kabhi ek nazar sham ke baad

tu ne dekha hai kabhi ek nazar shaam ke baad kitne chup-chap se lagte hain shajar shaam ke baad itne chup-chap ki raste bhi rahenge la-ilm chhod jaenge kisi roz nagar shaam ke baad main ne aise hi gunah teri judai men kiye jaise tufan men koi chhod de ghar shaam ke baad shaam se pahle vo mast apni udanon men raha jis ke hathon men the tuute hue par shaam ke baad raat biiti to gine aable aur phir socha kaun tha bais-e-aghhaz-e-safar shaam ke baad tu hai suraj tujhe maalum kahan raat ka dukh tu kisi roz mire ghar men utar shaam ke baad laut aae na kisi roz vo avara-mizaj khol rakhte hain isi aas pe dar shaam ke baad tu ne dekha hai kabhi ek nazar sham ke baad kitne chup-chap se lagte hain shajar sham ke baad itne chup-chap ki raste bhi rahenge la-ilm chhod jaenge kisi roz nagar sham ke baad main ne aise hi gunah teri judai mein kiye jaise tufan mein koi chhod de ghar sham ke baad sham se pahle wo mast apni udanon mein raha jis ke hathon mein the tute hue par sham ke baad raat biti to gine aable aur phir socha kaun tha bais-e-aghaz-e-safar sham ke baad tu hai suraj tujhe malum kahan raat ka dukh tu kisi roz mere ghar mein utar sham ke baad laut aae na kisi roz wo aawara-mizaj khol rakhte hain isi aas pe dar sham ke baad

~ Farhat Abbas Shah

GhazalRead Full

kab thahrega dard ai dil kab raat basar hogi

kab thahrega dard ai dil kab raat basar hogi sunte the vo aenge sunte the sahar hogi kab jaan lahu hogi kab ashk guhar hoga kis din tiri shunvai ai dida-e-tar hogi kab mahkegi fasl-e-gul kab bahkega mai-khana kab subh-e-sukhan hogi kab sham-e-nazar hogi vaaiz hai na zahid hai naseh hai na qatil hai ab shahr men yaron ki kis tarah basar hogi kab tak abhi rah dekhen ai qamat-e-janana kab hashr muayyan hai tujh ko to khabar hogi kab thahrega dard ai dil kab raat basar hogi sunte the wo aaenge sunte the sahar hogi kab jaan lahu hogi kab ashk guhar hoga kis din teri shunwai ai dida-e-tar hogi kab mahkegi fasl-e-gul kab bahkega mai-khana kab subh-e-sukhan hogi kab sham-e-nazar hogi waiz hai na zahid hai naseh hai na qatil hai ab shahr mein yaron ki kis tarah basar hogi kab tak abhi rah dekhen ai qamat-e-jaanana kab hashr muayyan hai tujh ko to khabar hogi

~ Faiz Ahmad Faiz

GhazalRead Full

chandni raat badi der ke baad aai hai

chandni raat badi der ke baa'd aai hai lab pe ik baat badi der ke baa'd aai hai jhuum kar aaj ye shab-rang laten bikhra de dekh barsat badi der ke baa'd aai hai dil-e-majruh ki ujdi hui khamoshi se bu-e-naghhmat badi der ke baa'd aai hai aaj ki raat vo aae hain badi der ke baa'd aaj ki raat badi der ke baa'd aai hai aah taskin bhi ab 'saif' shab-e-hijran men aksar auqat badi der ke baa'd aai hai chandni raat badi der ke ba'd aai hai lab pe ek baat badi der ke ba'd aai hai jhum kar aaj ye shab-rang laten bikhra de dekh barsat badi der ke ba'd aai hai dil-e-majruh ki ujdi hui khamoshi se bu-e-naghmat badi der ke ba'd aai hai aaj ki raat wo aae hain badi der ke ba'd aaj ki raat badi der ke ba'd aai hai aah taskin bhi ab 'saif' shab-e-hijran mein aksar auqat badi der ke ba'd aai hai

~ Saifuddin Saif

GhazalRead Full

ishq ke shoale ko bhadkao ki kuchh raat kate

ishq ke shoale ko bhadkao ki kuchh raat kate dil ke angare ko dahkao ki kuchh raat kate hijr men milne shab-e-mah ke ghham aae hain charasazon ko bhi bulvao ki kuchh raat kate koi jalta hi nahin koi pighalta hi nahin mom ban jaao pighal jaao ki kuchh raat kate chashm o rukhsar ke azkar ko jaari rakkho pyaar ke naame ko doharao ki kuchh raat kate aaj ho jaane do har ek ko bad-mast-o-kharab aaj ek ek ko pilvao ki kuchh raat kate koh-e-ghham aur giran aur giran aur giran ghham-zado teshe ko chamkao ki kuchh raat kate ishq ke shoale ko bhadkao ki kuchh raat kate dil ke angare ko dahkao ki kuchh raat kate hijr mein milne shab-e-mah ke gham aae hain chaarasazon ko bhi bulwao ki kuchh raat kate koi jalta hi nahin koi pighalta hi nahin mom ban jao pighal jao ki kuchh raat kate chashm o rukhsar ke azkar ko jari rakkho pyar ke name ko doharao ki kuchh raat kate aaj ho jaane do har ek ko bad-mast-o-kharab aaj ek ek ko pilwao ki kuchh raat kate koh-e-gham aur giran aur giran aur giran gham-zado teshe ko chamkao ki kuchh raat kate

~ Makhdoom Mohiuddin

GhazalRead Full

khwabon se na jao ki abhi raat bahut hai

khvabon se na jaao ki abhi raat bahut hai pahlu men tum aao ki abhi raat bahut hai ji bhar ke tumhen dekh luun taskin ho kuchh to mat shama bujhao ki abhi raat bahut hai kab pau phate kab raat kate kaun ye jaane mat chhod ke jaao ki abhi raat bahut hai rahne do abhi chand sa chehra mire aage mai aur pilao ki abhi raat bahut hai kat jaae yunhi pyaar ki baton men har ik pal kuchh jaago jagao ki abhi raat bahut hai khwabon se na jao ki abhi raat bahut hai pahlu mein tum aao ki abhi raat bahut hai ji bhar ke tumhein dekh lun taskin ho kuchh to mat shama bujhao ki abhi raat bahut hai kab pau phate kab raat kate kaun ye jaane mat chhod ke jao ki abhi raat bahut hai rahne do abhi chand sa chehra mere aage mai aur pilao ki abhi raat bahut hai kat jae yunhi pyar ki baaton mein har ek pal kuchh jago jagao ki abhi raat bahut hai

~ Sabir Dutt

GhazalRead Full

wo chup-chap aansu bahane ki raaten

vo chup-chap aansu bahane ki raten vo ik shakhs ke yaad aane ki raten shab-e-mah ki vo thandi anchen vo shabnam tire husn ke rasmasane ki raten javani ki doshizgi ka tabassum gul-e-zar ke vo khilane ki raten phuvaren si naghhmon ki padti hon jaise kuchh us lab ke sunne-sunane ki raten mujhe yaad hai teri har subh-e-rukhsat mujhe yaad hain tere aane ki raten pur-asrar si meri arz-e-tamanna vo kuchh zer-e-lab muskurane ki raten sar-e-sham se ratjaga ke vo saman vo pichhle pahar niind aane ki raten sar-e-sham se ta-sahar qurb-e-janan na jaane vo thiin kis zamane ki raten sar-e-mai-kada tishnagi ki vo qasmen vo saaqi se baten banane ki raten ham-aghhoshiyan shahid-e-mehrban ki zamane ke ghham bhuul jaane ki raten 'firaq' apni qismat men shayad nahin the thikane ke din ya thikane ki raten wo chup-chap aansu bahane ki raaten wo ek shakhs ke yaad aane ki raaten shab-e-mah ki wo thandi aanchen wo shabnam tere husn ke rasmasane ki raaten jawani ki doshizgi ka tabassum gul-e-zar ke wo khilane ki raaten phuwaren si naghmon ki padti hon jaise kuchh us lab ke sunne-sunane ki raaten mujhe yaad hai teri har subh-e-rukhsat mujhe yaad hain tere aane ki raaten pur-asrar si meri arz-e-tamanna wo kuchh zer-e-lab muskurane ki raaten sar-e-sham se ratjaga ke wo saman wo pichhle pahar nind aane ki raaten sar-e-sham se ta-sahar qurb-e-jaanan na jaane wo thin kis zamane ki raaten sar-e-mai-kada tishnagi ki wo qasmen wo saqi se baaten banane ki raaten ham-aghoshiyan shahid-e-mehrban ki zamane ke gham bhul jaane ki raaten 'firaq' apni qismat mein shayad nahin the thikane ke din ya thikane ki raaten

~ Firaq Gorakhpuri

GhazalRead Full

charagh-o-aftab gum badi hasin raat thi

charaghh-o-aftab gum badi hasin raat thi shabab ki naqab gum badi hasin raat thi mujhe pila rahe the vo ki khud hi sham' bujh gai gilas gum sharab gum badi hasin raat thi likha tha jis kitab men ki 'ishq to haram hai hui vahi kitab gum badi hasin raat thi labon se lab jo mil gae labon se lab hi sil gae saval gum javab gum badi hasin raat thi charagh-o-aftab gum badi hasin raat thi shabab ki naqab gum badi hasin raat thi mujhe pila rahe the wo ki khud hi sham' bujh gai gilas gum sharab gum badi hasin raat thi likha tha jis kitab mein ki 'ishq to haram hai hui wahi kitab gum badi hasin raat thi labon se lab jo mil gae labon se lab hi sil gae sawal gum jawab gum badi hasin raat thi

~ Sudarshan Faakir

GhazalRead Full

pahle nahai os mein phir aansuon mein raat

pahle nahai os men phir ansuon men raat yuun buund buund utri hamare gharon men raat kuchh bhi dikhai deta nahin duur duur tak chubhti hai suiyon ki tarah jab ragon men raat vo khurduri chatanen vo dariya vo abshar sab kuchh samet le gai apne paron men raat ankhon ko sab ki niind bhi di khvab bhi diye ham ko shumar karti rahi dushmanon men raat be-samt manzilon ne bulaya hai phir hamen sannate phir bichhane lagi raston men raat pahle nahai os mein phir aansuon mein raat yun bund bund utri hamare gharon mein raat kuchh bhi dikhai deta nahin dur dur tak chubhti hai suiyon ki tarah jab ragon mein raat wo khurduri chatanen wo dariya wo aabshaar sab kuchh samet le gai apne paron mein raat aankhon ko sab ki nind bhi di khwab bhi diye hum ko shumar karti rahi dushmanon mein raat be-samt manzilon ne bulaya hai phir hamein sannate phir bichhane lagi raston mein raat

~ Shahryar

GhazalRead Full

aur koi dam ki mehman hai guzar jaegi raat

aur koi dam ki mehman hai guzar jaegi raat dhalte dhalte ap-apni maut mar jaegi raat zindagi men aur bhi kuchh zahr bhar jaegi raat ab agar thahri rag-o-pai men utar jaegi raat jo bhi hain parvarda-e-shab jo bhi hain zulmat parast vo to jaenge usi janib jidhar jaegi raat ahl-e-tufan be-hisi ka gar yahi aalam raha mauj-e-khun ban kar har ik sar se guzar jaegi raat hai ufuq se ek sang-e-aftab aane ki der tuut kar manind-e-aina bikhar jaegi raat ham to jaane kab se hain avara-e-zulmat magar tum thahar jaao to pal bhar men guzar jaegi raat raat ka anjam bhi maalum hai mujh ko 'surur' laakh apni had se guzre ta-sahar jaegi raat aur koi dam ki mehman hai guzar jaegi raat dhalte dhalte aap-apni maut mar jaegi raat zindagi mein aur bhi kuchh zahr bhar jaegi raat ab agar thahri rag-o-pai mein utar jaegi raat jo bhi hain parwarda-e-shab jo bhi hain zulmat parast wo to jaenge usi jaanib jidhar jaegi raat ahl-e-tufan be-hisi ka gar yahi aalam raha mauj-e-khun ban kar har ek sar se guzar jaegi raat hai ufuq se ek sang-e-aftab aane ki der tut kar manind-e-aina bikhar jaegi raat hum to jaane kab se hain aawara-e-zulmat magar tum thahar jao to pal bhar mein guzar jaegi raat raat ka anjam bhi malum hai mujh ko 'surur' lakh apni had se guzre ta-sahar jaegi raat

~ Suroor Barabankvi

GhazalRead Full

aankhon mein chubh gain teri yaadon ki kirchiyan

ankhon men chubh gaiin tiri yadon ki kirchiyan kandhon pe ghham ki shaal hai aur chand raat hai dil tod ke khamosh nazaron ka kya mila shabnam ka ye saval hai aur chand raat hai campus ki nahr par hai tira haath haath men mausam bhi la-zaval hai aur chand raat hai har ik kali ne odh liya matami libas har phuul pur-malal hai aur chand raat hai chhalka sa pad raha hai 'vasi' vahshaton ka rang har chiiz pe zaval hai aur chand raat hai aankhon mein chubh gain teri yaadon ki kirchiyan kandhon pe gham ki shaal hai aur chand raat hai dil tod ke khamosh nazaron ka kya mila shabnam ka ye sawal hai aur chand raat hai campus ki nahr par hai tera hath hath mein mausam bhi la-zawal hai aur chand raat hai har ek kali ne odh liya matami libas har phul pur-malal hai aur chand raat hai chhalka sa pad raha hai 'wasi' wahshaton ka rang har chiz pe zawal hai aur chand raat hai

~ Wasi Shah

GhazalRead Full

ek jam khanakta jam ki saqi raat guzarne wali hai

ik jaam khanakta jaam ki saaqi raat guzarne vaali hai ik hosh-ruba inaam ki saaqi raat guzarne vaali hai vo dekh sitaron ke moti har aan bikharte jaate hain aflak pe hai kohram ki saaqi raat guzarne vaali hai go dekh chuka huun pahle bhi nazzara dariya-noshi ka ek aur sala-e-am ki saaqi raat guzarne vaali hai ye vaqt nahin hai baton ka palkon ke saae kaam men la ilham koi ilham ki saaqi raat guzarne vaali hai mad-hoshi men ehsas ke unche ziine se gir jaane de is vaqt na mujh ko thaam ki saaqi raat guzarne vaali hai ek jam khanakta jam ki saqi raat guzarne wali hai ek hosh-ruba inam ki saqi raat guzarne wali hai wo dekh sitaron ke moti har aan bikharte jate hain aflak pe hai kohram ki saqi raat guzarne wali hai go dekh chuka hun pahle bhi nazzara dariya-noshi ka ek aur sala-e-am ki saqi raat guzarne wali hai ye waqt nahin hai baaton ka palkon ke sae kaam mein la ilham koi ilham ki saqi raat guzarne wali hai mad-hoshi mein ehsas ke unche zine se gir jaane de is waqt na mujh ko tham ki saqi raat guzarne wali hai

~ Qateel Shifai

GhazalRead Full

dur kisi ko yaad aata hun raat mujhe pagal karti hai

duur kisi ko yaad aata huun raat mujhe pagal karti hai ghar se duur nikal jaata huun raat mujhe pagal karti hai ik anjane shahr men dekhun shakl koi jani-pahchani us ki or khincha jaata huun raat mujhe pagal karti hai duur des ik ghar hai apna jaise koi ik sundar sapna sapne men khud ko paata huun raat mujhe pagal karti hai 'pashi' dil ko chain na aae gheren un ki yaad ke saae raat aae to ghabrata huun raat mujhe pagal karti hai dur kisi ko yaad aata hun raat mujhe pagal karti hai ghar se dur nikal jata hun raat mujhe pagal karti hai ek anjaane shahr mein dekhun shakl koi jaani-pahchani us ki or khincha jata hun raat mujhe pagal karti hai dur des ek ghar hai apna jaise koi ek sundar sapna sapne mein khud ko pata hun raat mujhe pagal karti hai 'pashi' dil ko chain na aae gheren un ki yaad ke sae raat aae to ghabraata hun raat mujhe pagal karti hai

~ Kumar Pashi

GhazalRead Full

hamein khabar hai wo mehman ek raat ka hai

hamen khabar hai vo mehman ek raat ka hai hamare paas bhi saman ek raat ka hai safine barson na rakkhenge sahilon pe qadam tumhen guman hai ki tufan ek raat ka hai hai ek shab ki iqamat sara-e-duniya men ye saara khel miri jaan ek raat ka hai khulegi aankh to samjhoge khvab dekha tha ye saara khel miri jaan ek raat ka hai tumhari shaan hamari bisat kya hai yahan shikoh-e-khusrav-e-khaqan ek raat ka hai bas ek shab ka ujala hai us ke daman men ki ye charaghh nigahban ek raat ka hai hamein khabar hai wo mehman ek raat ka hai hamare pas bhi saman ek raat ka hai safine barson na rakkhenge sahilon pe qadam tumhein guman hai ki tufan ek raat ka hai hai ek shab ki iqamat sara-e-duniya mein ye sara khel meri jaan ek raat ka hai khulegi aankh to samjhoge khwab dekha tha ye sara khel meri jaan ek raat ka hai tumhaari shan hamari bisat kya hai yahan shikoh-e-khusraw-e-khaqan ek raat ka hai bas ek shab ka ujala hai us ke daman mein ki ye charagh nigahban ek raat ka hai

~ Saifuddin Saif

GhazalRead Full

hail thi bich mein jo razai tamam shab

haail thi biich men jo razai tamam shab is ghham se ham ko niind na aai tamam shab ki yaas se havas ne ladai tamam shab tum ne to khuub raah dikhai tamam shab phir bhi to khatm ho na saki aarzu ki baat har chand ham ne un ko sunai tamam shab bebak milte hi jo hue ham to sharm se aankh us pari ne phir na milai tamam shab dil khuub janta hai ki tum kis khayal se karte rahe adu ki burai tamam shab phir shaam hi se kyuun vo chale the chhuda ke haath dukhti rahi jo un ki kalai tamam shab 'hasrat' se kuchh vo aate hi aise hue khafa phir ho saki na un se safai tamam shab hail thi bich mein jo razai tamam shab is gham se hum ko nind na aai tamam shab ki yas se hawas ne ladai tamam shab tum ne to khub rah dikhai tamam shab phir bhi to khatm ho na saki aarzu ki baat har chand hum ne un ko sunai tamam shab bebak milte hi jo hue hum to sharm se aankh us pari ne phir na milai tamam shab dil khub jaanta hai ki tum kis khayal se karte rahe adu ki burai tamam shab phir sham hi se kyun wo chale the chhuda ke hath dukhti rahi jo un ki kalai tamam shab 'hasrat' se kuchh wo aate hi aise hue khafa phir ho saki na un se safai tamam shab

~ Hasrat Mohani

GhazalRead Full

sochte rahte hain aksar raat mein

sochte rahte hain aksar raat men duub kyuun jaate hain manzar raat men kis ne lahrai hain zulfen duur tak kaun phirta hai khule-sar raat men chandni pi kar bahak jaati hai raat chand ban jaata hai saghhar raat men chuum lete hain kinaron ki haden jhuum uthte hain samundar raat men khidkiyon se jhankti hai raushni battiyan jalti hain ghar ghar raat men raat ka ham par bada ehsan hai ro liya karte hain khul kar raat men dil ka pahlu men guman hota nahin aankh ban jaati hai patthar raat men 'alvi' sahab vaqt hai aram ka so raho sab kuchh bhula kar raat men sochte rahte hain aksar raat mein dub kyun jate hain manzar raat mein kis ne lahrai hain zulfen dur tak kaun phirta hai khule-sar raat mein chandni pi kar bahak jati hai raat chand ban jata hai saghar raat mein chum lete hain kinaron ki haden jhum uthte hain samundar raat mein khidkiyon se jhankti hai raushni battiyan jalti hain ghar ghar raat mein raat ka hum par bada ehsan hai ro liya karte hain khul kar raat mein dil ka pahlu mein guman hota nahin aankh ban jati hai patthar raat mein 'alwi' sahab waqt hai aaram ka so raho sab kuchh bhula kar raat mein

~ Mohammad Alvi

GhazalRead Full

dosto durd pilao ki kadi raat kate

dosto durd pilao ki kadi raat kate mai men kuchh aur milao ki kadi raat kate ansuon se ye kadi raat nahin kat sakti aaj mai-khana lundhao ki kadi raat kate naghhme bazar men mahnge hain to kya ghham yaaro nauhe ko naghhma banao ki kadi raat kate ziist aur maut asatir-e-kuhan hain yaaro naya afsana sunao ki kadi raat kate koi mashhud hai ab aur na koi shahid aur agar hai to dikhao ki kadi raat kate ye bhi iman hi ka dusra rukh hai logo kufr ko diin banao ki kadi raat kate ye andhera ye samundar ye talatum aao aao aur mujh men samao ki kadi raat kate dosto durd pilao ki kadi raat kate mai mein kuchh aur milao ki kadi raat kate aansuon se ye kadi raat nahin kat sakti aaj mai-khana lundhao ki kadi raat kate naghme bazar mein mahnge hain to kya gham yaro nauhe ko naghma banao ki kadi raat kate zist aur maut asatir-e-kuhan hain yaro naya afsana sunao ki kadi raat kate koi mashhud hai ab aur na koi shahid aur agar hai to dikhao ki kadi raat kate ye bhi iman hi ka dusra rukh hai logo kufr ko din banao ki kadi raat kate ye andhera ye samundar ye talatum aao aao aur mujh mein samao ki kadi raat kate

~ Saghar Nizami

GhazalRead Full

saghar-o-jam ko chhalkao ki kuchh raat kate

saghhar-o-jam ko chhalkao ki kuchh raat kate jaam ko jaam se takrao ki kuchh raat kate khaae jaati hai ye tanhai ye tariki-e-shab do ghadi ke liye aa jaao ki kuchh raat kate chup tumhari mujhe divana bana deti hai aaj lillah na sharmao ki kuchh raat kate haan ye vaada raha ab phir nahin rokenge kabhi aaj kuchh der thahar jaao ki kuchh raat kate saz-o-naghhma hi sahi haan mai-o-mina hi sahi saqiya jaam hi bhar laao ki kuchh raat kate ai 'zaki' hijr ki raten nahin kaate kattin koi achchhi si ghhazal gaao ki kuchh raat kate saghar-o-jam ko chhalkao ki kuchh raat kate jam ko jam se takrao ki kuchh raat kate khae jati hai ye tanhai ye tariki-e-shab do ghadi ke liye aa jao ki kuchh raat kate chup tumhaari mujhe diwana bana deti hai aaj lillah na sharmao ki kuchh raat kate han ye wada raha ab phir nahin rokenge kabhi aaj kuchh der thahar jao ki kuchh raat kate saz-o-naghma hi sahi han mai-o-mina hi sahi saqiya jam hi bhar lao ki kuchh raat kate ai 'zaki' hijr ki raaten nahin kate kattin koi achchhi si ghazal gao ki kuchh raat kate

~ Zaki kakorvi

GhazalRead Full

waqt ki taq pe donon ki sajai hui raat

vaqt ki taaq pe donon ki sajai hui raat kis pe kharchi hai bata meri kamai hui raat aur phir yuun hua ankhon ne lahu barsaya yaad aai koi barish men bitai hui raat hijr ke ban men hiran apna bhi mera hi gaya usrat-e-ram se bahar-hal rihai hui raat tu to ik lafz-e-mohabbat ko liye baitha hai to kahan jaati mire jism pe aai hui raat dil ko chain aaya to uthne laga taron ka ghhubar subh le nikli mire haath men aai hui raat aur phir niind hi aai na koi khvab aaya main ne chahi thi mire khvab men aai hui raat waqt ki taq pe donon ki sajai hui raat kis pe kharchi hai bata meri kamai hui raat aur phir yun hua aankhon ne lahu barsaya yaad aai koi barish mein bitai hui raat hijr ke ban mein hiran apna bhi mera hi gaya usrat-e-ram se bahar-haal rihai hui raat tu to ek lafz-e-mohabbat ko liye baitha hai to kahan jati mere jism pe aai hui raat dil ko chain aaya to uthne laga taron ka ghubar subh le nikli mere hath mein aai hui raat aur phir nind hi aai na koi khwab aaya main ne chahi thi mere khwab mein aai hui raat

~ Vipul Kumar

GhazalRead Full

abhi to aap hi hail hai rasta shab ka

abhi to aap hi haail hai rasta shab ka qarib aae to dekhenge hausla shab ka chali to aai thi kuchh duur saath saath mire phir is ke baad khuda jaane kya hua shab ka mire khayal ke vahshat-kade men aate hi junun ki nok se phuta hai aabla shab ka sahar ki pahli kiran ne use bikher diya mujhe sametne aaya tha jab khuda shab ka zamin pe aa ke sitaron ne ye kaha mujh se tire qarib se guzra hai qafila shab ka sahar ka lams miri zindagi badha deta magar garan tha bahut mujh pe katna shab ka kabhi kabhi to ye vahshat bhi ham pe guzri hai ki dil ke saath hi dekha hai dubna shab ka chatakh uthi hai rag-e-jan to ye khayal aaya kisi ki yaad se judta hai silsila shab ka abhi to aap hi hail hai rasta shab ka qarib aae to dekhenge hausla shab ka chali to aai thi kuchh dur sath sath mere phir is ke baad khuda jaane kya hua shab ka mere khayal ke wahshat-kade mein aate hi junun ki nok se phuta hai aabla shab ka sahar ki pahli kiran ne use bikher diya mujhe sametne aaya tha jab khuda shab ka zamin pe aa ke sitaron ne ye kaha mujh se tere qarib se guzra hai qafila shab ka sahar ka lams meri zindagi badha deta magar garan tha bahut mujh pe katna shab ka kabhi kabhi to ye wahshat bhi hum pe guzri hai ki dil ke sath hi dekha hai dubna shab ka chatakh uthi hai rag-e-jaan to ye khayal aaya kisi ki yaad se judta hai silsila shab ka

~ Abhishek Shukla

GhazalRead Full

misal-e-aina yaro nikhar gaya kal shab

misal-e-aina yaaro nikhar gaya kal shab ajiib saneha dil pe guzar gaya kal shab bisat-e-dasht pe yuun chandni thi raqs-kunan ki jaise chand ka har zakhm bhar gaya kal shab siyah raat ka vo rahib-e-charaghh-ba-kaf suno vo kirmak-e-shab-tab bhar gaya kal shab kuchh itna chehra bhayanak tha khvab men us ka ki apne aap se 'pasha' bhi dar gaya kal shab misal-e-aina yaro nikhar gaya kal shab ajib saneha dil pe guzar gaya kal shab bisat-e-dasht pe yun chandni thi raqs-kunan ki jaise chand ka har zakhm bhar gaya kal shab siyah raat ka wo rahib-e-charagh-ba-kaf suno wo kirmak-e-shab-tab bhar gaya kal shab kuchh itna chehra bhayanak tha khwab mein us ka ki apne aap se 'pasha' bhi dar gaya kal shab

~ Pasha Rahman

GhazalRead Full

subu utha mere saqi ki raat jati hai

subu utha mire saaqi ki raat jaati hai nazar mila mire saaqi ki raat jaati hai ki tu manae mujhe is liye main rutha huun mujhe mana mire saaqi ki raat jaati hai hai meri jaan miri jaan tire tabassum men tu muskura mire saaqi ki raat jaati hai shab-e-visal ki khushbu faza ki rangini kahin se la mire saaqi ki raat jaati hai kisi bahar ka naghhma koi suhani ghhazal tu gunguna mire saaqi ki raat jaati hai phir ik fareb men ye shab guzar na jaae kahin qasam na kha mire saaqi ki raat jaati hai qarib ho ke bhi 'azim' ke tu qarib nahin palat ke aa mire saaqi ki raat jaati hai subu utha mere saqi ki raat jati hai nazar mila mere saqi ki raat jati hai ki tu manae mujhe is liye main rutha hun mujhe mana mere saqi ki raat jati hai hai meri jaan meri jaan tere tabassum mein tu muskura mere saqi ki raat jati hai shab-e-visal ki khushbu faza ki rangini kahin se la mere saqi ki raat jati hai kisi bahaar ka naghma koi suhani ghazal tu gunguna mere saqi ki raat jati hai phir ek fareb mein ye shab guzar na jae kahin qasam na kha mere saqi ki raat jati hai qarib ho ke bhi 'azim' ke tu qarib nahin palat ke aa mere saqi ki raat jati hai

~ Aazim Kohli

GhazalRead Full

gunjta hai nala-e-mahtab aadhi raat ko

gunjta hai nala-e-mahtab aadhi raat ko tuut jaate hain suhane khvab aadhi raat ko bhagte sayon ki chikhen tutte taron ka shor main huun aur ik mahshar-e-be-khvab aadhi raat ko shaam hi se bazm-e-anjum nashsha-e-ghhaflat men thi chand ne bhi pi liya zahrab aadhi raat ko ik shikasta khvab ki kadiyan milane aae hain der se bichhde hue ahbab aadhi raat ko daulat-e-ehsas-e-ghham ki itni arzani hui niind si shai ho gai nayab aadhi raat ko gunjta hai nala-e-mahtab aadhi raat ko tut jate hain suhane khwab aadhi raat ko bhagte sayon ki chikhen tutte taron ka shor main hun aur ek mahshar-e-be-khwab aadhi raat ko sham hi se bazm-e-anjum nashsha-e-ghaflat mein thi chand ne bhi pi liya zahrab aadhi raat ko ek shikasta khwab ki kadiyan milane aae hain der se bichhde hue ahbab aadhi raat ko daulat-e-ehsas-e-gham ki itni arzani hui nind si shai ho gai nayab aadhi raat ko

~ Shakeb Jalali

GhazalRead Full

kya karoge bachaw suraj ka

kya karoge bachav suraj ka jante ho subhav suraj ka garm hai vo to kam nahin ham bhi kaun sahta hai taao suraj ka mere ghar ka charaghh bujhte hi chadh gaya kitna bhaav suraj ka surmai shaam aae kamre men ab to parda hatao suraj ka raat se jang kar ke aaya hai taaza taaza hai ghaav suraj ka milne jaata hai raat se chhup kar ik fasana banao suraj ka asmanon se dosti kar ke badh gaya hai tanav suraj ka ho gai shaam sochte kya ho ab janaza uthao suraj ka raat bhar munh chhupae phirta raha kam nahin phir bhi taao suraj ka roz dariya kinare baith ke ham jodte hain ghatao suraj ka jugnuon se muqabla tha 'fahim' kaun karta bachao suraj ka kya karoge bachaw suraj ka jaante ho subhaw suraj ka garm hai wo to kam nahin hum bhi kaun sahta hai tao suraj ka mere ghar ka charagh bujhte hi chadh gaya kitna bhaw suraj ka surmai sham aae kamre mein ab to parda hatao suraj ka raat se jang kar ke aaya hai taza taza hai ghaw suraj ka milne jata hai raat se chhup kar ek fasana banao suraj ka aasmanon se dosti kar ke badh gaya hai tanaw suraj ka ho gai sham sochte kya ho ab janaza uthao suraj ka raat bhar munh chhupae phirta raha kam nahin phir bhi tao suraj ka roz dariya kinare baith ke hum jodte hain ghatao suraj ka jugnuon se muqabla tha 'fahim' kaun karta bachao suraj ka

~ Faheem Jogapuri

GhazalRead Full

kis ke matam mein ro rahi hai raat

kis ke matam men ro rahi hai raat chhup ke banhon men so rahi hai raat dukh hai thahra hua nigahon men teri yaden bilo rahi hai raat mujh ko khvabon ke baaghh men la kar ghane jangal men kho rahi hai raat raushni ne lagae jo ilzam bahti ankhon se dho rahi hai raat is ko banhon men bhar rahi huun main chand khud men samo rahi hai raat vasl ka din tulua hona hai main to khush huun ki ho rahi hai raat kis ke matam mein ro rahi hai raat chhup ke banhon mein so rahi hai raat dukh hai thahra hua nigahon mein teri yaaden bilo rahi hai raat mujh ko khwabon ke bagh mein la kar ghane jangal mein kho rahi hai raat raushni ne lagae jo ilzam bahti aankhon se dho rahi hai raat is ko banhon mein bhar rahi hun main chand khud mein samo rahi hai raat wasl ka din tulua hona hai main to khush hun ki ho rahi hai raat

~ Asima Tahir

GhazalRead Full

zahr piye madhosh andheri raat

zahr piye madhosh andheri raat nagin si khamosh andheri raat din ki surat mujh ko bhi kha ja aa kar main bhi huun behosh andheri raat shahron men khamoshi hi khamoshi thi tufan tha pur-josh andheri raat kya jaane kis ne odha mera paikar main khvab-e-khargosh andheri raat chandi jaisi kirnen mujh par mat daalo mera to sar-posh andheri raat niind kahan mere ghar aaegi 'badnam' main khana-bar-dosh andheri raat zahr piye madhosh andheri raat nagin si khamosh andheri raat din ki surat mujh ko bhi kha ja aa kar main bhi hun behosh andheri raat shahron mein khamoshi hi khamoshi thi tufan tha pur-josh andheri raat kya jaane kis ne odha mera paikar main khwab-e-khargosh andheri raat chandi jaisi kirnen mujh par mat dalo mera to sar-posh andheri raat nind kahan mere ghar aaegi 'badnam' main khana-bar-dosh andheri raat

~ Badnam Nazar

GhazalRead Full

faisla ho gaya hai raat gae

faisla ho gaya hai raat gae lautne vo gaya hai raat gae vo sahar ka safir tha shayad raushni bo gaya hai raat gae ishq tu bhi zara tika le kamar dil bhi ab so gaya hai raat gae vaqt kante nae bichhaega raste dho gaya hai raat gae chain padta nahin 'naim' tujhe jaane kya kho gaya hai raat gae faisla ho gaya hai raat gae lautne wo gaya hai raat gae wo sahar ka safir tha shayad raushni bo gaya hai raat gae ishq tu bhi zara tika le kamar dil bhi ab so gaya hai raat gae waqt kante nae bichhaega raste dho gaya hai raat gae chain padta nahin 'naim' tujhe jaane kya kho gaya hai raat gae

~ Naeem Zarrar Ahmad

GhazalRead Full

teri yaadon ke charaghon mein ye jalti hui raat

tiri yadon ke charaghhon men ye jalti hui raat miri ankhon se chhalakti rahi dhalti hui raat sam-e-imroz se maara hua haara hua din kisi farda ki umidon pe bahalti hui raat kabhi ankhon men ruke koi guzarta hua pal kabhi sanson men atak jaati hai chalti hui raat na tala hai kabhi zakhmon men sulagta hua din na thami hai kabhi ashkon men ubalti hui raat mire hathon ki lakiron men mashaqqat din ki mire khvabon ke muqaddar men hai dhalti hui raat teri yaadon ke charaghon mein ye jalti hui raat meri aankhon se chhalakti rahi dhalti hui raat sam-e-imroz se mara hua haara hua din kisi farda ki umidon pe bahalti hui raat kabhi aankhon mein ruke koi guzarta hua pal kabhi sanson mein atak jati hai chalti hui raat na tala hai kabhi zakhmon mein sulagta hua din na thami hai kabhi ashkon mein ubalti hui raat mere hathon ki lakiron mein mashaqqat din ki mere khwabon ke muqaddar mein hai dhalti hui raat

~ Yahya Khan Yusuf Zai

Explore Similar Collections

Aab Deedah Aab Aabla Aadmi Aagahi Aah Aahat Aajizi

Raat FAQs

Raat collection me kya milega?

Raat se related curated sher, selected ghazal excerpts aur context-friendly reading flow milega.

Kya is page ki links internal hain?

Haan, collection links, writer links aur detail links sab Kuch Alfaaz ke internal routes par map kiye gaye hain.

Collection ko kaise explore karein?

Type filter (Sher/Ghazal/Nazm), featured picks aur similar collections rail use karke fast discovery kar sakte hain.